ᑲᓇᑕᐅᑉ ᑕᕐᕋᖓᓂ ᒪᓕᒐᖅ ᑲᓇᑕᐅᑉ ᓯᓚᑖᓅᓕᖓᔪᓄᑦ

ᐃᓗᓕᖏᑦ

• ᑎᑭᑎᑕᐅᔪᑦ
  • ᑐᕐᖃᑕᕐᕕᒧᑦ ᑲᓇᑕᐅᑉ ᓯᓚᑖᓂ ᐱᓂᐊᕐᓂᓕᕆᓂᕐᓄᑦ
  • ᑐᕐᖃᑕᕐᕕᒧᑦ ᑕᕐᕋᒥ ᐱᓂᐊᕐᓂᓕᕆᔭᐅᒍᑎᓄᑦ
  • ᑐᕐᖃᑕᕐᕕᒧᑦ ᑲᓇᑕᐅᑉ ᐃᑖᒐᐅᑦᑌᓕᒋᐊᖃᕐᓂᖓᓄᑦ
• ᐊᒃᓚᑕᐅᒋᐊᖕᖓᐅᑏᑦ ᓀᓪᓕᑎᕐᓯᒪᑦᓱᑎᒃ
• ᐃᓂᓪᓚᓯᒪᐅᑎᐅᒍᒪᔪᑦ ᐱᔭᕐᓃᑑᒍᑎᖏᑦ ᑕᕐᕋᒥ
  • ᕉᓯᐊ ᑌᒪᖕᖓᓂᑦ 2022ᒥᓂᑦ
  • ᐱᕙᓪᓕᐊᑐᐃᓐᓇᑐᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᒧᑦ ᑯᑦᓴᓇᕈᑏᑦ
  • ᓱᖏᐅᑎᒋᐊᖃᕐᓂᖅ ᓄᑖᓂᒃ ᐊᑑᑎᔭᐅᓕᕐᑐᓂᒃ ᑕᕐᕋᒥ ᑲᕙᒪᒍᓯᕐᓂᒃ
  • ᓯᓚᐅᑉ ᐊᓯᑦᔨᓯᒪᓕᕐᓂᖓ:ᐱᔭᑦᔪᐊᓱᑎᒃ ᑯᑦᓴᓇᕈᑎᐅᔪᑦ
  • ᐱᕙᓪᓕᐊᑐᐃᓐᓇᑐᑦ ᐊᑦᓱᕈᕐᓇᑐᑦ ᑕᕐᕋᒥ ᓄᓇᖁᑎᓖᑦ ᐱᒻᒪᕆᖁᑎᖏᑎᒍᑦ
• ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᑦᓱᑎᒃ ᒪᓕᒉᑦ ᑐᖕᖓᕕᖏᑦ
• ᐅᖃᒻᒪᕆᐅᑎᖃᕐᓂᖅ ᑲᓇᑕᐅᑉ ᐱᒍᓐᓇᓂᖃᕈᑎᖏᓐᓂᒃ ᐱᖁᔭᑎᒍᑦ
  • ᓇᓪᓕᖁᐊᖑᑎᑦᓯᓂᖅ ᑲᕙᒪᒍᓯᕐᓂᒃ ᓴᐳᒻᒥᒍᑎᐅᓂᐊᕐᑎᓗᒋᑦ ᑲᓇᑕᒥ ᓴᐳᑦᔭᐅᓯᒪᒋᐊᓕᓐᓂᒃ ᐊᑦᑕᓇᕐᑐᒦᑦᑌᓕᒍᑎᐅᒋᐊᓕᓐᓂᓗ
  • ᐱᑐᑦᑎᓯᓂᖅ ᖃᐅᔨᒪᐅᓯᓪᓚᕆᓖᑦ ᐱᑐᑦᓯᒪᖕᖏᓂᖏᓐᓂᒃ
  • ᓲᖕᖑᓯᒋᐊᕆᓂᖅ ᖃᐅᔨᓴᕐᓂᒧᑦ ᐊᑦᑕᓇᕐᑐᒦᑦᑌᓕᒍᑎᓂᒃ
  • ᐱᓇᓱᖃᑎᑖᕐᓂᖅ ᑲᓇᑕᒥᐅᑦ ᓯᑦᔭᖁᑎᒥᓂᑦ ᓴᐳᒻᒥᔨᖏᓐᓂᒃ ᓴᐳᒻᒥᒍᑎᒋᓗᒍ ᐃᑖᒐᐅᑦᑌᓕᓂᕐᒥᒃ ᐊᑦᑕᓇᕐᑐᒦᑦᑌᓕᒋᐊᖃᕐᓂᒥᓪᓗ
  • ᓲᖕᖑᓯᒋᐊᕆᓂᖅ ᓄᓇᑖᕆᔭᐅᓯᒪᔪᓂᒃ ᐃᑖᒐᐅᑎᑦᓯᑌᓕᓂᕐᒥᒃ ᐊᒻᒪᓗ ᐊᑦᑕᓇᕐᑐᒦᒋᐊᖃᖕᖏᓂᐅᑉ ᓴᓇᔭᐅᓯᒪᐅᑎᖏᓐᓂᒃ
  • ᓴᐳᑦᔨᓯᒪᓂᖅ ᑐᖕᖓᕕᓕᓐᓂᒃ ᒪᓕᒐᕐᓂᒃ ᓄᓇᕐᔪᐊᓕᒫᒨᓕᖓᑦᓱᓂ ᑎᓕᔭᐅᒪᐅᑎᒥᒃ
  • ᐊᐅᓚᑦᓯᓂᖅ ᑕᕐᕋᒥ ᐃᓱᓕᑦᑕᕕᓐᓂᒃ ᓄᓇᖁᑎᖃᕐᓂᒧᑦ ᐊᑐᕐᓱᒍ ᐱᕈᔭᓂᒃ ᑐᖕᖓᕕᖃᕐᓱᓂ ᓵᑦᓯᒋᐊᕈᑎ
• ᓯᕗᒧᑦᑎᓯᓂᖅ ᐱᒍᒪᔭᐅᓯᒪᔪᓂᒃ ᐊᕐᖁᑎᒋᓗᒍ ᓱᓕᓪᓚᕆᒍᑕᐅᓗᓂ ᐊᖏᖃᑎᒌᒐᓱᐊᕐᓂᖅ
  • ᓲᖕᖑᓯᐅᒥᑎᑦᓯᓂᖅ ᑲᓇᑕᐅᑉ ᐱᓇᓱᖃᑎᖏᓐᓂᒃ ᐃᑲᔪᕐᑎᒋᑦᓱᒋᑦ ᑕᕐᕋᒥ
  • ᐊᒥᕆᑲ
  • ᑕᕐᕋᒦᑦᑐᑦ ᓄᓇᖁᑎᒋᔭᐅᔪᑦ
  • ᐊᒥᕆᑲᐅᑉ ᑕᕐᕋᖓᓃᑦᑐᖅ ᑕᕐᕋᖅ: ᐊᓛᔅᑲ ᑲᓛᓪᓖᓗ ᓄᓈᑦ
  • ᐸᓯᔭᑦᓴᖑᕐᑎᓯᒍᓐᓇᓂᖅ ᕉᓯᐊᒥᒃ
  • ᓱᓕᑦᓯᐊᓗᓂ ᑲᕙᒪᓕᕆᓂᖅ ᐃᓚᒋᓗᒋᑦ ᓄᓇᖁᑎᖃᖕᖏᑐᑦ ᑕᕐᕋᒥᒃ ᐊᒻᒪᓗ ᓱᒐᓱᐊᕐᑎᖁᑎᒋᔭᐅᔪᑦ
• ᓯᕗᓕᕈᑎᖃᕐᓂᖅ ᑲᕙᒪᒍᓯᕐᓂᒃ ᑕᕐᕋᒥ ᐊᒻᒪᓗ ᐊᒥᓱᐃᓕᖓᔪᑦ ᐊᑦᓱᕈᕈᑎᐅᒋᐊᓖᑦ
  • ᑲᔪᓯᑎᑦᓯᒋᐊᓪᓚᓂᖅ ᑲᑎᖕᖓᔨᐅᒍᑎᓕᓐᓂᒃ ᑕᕐᕋᒥᒃ
  • ᓵᑦᓯᒋᐊᕈᑎᖃᕐᓂᒧᑦ ᓄᓇᑖᕆᓯᒪᔭᒥᓂ ᐱᖁᔭᑎᒍᑦ ᓄᓇᕐᔪᐊᒥᐅᓪᓗ ᐊᑦᓱᕈᕈᑎᒋᒋᐊᓕᖏᑎᒍᑦ.
  • ᓯᓚᐅᑉ ᐊᓯᑦᔨᓯᒪᓕᕐᓂᖓ ᐊᕙᑎᐅᓪᓗ ᓴᐳᒻᒥᔭᐅᒋᐊᖃᕐᓂᖓ
  • ᑕᕐᕋᐅᑉ ᐃᒪᕐᐱᖓ
• ᐊᑐᓕᕐᑎᓯᓂᖅ ᐃᓚᐅᑎᑦᓯᓂᕐᓴᐅᓱᓂ ᑕᕐᕋᒥ ᑲᕙᒪᒍᑕᐅᔪᓂᒃ
  • ᓱᕐᖁᐃᑐᒥᒃ ᑕᕐᕋᒥ ᑲᕙᒪᑦᑐᑦ ᖃᐅᔨᒪᑎᑕᐅᑦᓯᐊᓗᑎᒃ ᐊᒻᒪᓗ ᐱᕙᓪᓕᖁᑎᑖᕐᓗᑎᒃ ᑕᕐᕋᒦᑦᑐᑦ ᐊᒻᒪᓗ ᓄᓇᓕᑐᙯᑦ ᐃᓄᐃᑦ ᐊᓯᖏᓪᓗ ᑕᕐᕋᒥᐅᖑᒻᒥᔪᑦ
  • ᑕᕐᕋᐅᑉ ᑭᒃᒐᑐᕐᑕᐅᓂᖓ
  • ᑕᕐᕋᖅ ᓄᓇᓕᑐᙯᓪᓗ ᐊᖏᖃᑎᒌᒍᑕᐅᒐᓱᐊᕐᓂᖓ ᓄᓇᕐᔪᐊᒥᐅᓕᒫᓄᑦ
  • ᑕᕐᕋᒥ ᐊᒻᒪᓗ ᓄᓇᓕᑐᙯᑦ ᑭᒃᒐᑐᕐᑕᐅᓂᕆᒋᐊᓕᖓ ᑕᒃᒐᓂ ᓄᓇᕐᔪᐊᒥᐅᑦ ᐱᓂᐊᕐᓂᓕᕆᔭᐅᒍᑎᖏᓐᓂᒃ ᑲᓇᑕᒥ
  • ᓯᕗᒧᑦᑎᓯᒍᑎᒋᓗᒍ ᓄᓇᓕᑐᙯᑦ ᐊᒻᒪᓗ ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᑦᓱᓂ ᒪᓕᒐᕐᑎᒍᑦ ᓯᕗᓪᓕᐅᔭᐅᒍᒪᔪᓂᒃ
  • ᓄᓇᓕᕐᔪᐊᖁᑎᓖᑦ ᓄᓇᖁᑎᖓᑕ ᑎᑦᑕᖓᒍᑦ ᐊᐅᓚᓂᖅ
  • ᑮᓇᐅᔭᓕᐅᕋᓱᐊᕐᕕᒧᑦ ᐃᓚᐅᒍᓐᓇᓂᖅ
  • ᓄᓇᓕᑐᙯᑦ ᖃᐅᔨᒪᐅᓯᖏᑦ ᐃᓚᐅᓂᖏᓪᓗ
  • ᓄᓇᓕᑐᙯᑦ ᐅᖃᐅᓯᖏᑦ
  • ᓴᐳᒻᒥᓂᖅ ᑕᕐᕋᒥᐅᓂᒃ ᓄᓇᓕᑐᖃᕐᓂᓗ ᑕᐅᕐᓰᑲᑦᑕᓂᒃᑯᑦ ᓂᐅᕕᐊᑦᓴᓕᐅᕈᓐᓇᓂᒃᑯᓗ.
  • ᓴᖑᑎᑦᓯᓂᖅ ᓄᓇᕐᔪᐊᒥᐅᓄᑦ ᐱᓂᐊᕐᓂᖃᖃᑕᐅᓂᖓᓂᒃ ᑲᓇᑕᐅᑉ ᐊᖏᕐᕋᓯᒪᑦᓱᑎᒃ ᐃᓚᐅᓂᕐᒧᑦ ᐱᕙᓪᓕᐊᑎᑕᐅᔪᓄᑦ
• ᐱᔭᕇᕈᑎᒋᓗᒍ
• ᐃᓚᒋᐊᕈᑏᑦ: ᑲᓇᑕᐅᑉ ᒪᓕᒐᖓ ᑲᓇᑕᐅᑉ ᓯᓚᑖᓅᓕᖓᑦᓱᓂ ᐱᕙᓪᓕᐊᑎᑕᐅᓂᖓᑕ ᐃᖏᕐᕋᑎᑕᐅᓂᖓ ᐊᒻᒪᓗ ᑲᓇᑕᐅᑉ ᑕᕐᕋᒧᑦ ᑕᕐᕋᒥᐅᓄᓪᓗ ᒪᓕᒐᖓᑕ ᑐᖕᖓᕕᖓ(ANPF), ᐊᒃᓚᑕᐅᓯᒪᔪᖅ 2019ᒥ

ᑎᑭᑎᑕᐅᔪᑦ

ᑐᕐᖃᑕᕐᕕᒧᑦ ᑲᓇᑕᐅᑉ ᓯᓚᑖᓂ ᐱᓂᐊᕐᓂᓕᕆᓂᕐᓄᑦ

ᑲᓇᑕ ᐃᓂᖃᕐᖁᖅ ᖓᒥᓱᐃᖑᒍᑕᐅᕗᖅ ᓄᕗᓐᓄᑦ ᑕᕐᕋᒥ.

ᐊᕐᕌᒍᓂ ᐊᒥᓱᓂ,ᑲᓇᑕ ᐱᒐᓱᐊᕈᒫᕐᓂᐊᓲᖅ ᐊᐅᓚᑦᓯᓂᕐᒥᒃ ᑕᕐᕋᒥᒃ ᐊᒻᒪᓗ ᑕᕐᕋᒦᑦᑐᓂᒃ ᓄᓀᑦ ᐊᕕᑦᑐᓯᒪᓂᖓᓃᑦᑐᓂᒃ ᐱᓇᓱᖃᑎᖃᕐᓗᓂ ᐊᓯᒥᓂᒃ ᓄᓇᖁᑎᖃᕐᒥᔪᓂᒃ ᐊᕕᑦᑐᓯᒪᓂᖅ ᓄᓪᓚᖓᓇᕐᓱᓂ ᐱᑕᖃᕋᓂ ᐅᓇᑕᕐᑎᓂᒃ ᐱᓕᐅᑎᔪᓂᒃ.

ᑕᒪᓐᓇ ᓵᑦᓯᒋᐊᓂᖅ ᐃᑉᐱᓇᓪᓚᕆᑦᑐᒥᒃ ᐱᕙᓪᓕᓇᕐᑐᑕᓕᒃ, ᑲᑎᑎᑦᓯᓂᖅ ᑕᕐᕋᒥᐅᓂᒃ ᓯᕗᒧᒋᐊᕐᑎᓱᒋᑦ ᐱᓇᓱᖃᑎᒌᓐᓂᖏᑎᒍᑦ ᐱᑦᔪᑎᐅᔪᓂᒃ ᐊᑦᔨᒌᒥᒃ ᐱᒍᒪᓂᖃᕈᑕᐅᔪᓂᒃ, ᒪᑯᑎᒎᓇ ᐱᑕᙯᓐᓇᓂᐊᕐᑐᓂᒃ ᐱᕙᓪᓕᐊᑎᑦᓯᓂᖅ, ᐊᕙᑎᐅᑉ ᓴᐳᑦᔭᐅᒪᒋᐊᖃᕐᓂᖓ ᐊᒻᒪᓗ ᓱᑯᐃᔦᔩᑦ ᐱᓇᓱᖃᑕᐅᒋᐊᖃᕐᓂᖓᓂᒃ, ᐃᓚᐅᑎᓪᓗᒍ ᐊᕐᖁᑎᒋᓗᒍ ᐊᑐᓕᕐᑎᑕᐅᓯᒪᐅᑎᖓ ᑕᕐᕋᒥ ᑲᑎᖕᖓᔨᐅᒍᑎᖃᕐᓂᐊᑐᑦ ᐋᑐᕗᐊᒥ 1996ᖑᑎᓪᓗᖑ ᓄᐃᑕᐅᓯᒪᔪᑦ.

ᑌᒣᒐᓗᐊᕐᑎᓗᒍ, ᓴᐴᓗᑌᑦ ᐊᑦᑕᕕᒋᓲᕗᑦ ᓱᔭᐅᑎᑦᓯᑌᓕᓂᕐᒧᑦ ᐊᒻᒪᓗ ᐋᕐᕿᕈᑎᑦᓴᓯᐅᕈᑎᐅᒍᓐᓇᓱᑎᒃ ᓴᖕᖐᓕᓯᒪᓕᕐᒪᑕ. ᕉᓯᐊᑉ ᐅᓇᑕᕐᓂᖓ ᐊᖏᕐᑕᐅᓯᒪᐅᑎᒋᓇᒍ ᔪᑯᕇᓂᐊᓐᒥᒃ ᐊᑑᑎᒍᑕᐅᓚᕿᓯᒪᓕᕐᒪᑦ ᐱᓇᓱᖃᑎᒌᓐᓂᒥᒃ ᑕᕐᕋᒥ ᐱᑦᔪᑕᐅᔪᓂᒃ ᐱᔭᕐᓃᑐᒻᒪᕆᐊᓗᖕᖑᑎᑦᓯᓱᓂ ᓯᕗᓂᖅ ᖃᓄᐃᓕᖓᓂᐊᕐᒪᖔᑦ ᖃᐅᔨᒪᒐᓱᐊᕈᓐᓇᓂᕐᒥᒃ. ᓱᕐᖁᐃᓱᖕᖏᓂᖅ ᐊᒻᒪᓗ ᖃᐅᔨᒪᒐᓱᐊᕈᓐᓇᓂᖅ ᖃᓄᐃᓕᖓᓂᐊᓕᕐᒥᒪᖔᑦ ᓄᐃᑦᓯᓯᒪᓕᕐᒪᓃᒃ ᑮᓇᐅᑦᔭᓴᕈᓐᓇᕆᐊᖃᕐᓂᒥᒃ ᐊᑑᑎᔭᖓᓂᒃ ᖃᐅᑕᒫᑦ ᑲᓇᑕᒥᐅᑦ.

ᑯᑦᓴᓇᕐᑎᓯᔪᑦ ᑲᓇᑕᐅᑉ ᐊᑦᑕᓇᕐᑐᒦᑦᑌᓕᒍᓐᓇᕆᐊᖃᕐᓂᖓᓂᒃ ᐊᑑᑎᒍᓐᓀᑐᑦ ᓄᓇᐅᑉ ᐊᕕᑦᑐᑕᐅᓯᒪᐅᑎᖏᑎᒍᑦ; ᓯᓚ ᐊᓯᑦᔨᓕᕐᑐᖅ ᓱᑲᑦᑐᐊᓗᒻᒥᒃ; ᐊᒻᒪᓗ ᑕᕐᕋᒦᖕᖏᑐᑦ ᓄᓀᑦ ᐃᓚᐅᑎᓪᓗᒍ ᓭᓃᓯᒃᑯᑦ ᓄᓇᖁᑎᖓ, ᐱᒐᓱᐊᕐᒥᓱᓂ ᐊᖏᓂᕐᓴᒥᒃ ᐱᒍᓐᓇᕕᖃᕈᒪᑦᓱᓂ ᐊᐅᓚᑕᐅᓂᖓᓂᒃ ᑕᕐᕋᐅᑉ. ᑭᐅᒍᑎᒋᓗᒍ, ᑲᓇᑕ ᓲᖑᔫᒋᐊᓕᒃ ᑲᓇᑕᐅᑉ ᑕᕐᕋᖓᓂᒃ, ᐊᒻᒪᓗ ᐃᑎᓂᕐᓴᒥᒃ ᐱᓇᓱᖃᑎᒌᓐᓂᑕᖃᕆᐊᖃᕐᓱᓂ ᐃᓚᒋᓗᒍ ᐊᖏᓂᕐᐹᒥᒃ ᐃᑲᔪᕐᑎᒥᓂᒃ ᐊᒥᕆᑲᒥᒃ.ᓱᓕᓗ ᑲᓇᑕ ᐱᑐᑦᓯᒪᑦᓯᐊᖏᓐᓇᕆᐊᖃᕐᖁᖅ ᐊᑦᑕᓀᑦᑐᒥᒃ ᑖᒃᑯᓄᖓ ᑕᓪᓕᒣᓄᑦ ᑕᕐᕋᒥ ᐃᑲᔪᕐᑎᒥᓄᑦ, ᑖᒃᑯᐊᓗ ᐃᓘᓐᓇᑎᒃ ᐃᓚᐅᓕᕐᓱᑎᒃ ᓄᓇᕐᔪᐊᒥᐅᖑᑲᑎᒌᑦ ᐱᑐᑦᓯᒪᐅᑎᓂᖏᓐᓄᑦ.

ᐱᕙᓪᓕᐊᑐᐃᓐᓇᓂᖓ ᐊᑦᑕᓇᕐᑐᒦᑦᑌᓕᒋᐊᖃᕐᓂᐅᑉ ᐊᒻᒪᓗ ᐱᓂᐊᕐᓂᓕᕆᓂᕐᑎᒍ ᓄᐃᑎᕐᑕᐅᔪᑦ ᑕᕐᕋᒥ ᐊᑑᑎᓚᕿᒋᐊᖃᕐᑎᓯᓯᒪᓕᕐᓱᑎᒃ ᑭᖕᖒᒪᓇᕐᓯᓱᓂ ᑭᒃᒐᑐᕐᑎᖃᕆᐊᖃᕐᓂᐅᑉ ᓵᑕᐅᒋᐊᖃᓕᕐᓂᖓ ᐊᕗᖓᐅᓕᒋᐊᕐᑎᓯᒍᑎᒋᓗᒍ ᑲᓇᑕᐅᑉ ᑲᓇᑕᒥᐅᓂᒃ ᐃᓱᒪᒋᔭᖃᕆᐊᖃᕐᓂᖓᓂᒃ  ᑕᒃᒐᓂ ᓄᓇᖁᑎᐅᔪᒥ, ᑐᖕᖓᕕᒋᓗᒍ ᐊᕙᑎᓕᕐᑐᑕᐅᒪᐅᑎ ᓱᓕᑦᓯᐊᑑᑦᓱᓂ ᐱᓂᐊᕐᓂᓕᕆᒍᓯᖅ.

ᑕᕐᕋᒥ ᓄᓇᓕᕐᔪᐊᑉ ᐊᓯᐊᓅᓕᖓᑦᓱᓂ ᒪᓕᒐᖅ, ᐱᓂᐊᕐᓂᓕᕆᓂᕐᑎᒍᑦ ᐃᓂᓪᓚᓯᒪᐅᑏᑦ, ᑲᒪᒍᑕᐅᒻᒪᑦ ᐊᑦᓱᕈᕈᑕᐅᒋᐊᓕᓐᓂᒃ ᐱᕕᑦᓴᐅᒍᓐᓇᑐᓂᓪᓗ ᐊᑑᑎᔭᐅᔪᓂᒃ ᑲᓇᑕᒥ ᐅᓪᓗᒥ, ᐃᓚᐅᑎᓪᓗᒋᑦ ᓂᕆᐅᓐᓂᖃᕈᑎᖏᑦ ᑲᒪᒋᒋᐊᖃᓛᕐᓱᒋᑦ ᐊᕐᕌᒍᓂ ᙯᔪᓂ. ᑲᓇᑕᐅᑉ ᐱᒍᓐᓇᕈᑎᖏᑦ ᐱᓂᐊᕐᓂᓕᕆᓂᕐᒧᑦ ᐱᓇᓱᒍᓐᓇᐅᑎᓂᒃ ᑭᖕᖒᒪᓇᕐᑐᓂᒃ ᑲᔪᓯᒍᑎᐅᓂᐊᕐᓗᑎᒃ ᐱᒍᓐᓇᓂᖃᕈᑎᓂᒃ, ᐊᕗᖓᐅᓕᑎᓗᒍ ᑲᓇᑕᒥᐅᓂᒃ ᐊᑦᑕᓇᕐᑐᒦᑦᑎᓯᑦᑌᓕᓂᕐᒥᒃ ᐱᒐᓱᐊᕈᑎᖏᓐᓂᒃ ᐊᒻᒪᓗ ᐱᓕᐅᒥᑎᑦᓯᒍᑎᒋᓗᒍ ᐊᑦᑕᓀᑦᑑᓗᓂ, ᐱᑕᖃᑦᓯᐊᓂᖓ ᐊᒻᒪᓗ ᐊᑦᑕᓀᑦᑑᓱᓂ ᑕᕐᕋᖅ.

ᑖᓐᓇ ᒪᓕᒐᖅ ᓄᐃᑕᐅᕙᓪᓕᐊᔪᖅ, ᐊᒻᒪᓗ ᐱᕙᓪᓕᖁᑎᑖᕐᓯᒪᑦᓱᓂ ᐅᕙᖕᖓᑦ, ᖃᐅᔨᒪᐅᓯᖏᓐᓂᒃ ᖃᐅᔨᒪᒐᓱᐊᕈᓐᓇᓂᖏᓐᓂᓗ ᓄᓇᓕᑐᙯᑦ ᐊᖏᕐᕋᖃᕐᓂᕋᕐᑐᑦ ᑕᕐᕋᒥᒃ. ᐱᓯᒪᑦᓱᓂ ᐃᓂᒥᒃ ᑐᑭᓯᒪᓂᓕᒻᒥᑦ ᐱᑕᖃᕆᐊᖓ ᑖᕐᑐᐊᓗᒻᒥᒃ ᐊᑑᑎᑎᑦᓯᓯᒪᔪᒥᒃ ᑲᓇᑕᐅᑉ ᑲᕙᒪᖓᓂᑦ ᒪᓕᒐᖁᑎᖓᓂᒃ ᑕᕐᕋᒨᓕᖓᔪᒥᒃ, ᒪᑯᓂᖓ ᐃᓚᖃᕐᓱᓂ ᓱᕕᖃᖕᖏᑑᑎᑦᓯᓱᓂ ᐊᐅᓪᓛᑎᑦᓯᓯᒪᓂᖓ ᐃᓄᑐᐃᓐᓇᓂᒃ ᑕᕐᕋᐅᑉ ᖁᑦᓯᓂᖓᓄᑦ ᐊᓯᖏᑎᒍᓪᓗ ᐊᑦᓯᑦᔩᒐᓱᐊᕈᑎᐅᓯᒪᔪᑎᒍᑦ ᑭᓇᐅᓂᖏᓐᓂᒃ. ᑕᒪᒃᑯᐊ ᓄᐃᑦᓯᓯᒪᓪᓚᕆᑦᑐᑦ ᐃᑉᐱᓇᓪᓚᕆᑦᑐᓂᒃ ᑭᖑᕚᕇᓂᒃ ᖁᐊᕐᓵᓇᕐᑐᑰᕐᑎᓯᓂᕐᒥᒃ ᓄᓇᓕᑐᖃᕐᓂᒃ ᐃᓄᓐᓂᒃ.

ᑕᕐᕋᒥ ᓄᓇᓕᕐᔪᐊᑉ ᐊᓯᐊᓅᓕᖓᔪᒥᒃ ᒪᓕᒐᖁᑎᖓ ᓄᐃᑦᓯᓯᒪᒋᕗᖅ ᐃᒪᕐᐱᖁᑎᖃᖃᑎᒌᓐᓂᒥᒃ ᐸᓯᕕᒃᒥᒃ ᐃᓂᓐᓚᓯᒪᐅᑎᓂᒃ ᐊᒻᒪᓗ ᓯᕗᓂᕐᒥ ᑲᕙᒪᒍᓯᐅᓂᐊᕐᓱᑎᒃ ᐱᑦᔪᑕᐅᔪᓂᒃ. ᖃᐅᔨᕙᓪᓚᒍᑕᐅᓯᒪᑦᓱᓂᓗ, ᐱᕙᓪᓕᖁᑎᑖᕐᕕᐅᓯᒪᑦᓱᓂᓗ , ᐊᑑᑎᒍᑕᐅᓯᒪᑦᓱᓂ ᑭᖑᓂᕐᒥ ᑭᖑᕝᕕᑐᐃᒍᑎᓂᒃ ᑲᓇᑕᐅᑉ ᓄᐃᑦᓯᒍᑎᒋᑦᓱᒋᑦ ᑲᓇᑕᒥᒃ ᐃᑖᒐᐅᑎᑦᓯᑌᓕᓂᕐᒥᒃ ᐊᒻᒪᓗ ᐊᑦᑕᓇᕐᑐᒦᒃᑎᓯᑌᓕᓂᕐᒥᒃ ᐊᑐᕐᓱᒍ 2024ᒥ ᐱᖃᔭᓕᐊᕕᓂᖅ ᐃᑖᒐᐅᑎᑦᓯᑌᓕᓂᕐᒧᑦ ᓄᑕᐅᓯᓕᑎᕐᑕᐅᓯᒪᐅᑎᖓ ᑕᕐᕋᒥ, ᓲᖑᔫᓗᓂ ᐃᓱᒪᕐᓱᓇᕐᑑᓱᓂᓗ.

ᑲᓇᑕᒥᒃ ᐊᑦᑕᓀᑦᑐᒦᑦᑎᓯᓂᕐᓴᐅᒍᑎᐅᒍᓐᓇᑐᖅ, ᐱᓗᐊᕐᑐᒥᒃ ᑲᓇᑕᒥᐅᓂᒃ ᓄᓇᓕᓐᓂᒃ ᑕᕐᕋᒥ. ᓴᐳᒻᒥᒍᓐᓇᓂᐊᕐᓱᓂ ᓲᖑᔪᓂᒃ ᓴᐱᓕᓱᐃᑦᑑᓱᑎᓪᓗ ᑕᕐᕋᒥᐅᑦ ᓄᓇᓕᓐᓂᒃ ᑕᕐᕋᒦᑦᑐᓂᒃ. ᐊᑐᕐᑕᐅᒍᓐᓇᓂᐊᕐᓱᓂᓗ ᓯᕗᒧᒋᐊᕈᑎᐅᒍᓐᓇᓗᓂ ᐱᒍᒪᔭᖏᓐᓂᒃ ᓯᕗᓪᓕᐅᑎᒍᒪᔭᖏᓐᓂᓗ ᓄᓇᓕᑐᙯᑦ ᐃᓄᐃᑦ ᑕᕐᕋᒥᐅᓪᓗ ᐊᖏᕐᕋᖃᕐᓂᕋᕐᑐᑦ ᑕᕐᕋᒥᒃ.

ᑲᓇᑕᐅᑉ ᓄᐃᑕᐅᕐᖃᒥᐅᑦᓱᓂ ᐱᖁᔭᖁᑎᖓ ᑐᖕᖓᕕᓕᒃ ᑲᑐᑦᔭᐅᓱᓂ ᑕᐅᑐᕐᖂᕈᑕᐅᓯᒪᔪᒥᒃ ᐱᑦᓪᓗᒍ ᑕᕐᕋᐅᑉ ᓯᕗᓂᑦᓴᖓ; ᐃᓱᒫᓘᑎᖃᖕᖏᓚᖓ ᑲᓇᑕ ᐊᑑᑎᑎᑦᓯᓂᐊᕆᐊᖓ ᐱᒐᓱᐊᕈᒪᔭᒥᓂᒃ ᐊᑐᕐᓗᒍ ᑖᓐᓇ ᒪᓕᒐᖅ.

ᓲᓱᒋᔭᐅᒍᓐᓇᐅᑎᖃᕐᓱᓂ ᐱᖁᔭᑎᒍᑦ ᒥᓚᓂ ᔮᓖ, P.C., M.P.
ᑐᕐᖃᑕᕐᕕᒃ ᑲᓇᑕᐅᖕᖏᑐᒥ ᓱᒐᓱᐊᕈᑎᐅᔪᓄᑦ

ᑐᕐᖃᑕᕐᕕᒧᑦ ᑕᕐᕋᒥ ᐱᓂᐊᕐᓂᓕᕆᔭᐅᒍᑎᓄᑦ

ᓄᐃᑕᐅᓯᒪᔪᖅ 2019ᖑᑎᓪᓗᒍ, ᑕᕐᕋᒥ ᑕᕐᕋᒦᑦᑐᓄᓪᓗ ᒪᓕᒐᐅᑉ ᑐᖕᖓᕕᖓ (ᑐᖕᖓᕕᒃ) ᓄᐃᑕᐅᓯᒪᔪᖅ ᑲᑐᑦᔨᖃᑎᒌᒍᑎᐅᑦᓱᓂ ᓄᓇᖃᕐᖄᓯᒪᔪᓄᑦ 25ᓄᑦ, ᐃᓄᑐᐃᓐᓀᑦ ᐊᓪᓓᓗ ᒦᑏ ᑲᕙᒪᖏᓐᓄᑦ, ᐱᓇᓱᕝᕕᐅᔪᓄᑦ, ᓄᓀᓪᓗ ᐊᕕᑦᑐᓯᒪᓂᖏᓐᓂᒃ ᐃᓂᓕᓐᓄᑦ ᑲᕙᒪᓄᑦ. ᓄᐃᑦᓯᒍᑕᐅᑦᓱᓂ ᑲᑐᑦᔭᐅᓱᓂ ᑕᐅᑐᕐᖂᕈᑎᐅᓯᒪᔪᒥᒃ ᓱᕐᖁᐃᑐᒥᒃ ᑭᖕᖒᒪᓇᕐᑐᑦ ᓯᕗᓪᓕᐅᔭᐅᒋᐊᓖᑦ ᑕᕐᕋᒥ ᑲᔪᓯᒍᑕᐅᖁᓪᓗᒋᑦ ᓯᕗᓪᓕᐅᔭᐅᓂᖏᑦ: ᓲᖑᔫᑦᓱᑎᒃ ᓴᐱᓕᔪᐃᑦᑑᓱᑎᓪᓗ ᐃᓄᐃᑦ ᐊᒻᒪᓗ ᓄᓇᓖᑦ ᐱᓇᓱᖃᑎᒌᓐᓂᖏᑦ ᑲᑦᓱᙰᑦᑑᒍᑕᐅᑦᓱᓂ, ᓄᐃᑦᓯᓂᖃᕈᑕᐅᒍᓐᓇᓯᐊᕐᓱᓂᓗ ᐱᑕᙯᓐᓇᓂᐊᕐᓗᓂ ᑕᕐᕋᖅ ᐊᒻᒪᓗ ᑕᕐᕋᒦᑦᑐ ᓄᓀᑦ ᐊᖏᕐᕋᕆᔭᐅᔪᑦ ᐊᒻᒪᓗ ᑲᓇᑕᐅᑉ ᓯᓚᑖᓃᑦᑐᑦ, ᓄᐃᑕᑎᑦᓯᒍᑕᐅᑦᓱᑎᒃ ᑲᓇᑕᐅᑉ ᐊᑑᑎᔭᖓᓂᒃ ᑕᕐᕋᒨᓕᖓᔪᒥᒃ ᓲᖑᓂᖃᕈᑎᖓᓂᒃ.’’

ᓄᐃᑕᐅᓂᖓ ᑲᓇᑕᐅᑉ ᑲᕙᒪᖓᓄᑦ ᓄᑖᖑᑦᓱᓂ ᑲᓇᑕᐅᑉ ᓯᓚᑖᓅᓕᖓᔪᖅ ᒪᓕᒐᖅ ᓄᐃᑕᐅᑦᓱᓂ ᓄᓇᕐᔪᐊᓕᒫᒨᓕᖓᔪᖅ ᐊᓪᓗᕆᐊᕐᓂᖅ ᑐᖕᖓᕕᖏᑎᒍᑦ ᐊᒻᒪᓗ ᑐᑭᑖᕈᑕᐅᑦᓱᓂ ᐊᑑᑎᒍᓐᓇᓯᑎᑦᓯᒍᑎᐅᑦᓱᓂ ᐊᖏᖃᑎᒌᒍᑕᐅᓯᒪᔪᒥᒃ ᑕᐅᑐᕐᖂᕈᓯᕐᒥᒃ ᐃᓕᖓᑦᓱᓂ ᑕᕐᕋᒧᑦ. ᖃᐅᔨᒪᑎᑦᓯᒍᑕᐅᑦᓱᓂ ᐃᓚᐅᑎᑕᐅᓂᖏᑎᒍᑦ ᓄᓇᖃᕐᖄᓯᒪᔪᑦ ᐃᓄᐃᑦ ᐊᒻᒪᓗ ᑕᕐᕋᒥᐅᓄᑦ ᖃᐅᔨᒪᒻᒪᕆᓐᓂᖏᓐᓄᓗ ᑕᕐᕋᒥᒃ, ᐃᓚᐅᒻᒥᑎᓪᓗᒋᑦ ᓄᓀᑦ ᐊᕕᑦᑐᓯᒪᓂᖏᓐᓂ ᐃᓂᓖᑦ ᑲᕙᒣᑦ, ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᑲᓇᑕᐅᑉ ᑲᕙᒪᖓᑕ ᓄᓇᕐᔪᐊᓕᒫᒥ ᓵᑦᓯᒋᐊᕈᑎᖏᑦ ᐱᓪᓗᒍ ᑕᕐᕋᖅ ᓱᕐᖁᐃᑐᒥᒃ ᑲᓇᑕ ᐃᓂᖃᖏᓐᓇᖁᓪᓗᒍ ᓯᕗᓕᕐᑎᐅᓂᕐᒥᒃ ᑕᕐᕋᒥᒃ.

ᑕᕐᕋᒥ ᓄᓇᓕᕐᔪᐊᑦ ᐊᓯᖏᓐᓅᓕᖓᔪᖅ ᒪᓕᒐᖅ ᐱᓕᐅᒥᑎᑦᓯᓂᐊᕐᖁᖅ ᐊᑦᑕᓀᑦᑐᒦᓐᓂᒥᒃ, ᓲᖑᔫᓗᓂ,ᐊᒻᒪᓗ ᐱᔭᖃᑦᓯᐊᓯᒪᓗᓂ ᓯᕗᓂᕐᒨᓕᖓᔪᓂᒃ ᑖᒃᑯᓄᖕᖓᓕᖓᔪᒥᒃ ᑕᕐᕋᒥ ᓄᓇᓕᓐᓄᑦ, ᓴᐳᒻᒥᒍᑕᐅᓗᓂᓗ ᑲᓇᑕᐅᑉ ᑕᕐᕋᒥ ᐱᒍᓐᓇᓂᖃᕐᕕᖃᕈᑎᖏᓐᓄᑦ. ᐃᓱᒪᒍᑕᐅᓯᒪᑦᓱᓂ ᐊᓯᑦᔨᑕᕈᓐᓇᐅᑎᖏᓐᓂᒃ ᓄᓇᒥᒃ ᐊᒃᓚᑕᐅᒪᐅᑏᑦ ᐊᒻᒪᓗ ᓯᕗᒧᑦᑎᓯᒍᑎᐅᑦᓱᓂ ᐸᕐᓇᓯᒪᒍᑎᓂᒃ ᓱᕐᖁᐃᑐᒥᒃ ᑲᓇᑕᐅᑉ ᑕᕐᕋᖓ  ᓲᖑᔫᖏᓐᓇᖁᓪᓗᒍ  ᐊᒻᒪᓗ ᐊᑑᑎᔭᐅᒍᓐᓇᖏᓐᓇᓗᓂ ᓄᓇᓕᕐᔪᐊᖑᖃᑎᒌᑦ ᖃᓄᐃᓕᖓᐅᓯᖏᓐᓄᑦ, ᒫᓐᓇ ᓯᕗᓂᕐᒥᓗ. ᑖᒃᑯᐊ ᓄᓇᖃᕐᖄᓯᒪᔪᑦ ᐊᑑᑎᒍᓐᓇᕈᑎᐅᓯᒪᔪᑦ ᑲᔪᓯᑎᑦᓯᒍᓐᓇᕈᑎᐅᑦᓱᑎᓪᓗ ᑐᖕᖓᕕᓕᐊᖑᔪᓂᒃ, ᑖᑦᓱᒪ ᓄᑖᑉ ᒪᓕᒐᐅᑉ ᐃᓕᖓᑦᓱᓂ ᑲᓇᑕᐅᑉ ᓯᓚᑖᓄᑦ ᐊᑑᑎᒍᓐᓇᑎᑕᐅᓚᕿᓂᐊᕐᖁᖅ ᑲᔪᓯᒍᑕᐅᑉᐸᑦ ᑭᓯᐊᓂ ᐃᓕᑦᓯᖃᑦᑕᓂᖅ ᐊᑑᑎᓯᒪᔪᓂᑦ ᖃᐅᔨᒪᐅᓯᓕᓐᓂᓗ ᑲᔪᓯᔭᐅᑉᐸᑦ ᐃᓕᑦᓯᕕᖃᖃᑦᑕᓂᖅ ᐊᕗᙰᓐᓈᓯᒪᑦᓱᓂ ᐊᑑᑎᓕᓂᐅᓂᖅ, ᖃᐅᔨᒪᐅᓯᖅ , ᐊᒻᒪᓗ ᓯᓚᑐᒍᑎᖏᑦ ᓄᓇᖃᕐᖄᓯᒪᔪᑦ, ᐃᓄᑐᐃᓐᓀᑦ ᐊᓪᓓᓗ ᒦᑏᑦ, ᓄᓇᖃᕐᖄᓯᒪᔪᑦ ᐊᖏᖃᑎᒌᒍᑎᒋᓯᒪᔭᖏᑦ ᐊᒻᒪᓗ ᓇᒻᒥᓂᖅ ᐊᐅᓚᑦᓯᒍᓐᓇᓂᕐᒧᑦ ᐱᓇᓱᖃᑎᐅᔪᑦ ᓄᓇᓖᓪᓗ. ᑕᒪᓐᓇ ᑲᑐᑦᔭᐅᓱᓂ ᐃᓕᓐᓂᐊᑕᐅᔪᖅ ᐱᑕᖃᕆᐊᖃᓪᓚᕆᑦᑐᖅ ᓲᖑᔫᑦᓱᓂ ᐱᑕᙯᓐᓇᕆᐊᖃᕐᓱᓂᓗ ᑕᕐᕋᖅ ᐊᒻᒪᓗ ᐊᑕᖏᕐᓱᓂ ᐊᑑᑎᖃᑦᓯᐊᓱᓂᓗ ᐊᑐᓕᕐᑎᓯᒍᑎᖓ ᑲᑐᑦᔨᓱᒍ ᑲᓇᑕᒥ ᐅᖃᒻᒪᕆᐅᑎ ᐱᒍᓐᓇᐅᑎᖏᑦ ᐱᓪᓗᒋᑦ ᓄᓇᖃᕐᖄᓯᒪᔪᑦ ᐱᖁᔭᖁᑎᖓ.

ᐊᑐᕐᓗᒍ ᑖᓐᓇ ᐱᖁᔭᖅ, ᑲᓇᑕᐅᑉ ᓵᓯᒋᐊᕈᑎᖓ ᑕᕐᕋᒥᒃ ᓄᐃᑕᐅᓂᐊᕐᖁᖅ ᓲᓱᑦᓴᕈᑎᐅᓗᓂ ᓄᓇᓕᑐᙯᑦ ᓇᒻᒥᓂᖅ ᐊᐅᓚᒍᓐᓇᕈᒪᓂᖓᓂᒃ ᐊᒻᒪᓗ ᐱᒻᒪᕆᖁᑎᖏᓐᓂᒃ, ᑐᓱᒋᔭᖏᓐᓂᒃ ᐱᕐᖁᓯᖓᓂᓪᓗ, ᐊᒻᒪᓗ. ᐱᐅᓯᑐᖃᖏᓐᓂᒃ ᑕᕐᕋᐅᑉ, ᑕᕐᕋᒥᐅᓂᓪᓗ ᓄᓇᖃᕐᖄᓯᒪᑦᓱᑎᒃ ᐃᓄᓐᓂᒃ, ᐃᓚᐅᑎᓪᓗᒍ  ᐃᓚᖁᐊᖃᕐᒥᓗᓂᓗ ᖃᐅᔨᒪᐅᓯᑐᖃᕐᓂᒃ ᐊᑐᕐᑕᐅᒍᓐᓇᓗᑎᒃ ᑕᕐᕋᖅ ᑐᑭᑖᕈᑕᐅᒋᐊᖃᓕᕐᐸᑦ ᓄᓇᕐᔪᐊᓕᒫᒨᓕᖓᔪᓂᒃ ᑐᑭᑖᕐᑎᓄᑦ.

ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᔪᓂᒃ ᒪᓕᒐᖁᑎᖓ ᐱᓕᐅᒥᑎᑦᓯᓂᐊᕐᖁᖅ ᓯᐊᒻᒪᑎᑦᓯᓕᐅᒥᓗᓂᓗ ᑲᓇᑕᐅᑉ ᐃᓚᐅᓂᕆᓲᖓᓂᒃ ᓄᓇᕐᔪᐊᒥᐅᓕᒫᓄᑦ ᐃᓚᐅᓂᑦᑎᓂᒃ ᐊᒻᒪᓗ ᐊᑑᑎᒍᑕᐅᓗᓂ ᑲᓇᑕᐅᑉ ᐱᒍᓐᓇᓂᖃᕐᕕᖃᕈᑎᖓᓂᒃ ᑲᓇᑕᐅᑉ ᑕᕐᕋᖓᓂᒃ. ᓯᕗᒧᑦᑎᓯᒋᐊᕈᓐᓇᕈᑎᐅᓂᐊᕐᒥᔪᖅ ᐃᓚᒌᑦ ᓯᕗᓪᓕᐅᑎᒍᒪᔭᖏᓐᓂᒃ, ᐃᓚᐅᑎᓪᓗᒍ ᖃᐅᔨᒪᔭᐅᓕᐅᒥᑎᑦᓯᓂᖅ ᑕᕐᕋᒥᒃ, ᓴᐳᒻᒥᓂᕐᒧᑦ ᑕᕐᕋᐅᑉ ᐊᕙᑎᖓᓂᒃ, ᓯᕗᒧᑦᑎᓯᒋᐊᕈᑎᐅᒻᒥᓗᓂᓗ ᐱᑐᑦᓯᒪᐅᑎᖃᑎᖃᕆᐊᖃᕐᓂᒥᒃ ᓄᓇᓕᑐᖃᕐᓂᒃ ᑕᕐᕋᒥᐅᓕᒫᓂᒃ.

ᓄᐃᓪᓗᒍ ᐱᒻᒪᕆᐅᑦᓱᓂ ᖃᓄᐃᓕᖓᐅᓯᖅ, ᖃᐅᔨᒪᐅᓯᖅ, ᓯᓚᑐᓂᖓᓪᓗ ᓄᓇᓕᑐᙯᑦ ᐃᓄᐃᑦ ᑕᕐᕋᒥᐅᑦ, ᑌᒪᖕᖓᓂᑐᖃᖅ ᐊᖏᕐᕋᖃᕐᓂᕋᕐᑐᑦ, ᑭᓯᐊᒐᕆᔭᐅᑦᓯᐊᓗᓂ ᑖᓐᓇ ᓄᑖᖅ ᒪᓕᒐᖅ ᐊᑐᓕᕐᑎᑕᐅᒍᑎᖓᓗ, ᓱᕐᖁᐃᑐᒥᒃ ᑕᕐᕋᒥᒃ ᐊᐅᓚᓂᖃᑦᓯᐊᓂᖓᓂᒃ, ᐱᑕᖃᑦᓯᐊᓂᖓᓂᓪᓗ ᐊᑦᑕᓇᕐᑐᒦᑦᑌᓕᑎᑦᓯᓗᓂᓗ ᒫᓐᓇ ᓯᕗᓂᑦᑎᓂᓗ ᐃᓅᓂᐊᕐᑐᓂᒃ ᑌᒣᒍᓐᓇᑎᑦᓯᒍᑕᐅᓗᓂ.

ᓲᓱᒋᔭᐅᒍᓐᓇᐅᑎᖃᕐᓱᓂ ᐱᖁᔭᑎᒍᑦ ᑖᓐ ᕚᓐᑖᓪ, P.C., M.P.
ᑐᕐᖃᑕᕐᕕᒃ ᑕᕐᕋᐅᑉ ᓱᒐᓱᐊᕈᑕᐅᒍᑎᖏᓐᓄᑦ

ᑐᕐᖃᑕᕐᕕᒧᑦ ᑲᓇᑕᐅᑉ ᐃᑖᒐᐅᑦᑌᓕᒋᐊᖃᕐᓂᖓᓄᑦ

ᑲᓇᑕ ᐱᕙᓪᓕᖁᑎᖃᕐᓯᒪᓪᓚᕆᑦᑐᖅ ᓄᓇᖁᑎᑦᑎᓂᒃ. ᐱᖓᓱᐃᓂᒃ ᐃᒪᕐᐱᖁᑎᑕᖃᕐᓱᓂ, ᐊᒻᒪᓗ ᖃᓂᓐᓂᐸᐅᑦᓱᑎᒃ ᓯᕿᓂᕐᒧᑦ ᐃᑲᔪᕐᑎᕗᑦ,ᓄᓇᖁᑎᕗᑦ ᑲᓇᑕ ᐊᑑᑎᑦᓯᐊᕈᓐᓇᓚᕿᓯᒪᔪᖅ ᓴᐳᒻᒥᔭᐅᓂᕐᒥᒃ ᐃᑲᔪᕐᓯᓯᒪᔭᐅᑦᓱᓂ ᓄᓇᐅᑉ ᐊᕕᑦᑐᓯᒪᓂᖏᓐᓂᒃ ᓴᐳᒻᒥᔭᐅᓂᕐᒥᒃ ᐊᑦᑕᓇᕐᑐᒦᖕᖏᓂᕐᒥᓗ. ᑕᒪᓐᓇ ᐱᐅᓯᖅ ᐊᓯᑦᔨᓕᕐᑐᖅ ᑕᕐᕋᒥ. ᓯᑯᐃᑦ ᐊᕝᕕᐊᓗᑕᐅᒍᓐᓇᖃᑦᑕᓯᒪᔪᑦ ᐊᐅᑦᓱᑎᒃ, ᒫᓐᓇ ᑕᕐᕋᖅ ᐊᑐᐃᓐᓇᑐᐃᓐᓇᐅᕙᓪᓕᐊᓕᕐᑐᖅ ᓄᓇᕐᔪᐊᒧᑦ ᐅᕐᖂᓯᐅᒥᓯᒪᓕᕐᓂᖓ ᐱᓂᕐᓴᐅᓱᓂ ᓯᑕᒪᕕᓪᓗᐊᓱᓂ ᓄᓇᕐᔪᐊᒥ ᐱᑦᔪᑕᐅᑎᓪᓗᒍ.

ᐊᕐᕌᒍᓂ ᙯᔪᓂ, ᑕᕐᕋᐅᑉ ᐃᒪᕐᐱᖓ ᐊᕐᖁᑎᖕᖑᓛᖁᖅ ᐅᒥᐊᕐᔪᐊᓄᑦ ᑲᓇᑕᐅᑉ ᐊᑭᐊᓂᒥᐅᓄᑦ ᓭᓃᓯᓄᓪᓗ, ᑌᒣᒻᒪᓗ ᐱᑦᓴᖑᕈᓐᓇᑐᑦ ᐊᖏᔪᐊᓗᐃᑦ ᑎᑭᐅᑎᒐᑦᓴᖑᕐᐸᓕᐊᑐᐃᓐᓇᓗᑎᒃ. ᑕᒪᓐᓇ ᐊᑐᕐᓴᕈᕐᐸᓕᐊᓂᖓ ᑐᓱᒋᔭᐅᓕᕇᕐᑐᖅ ᓄᓇᕐᔪᐊᒥᐅᓄᑦ, ᐱᓕᐅᒥᑎᑦᓯᓯᒪᑦᓱᓂᓗ ᐊᑦᑕᓇᕐᑐᒦᑦᑌᓕᒋᐊᖃᕐᓂᐅᑉ ᐊᑦᓱᕈᓐᓇᐅᑎᖏᓐᓂᒃ ᓄᓇᕐᔪᐊᒥ ᐱᓂᐊᕐᓂᓕᕆᓂᐅᑉ ᐱᓕᐅᑎᒍᑕᐅᒍᑎᖏᓐᓂᒃ.

ᑲᓇᑕ ᐅᐃᒪᓗᓂ ᓱᖕᖑᓯᒋᐊᕆᐊᖃᓕᕐᑐᖅ ᓄᐃᑕᓂᕐᒥᓂᒃ ᑕᕐᕋᒥ ᐊᒻᒪᓗ ᑕᕐᕋᒦ ᓄᓀᑦ ᐊᕕᑦᑐᑕᐅᓯᒪᕕᖏᓐᓂ ᐊᑭᕋᕐᒥᑕ ᐱᒐᓱᐊᕈᒪᔭᖏᑦ ᐱᓪᓗᒋᑦ ᐊᖏᓂᕐᓴᒥᒃ ᑲᒪᒋᔭᖃᓯᓗᓂ ᐱᓂᐊᕐᓂᓕᕆᔭᐅᒍᓯᖏᑎᒍᑦ. ᑯᑦᓴᓇᕐᑐᒨᕆᓯᒪᓕᕐᓂᖓ ᓯᓚᐅᑉ ᐊᓯᑦᔨᓯᒪᓕᕐᓂᖓᑕ ᐱᓕᐅᒥᑎᑦᓯᓯᒪᓕᕐᒪᑦ ᐊᑦᓱᕈᕐᓇᑐᓂᒃ ᐱᓯᒪᔪᓂᒃ ᐱᒍᓐᓇᓂᖃᕈᑎᓕᓐᓂᑦ ᓄᓇᓂᑦ ᐱᖁᔭᓄᑦ ᓄᓇᕐᔪᐊᒥᐅᖑᖃᑎᒌᑦ ᑎᓕᔭᐅᒪᐅᑎᖏᑎᒍᑦ ᑲᓇᑕᐅᑉ ᐃᑲᔪᕐᑎᖏᑕᓗ ᑎᒍᒥᐊᖏᓐᓇᕈᒪᔭᖏᑎᒍᑦ, ᑲᔪᓰᓐᓇᑐᒥᒃ, ᖃᓄᐃᑦᑑᓂᖓ ᐹᕐᓯᒪᐅᑎᒍᓯᐅᑉ ᐊᓯᑦᔨᓕᕐᓱᓂ ᓱᑲᑦᑐᒥᒃ ᖃᕆᑕᐅᔭᕉᑏᑦ  ᐊᑦᔨᒌᓕᕐᑎᑕᐅᒍᓐᓇᓕᕐᓱᑎᒃ.

ᑲᓇᑕᐅᑉ ᐱᖁᔭᕐᑖᖃᒻᒥᖓ ᑕᕐᕋᒨᓕᖓᔪᖅ ᐃᓕᖓᑦᓱᓂ ᓄᓇᓕᕐᔪᐊᑦ ᐊᓯᖏᓐᓄᑦ ᑲᓇᑕᐅᑉ ᓯᓚᑖᓄᑦ ᑭᐅᑦᔪᑎᐅᕗᖅ ᐱᕙᓪᓕᐊᑐᐃᓐᓇᑐᓄᑦ ᐊᑦᓱᕈᕐᓇᑐᓄᑦ ᑭᓯᐊᒐᕆᓗᒋᑦ 3 ᐊᑑᑎᒍᓐᓇᕈᑎᐅᒍᓐᓇᑐᑦ: ᓱᕐᖁᐃᕈᑕᐅᔪᑦ ᑲᓇᑕᐅᑉ ᓲᖑᓂᖃᕈᑎᖏᓐᓂᒃ, ᓯᕗᒧᒋᐊᕈᑎᐅᑦᓱᑎᒃ ᐱᒍᒪᔭᑦᑎᓂᒃ ᑕᒃᒐᓂ ᓄᓇᒥ, ᐊᒻᒪᓗ ᖃᐅᔨᒪᓇᓕᐅᒥᑎᑦᓯᒍᑕᐅᑦᓱᑎᒃ ᐊᑦᑕᓀᑦᑐᒥᒃ, ᐱᑕᖃᑦᓯᐊᓱᓂ, ᐊᑦᑕᓀᑦᑑᓱᓂᓗ ᑕᕐᕋᒥᒃ. ᐱᖁᔭᖅ ᓵᑦᓯᒍᑎᐅᑦᓱᓂ ᒫᓐᓇ ᑭᖕᖒᒪᓇᕐᑐᓂᒃ ᖃᐅᔨᒪᒐᓱᐊᕈᑎᐅᑦᓱᓂᓗ ᖃᓄᖅ ᓄᓇᖁᑎᐅᔪᖅ ᐊᓯᑦᔨᓂᐊᓕᕐᒪᖔᑦ ᓯᕗᓂᑦᑎᓂ, ᐱᑕᖃᕈᓐᓇᐅᑎᐅᑦᓱᓂᓗ ᐱᓂᐊᕐᓂᓕᕆᓂᕐᑎᒍᑦ ᐱᓇᓱᒍᑎᐅᒍᓐᓇᑐᓂᒃ ᐱᑕᖃᕆᐊᓕᓐᓂᒃ ᐱᓇᓱᖃᑎᑖᕈᑎᒋᓗᒋᑦ ᑕᕐᕋᒦᑦᑐᓂᒃ ᓄᓇᓂᒃ ᓱᕐᖁᐃᑐᒥᒃ ᑲᓇᑕᐅᑉ ᐱᒍᓐᓇᓂᖃᕐᕕᖓ ᐱᑕᙯᓐᓇᖁᓪᓗᒍ ᓴᐳᒻᒥᒍᑕᐅᓗᓂᓗ ᑕᕐᕋᒥᒃ ᐃᓄᑦᑕᖏᓐᓂᓗ ᑲᔪᓯᑦᓯᐊᖏᓐᓇᕈᓐᓇᖁᓪᓗᒋᑦ ᐊᑦᑕᓀᑦᑐᒦᖏᓐᓇᓗᑎᓪᓗ.

ᑲᓇᑕᐅᑉ ᓯᓚᑖᓅᓕᖓᔪᖅ ᒪᓕᒐᖅ ᑕᕐᕋᖅ ᐱᓪᓗᒍ ᓄᐃᑕᑎᑦᓯᔪᖅ ᐱᓇᓱᓐᓂᒥᒃ ᐊᒻᒪᓗ ᐃᑲᔪᕐᑎᒌᒍᑎᓂᒃ ᓄᐃᑕᑎᑦᓯᓱᓂ ᑕᒃᒐᓂ ᓄᑖᒥ ᐃᑖᒐᐅᑦᑌᓕᓂᕐᒧᑦ ᒪᓕᒐᕐᒥ ᓄᑕᐅᓯᓕᑎᑦᓯᒪᑦ ᑕᕐᕋᒥᒃ, ᓲᖑᓂᖓᓂᒃ ᐃᓱᒪᕐᓱᕈᓐᓇᓇᕐᓂᖓᓂᓪᓗ, ᓄᐃᑕᐅᓯᒪᐅᑎᖃᕐᓱᓂ ᐃᓚᒋᔭᐅᑎᓪᓗᒍ ᑭᐅᑦᔪᑕᐅᑦᓱᓂ ᓄᐃᕙᓪᓕᐊᑐᐃᓐᓇᑐᓄᑦ ᑯᑦᓴᓇᕐᑐᓄᑦ ᑕᕐᕋᒥ ᓄᓇᕐᔪᐊᓕᒫᒥᓗ.ᑕᕐᕋᖁᑎᕗᑦ, ᓲᖑᔫᑦᓱᓂ ᐃᓱᒪᕐᓱᓇᕐᑐᖅ ᑭᓯᐊᒐᖃᕐᓱᓂ ᑲᓇᑕᐅᑉ ᐱᒻᒪᕆᖁᑎᖏᓐᓂᒃ ᐱᒍᓐᓇᓂᖏᓐᓂᓗ ᓴᐳᒻᒥᒍᑎᐅᑦᓱᓂ ᑕᕐᕋᒨᓕᖓᔪᒥᒃ ᓄᓇᓕᖏᓐᓄᓗ ᐱᒍᓐᓇᓂᖃᕈᑎᒥᒃ.ᓲᖕᖑᓯᑎᑦᓯᒋᐊᕈᑎᐅᑦᓱᓂ ᐱᓂᐊᕐᓂᓕᕆᒍᑎᑦᑎᓂᒃ, ᐊᒻᒪᓗ ᓇᓪᓕᖁᐊᖕᖑᑎᑦᓯᒍᑎᐅᑦᓱᓂ ᓄᓇᕐᔪᐊᒥ ᓯᕗᓕᕐᓂᑎᓐᓂᒃ  ᖃᕆᑕᐅᔭᓕᕆᓂᕐᒥᒃ ᓯᓛᓗᒻᒥᓗ ᖃᐅᔨᒪᐅᓯᑦᑎᓂᒃ. ᑫᒥᑦᓯᒍᑎᐅᑦᓱᓂ ᐱᒐᓱᐊᕈᓐᓇᓂᑦᑎᓂᒃ ᐱᒍᓐᓇᓂᑦᑎᓂᓪᓗ ᑕᒫᓂ ᑕᕐᕋᒥ, ᐱᓇᓱᖃᑎᒋᑦᓱᒋᑦ ᑕᕐᕋᒥ ᓄᓇᓖᑦ.

ᑲᓇᑕ ᑲᔪᓯᒍᑎᓕᒃ ᐃᑲᔪᕐᓯᒪᒍᓐᓇᓂᕐᒥᓂᒃ NATO ᒥᒃ ᐊᒻᒪᓗ NORAD’s ᖃᐅᔨᒪᐅᓯᖏᓐᓂᒃ ᑯᑦᓴᓇᕐᑐᒦᒍᑕᐅᔪᓂᒃ ᐊᕙᑎᒧᑦ ᑕᕐᕋᓕᒫᒥ,ᐃᓚᐅᑎᓪᓗᒍ ᐊᒥᕆᑲᐅᑉ ᑕᕐᕋᖓᓃᑦᑐᖅ ᑕᕐᕋᖅ. ᑌᒫᑦᓭᓇᕐᓗ ᓴᐳᒻᒥᒍᑎᒋᑦᓱᒍ ᑲᔪᓯᔪᒥᒃ ᓯᕗᓕᕐᓂᒧᑦ ᐃᓱᒪᖃᑎᒌᑦᓱᑎᒃ ᑕᕐᕋᐅᑉ ᖃᓄᐃᓕᖓᓂᖓ ᐱᓪᓗᒍ ᐱᑦᔪᑕᐅᔪᓂᒃ ᐊᑦᑕᓇᕐᑐᒦᒋᐊᖃᖕᖏᓂᕐᒧᑦ ᐃᑖᒐᐅᑦᑌᓕᒋᐊᖃᕐᓂᒧᓪᓗ.

ᑕᕐᕋᐅᑉ ᐊᑦᑕᓇᕐᑐᒦᒋᐊᖃᖕᖏᓂᖓ ᓄᓇᐅᓪᓗ ᐊᕕᑦᑐᑕᐅᒪᓂᖏᑎᒍᑦ ᐃᑖᒐᐅᑦᑌᓕᒋᐊᖃᕐᓂᖅ ᑭᖑᕝᕕᑐᐃᒍᑎᓕᐊᖑᓯᒪᔪᑦ ᓄᐃᑕᐅᑦᓱᑎᒃ ᑕᕐᕋᖁᑎᑦᑎᓂ, ᓲᖑᔫᑦᓱᓂ ᐃᓱᒪᕐᓱᓇᕐᓱᓂᓗ ᐊᒻᒪᓗ  ᐃᓂᖃᕐᓱᓂ ᐊᑦᑕᓇᖕᖏᑑᑦᓱᓂ ᐃᓂ  ᓴᐳᒻᒥᒍᓐᓇᓱᓂNORAD ᐅᓪᓗᒥᒨᓕᕐᑎᓯᒪᑦᓱᓂ ᓴᐳᒻᒥᓂᖓᓂᒃ NATO’s ᐊᑑᑎᑎᑦᓯᑌᓕᒍᓯᖓ ᓴᐳᒻᒥᓂᕐᒧᓗ ᑐᑭᒧᐊᒍᑎᖓ ᓴᐳᒻᒥᓂᒃᑯᑦ ᐃᑲᔪᕐᑎᒥᓂᒃ ᑕᕐᕋᒦᑦᑐᓂᒃ ᐅᐊᓕᓂᖓᓃᑦᑐᓂᓪᓗ ᐃᓱᓕᕝᕕᖏᓐᓂᒃ. ᓱᕐᖁᐃᕈᑕᐅᑦᓱᓂ ᑲᓇᑕ ᐃᓚᐅᒍᓐᓇᕆᐊᖓᓂᒃ ᓄᓇᕐᔪᐊᒥ ᐊᒻᒪᓗ  NATO ᐃᑲᔪᕐᑎᖏᓐᓂᒃ, ᑭᖕᖒᒪᓇᓕᕋᒥᒃ ᐊᑑᑎᕙᑦᓱᑎᒃ.

ᓯᐊᒻᒪᓗᑕ ᐱᓕᐅᒥᓗᑕᓗ ᑕᑯᑦᓴᐅᓂᑦᑎᓂᒃ ᑕᕐᕋᒥ, ᖃᐅᔨᒪᒻᒥᔪᒍᑦ ᑕᒪᓐᓇ ᓱᕐᕃᓂᖃᓚᖓᒻᒥᒋᐊᖓᓂᒃ ᓄᓇᓕᓐᓂᒃ ᓄᓇᓯᒪᔪᓂᒃ ᑕᕐᕋᒥ. ᓄᓇᖃᕐᖄᓯᒪᔪᑦ ᐃᓄᐃᑦ ᐊᖏᕐᕋᖃᕐᓂᕋᕐᒪᑕ ᑕᒪᑦᓱᒥᖓ. ᓄᓇᖃᕐᖄᓯᒪᔪᑦ ᐃᓄᐃᑦ ᐊᖏᕐᕋᖃᕐᓂᕋᕐᓯᒪᔪᑦ ᑌᒪᖕᖓᓂᑐᖃᖅ, ᐊᒻᒪᓗ ᐱᓇᓱᖃᑎᖃᕐᓂᖅ ᑖᒃᑯᓂᖓ ᐱᓕᐅᒥᑎᑦᓯᓚᖓᔪᖅ ᐱᑕᖃᑦᓯᐊᓂᖓᓂᒃ ᓴᐳᒻᒥᔭᐅᒋᐊᖃᕐᓂᖓᓂᓪᓗ ᑕᕐᕋᐅᑉ. ᑲᕙᒪᕗᑦ ᑲᔪᓯᒍᑎᖃᕐᓂᐊᑐᖅ ᓯᕗᓪᓕᐅᔨᓗᓂ ᐱᓇᓱᖃᑎᖃᕆᐊᖃᕐᓂᒥᒃ ᓄᓇᓕᑐᖃᕐᓂᒃ ᓄᓇᓯᒪᔪᓂᒃ ᑕᕐᕋᒥ ᐊᒻᒪᓗ ᐃᑎᓯᐅᒥᑎᓗᒍ ᐃᓅᖃᑎᖃᕐᓂᖓ ᑖᒃᑯᓂᖓ.

ᓄᓇᕐᔪᐊᖅ ᐱᕙᓪᓕᐊᑐᐃᓐᓇᓂᖓ ᑕᑯᑦᓱᒍ ᐊᒻᒪᓗ ᑯᑦᓴᓇᕐᑐᑦ ᖃᓄᑎᒌᕐᓂᖏᑦ, ᐱᑐᑦᓯᒪᐅᑎᓂᖏᑦ ᒪᓕᒑᒃ ᑲᓇᑕᐅᑉ ᓯᓚᑖᓅᓕᖓᔫᑉ ᐊᒻᒪᓗ ᐃᑖᒐᐅᑦᑌᓕᒋᐊᖃᕐᓂᒧᑦ ᓲᖑᔫᖏᓐᓇᓯᐊᕆᐊᓖᒃ  ᓴᐳᒻᒥᒍᑕᐅᑦᓱᑎᒃ ᓄᓇᓕᕐᔪᐊᖁᑎᑦᑎᓂᒃ ᐱᒻᒪᕆᖁᑎᑦᑎᓂᓪᓗ. ᑖᓐᓇ ᑕᕐᕋᒨᓕᖓᑦᓱᓂ ᒪᓕᒐᖅ ᑲᓇᑕᐅᖕᖏᑐᒧᑦ ᐃᓕᖓᔪᖅ ᓄᐃᑕᑎᑦᓯᒍᑎᐅᔪᖅ ᑲᓇᑕᐅᑉ ᖃᕙᒪᖓᑕ ᐱᓇᓱᐃᓐᓇᓂᖓᓂᒃ ᑕᕐᕋᒥ ᓯᐊᒻᒪᑎᑦᓯᒍᑎᐅᑦᓱᓂ ᑕᑯᑦᓴᐅᓂᑦᑎᓂᒃ ᓴᐳᒻᒥᒍᑕᐅᑦᓱᓂᓗ ᓲᖑᓂᖃᕈᑎᑦᑎᓂᒃ ᑕᕐᕋᒥ.

ᓱᓱᒋᔭᐅᒍᑎᓕᒃ ᐱᖁᔭᑎᒍᑦ ᓄᐃᓕᐊᒻ ᓯᑑᓕᖕ ᐱᓕᐅᕐ, P.C., C.O.M., M.P.
ᑐᕐᖃᑕᕐᕕᑭ ᑲᓇᑕᐅᑉ ᐃᑖᒐᐅᑦᑌᓕᒋᐊᖃᕐᓂᖓᓄᑦ

ᐊᒃᓚᑕᐅᒋᐊᖕᖓᐅᑏᑦ ᓀᓪᓕᑎᕐᓯᒪᑦᓱᑎᒃ

ᑲᓇᑕ ᐃᓄᖁᑎᖃᕐᖁᖅ ᑕᕐᕋᒥ.

ᑲᓇᑕ ᓄᐃᑦᓯᓚᐅᔪᕗᖅ ᑲᑐᑦᔭᐅᓱᓂ ᐊᒃᓚᑕᐅᓯᒪᔪᒥᒃ ᒪᓕᒐᕐᒥᒃ ᐃᓕᖓᑦᓱᓂ ᑕᕐᕋᒧᑦ ᑐᖕᖓᕕᖏᓐᓂᒃ (ANPF) 2019ᖑᑎᓪᓗᒍ, ᐃᓂᓪᓓᒍᑎᐅᓯᒪᑦᓱᓂ ᐊᑦᔨᒌᒥᒃ ᑕᐅᑐᕐᖂᕈᑎᓂᒃ ᑕᕐᕋᖅ ᐱᓪᓗᒍ, ᑕᒃᒐᓂᓗ ᐃᓄᐃᑦ  ᐱᔭᖃᑦᓯᐊᓯᒪᑦᓱᑎᒃ ᓲᖑᔫᑦᓱᑎᒃ ᐊᑦᑕᓇᕐᑐᒦᒐᑎᓪᓗ.

ᑌᒪᖕᖓᓂᑦ ᑕᒐ, ᐃᓂᓪᓚᓯᒪᐅᑎᐅᒐᔭᕐᑐᓂᒃ ᐱᓕᐅᑎᒍᑎᖃᕐᓂᖅ ᐱᓕᐅᒥᓯᒪᔪᒻᒪᕆᐊᓗᒃ ᓄᓇᕐᔪᐊᓕᒫᒥ ᒪᑯᑎᒎᓇ ᐱᒍᓐᓇᓂᖃᕐᕕᒪᕇᑦ ᐃᓚᐅᕕᖃᕋᑎᒃ ᑲᓇᑕᐅᑉ ᐱᒍᒪᔭᖏᓐᓂᒃ ᐱᒻᒪᕆᖁᑎᖏᓐᓂᓗ ᐱᒐᓱᐊᕈᒪᑦᓱᑎᒃ ᓄᐃᑦᓯᓗᑎᒃ ᐊᕙᑎᒨᓕᖓᔪᓂᒃ ᓇᒻᒥᓂᖅ ᓯᕗᒧᒍᑎᒋᒍᓐᓇᓂᐊᕐᑕᒥᓂᒃ.ᕉᓯᐊᑉ ᐱᖁᔭᑎᒍᑦ ᐊᖏᕐᑕᐅᓯᒪᖕᖏᑐᒥᒃ ᐃᑖᕐᓯᒪᓂᖓ ᔪᑯᕇᓐᒧᑦ 2022ᖑᑎᓪᓗᒍ, ᐅᑦᑑᑎᒋᓗᒍ, ᐊᐅᓚᑦᔭᑎᑦᓯᓯᒪᒻᒪᑦ ᑐᖕᖓᕕᓐᓂᒃ ᓄᓇᕐᔪᐊᒥᐅᓕᒫᑦ ᑲᑐᑦᔨᖃᑎᒌᓐᓂᖏᓐᓂᒃ ᑕᕐᕋᖅ ᐱᓪᓗᒍ.

ᐊᑑᑎᒻᒥᓱᓂᓗ ᐊᑕᐅᑦᓯᑰᖃᑎᐅᔪᒥᒃ, ᑕᕐᕋᖅ ᐃᓱᒫᓗᓐᓇᑐᒥᒃ ᐊᕙᑎᖓ ᐊᓯᑦᔨᓱᓂ, ᐃᑉᐱᓇᓪᓚᕆᑦᑐᒥᒃ ᓄᐃᑦᓯᓱᓂ ᐊᑦᑕᓇᕐᑐᒦᑦᑌᓕᒋᐊᖃᕐᓂᖏᓐᓂᒃ ᓄᓇᓖᑦ ᐊᒻᒪᓗ ᐃᓄᐃᑦ ᐊᖏᕐᕋᓯᒪᔪᑦ ᑕᕐᕋᒥ. 2050ᐅᓕᕐᐸᑦ,ᑕᕐᕋᐅᑉ ᐃᒪᕐᐱᖓ ᐊᑐᕐᑕᐅᒍᓐᓇᓯᓕᐅᒥᒻᒪᕆᓛᕐᖁᖅ ᐅᒥᐊᕐᔪᐊᓄᑦ ᐊᐅᓚᕕᐅᓂᕐᒥᒃ ᐊᑯᕐᖓᓂ ᑕᕆᐅᑉ ᐊᑭᐊᑕ ᓭᓃᓰᓪᓗ ᐅᐱᕐᖔᑯᑦ.

ᓯᕗᓂᖓᒍᑦ ᑌᒣᓚᐅᕐᓯᒪᖕᖏᓗᑐᕐᓱᓂ, ᑕᕐᕋᖅ ᑕᑯᑦᓴᐅᕗᖅ ᑐᓱᓐᓇᓂᖓ ᐊᒥᓱᐃᓄᑦ ᐃᓚᐅᖕᖏᑐᓄᑦ ᑕᕐᕋᒧᑦ ᐊᒻᒪᓗ  ᓂᕆᐅᒍᑎᖃᕐᓱᑎᒃ ᐊᖏᓂᕐᓴᒥᒃ ᐃᓚᐅᒍᓐᓇᕈᒪᑦᓱᑎᒃ ᑕᕐᕋᐅᑉ ᐱᓂᐊᕐᓂᓕᕆᔭᐅᒍᑎᖏᓐᓄᑦ. ᑲᓇᑕᐅᑉ ᐊᑭᓴᕐᑐᑎᖏᑦ ᐱᒐᓱᐊᕐᒥᔪᑦ ᓲᖑᓂᕐᒥᒃ ᐊᑐᕈᓐᓀᓗᑎᒃ ᐅᓇᑕᕐᑎᓂᒃ, ᐃᓚᐅᑎᓪᓗᒍ ᖃᕆᑕᐅᔭᓕᕆᐅᑎᓂᒃ ᓱᒐᓱᐊᕈᑎᖃᕐᓂᖅ, ᑲᓇᑕᐅᑉ ᓯᓚᑖᓂᒃ ᐱᔪᑦ ᐊᕝᕕᖁᑦᑕᓱᑎᒃ ᐊᒻᒪᓗ ᓵᓚᕐᖄᖃᕈᑎᖃᕐᓱᑎᒃ ᑮᓇᐅᔭᓕᐅᕋᓱᐊᕈᑎᐅᒍᓐᓇᑐᓂᒃ.

 ᐊᒥᕆᑲᐅᑉ ᑕᕐᕋᖓ ᐊᑦᑐᐊᔭᐅᖕᖏᑑᒍᓐᓀᑐᖅ ᐅᖁᒣᑦᑐᓄᑦ. ᑲᓇᑕᐅᑉ ᑲᕙᒪᖓ ᐱᓇᓱᖃᑎᖃᓕᐅᑎᒋᐊᖃᓪᓚᕆᓕᕐᑐᖅ ᖃᓂᓐᐸᐅᑦᓱᑎᒃ ᐃᑲᔪᕐᑎᒥᓂᒃ, ᐊᒥᕆᑲᒥᒃ, ᑎᒍᒥᐊᖏᓐᓇᓂᐊᕈᓂ ᐊᑦᑕᓇᖕᖏᑑᑦᓱᓂ ᑕᕐᕋᒥᒃ ᐊᖏᕐᕋᕆᔭᐅᔪᒥᒃ. ᑲᓇᑕᐅᑉ ᑲᕙᒪᖓ ᖃᓂᑦᑑᒍᓐᓇᕕᓕᒫᕆᐊᖃᓕᕆᕗᖅ ᑕᕐᕋᒦᑦᑐᓄᑦ ᐃᑲᔪᕐᑎᒥᓄᑦ.

ᑭᐅᑦᔪᑎᒋᓗᒋᑦ ᑖᒃᑯᓄᖓ ᓄᐃᔪᓄᑦ ᓄᓇᕐᔪᐊᒥ ᐱᓂᐊᕐᓂᓕᕆᐅᓯᕐᑎᒍᑦ ᐱᐅᓯᐅᔪᓄᑦ ᐊᒻᒪᓗ ᐊᑕᐅᑦᓯᑰᖃᑕᐅᓕᐅᒥᑎᓗᒍ ᒪᓕᒐᕐᒧᑦ ᐃᑖᒐᐅᑦᑏᓕᓂᕐᒨᓕᖓᔪᒧᑦ ᓄᑕᐅᓯᓕᑎᕐᑕᐅᓱᓂ ᑕᕐᕋᖅ, ᓲᖑᔫᑦᓱᓂ ᐃᓱᒪᕐᓱᓱᓂᓗ, ᑲᓇᑕᐅᑉ ᑲᕙᒪᖓ ᓄᐃᑦᓯᓯᒪᔪᖅ, ᐱᓇᓱᖃᑎᖃᕐᓱᓂ ᑕᕐᕋᒥᐅᓂᒃ ᓄᓇᖃᕐᖄᓯᒪᔪᓂᒃ, ᑕᕐᕋᒥ ᓄᓇᓕᕐᔪᐊᑦ ᐊᓯᐊᓅᓕᖓᑦᓱᓂ ᒪᓕᒐᕐᒥᒃ ᐃᓚᒋᐊᕆᒍᑕᐅᑦᓱᓂ ᓄᓇᕐᔪᐊᓕᒫᒥ ᐊᒃᓚᓯᒪᔪᖁᑎᖓᓂᒃ ANPF. ᑖᓐᓇ ᒪᓕᒐᖅ ᐃᑲᔪᕐᓯᒪᓂᐊᕐᑐᖅ ᑕᕐᕋᒥᒃ ᐊᐅᓚᑕᐅᓐᓇᖏᑦᑐᒦᑦᑎᓯᓗᓂ, ᐱᑕᖃᑦᓯᐊᓗᓂ ᐊᑦᑕᓇᕐᑐᒦᖕᖏᑑᓗᓂᓗ ᑭᖑᕚᖑᓂᐊᕐᑐᑦ ᐱᓪᓗᒋᑦ.

ᑕᕐᕋᒥ ᓄᓇᓕᕐᔪᐊᑦ ᐊᓯᐊᓅᓕᖓᔪᖅ ᒪᓕᒐᖅ ᓄᑖᓂᒃ ᑭᓇᐅᔭᖁᑎᖃᕐᑎᓯᒍᑕᐅᓚᖓᕗᖅ ᐊᕐᕌᒍᓂ ᑕᓪᓕᒪᓂ ᓱᕐᖁᐃᑐᒥᒃ ᓄᓇᕐᔪᐊᓕᒫᒥ ᐱᓂᐊᕐᓂᓕᕆᒍᓰᑦ ᐱᓪᓗᒋᑦ ᑲᓇᑕᐅᑉ ^{Footnote 1} ᑲᕙᒪᖓ ᓈᒻᒪᓈᕐᖁᖅ ᑕᕐᕋᒥ. ᒪᓕᒐᖅ ᐱᕙᓪᓕᑎᑦᓯᒥᕗᖅ ᑲᓇᑕᒥᐅᓂᒃ ᐊᖏᕐᕋᓯᒪᔪᓂᒃ ᑕᕐᕋᒥ, ᐃᓚᐅᑎᓪᓗᒍ ᓲᖕᖑᓯᑎᑦᓯᒋᐊᕐᓂᖅ ᐱᑐᑦᓯᒪᓂᖏᓐᓂᒃ ᐊᒻᒪᓗ ᐱᑐᑦᓯᒪᐅᑎᒍᑎᖏᓐᓂᒃ ᓄᓀᑦ ᐊᕕᑦᑐᓯᒪᓂᖏᑎᒍᑦ.

ᐱᔭᖃᕐᓂᐊᕈᓂ ᐱᑦᔪᑎᒥᓂᒃ ᑕᒪᑦᓱᒥᖓ ᐊᐅᓚᖕᖏᓂᕐᒥᒃ, ᐱᑕᖃᑦᓯᐊᑑᑦᓱᓂ ᐊᑦᑕᓇᕐᑐᒦᒐᓂ ᑕᕐᕋᖅ, ᑲᓇᑕᐅᑉ ᑲᕙᒪᖓ ᑲᔪᓯᒍᑎᖃᓚᖓᕗᖅ ᐊᑦᑕᓀᓕᑎᕆᓂᕐᒥᒃ ᐱᒍᓐᓇᓂᖃᕈᑎᒥᓂᒃ. ᑲᓇᑕᐅᑉ ᑲᕙᒪᖓ ᓱᓕ ᓯᕗᒧᒋᐊᕐᑎᓯᓚᖓᕗᖅ ᑲᓇᑕᒥ ᐱᒍᒪᔭᒥᓂᒃ ᐊᕐᖁᑎᒋᓗᒍ ᓱᓕᑦᓯᐊᑑᑦᓱᓂ ᐱᓂᐊᕐᓂᓕᕆᓂᖅ; ᓯᕗᓕᕈᑎᖃᕐᓗᓂ ᑕᕐᕋᒥ ᑲᕙᒪᒍᓯᕐᓂᒃ ᐊᒻᒪᓗ ᐊᒥᓱᐃᑎᒍᑦ ᐊᑦᓱᕈᕈᑕᐅᔪᓂᒃ, ᐊᑐᓕᕐᑎᓯᓗᓂᓗ ᐃᓚᐅᑎᑦᓯᓂᕐᓴᒥᒃ ᑕᕐᕋᒥ ᐱᓂᐊᕐᓂᓕᕆᓂᕐᓄᑦ.

ᐃᓚᒋᔭᐅᑎᓪᓗᒍ ᑖᑦᓱᒧᖓ ᒪᓕᒐᕐᒧᑦ:

• ᑎᒃᑯᐊᓯᓂᐊᕐᖁᖅᑕᕐᕋᒨᓕᖓᔪᑦᐱᓪᓗᒋᑦᑭᒃᒐᑐᕐᑎᓴᒥᒃ
• ᐅᒃᑯᐃᑕᐅᓗᓂᓄᑖᖅᑭᒃᒐᑐᕐᕕᐅᓂᐊᕐᑐᖅᐋᖕᖑᕆᑦᐊᓛᔾᑲᒥ
• ᐅᒃᑯᐃᓗᒍᓄᑖᖅᑭᒃᒐᑐᕐᕕᐅᓂᐊᕐᑐᖅᓅᒃᒥ, ᐊᑯᑎᑦᑐᒥ
• ᐱᒋᐊᕐᑎᓗᒍᑕᕐᕋᒥᐊᑦᑕᓇᕐᑐᒦᑦᑎᓯᑦᑏᓕᓂᐅᑉᐅᖄᔭᐅᖃᑦᑕᕆᐊᖃᕐᓂᖓᐅᖃᖃᑎᒋᓗᒋᑦᑐᕐᖃᑕᕐᕖᑦᑲᓇᑕᐅᑉᓯᓚᑖᓃᑦᑐᓄᑦᐱᓂᐊᕐᓂᓕᕆᔭᐅᒍᑎᓄᑦᐃᓱᒪᖃᑎᒌᒍᑎᒋᓗᒋᑦᓄᓇᖁᑎᖏᑦᑕᕐᕋᐅᑉ
• ᐱᓕᐅᒥᑎᓗᒍᖃᐅᔨᒪᔭᐅᒋᐊᓕᓐᓂᒃᖃᐅᔨᑎᑦᓯᒍᑎᖃᖃᑦᑕᓂᖅᐃᓚᒋᓗᒋᑦᐊᑦᑐᐊᔭᐅᔪᑦᓄᓀᑦᐊᕕᑦᑐᓯᒪᓂᖏᓐᓃᑐᑦᐊᒻᒪᓗᑲᕙᒣᑦᓄᓇᖁᑎᑖᕆᓯᒪᔭᒥᓐᓃᑐᑦᑲᓇᑕᐅᑉᐊᕕᑦᑐᓯᒪᓂᖏᓐᓂᐊᒻᒪᓗᓄᓇᖃᕐᖄᓯᒪᔪᑦᓯᕗᓕᕐᑏᑦᓄᐃᕙᓪᓕᐊᔪᓄᑦᓄᓇᕐᔪᐊᓕᒫᒥᑕᕐᕋᐅᑉᐊᑦᑕᓇᕐᑐᒦᒋᐊᖃᖕᖏᓂᖓᑕᐊᐅᓚᑦᔭᑕᐅᒍᑎᒋᓯᒪᓕᕐᑕᖏᓐᓄᑦ, ᐃᓚᐅᑎᓪᓗᒋᑦᑲᓇᑕᐅᑉᓯᓚᑖᓂᑦᐱᔪᑦᐅᓚᐱᑦᑐᑦᑯᑦᓴᓇᕐᓯᓯᒪᓂᖏᑦ
• ᓴᐳᒻᒥᓗᒍᓱᑯᐃᔦᓂᖅᖃᐅᔨᓴᕐᓂᓗᐊᐅᓚᑕᐅᓂᖏᑦᑕᐊᑐᓕᕐᑎᑕᐅᓯᒪᐅᑎᖏᑦᒪᓕᒐᖅᑲᓇᑕᐅᑉᓯᓚᑖᓅᓕᖓᔪᖅᐃᓱᒪᒋᖃᓯᐅᑦᔨᓯᒪᑎᓪᓗᒍᐱᑐᑦᓯᒪᓂᖏᓐᓄᑦᖃᐅᔨᓴᕐᓂᒧᑦᐊᑦᑕᓇᕐᑐᒦᑦᑌᓕᒋᐊᖃᕐᓂᒧᑦᓱᑯᐃᔦᓂᕐᒧᓗᑲᓇᑕᐅᑉᑕᕐᕋᖓᓂ
• ᐱᒋᐊᕐᑎᓗᒋᑦᓄᓇᐅᑉᐊᕕᑦᑐᑕᐅᓯᒪᐅᑎᑦᓴᖏᓐᓅᓕᖓᑦᓱᑎᒃᐊᖏᖃᑎᒌᒐᓱᐊᕈᑎᐅᒋᐊᓖᑦᐃᓚᒋᓗᒍᒋᑦᐊᒥᕆᑲᒥᐅᑦᐱᓪᓗᒍᐃᒪᕐᐱᒃᐴᕚᕐᒥᐱᔭᕇᕐᓗᒍᓗᓄᓀᑦᐊᕕᑦᑐᑕᐅᓯᒪᐅᑎᑦᓴᖏᑦᑕᐊᖏᖃᑎᒌᒍᑕᐅᒋᐊᖃᕐᓂᖓᑲᓇᑕᒨᓕᖓᔪᖅᑎᓐᒫᒃᒧᓗᐱᓪᓗᒍᑖᕐᑐᐹᓗᒃ (Hans Island)

ᑲᓇᑕ ᑲᔪᓯᒍᑎᖃᕐᖁᖅ ᑐᓂᒪᓂᕐᒥᓂᒃ ᐊᑕᖏᕐᓗᓂ ᐊᑐᓕᕐᑎᑕᐅᒋᐊᓕᒻᒥᒃ ANPFᒥᒃ, ᑕᕐᕋᐅᑉ ᖃᓄᐃᓕᖓᓂᖏᑦᑕ ᐱᒻᒪᕆᐅᒍᑎᖏᑎᒍᑦ ᐊᒻᒪᓗ ᑲᔪᓯᑎᓗᒋᑦ ᒪᓕᒉᑦ ᑐᖕᖓᕕᓖᑦ ᓄᓇᕐᔪᐊᓕᒫᒨᓕᖓᑦᓱᓂ ᑎᓕᔭᐅᒪᐅᑎ ^{Footnote 2} ᑕᕐᕋᒨᓕᖓᔪᖅ. ᒪᓕᒐᖅ ᑲᓇᑕᐅᑉ ᓯᓚᑖᓅᓕᖓᔪᖅ ᓄᑖᓂᒃ ᓄᐃᑦᓯᓂᐊᕐᑐᖅ ᐱᓇᓱᒍᑎᑦᓴᐅᓂᐊᕐᑐᓂᒃ ᑲᓇᑕᐅᑉ ᑲᕙᒪᖓᓐᓄᑦ ᐊᑑᑎᑎᑦᓯᒍᓐᓇᓯᓗᓂ ᐱᑦᔪᑎᐅᔪᓂᒃ ᓄᐃᑕᐅᓯᒪᔪᓂᒃ  ANPF ᒧᑦ ᑕᒃᒐᓂ ᐊᓯᑦᔨᑐᕈᑎᓂ ᓄᓇᕐᔪᐊᒥ ᐱᓂᐊᕐᓂᓕᕆᐅᑎᓂ ᐊᒃᓚᑕᐅᓯᒪᐅᑎᖏᓐᓂ.

ᑖᓐᓇ ᑲᓇᑕᐅᑉ ᓯᓚᑖᓄᓕᖓᔪᓄᑦ ᒪᓕᒐᖃᕐᑎᑕᐅᒍᑎᖓᑦ ᐊᑦᑕᓀᓕᑎᑦᓯᓂᐊᕐᖁᖅ ᑲᓇᑕᐅᑉ ᐱᒍᒪᔭᖏᓐᓂᒃ ᓱᕐᖁᐃᑐᒥᓪᓗ ᐊᑦᑕᓀᑦᑐᒦᑦᑎᓯᓗᓂ ᐱᑕᖃᑦᓯᐊᖏᓐᓇᕈᓐᓇᑎᑦᓯᓗᓂᓗ ᐱᑦᔪᑎᖃᕐᓱᓂ ᓄᓇᓕᑐᖃᕐᓂᒃ ᐊᖏᕐᕋᖃᕐᑐᓂᒃ ᑕᕐᕋᒥ-ᐃᓚᐅᑎᓪᓗᒋᑦ ᐊᓪᓓᑦ, ᐃᓄᑐᐃᓐᓀᑦ-ᐊᒃᓚᖓᔪᐃᑦ, ᐊᒻᒪᓗ ᑲᕙᒪᑎᒍᑦ ᑕᐅᕐᓰᑲᑦᑕᐅᑎᐅᓯᒪᔪᑦ ᐊᒻᒪᓗ ᓇᒻᒥᓂᖅ ᐃᓱᒪᕐᓱᕈᓐᓇᓯᒍᒪᓂᕐᒧᑦ ᐱᓇᓱᖃᑕᐅᔪᑦ-ᐊᓯᖏᓪᓗ ᑕᕐᕋᒥᐅᖑᖃᑕᐅᒻᒥᔪᑦ.ᑲᓇᑕᐅᑉ ᐊᖏᖃᑎᒌᒐᓱᐊᕈᑎᖏᑦ ᓲᖑᓂᕐᓴᐅᒍᓐᓇᑐᖅ ᖃᐅᔨᒪᑎᑕᐅᒍᑎᐅᒍᑎᒃ ᓄᓇᖃᕐᖄᓯᒪᔪᑦ ᖃᐅᔨᒪᐅᓯᖏᑎᒍᑦ, ᐱᕐᖁᓯᖏᑎᒍᑦ ᐱᒐᓱᐊᕈᓯᖏᑎᒍᓪᓗ, ᐃᓚᐅᒻᒥᑎᓪᓗᒍ ᐃᓅᓯᕐᒥᓂ ᐊᑑᑎᖃᑦᑕᓯᒪᔭᖏᑦ ᑕᕐᕋᒥᐅᑦ ᐊᖏᕐᕋᖃᕐᓂᕋᕐᑐᑦ ᑕᕐᕋᒥᒃ.

ᐃᓂᓪᓚᓯᒪᐅᑎᐅᒍᒪᔪᑦ ᐱᔭᕐᓃᑑᒍᑎᖏᑦ ᑕᕐᕋᒥ

1. ᕉᓯᐊ ᑌᒪᖕᖓᓂᑦ 2022ᒥᓂᑦ

ᑲᓇᑕᐅᑉ ᑲᕙᒪᖓ ᑐᑭᓯᓇᑦᓯᐊᓯᒪᒻᒪᑦ ᑲᔪᓯᓂᐊᕆᐊᖓ ᕉᓯᐊᒥᐅᓂᒃ ᐱᓇᓱᖃᑎᖃᕐᓂᖅ, ᑕᕐᕋᒨᓕᖓᔪᓂᒃ ᑲᑎᖕᖓᔨᑎᒍᑦ ᐊᓯᖏᑎᒍᓪᓘᓃᑦ, ᐱᖁᔭᑎᒍᑦ ᐊᖏᕐᑕᐅᓯᒪᒐᓂ, ᐱᕕᓕᒫᒥᓄᑦ ᐃᑖᕐᑕᐅᓯᒪᓂᖓ ᔪᒃᕇᓐ ᕕᕈᐊᕆ 2022ᒥ ᐱᒋᐊᕐᓱᓂ.

ᕉᓯᐊᑉ ᐱᕕᓕᒫᕐᓱᓂ ᐃᑖᕐᓯᒪᓂᖓ ᔪᑯᕇᓐᒧᑦ ᐃᑉᐱᓇᓪᓚᕆᑦᑐᒥᒃ ᐊᓯᑦᔨᑎᑦᓯᓯᒪᒻᒪᑦ ᓄᓇᕐᔪᐊᓕᒫᒥ ᐱᓂᐊᕐᓂᓕᕆᒍᓯᐅᑉ ᖃᓄᐃᓕᖓᓂᖓᓂᒃ, ᓯᑦᓯᑐᕐᓱᒍ ᐊᓪᓛᑦ ᓱᕐᕋᑕᐅᓂᖓ ᑕᕐᕋᐅᑉ. ᐅᓇᑕᕐᓂᓂᖅ ᔪᑯᕇᓐᒥᑐᐃᓐᓇᐅᖏᑦᑐᖅ, ᒪᑯᑎᒎᓇᒐᓴᒃ ᑐᖕᖓᕕᒻᒪᕆᖏᑎᒍᑦ ᓄᓇᕐᔪᐊᒥᐅᖑᖃᑎᒌᑦ ᐱᓇᓱᖃᑎᒌᓐᓂᖏᑦᑕ, ᐃᓚᐅᑎᓪᓗᒍ ᓲᓱᒋᔭᐅᒋᐊᖃᕐᓂᖓ ᐱᒍᓐᓇᓂᖃᕐᕕᖃᕈᑏᑦ, ᓄᓀᑦ ᐊᕕᑦᑐᑕᐅᓯᒪᓂᖏᑦᑕ ᓱᓕᑦᓯᐊᕈᑕᐅᒋᐊᖃᕐᓂᖏᑦᑕ ᓄᓇᕐᔪᐊᓕᒫᒨᓕᖓᔫᓪᓗ ᒪᓕᒐᐅᑉ.

ᐃᓚᒋᐊᕈᑎᒋᓗᒍ ᑕᑯᑦᓴᐅᓂᖓ ᑯᑦᓴᓇᕐᓂᖓᑕ ᕉᓯᐊᑉ ᐱᕙᒃᔪᐊᓱᓂ ᐊᑑᑎᑎᑦᓯᒍᑎᖓ ᔪᑯᕇᓂᐊᓐᒥᒃ ᐃᓄᖏᓐᓂᓗ, ᕉᓯᐊᑉ ᐊᖓᔪᕐᖄᖓ ᐴᑎᓐ ᐅᓇᑕᕐᓂᖓ ᔪᑯᕇᓂᐊᓐᒥᒃ ᑯᑦᓴᓇᕐᑐᒨᕐᑎᓯᓯᒪᒻᒪᑦ ᐊᑑᑎᑎᑦᓯᑐᐃᓐᓇᕆᐊᖃᕐᓱᓂ ᐅᓇᑕᕐᓂᔪᐊᒥᒃ ᐃᒣᑦᑎᓯᒍᓐᓇᓱᓂ ᓄᓇᓕᕐᔪᐊᑦ ᐊᕕᑦᑐᑕᐅᓯᒪᐅᑎᖏᑦ ᐊᓯᑦᔨᑐᓚᕿᑎᑕᐅᓗᑎᒃ ᑲᑉᐱᐊᓇᕿᓂᖅ ᐊᑐᕐᓗᒍ.

ᑕᕐᕋᒥᐅᑦ ᑐᑭᓯᒪᒻᒪᑕ ᖃᓄᑎᒋ ᖃᓂᑦᑑᑎᒋᒻᒪᒐᑦ ᕉᓯᐊ ᑕᕐᕋᒧᑦ. ᑲᓇᑕ ᑕᑯᓐᓇᕋᓱᑦᓯᐊᕆᐊᓕᒃ ᐱᓪᓗᒋᑦ ᐃᒣᓐᓂᕋᕈᑎᖏᑦ ᓄᓇᖁᑎᖃᕐᓂᕋᕐᓂᑯᑦ ᖃᓂᑕᖃᕐᓂᖓ ᕉᓯᐊᒥᒃ.ᑲᓇᑕᒥᐅᑉ ᐅᓇᑕᕐᑎᖏᑦᑕ ᐃᓂᖓ ᖃᐅᔨᒪᒐᓱᐊᕐᕕᒋᑦᓱᒍ, ᐃᓂᓕᒃ ᐳᑦᔪᓇᒥ ᕿᑭᕐᑕᒥ, ᓄᓇᕗᑦ, ᖃᓂᓐᓂᓴᐅᑦᓱᓂ ᐅᓇᑕᕐᑏᑦ ᕉᓯᐊᒥᐅᑦ ᒥᕝᕕᖁᑎᖓᓐᓄᑦ ᐃᓂᓕᒻᒧᑦ Nagurskoyeᒥ, ᕉᓯᐊᒥ,ᐃᖃᓗᐃᑦ ᖃᓂᖕᖏᓂᕐᓴᐅᑎᓪᓗᒍ ᐋᑐᕗᐊᒧᑦ ᑐᕌᓐᑐᒧᓪᓘᓃᑦ ᕗᐃᓂᐲᒃᒧᓘᓐᓃᑦ.

ᐊᕐᕌᒍᐃᑦ ᖁᓕᑦ ᐅᖓᑖᓄᑦ ᕉᓯᐊ ᓴᓂᕐᕚᔦᖃᑦᑕᓯᒪᓕᕐᑐᖅ ᓄᑕᐅᓯᓕᑎᕆᓂᕐᒧᑦ ᑕᕐᕋᒥ ᐱᐅᓕᓂᐊᒐᖁᑎᒥᓄᑦ ᐃᓕᖓᔪᓂᒃ ᐊᒻᒪᓗ ᐅᓇᑕᕐᑎᖏᑦᑕ ᐱᒍᓐᓇᓂᕆᒍᓐᓇᑕᖏᓐᓂᒃ ᑕᕐᕋᒥ ᓄᐃᑎᕆᑦᓱᓂ ᐱᕕᑦᓴᐅᒍᓐᓇᑐᓂᒃ ᐊᐅᓚᑦᓯᒍᓐᓇᓯᒍᑎᐅᒍᓐᓇᑐᓂᓪᓗ ᑎᑭᐅᑎᒍᓐᓇᓯᒍᑎᒋᓗᒋᑦ ᑕᕐᕋᒧᑦ,ᐱᑦᔪᑎᑐᐊᓕᓐᓂᒃ ᓇᒻᒥᓂᕐᒥᓄᑦ ᐅᐊᓕᓂᕐᒧᑦ ᓄᓇᖁᑎᒥᑎᒍᑦ ᓵᑦᓯᒋᐊᕈᑎᒥᑎᒍᓪᓗ. ᑕᐅᑐᑦᑕᖃᕐᓱᓂ ᐱᕙᓪᓕᖁᑎᖃᕐᓂᐊᕆᐊᒥᓂᒃ ᓯᓚᐅᑉ ᐊᓯᑦᔨᓯᒪᓕᕐᓂᖓᓂᒃ ᑕᒃᒐᓂ ᐃᓂᒥ ᐊᒻᒪᓗ ᑲᔪᓯᒍᑎᖃᓚᖓᑦᓱᓂ ᐱᕙᓪᓕᐊᑎᑦᓯᓂᕐᒥᒃ ᐃᒪᕐᐱᑯᑦ ᐊᕐᖁᓯᐅᕐᓂᒥᒃ ᐱᕙᕐᔪᐊᓗᓂ ᓄᓇᕐᔪᐊᒥᐅᓕᒫᓄᑦ ᐅᒥᐊᕐᔪᐊᑰᕐᑎᓯᒍᓐᓇᓯᕕᒋᓗᒍ. ᐃᓱᒪᒋᑦᓱᒋᑦ ᐃᓂᓪᓚᓯᒪᐅᑎᐅᒋᐊᓖᑦ ᐱᒻᒪᕆᐅᓂᖏᑦ ᕉᓯᐊ ᐃᓂᓪᓓᓯᒪᔪᖅ ᑕᕐᕋᖁᑎᒥᓂ, ᑲᓇᑕᓗ ᓂᕆᐅᒋᔭᖃᕐᓱᓂ ᑕᒪᒃᑯᐊ ᓱᒐᓱᐊᕈᑏᑦ ᑲᔪᓯᒍᑕᐅᓚᖓᒋᐊᖏᑦ.

ᕉᓯᐊ ᐱᓕᐅᒥᒍᑎᖃᕐᓯᒪᒻᒥᔪᖅ ᖃᐅᔨᒪᑎᑦᓯᓯᐊᖕᖏᑑᒍᒪᓂᕐᒧᑦ ᐱᒐᓱᐊᕈᑎᒥᓂᒃ, ᐊᑑᑎᔭᐅᑦᓱᓂ ᐅᓇᑕᕐᑏᑦ ᓱᒐᓱᐊᕐᓂᖏᑎᒍᑦ, ^{Footnote 3} ᐊᒻᒪᓗ ᐊᑑᑎᑎᑦᓯᓱᓂ ᑲᑉᐱᐊᓵᕆᓂᒃᑯᑦ ᐊᖏᕐᕋᓯᒪᔪᓂᒃ ᑕᒪᑦᓱᒪ ᑐᖕᖓᓀᑦᑐᔪᐊᖑᑦᓱᓂ, ᐃᓅᖃᑎᒌᑦᓯᐊᓇᖕᖏᑑᓱᓂ ᐅᐊᓕᓂᕐᒦᑐᓄᑦ,’’ ᐃᓚᐅᑎᓪᓗᒍ ᓇᒻᒥᓂᖅ ᐅᓇᑕᕐᑎᑕᖃᕐᑎᓯᑦᓱᓂ ᓱᓕᔫᓂᕋᕈᑎᒋᑦᓱᖑ ᑕᕐᕋᒥ.

ᕉᓯᐊᑉ ᐊᑑᑎᓯᒪᓂᕐᒥᒍᑦ ᖃᓄᐃᓕᖓᐅᓯᖓ ᐃᒣᒻᒪᑦ ᓱᕐᖁᐃᑐᒥᒃ ᐱᒍᓐᓇᕕᖃᕐᕕᖃᕋᓱᐊᕐᓱᓂ ᐱᖁᔭᑎᒍᑦ ᐊᐅᓚᓗᒍᓗ ᓇᒻᒥᓂᖅ ᑕᕐᕋᖁᑎᒥᓂᒃ ᐊᒻᒪᓗ ᐃᓱᓕᕝᕕᖃᕐᑎᓗᒋᑦ ᓱᓇᔨᐅᕕᖃᕐᓂᖏᑦ ᑕᕐᕋᒦᖕᖏᑐᑦ ᓄᓇᖁᑏᑦ ᑕᕐᕋᐅᑉ ᐱᓂᐊᕐᓂᓕᕆᔭᐅᒍᑎᖏᑎᒍᑦ.ᑌᒣᒐᓗᐊᕐᑎᓗᒍ, ᐱᑦᔪᑕᐅᑎᓪᓗᒍ ᐊᖏᕐᑕᐅᒍᑎᖃᕆᐊᖃᕐᓂᖅ ᐊᒻᒪᓗ ᐊᖏᔪᒻᒪᕆᒻᒥᒃ ᑮᓇᐅᔭᕐᑐᓂᖓ ᐊᖏᕐᑕᐅᓯᒪᖕᖏᑐᒥᒃ ᐅᓇᑕᕐᓱᓂ ᐅᓇᑕᕐᓱᒍ ᔪᑯᕇᓂᐊᓐ, ᕉᓯᐊ ᑭᖕᖒᒪᑦᓯᐸᓪᓕᐊᑐᐃᓐᓇᑐᖅ ᓭᓇᒥᒃ ᑮᓇᐅᔭᖃᕐᑎᑕᐅᒍᑎᓂᒃ ᓴᐳᒻᒥᔭᐅᓂᕐᒥᓗ ᐱᕙᓪᓕᐊᑎᑕᒥᓄᑦ ᐱᓇᓱᑦᓱᒋᑦ ᑕᕐᕋᒥ. ᑕᒪᒃᑯᐊ ᐃᓚᓖᑦ ᐱᑦᓴᒫᕈᑎᑦᓴᓂᒃ ᖃᐅᔨᓴᕐᓂᒥᒃ ᐅᕐᓱᕈᑎᑦᓴᔭᒥᒃ  ᐅᕐᓱᐊᓗᑦᓴᔭᒥᓪᓗ ᐱᕙᓪᓕᐊᔭᐅᒍᑎᖏᑦᓐᓂᒃ,ᐄᒐᕐᕖᑦ ᐊᓯᖏᓪᓗ ᐱᑕᖃᕆᐊᓖᑦ ᐱᐅᓕᓂᐊᒐᒻᒪᕇᑦ. ᐃᓱᒪᒋᔭᕗᑦ ᑕᒪᓐᓇ ᐊᑑᑎᔪᖅ ᑲᔪᓯᒍᑕᐅᓚᖓᒋᐊᖓ ᓯᕗᓕᕈᑕᐅᓗᓂ ᓱᒐᓱᐊᕈᑎᖏᓐᓄᑦ ᓭᓇᐅᑉ ᕉᓯᐊᑉ ᑕᕐᕋᖓᓂ.

ᕉᓯᐊᒥᐅᑦ ᓭᓇᒥᐅᓪᓗ ᑐᑭᓯᒪᐅᑎᒍᑎᓖᑦ ᐱᒐᓱᐊᕈᒪᔭᒥᓂᒃ ᐲᕐᓯᓗᑎᒃ ᐊᖏᖃᑎᒌᒎᑕᐅᓯᒪᑦᓱᑎᒃ ᒪᓕᒐᕐᓂᒃ ᑐᖕᖓᕕᓕᓐᓂᒃ ᓄᓇᕐᔪᐊᓕᒫᒥ ᐱᐅᓯᖃᕈᑎᑎᒍᑦ, ᑭᓯᐊᓂ ᑖᒃᑯᓅᖓ ᓄᐃᑦᓯᕋᓕᓲᐹᓗᒃ ᐊᑦᔨᒌᖕᖏᓂᖏᓐᓂᒃ ᐱᒍᒪᔭᖏᑦᑕ. ᕉᓯᐊ ᑭᖕᖒᒪᑦᓯᕙᓪᓕᐊᑐᐃᓐᓇᑐᖅ ᓭᓇᒥᒃ ᐊᒻᒪᓗ ᓴᖑᑎᑎᕆᓕᕐᓱᓂ ᐊᑑᑎᖃᑦᑕᓯᒪᔭᒥᑎᒍᑦ ᖃᓄᐃᓕᖓᐅᓯᕐᒥᓂᒃ ᐊᑐᐃᓐᓇᕈᐃᓂᒃᑯᑦ ᑕᕐᕋᖁᑎᒥᓂᒃ ᓭᓇᒧᑦ. ᐅᑦᑑᑎᒋᓗᒍ ᔪᓓ 2024ᒥ, ᕉᓯᐊᓗ ᓭᓇᓗ, ᓄᐃᑦᓯᓱᑎᒃ 2022ᒥ ᐅᖃᒻᒪᕆᐅᑎᒥᒃ ᐱᓇᓱᖃᑎᒌᓐᓂᐊᓂᕋᐅᑎᒥᒃ ᑕᕐᕋᒥ, ᑲᑐᑎᑦᓱᒍ ᐅᓇᑕᕐᑎᓂᒃ ᐱᔭᕆᐅᕐᓴᑎᑦᓯᓂᖅ ᕉᓯᐊᑉ ᑕᕐᕋᖁᑎᖓᓂ.ᐃᓚᒋᐊᕈᑎᒋᓗᒍ, ᕉᓯᐊᒥᐅᑦ ᓭᓃᓰᓪᓗ ᐅᓇᑕᐅᑎᐅᑦᓱᑎᒃ ᐅᒥᐊᕐᔪᐊᖁᑎᖏᑦ ᐱᓇᓱᐊᖃᑎᒌᑦᑐᕕᓃᑦ ᐃᖏᕐᕋᔭᕐᕕᖃᕐᓱᑎᒃ ᓄᓇᕐᔪᐊᒥᐅᑦ ᐃᒪᖁᑎᖃᕐᕕᖓᓐᓂᒃ  Aleutian ᕿᑭᕐᑕᖏᓐᓂ, ᒪᕐᕉᒃ ᓄᓇᓕᕐᔪᐊᒃ ᐃᒪᕐᐱᒥ ᓴᐳᒻᒥᔨᖏᒃ ᑲᑐᑎᑦᓱᒍ ᐃᖏᕐᕋᔭᕐᕕᓕᕕᓃᒃ ᐃᒪᕐᐱᒥᒃ; ᐊᒻᒪᓗ ᕉᓯᐊᑉ ᓭᓇᐅᓪᓗ ᐅᓇᑕᕐᑎᖏᑦ ᖃᖓᑦᑕᔫᒃᑯᑦ ᖃᖓᑕᑎᑕᐅᖃᑦᑕᓯᒪᓕᕐᓱᑎᒃ, ᐊᒻᒪᓗ ᕉᓯᐊᒥᐅᑦ ᓭᓃᓰᓪᓗ ᖃᖓᑦᑕᔫᖏᑦ ᖃᐅᔨᔭᐅᖃᑦᑕᓯᒪᓕᕐᓱᑎᒃ, ᓇᒧᖕᖓᓂᖏᑦ ᖃᐅᔨᔭᐅᑦᓱᑎᒃ ᓄᕐᖃᑎᑕᐅᖃᑦᑕᓯᒪᓕᕐᑐᑦ ᐊᒥᕆᑲᐅᑉ ᑕᕐᕋᖓᓂ ᐃᑖᒐᐅᑎᑦᓯᑌᓕᔨᓄᑦ  (NORAD) ᖃᖓᑕᑦᓱᑎᒃ ᐊᓛᔅᑲᐅᑉ ᕿᓚᒃᑯᑦ ᐃᑖᕐᑕᐅᑌᓕᕕᖓᑕ ᓇᓗᓀᕐᑕᐅᒪᕕᖓᓂ.ᑕᒪᓐᓇ ᓄᐃᑕᑎᑦᓯᔪᖅ ᐱᕙᓪᓕᐊᑐᐃᓐᓇᓂᖏᓐᓂᒃ ᑲᑐᑦᔨᓱᑎᒃ ᓭᓃᓰᑦ ᕉᓯᐊᒥᐅᓪᓗ ᐅᓇᑕᕐᑎᖏᑦᑕ ᐱᓇᓱᖃᑎᒌᓐᓂᖏᓐᓂᒃ, ᐱᓗᐊᕐᑐᒥᒃ ᑕᕐᕋᒥ ᐸᓯᕕᒃᒥ ᐱᕙᓪᓕᐊᕕᖃᕐᓱᑎᒃ ᑕᕐᕋᒥ.

2. ᐱᕙᓪᓕᐊᑐᐃᓐᓇᑐᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᒧᑦ ᑯᑦᓴᓇᕈᑏᑦ

ᑕᕐᕋᖅ ᐸᕐᓇᓯᒪᓂᕐᑎᒍᑦ ᐱᒻᒪᕆᐅᕗᖅ ᓄᓇᖁᑎᐅᑦᓱᓂ ᐃᑖᒐᐅᑦᑌᓕᒋᐊᖃᕐᓂᖓᓄᑦ ᐊᒥᕆᑲᐅᑉ ᑕᕐᕋᖓᑕ ᐊᒻᒪᓗ ᑕᕐᕋᒦᑦᑑᑉ ᐃᒪᕐᐱᐅᑉ ᐊᖏᖃᑎᒌᒍᑕᐅᓯᒪᓂᖓᑕ ᐃᓂᓪᓚᑕᐅᒪᓂᖏᑎᒍᑦ (NATO’s) ᑕᕐᕋᒥ ᐅᐊᓕᓂᕐᒥᓗ ᐃᓱᓕᕝᕕᖏᑦ ᓄᓇᑖᕈᑕᐅᓯᒪᔪᑦ, ᕋᓗᐊᕐᑎᓗᒍ, ᐃᑖᒐᐅᑦᑌᓕᒋᐊᖃᕐᓂᒧᑦ ᐃᓂᓪᓚᓯᒪᐅᑏᑦ ᐊᒻᒪᓗ ᑯᑦᓴᓇᕐᓂᖓᑕ ᑕᑯᑦᓴᐅᓂᖏᑦ ᑕᕐᕋᓕᒫᒦᑦᑐᑦ.

ᐊᓐᓇᐅᒪᒍᓐᓇᓂᖅ, ᐊᑦᑕᓇᕐᑐᒦᑦᑌᓕᓂᕐᓗ ᓴᐳᒻᒥᔭᐅᓂᖓᓗ ᑲᓇᑕᐅᑉ ᑕᕐᕋᖁᑎᖓᑕ ᐱᖕᖑᐊᕈᑕᐅᒐᓂ ᓯᕗᓪᓕᐅᔭᐅᒋᐊᖃᕐᓂᖃᕐᖁᖅ ᐃᓕᖓᔪᒥᒃ ᑲᓇᑕᐅᑉ ᑲᕙᒪᖓᓐᓄᑦ ᐊᒻᒪᓗ ᐱᑕᖃᕆᐊᖃᓪᓚᕆᑦᓱᓂ ᑐᑭᓯᒪᐅᑎᒍᑕᐅᓗᓂ ᐃᑖᒐᐅᑦᑌᓕᒋᐊᖃᕐᓂᖓᓂᒃ ᐊᒥᕆᑲᐅᑉ ᑕᕐᕋᖓᑕ.ᑕᕐᕋᒥ ᓄᓇᖁᑎᑖᕆᓯᒪᔭᖏᑦ ᐊᒥᕆᑲᐅᑉ ᑕᕐᕋᖓᑕ ᓴᐳᒻᒥᔭᐅᒍᑎᓖᑦ ᐅᓇᑕᕐᑎᓄᑦ ᖃᖓᑦᑕᔫᒃᑯᑦ ᑲᓇᑕᒥᐅᓄᑦ ᐊᒥᕆᑲᒥᐅᓄᓪᓗ, ᑖᑯᐃᓇᐅᑦᓱᑎᒃ ᒪᕐᕈᐃᖑᑦᓱᑎᓪᓘᓃᑦ, ᐊᒻᒪᓗ ᐊᕐᖁᑎᒋᑦᓱᒍ NORAD, ᑖᓐᓇ ᒪᕐᕈᐃᖑᕕᐅᔪᖅ ᓄᓇᓕᕐᔪᐊᓄᑦ.

ᑯᑦᓴᓇᕈᑕᐅᓂᖓ ᐅᓇᑖᕐᑏᑦ ᓱᒋᐊᑐᐃᓐᓇᕆᐊᖃᕐᓂᖏᑦᑕ ᐊᒥᕆᑲᐅᑉ ᑕᕐᕋᖓᑕ ᑕᕐᕋᖁᑎᖓᓂ ᐊᑑᑎᓂᐅᔭᓪᓗᐊᖏᑦᑑᒐᓗᐊᖅ, ᑕᒪᓐᓇ ᓄᓇ ᓄᐃᑕᑎᑦᓯᒪᑦ ᓄᓇᖕᖑᐊᑎᒍᑦ ᐊᕐᖁᑎᐅᒍᓐᓇᓂᕐᒥᒃ ᐱᐅᓯᕆᔭᐅᔪᑐᖃᕐᓄᑦ ᓄᐃᕙᓪᓕᐊᔪᓄᓪᓗ ᓱᒋᐅᑎᓄᑦ ᐱᐅᓯᐅᔪᓂᒃ ᑯᑦᓴᓇᕐᑐᒦᑦᑎᓯᔪᓄᑦ ᑕᕐᕋᒦᑦᑐᓂᒃ ᐊᒻᒪᓗ ᐊᒃᓛᓐᑎᒃ ᐊᕐᖁᑎᐅᓂᖓᑕ ᐊᑦᑕᓇᕐᑐᒦᑦᑌᓕᒋᐊᖃᕐᓂᖏᓐᓄᑦ.ᑲᓇᑕ ᑕᑯᖃᑦᑕᓕᕐᒪᑦ ᐊᒥᓱᓂᒃ ᑯᑦᓴᓇᕐᑐᒨᕈᑕᐅᒍᓐᓇᑐᓂᒃ, ᐃᓚᐅᑎᓪᓗᒍ ᕉᓯᐊᒥᐅᑦ ᓱᒐᓱᐊᓕᐅᒥᓯᒪᓂᖓ ᑕᕐᕋᒥ ᑲᓇᑕᒥᐅᑦ ᖃᖓᑦᑕᔫᒃᑯᑦ ᓱᒐᓱᐊᕈᑎᖏᓐᓂᒃ, ᓭᓇᐅᑉ ᖃᖓᑦᑕᑎᑦᓯᕋᓕᖃᑦᑕᓂᖓ ᒪᕐᕈᐃᖑᑦᓱᑎᒃ ᐊᑐᓚᖓᔭᒥᓂᒃ-ᑕᒣᑎᒍᑦ ᖃᐅᔨᓴᕐᓂᑯᑦ ᐊᑑᑎᑎᑦᓯᓂᒃᑯᓗ ᐅᓇᑕᕐᑎᓂᒃ-ᖃᐅᔨᓴᕈᑎᓂᒃ ᐅᒥᐊᕐᔪᐊᓂᒃ ᐃᓄᑦᑕᖃᕐᑎᓯᓂᒃᑯᓗᑦᓄᐊᑦᓯᒍᑎᐅᑦᓱᑎᒃ ᖃᕆᑕᐅᔭᒦᑦᑐᓴᓂᒃ,ᐊᒻᒪᓗ ᐱᓕᐅᒥᒍᑕᐅᓯᒪᔪᑦ ᐃᒪᕐᐱᑯᑦ ᓱᒐᓱᐊᕐᓃᑦ. ᐊᑭᕇᕃᑦ ᐱᓕᐅᑎᔩᓪᓗ ᐱᓇᓱᑦᑕᐅᑎᑦᓯᒥᔪᑦ ᖃᐅᔨᒪᑎᑦᓯᑌᓕᓂᕐᒥᒃ ᐊᒻᒪᓗ ᑐᓴᐅᒪᔮᑦᑕᐅᑎᑦᓯᓱᑎᒃ ᑐᓱᓕᕐᑎᓯᒐᓱᐊᕈᑎᓂᒃ, ᐱᑦᓯᐊᖏᑦᑑᓱᑎᒃ ᖃᕆᑕᐅᔭᕈᑏᑦ ᐊᑐᕐᓱᒋᑦ ᐊᒻᒪᓗ ᑎᕐᓕᐊᓯᔨᖁᑎᖃᕐᓱᑎᒃ ᐅᓚᐱᑦᓱᑎᓪᓗ ᓄᓇᓕᕐᔪᐊᖁᑎᒋᖕᖏᑕᒥᓂᒃ ᐱᒐᓱᐊᕐᓱᒋᑦ ᑲᓇᑕᒥᐅᑦ, ᐃᓚᐅᑎᓪᓗᒋᑦ ᑕᕐᕋᒥᐅᑦ.

ᐱᓇᓱᖃᑎᖃᕆᐊᖃᕐᓂᖅ ᖃᓂᑕᕆᓗᒋᑦ ᐊᒥᕆᑲᒥᐅᑦ ᐱᑕᖃᕆᐊᖃᓪᓚᕆᑦᑐᖅ ᑲᒪᒋᑦᓯᐊᑕᐅᒋᐊᖃᕐᓂᖓᓄᑦ ᐊᑦᑕᓀᑦᑐᒦᒋᐊᖃᕐᓂᐅᑉ,ᓲᖑᔫᓗᓂ ᓴᐳᒻᒥᔭᐅᑦᓯᐊᓗᓂᓗ ᐊᒥᕆᑲᐅᑉ ᑕᕐᕋᖓᑕ ᐊᖏᕐᕋᕆᔭᐅᓂᖓ, ᑖᒃᑯᐊ ᒪᕐᕈᐃᖑᑦᓱᑎᒃ ᓄᓇᓕᕐᔪᐊᒃ  ᐊᑦᔨᒌᒥᒃ ᐱᑕᖃᑦᓯᐊᓂᐊᕈᒪᒍᑎᒃ ᐊᑦᑕᕕᖃᕐᓱᑎᒃ.ᐱᑕᖃᕆᐊᖃᓪᓚᕆᑦᑐᖅ ᐊᑑᑎᑎᑦᓯᓭᓕᓂᖅ ᓴᐳᒻᒥᓂᕐᓗ ᑌᒣᕝᕕᒋᓗᒋᒃ ᐱᕙᓪᓕᐊᑐᐃᓐᓇᑐᑦ ᑯᑦᓴᓇᕐᑐᑦ ᑕᕐᕋᒥ, ᐃᓚᐅᑎᓪᓗᒍ ᑕᕐᕋᒥ ᐊᒻᒪᓗ ᓱᒐᓱᐊᕈᑎᖏᑎᒍᑦ ᑕᕐᕋᖓᓂ ᐊᑦᓛᓐᑎᒃ ᑕᕐᕋᖓᓂᓗ ᐸᓯᕕᒃ. ᓂᕆᐅᒋᔭᖃᕐᑐᒍ ᑲᓇᑕ ᐊᒥᕆᑲᓗ ᐃᑖᒐᐅᑦᑌᓕᓂᕐᒧᑦ ᐱᓇᓱᖃᑎᒌᓐᓂᐊᕆᐊᖏᒃ ᑕᕐᕋᒥ ᐱᕙᓪᓕᐊᑐᐃᓐᓇᕈᑎᒋᓗᒍᓗ,  ᐊᑑᑎᔭᐅᒋᐊᖃᓪᓚᕆᒻᒪᑦ ᑌᒣᓐᓄᑦ ᓄᓇᓕᕐᔪᐊᓄᑦ ᓄᓇᕐᔪᐊᒥ ᐊᑦᑕᓀᑦᑐᒦᒋᐊᖃᕐᓂᒧᑦ ᐱᒐᓱᐊᕐᑕᖏᑎᒍᑦ.

ᓲᖑᔫᑦᓱᓂ ᓴᐱᓕᔪᐃᑦᑑᓱᓂᓗ ᑕᕐᕋᖅ ᐊᒻᒪᓗ ᑕᕐᕋᒦᑦᑐᑦ ᓄᓇᓖᑦ ᐱᓕᐅᒥᕕᐅᓗᑎᒃ ᑲᓇᑕᐅᑉ ᑲᕙᒪᖓᓐᓄᑦ ᓴᐳᒻᒥᔭᐅᓂᒃᑯᑦ ᑯᑦᓴᓇᕐᑐᑦ ᐱᓪᓗᒋᑦ.ᐃᓱᒪᒋᓗᒍ ᐱᓕᐅᒥᓯᒪᓕᕐᓂᖓ ᐅᖁᒣᓪᓕᐅᑎᑕᐅᓂᐅᑉ ᐊᒻᒪᓗ ᐱᓕᐅᑎᖃᑕᐅᔪᑦ ᖃᐅᔨᒪᒐᓱᐊᕐᓂᖓᑦ ᐱᔭᐅᑐᐃᓐᓇᕆᐊᖃᕐᓂᒥᒃ ᑲᓇᑕᐅᑉ ᑕᕐᕋᖓᓂ,ᑲᓇᑕᐅᑉ ᑲᕙᒪᖓ ᐊᐅᓚᑦᔭᕆᐊᕈᑎᖃᕆᐊᓕᒃ ᓲᓱᒋᔭᐅᒍᓐᓇᓯᒐᓱᐊᕐᓗᓂ ᓇᐅᓕᒫᓅᓕᖓᔪᓂ ᐱᓇᓱᕝᕕᐅᔪᓂ ᐊᒻᒪᓗ ᐱᓕᐅᒥᑎᓗᒍ ᐱᑐᑦᓯᒪᐅᑎᓂᖅ ᐃᓱᒪᖃᑎᒌᓐᓂᖃᕐᓗᑎᒃ. ᑲᓇᑕᐅᑉ ᑲᕙᒪᖓᑕ  ᐊᖏᖃᑎᒌᒐᓱᐊᕐᓂᖓ ᐊᒻᒪᓗ ᐱᔭᐅᑦᑌᓕᓂᕐᒧᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᒧᓪᓗ ᒪᓕᒐᖅ ᐱᓇᓱᖃᑎᒌᒍᑎᐅᒋᐊᓖᒃ ᑲᑐᑎᓗᒋᒃ ᑕᒪᒃᑯᓂᖓ ᑯᑦᓴᓇᕐᑐᒨᕈᑎᐅᑐᐃᓐᓇᕆᐊᓕᓐᓂᒃ ᓄᐃᕙᓪᓕᐊᑐᐃᓐᓇᑐᓂᒃ ᖃᐅᔨᒪᒐᓱᐊᕈᑎᐅᓗᑎᒃ.

ᐊᑦᑕᓇᕐᑐᒦᑦᑌᓕᓂᕐᒧᑦ ᖁᑦᓯᑐᒥ ᑕᕐᕋᒥ ᑌᒫᓪᓗᐊᖅ ᐱᒻᒪᕆᐅᓂᖃᕐᒥᔪᖅ ᑲᓇᑕᐅᑉ ᐊᑦᑕᓇᕐᑐᒦᑦᑌᓕᒋᐊᖃᕐᓂᖓᓄᑦ ᑮᓇᐅᔭᓕᐅᕐᕕᓴᑦᓯᐊᖑᓂᖓᑕᓗ ᖃᓄᐃᖕᖏᓯᐊᖏᓐᓇᕆᐊᖃᕐᓂᖓᓄᑦ.

ᑕᕆᐅᑉ ᐊᑭᐊᓂᒥᐅᑉ ᑕᕐᕋᖁᑎᖓ ᐱᓕᐅᑎᒍᑕᐅᓪᓚᕆᑦᑐᖅ ᐅᓇᑕᕐᑎᓄᑦ, ᐃᓚᐅᑎᓪᓗᒋᑦ ᑯᑦᓴᓇᕈᑎᒋᑐᐃᓐᓇᕆᐊᓕᖏᑦ ᐱᑕᖃᕆᐊᖃᓪᓚᕆᑦᑐᑦ ᐱᖁᑎᒻᒪᕇᑦ, ᐃᒪᑉᐱᐅᑉ ᐊᑦᑕᓇᕐᑐᒦᑦᑌᓕᒋᐊᖃᕐᓂᖓ,ᐃᓱᒫᓗᓐᓇᖏᑦᑑᓗᓂᓗ, ᐃᓚᐅᒻᒥᑎᓪᓗᒋᓪᓗ ᐊᕐᖁᑎᐅᒍᓐᓇᑐᑦ ᐃᓱᒫᓗᒋᔭᐅᒍᑎᖏᑦ.ᕉᓯᐊ ᐅᐸᐅᑎᑎᑦᓯᓯᒪᑦᓱᓂ ᐅᓇᑕᕐᑎᖁᑎᒥᓂᒃ ᐱᒻᒪᕆᒍᑎᒋᑦᓱᒋᑦ ᑕᕐᕋᒥ, ᖃᖓᑦᑕᔫᒃᑯᑦ ᐅᒥᐊᕐᔪᐊᑎᒍᓪᓗ ᐅᓇᑕᐅᑎᑕᖃᕐᓱᑎᒃ ᐅᓇᑕᕈᑎᓪᓗᐊᖑᑦᓱᑎᒃ ᑕᕆᐅᑉ ᐊᑭᐊᓂᒃ ᐊᒥᕆᑲᐅᓪᓗ ᑕᕐᕋᖓᓂᒃ  ᑕᒪᓐᓇᓗ ᐱᓀᓗᑕᖕᖑᓯᒪᑦᓱᓂ ᑲᓇᑕᐅᑉ ᐱᒐᓱᐊᕈᓐᓇᓂᖓᓄᑦ ᐱᓇᓱᑦᑎᓯᓂᕐᒧᑦ ᐅᓇᑕᕐᑎᓂᒃ ᓴᐳᒻᒥᑎᓪᓗᒋᑦ ᐃᑲᔪᕐᑎᒥᓂᒃ ᐱᓇᓱᖃᑎᒥᓂᓪᓗ. ᕉᓯᐊᑉ ᐱᒍᓐᓇᕕᖃᕐᕕᒥᑕ ᐅᖓᑖᓄᑦ ᓱᒐᓱᐊᕐᓂᖏᑦ, ᐅᓇᑕᕐᑏᑦ ᓱᒐᓱᐊᕐᓱᑎᒃ ᑲᔪᓯᔪᒥᓪᓗ ᐆᑦᑐᕋᖃᑦᑕᓂᖓ ᐅᓇᑕᐅᑎᓂᒃ ᑕᕆᐅᑉ ᐊᑭᐊᑕ ᑕᕐᕋᖁᑎᖓᓂᒃ ᐊᒻᒪᓗ ᐱᓀᓗᑦᓰᓯᒪᒻᒪᕆᑦᓱᑎᒃ  ᑕᕐᕋᒥ.

NATO ᓲᖕᖑᓯᒋᐊᕆᓯᒪᓕᕐᑐᖅ ᐃᓱᓕᑦᑕᕕᓕᐅᕆᒍᓐᓇᐅᑎᒥᓂᒃ ᓴᐳᓐᓂᐊᓂᕐᒧᓗ ᖃᓄᐃᓕᖓᐅᓯᕐᒥᓂᒃ,ᐃᓚᐅᑎᓪᓗᒍ ᑕᕆᐅᑉ ᐊᑭᐊᑕ ᑕᕐᕋᖁᑎᖓ, ᑭᐅᑦᔪᑎᒋᑦᓱᒍ ᐱᕙᓪᓕᑐᐃᓐᓇᑐᓄᑦ ᑯᑦᓴᓇᕐᑐᓄᑦ ᐊᑑᑎᑎᑕᖏᓐᓄᑦ ᕉᓯᐊᑉ. ᐱᒍᓐᓇᑎᑦᓯᒍᑎᖏᑦ ᕕᓐᓚᓐ ᒧᕗᐃᑕᓐᓗ NATOᒥᒃ 2023 ᐊᒻᒪᓗ 2024ᒥ , ᑖᓐᓇᑐᐊᖑᑦᓱᓂ,ᓴᐳᒻᒥᒍᑕᐅᓚᐅᔪᕗᖅ ᐱᒍᓐᓇᐅᑎᓂᒃ ᐱᖁᔭᑎᒍ ᐊᖏᖃᑎᒌᒍᑎᐅᓯᒪᑦᓱᑎᒃ, ᑎᑭᐅᑦᔨᓱᑎᒃ ᐊᓯᖏᑦ ᐱᒐᓗᐊᕐᒥᑎᓪᓗᒋᑦ, ᐃᑉᐱᓇᓪᓚᕆᑦᑐᒥᒃ ᕿᐅᔭᓇᕐᑐᒦᓕᓂᐅᑦᓱᑎᒃ ᐱᒍᓐᓇᓂᖃᑦᓯᐊᓱᑎᓪᓗ, NATOᒨᕈᑦᔨᓱᒍ,ᑕᒃᒎᓇ ᓲᖕᖑᓯᒋᐊᕈᑎᐅᑦᓱᓂ ᐃᓂᓪᓚᓯᒪᐅᑎᖏᓐᓄᑦ ᑕᕆᐅᑉ ᐊᑭᐊᑕ ᑕᕐᕋᖁᑎᖓᓄᑦ. ᑲᓇᑕ ᓯᕗᓪᓕᐸᐅᑦᓱᓂ ᐋᕐᕿᒋᐊᕆᓚᐅᔪᔪᖅ ᐊᑐᓂ ᐊᖏᖃᑎᒌᒍᑎᒋᓯᒪᔭᒥᑎᒍᑦ. ᑲᓇᑕ ᑲᔪᓯᓚᖓᔪᖅ ᖃᐅᔨᒪᑎᑦᓯᓂᒃᑯᑦ ᑯᑦᓴᓇᕐᑑᑐᐃᓐᓇᕆᐊᓕᓐᓂᒃ ᖃᐅᔨᒪᑎᓗᒋᑦ ᐃᑲᔪᕐᑎᓂ ᑕᕐᕋᒦᑦᑐᑦ ᓴᐳᒻᒥᒍᑎᒋᓗᒍᓗ NATO ᐊᐅᓚᑕᖏᓐᓂᒃ ᐅᐸᐅᑎᓯᒪᓂᖏᓐᓂᓗ ᑕᕆᐅᑉ ᐊᑭᐊᑕ ᑕᕐᕋᖁᑎᖓᓄᑦ.

ᐊᓯᑦᔨᕋᓗᐊᕐᑎᓗᒋᑦ ᑕᑯᑦᓴᐅᒍᓯᖏᑦ ᑯᑦᓴᓇᕐᓯᑐᐃᓐᓇᕆᐊᓖᑦ, ᑕᒪᓐᓇ ᑲᓇᑕᐅᑉ ᐃᓂᓪᓚᓯᒪᐅᑎᒥᑎᒍᑦ ᐱᒍᒪᓯᒪᖕᖏᑕᖓ ᑕᕐᕋᖅ ᐅᓇᑕᕐᑎᓄᑦ ᐹᕐᓯᖓᐅᑎᕕᐅᓯᓗᓂ.ᑲᓇᑕ ᑲᔪᓯᒍᑎᖃᓚᖓᔪᖅ ᐱᓇᓱᖃᑎᖃᕐᓂᕆᓲᒥᓂᒃ ᓄᓇᑖᕐᓯᒪᔪᓂᒃ ᐊᖏᖃᑎᒌᒍᑎᒃᑯᑦ ᐊᒻᒪᓗ ᑲᓇᑕᐅᑉ ᐊᕕᑦᑐᑕᐅᓯᒪᓂᖏᓐᓃᑐᓂᒃ, ᑕᕐᕋᒥ ᓄᓇᖃᕐᖄᓯᒪᔪᓂᓪᓗ ᐃᑲᔪᕐᑎᒥᓂᓪᓗ ᐱᓇᓱᖃᑎᒥᓂᓪᓗ ᐃᓘᓐᓈᓂ ᑕᕐᕋᒦᑦᑐᓂᒃ ᖃᐅᔨᒪᔭᐅᓕᐅᒥᖁᓪᓗᒋᑦ  ᓄᓇᖁᑏᑦ, ᐱᕙᓪᓕᐅᒥᑎᓗᒍ ᖃᐅᔨᒪᔭᐅᒋᐊᓕᓐᓂᒃ ᖃᐅᔨᒪᔭᐅᑎᑦᓯᓂᖅ ᐊᒻᒪᓗ ᓲᖕᖑᓯᐅᒥᑎᓗᒍ ᓇᒻᒥᓂᖅ ᐊᐅᓚᑦᓯᒍᓐᓇᓂᖓ ᐊᒻᒪᓗ ᖃᐅᔨᓴᕐᓂᒧᑦ ᐊᑦᑕᓇᕐᑐᒦᑦᑌᓕᓂᖅ.

ᑲᓇᑕ ᐊᐅᓚᑦᔭᕆᐊᕈᑎᖃᕆᐊᖃᕐᒥᔪᖅ ᓱᕐᕋᑕᐅᓪᓗᐊᖏᓕᐅᒥᑎᑦᓯᒐᓱᐊᕐᓗᓂ ᒫᓐᓇᐅᑎᓪᓗᒍ ᐱᕙᓪᓕᐊᑐᐃᓐᓇᑐᓄᑦ ᓴᐳᒻᒥᔭᐅᒋᐊᓕᓐᓄᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᐅᓗ ᑯᑦᓴᓇᕐᑐᒨᕐᑕᐅᒍᑎᒋᓯᒪᓕᕐᑕᖏᓐᓂᒃ ᑕᕐᕋᐅᑉ ᐃᓄᐃᓪᓗ ᑕᕐᕋᒥᐅᑦ ᐊᒻᒪᓗ ᐊᑑᑎᓕᕐᓱᑎᒃ ᒫᓐᓇ ᐃᓂᒥ ᐱᓕᐅᑎᕕᐅᔪᒥ.

3. ᓱᖏᐅᑎᒋᐊᖃᕐᓂᖅ ᓄᑖᓂᒃ ᐊᑑᑎᔭᐅᓕᕐᑐᓂᒃ ᑕᕐᕋᒥ ᑲᕙᒪᒍᓯᕐᓂᒃ

ᕉᓯᐊᑉ ᐃᑕᕐᓯᒪᓂᖓ ᔪᑯᕇᓂᐊᓐᒥᒃ ᐊᑑᑎᑎᑦᓯᒪᑦ ᓱᕐᕋᑕᐅᓐᓇᑐᓂᒃ ᑲᕙᒪᑕᐅᒍᓯᖏᓐᓂᒃ ᑕᕐᕋᐅᑉ. ᑕᒃᒐᓂ ᑕᕐᕋᒥ ᓄᓇᖁᑎᐅᔪᑦ ᑲᔪᓯᒍᑕᐅᑎᓪᓗᒋᑦ ᐱᔭᕆᔭᐅᒐᓱᐊᕈᑎᖏᑦ ᐱᒻᒪᕆᐅᑦᓱᑎᒃ ᑲᒪᒋᔭᑦᓴᑖᕆᔭᐅᓯᒪᔪᑦ ᑲᕙᒪᓕᕆᒍᑎᐅᓂᐊᕐᓱᑎᒃ ᑕᕐᕋᒦᑦᑐᓂ ᓄᓇᖁᑎᒋᔭᐅᔪᓂ ᐊᑑᑎᓂᕐᒦᓱᑎᒃ ᓂᕆᐅᓇᕐᓯᒪᖕᖏᑐᓂᒃ ᐊᓯᑦᔨᕈᑎᓂᒃ, ᐅᑦᑑᑎᒋᓗᒋᑦ ᓄᓇᓕᕐᔪᐊᑦ ᐊᑑᑎᑦᓱᑎᒃ ᑐᑭᒧᐊᒍᑎᓕᓐᓂᒃ ᐊᐅᓚᑦᔭᕆᐊᕈᑎᓂᒃ ᓱᕐᖁᐃᑐᒥᒃ ᖃᐅᑕᒫᕐᓯᐅᑎᑐᐃᓐᓇᐅᖏᑦᑐᓂᒃ ᐱᓇᓱᖃᑎᖃᕐᓂᑯᑦ ᕉᓯᐊᒥᐅᓂᒃ.

ᑲᑎᖕᖓᔩᑦ ᑕᕐᕋᒨᓕᖓᔪᓄᑦ ᓯᕗᓪᓕᐸᐅᑦᓱᑎᒃ ᐱᒻᒪᕆᐅᕗᑦ ᐱᑦᔪᑎᓄᑦ ᓄᓇᕐᔪᐊᒥᐅᓕᒫᑦ ᐱᓇᓱᖃᑎᒌᒍᓐᓇᕆᐊᖃᕐᓂᖏᓐᓄᑦ ᑲᕙᒪᒍᓯᕐᓄᓗ. ᑲᑎᑎᑦᓯᓱᑎᒃ 8ᓂᒃ ᑕᕐᕋᐅᑉ ᓄᓇᖁᑎᖏᓐᓂᒃ,6 ᑲᔪᓯᔪᒥᒃ ᐃᓚᐅᕕᓖᑦ ᐱᓇᓱᕝᕕᐅᔪᑦ ᑭᒃᒐᑐᕐᓱᑎᒃ ᓄᓇᓕᑐᖃᕐᓂᒃ ᐃᓄᓐᓂᒃ ᑕᕐᕋᒥ, ᖃᐅᔨᒪᒐᓱᐊᕐᑏᑦ ᑲᒪᒋᔭᐅᒋᐊᓕᓐᓂᒃ ᐱᑦᓴᖑᓕᕐᕿᑕᕈᓐᓇᑐᓂᒃ ᐱᕙᓪᓕᐊᑎᑕᐅᔪᓂᒃ ᐊᒻᒪᓗ ᐊᕙᑎᐅᑉ ᓴᐳᒻᒥᔭᐅᒋᐊᖃᕐᓂᖓᓂᒃ ᑕᕐᕋᒥ. ᓱᓇᔨᐅᓂᖏᑦ ᓄᓇᖃᕐᖄᓯᒪᔪᑦ ᑕᕐᕋᒦᑦᑐᑦ, ᐱᓯᒪᑦᓱᑎᒃ ᑐᖕᖓᕕᖏᓐᓂᑦ ᑕᕐᕋᒥᒃ ᑲᑎᖕᖓᔨᐅᒍᑎᓖᑦ 1996ᖑᑎᓪᓗᒍ ᐅᓪᓗᒥᒧᑦ ᑎᑭᑦᓱᒍ, ᓲᖑᓂᕐᐹᒥᒃ ᑲᑎᖕᖓᔩᑦ ᐊᒻᒪᓗ ᐊᑦᔨᐅᖏᑦᑐᒥᒃ ᐊᒥᓱᐃᓕᖓᔪᓂᒃ ᑲᕙᒪᒍᓯᕐᓂᒃ ᐊᑑᑎᑦᓱᓂ. ᑲᑎᖕᖓᔩᑦ ᑎᑭᐅᑎᑦᑕᕕᐅᒋᐊᓕᓐᓂᒃ ᐋᕐᖀᓲᑦ ᑐᑭᖃᑦᓯᐊᓗᑎᒃ ᐃᓚᐅᑎᑦᓯᒍᑎᐅᒋᐊᓕᓐᓂᒃ ᓄᓇᖃᕐᖄᓯᒪᔪᓂᒃ, ᐱᕙᓪᓕᐊᑐᐃᓐᓇᓱᑎᓪᓗ ᐅᓪᓗᒥᒧᑦ ᑎᑭᓱᒍ. ᑕᕐᕋᒥ ᑲᕙᒪᒍᓯᐅᒋᐊᓖᑦ ᐃᓂᓪᓚᑕᐅᖃᑦᑕᕆᐊᖃᕐᖁᑦ ᐃᓚᒋᓗᒋᑦ ᑕᕐᕋᒥ ᐊᖏᕐᕋᓖᑦ ᐊᕐᕌᒍᒐᓴᑦᔪᐊᓂ ᐊᓂᒍᕐᑐᓂ,ᐃᓕᑕᕆᓗᒋᑦ ᓲᖑᓂᖏᑦ ᖃᐅᔨᒪᐅᓯᕐᓂᓗ ᖃᐅᔨᒪᑎᑦᓯᖃᑦᑕᐅᑎᓂᖏᑦ ᐊᒻᒪᓗ ᑐᑭᑖᕆᐊᓕᓐᓂᒃ ᑐᑭᑖᕈᓯᖏᑦ.  

ᑲᑎᖕᖓᖃᑎᒌᖃᑦᑕᓗᒋᑦ ᐃᓘᓐᓇᑎᒃ ᐃᓚᐅᔪᑦ ᑲᑎᖕᖓᔩᑦ ᑐᕐᖃᑕᕐᕕᓄᑦ ᐊᒻᒪᓗ ᐱᓇᓱᑦᑎᑐᖃᐅᔪᓄᑦ ᑕᕐᕋᒥᒃ ᑲᒪᒋᔭᖃᕐᓱᑎᒃ ᓱᓕ ᕿᑲᕐᑎᑕᐅᔪᖅ.ᑕᕐᕋᒥᒃ ᐊᐅᓚᑦᓯᔩᑦ ᑲᔪᓯᔪᒥᓪᓗ ᐃᓚᐅᔪᑦ ᐱᓇᓱᖃᑎᒌᒍᑎᓖᑦ ᐃᓕᓐᓂᐊᓯᒪᐅᑎᓖᑦ ᐊᒻᒪᓗ ᓱᑯᐃᔦᔩᑦ ᐃᓚᐅᑎᓪᓗᒋᑦᑕ ᓯᕗᒧᑦᑎᓯᒐᓱᐊᕐᓱᑎᒃ ᐱᒻᒪᕆᓐᓂᒃ ᐱᓇᓱᑦᑕᐅᒍᑎᒋᒋᐊᓕᖏᓐᓂᒃ ᓯᓚᐅᑉ ᐊᓯᑦᔨᓯᒪᓕᕐᓂᖓᑕ ᐊᒻᒪᓗ ᐱᑦᓴᖑᓕᕐᕿᑕᕈᓐᓇᑐᑦ, ᐅᐃᒪᓇᕐᑐᒥᒃ ᐊᑑᑎᑎᑦᓯᑌᓕᓂᖅ ᐊᑐᐃᓐᓇᐅᒪᓂᕐᓗ ᐊᒻᒪᓗ ᑲᔪᓯᒍᓐᓇᑐᓂᒃ ᐱᕙᓪᓕᐊᑎᑦᓯᓂᖅ.ᑕᒪᒃᑯᐊ ᐱᓇᓱᑦᑕᐅᔪᑦ ᐃᓚᐅᑎᓪᓗᒋᑦ ᐊᓯᖏᑦ ᐱᓇᓱᑦᑕᐅᔪᑦ ᑕᕐᕋᒥ ᑲᑎᖕᖓᔨᐅᒍᑎᓕᓐᓄᑦ, ᐃᑲᔪᕐᓯᒪᔪᑦ ᑐᑭᖃᑦᓯᐊᑐᓂᒃ ᐃᖏᕐᕋᑎᑦᓯᒍᑕᐅᑦᓱᑎᒃ ᐃᓅᓐᓅᓕᖓᑦᓱᑎᒃ ᑕᕐᕋᒥ ᐃᓂᓕᓐᓄᑦ. ᑕᒪᓐᓇ ᐊᑦᔨᐅᖏᑦᑑᓱᓂ ᐱᓇᓱᑦᑕᐅᔪᖅ, ᐊᑑᑎᔭᐅᔪᖅ ᐱᓇᓱᖃᑎᖃᕐᓱᑎᒃ ᓄᓇᓕᑐᖃᕐᓂᒃ ᑕᕐᕋᒥᐅᓂᒃ ᐊᒻᒪᓗ ᑕᕐᕋᒥ ᓄᓇᖁᑎᓕᓐᓂᒃ ᐊᕕᑦᑐᓯᒪᓂᖏᑎᒍᑦ, ᑌᒣᒻᒪᓗ ᑖᒃᑯᓂᖓ ᑕᕐᕋᒥᒃ ᑲᑎᖕᖓᔨᐅᒍᑎᓕᓐᓂᒃ ᐱᒻᒪᕆᓪᓚᕆᐅᑎᑦᓯᕗᖅ.  

ᓱᕐᖁᐃᑐᒥᒃ ᓄᑭᖃᑦᓯᐊᕈᑕᐅᖏᓐᓇᖁᓪᓗᒋᑦ ᑲᕙᒪᓕᕆᔭᐅᒍᓯᖏᑦ ᑕᕐᕋᐅᑉ- ᑲᕙᒪᒍᓰᑦ ᐊᑑᑎᔭᐅᒍᓐᓇᑐᑦ ᓱᒋᐊᕆᒍᑎᐅᓗᑎᒃ ᐱᕙᓪᓕᐊᑐᐃᓐᓇᑐᓂᒃ ᐊᑦᓱᕈᕐᓇᑐᓂᒃ ᐱᑦᓴᐅᒍᓐᓇᑐᓂᓪᓗ ᐊᑑᑎᔭᐅᔪᓂᒃ ᐅᓪᓗᒥ ᑕᒃᒐᓂ ᓄᓇᖁᑎᐅᔪᒥ-ᐱᓇᓱᖃᑎᒌᓐᓂᖅ ᑲᔪᓯᔭᐅᒋᐊᓕᒃ ᑕᕐᕋᒥ ᑲᑎᖕᖓᔨᐅᒍᑎᓕᓐᓄᑦ. ᑲᓇᑕᐅᑉ ᑲᕙᒪᖓ ᓇᓗᓀᕐᓯᒋᐊᖃᕐᒥᔪᖅ ᐊᑕᐅᓯᐅᖕᖏᑐᒥᒃ ᐃᓂᓪᓚᓯᒪᐅᑎᑦᓴᓂᒃ ᓇᓪᓕᖁᐊᕆᔭᐅᓗᑎᒃ ᐅᓪᓗᒥ ᓄᐃᑕᒌᕐᑐᓄᑦ ᐱᐅᓯᕐᑖᖃᒻᒥᐅᓂᐊᕐᓗᑎᒃ ᓯᕗᒧᒋᐊᕐᑎᓯᒍᑎᐅᓗᑎᒃ ᐅᖄᖃᑎᒌᒍᓯᕐᓂᒃ ᑕᕐᕋᐅᑉ ᐱᑦᔪᑕᐅᓂᖏᑦ ᐅᖃᓕᒪᔭᐅᓕᕐᐸᑕ. ᑕᕐᕋᒥ ᐃᓄᐃᓪᓗ ᓄᓇᖃᕐᖄᓯᒪᔪᑦ ᑕᕐᕋᒥᐅᑦ ᐃᓚᐅᒋᐊᖃᓪᓚᕆᒃᑯᑦ ᐱᓇᓱᑦᑕᐅᓕᕐᐸᑦ ᓄᓇᕐᔪᐊᓕᒫᒥ ᐱᓇᓱᖃᑎᒌᒍᑎᖃᓲᓄᑦ ᑕᕐᕋᖅ ᐱᓪᓗᒍ.

ᑕᕐᕋᒥᒃ ᐊᐅᓚᑦᓯᔨᐅᑎᑕᐅᔪᑦ ᐊᕕᑦᑐᓯᒪᓂᖏᑎᒍᑦ ᓄᓀᑦ ᑲᑎᓲᖑᒻᒥᔪᑦ ᓄᓇᑖᕐᓯᒪᔪᑎᒍᑦ ᐊᒻᒪᓗ ᓄᓇᕐᔪᐊᒥᐅᓕᒫᑦ ᑲᑎᖕᖓᓂᖏᓐᓄᑦ ᑕᒪᓐᓇᓗ ᐊᑑᑎᖃᕐᓱᓂ ᒪᓕᒐᕐᓂᒃ ᑐᖕᖓᕕᖃᕐᓱᑎᒃ ᓄᓇᕐᔪᐊᓕᒫᒥ ᐃᓂᓪᓚᓯᒪᐅᑎᐅᒋᐊᓕᓐᓄᑦ, ᐃᓚᐅᑎᓪᓗᒍ ᑕᕐᕋᐅᑉ ᓯᑦᔭᖓᑕ ᓴᐳᒻᒥᔭᐅᓂᖓᑕ ᑲᑐᑦᔨᖃᑎᒌᒍᑕᐅᓂᖓ ᐊᒻᒪᓗ ᕿᑎᖓᓃᑦ ᑕᕐᕋᐅᑉ ᐃᒪᕐᐱᖓᑕ ᐃᖃᓗᓐᓂᐊᓂᕐᒧᑦ ᐊᖏᖃᑎᒌᒍᑕᐅᓯᒪᐅᑎᖏᑦ. ᓯᕗᓕᐅᕐᓯᒍᑎᓕᐊᖅ ᓄᐃᑕᐅᓯᒪᔪᖅ 2021ᒥ, ᐊᑐᓕᕐᑎᓯᒍᑕᐅᑦᓱᓂ ᐃᑉᐱᒍᓱᑦᓯᐊᕆᐊᖃᕐᓂᒧᑦ 16ᓂ ᐊᕐᕌᒍᓂ ᐊᑑᑎᔭᐅᕐᖃᔦᕐᑎᑕᐅᑦᓱᓂ ᐃᖃᓗᓐᓂᐊᕈᓐᓇᐅᑎ ᓄᓇᕐᔪᐊᒥᐅᓄᑦ ᖁᑦᓯᑐᒥ ᐃᒪᕐᐱᒥ ᑕᕐᕋᒦᑦᑐᒥ.

ᑕᕐᕋᒥᒃ ᑲᑎᖕᖓᔨᐅᒍᑎᓖᑦ ᓱᓕ ᐱᔭᑦᓴᖃᕐᒥᔪᑦ ᓯᕗᓕᕐᓂᒥᒃ ᓯᕗᒧᑦᑎᓯᒐᓱᐊᕐᓂᒧᑦ ᑕᕐᕋᒥ ᐱᔭᐅᒍᒪᓯᒪᔪᓂᒃ ᓯᐊᒻᒪᓯᒪᓂᕐᓴᑎᒍᑦ ᓄᓇᕐᔪᐊᒥᐅᑦ ᐊᔪᐃᓐᓇᕈᑎᖏᑎᒍᑦ ᐊᕐᖁᑎᒋᑦᓱᒍ UN ᐊᐅᓚᒍᓯᖓ, ᐅᑦᑑᑎᒋᓗᒍ ᓄᓇᕐᔪᐊᒥᐅᓕᒫᑦ ᐃᒪᕐᐱᒥᒃ ᐃᓂᓪᓚᓯᒪᐅᑎᖓ (IMO’s)ᐊᑑᑎᔭᐅᑎᑦᓯᑌᓕᒍᑎᖓ ᐅᕐᓱᐊᓗᒻᒥᒃ ᐅᕐᓱᕈᑎᓐᓂᐊᓂᕐᒥᓗ ᑕᕐᕋᒥ.

ᐃᓘᓐᓈᓅᓕᖓᑦᓱᓂ ᓄᓇᕐᔪᐊᒥᐅᓕᒫᓄᑦ ᐱᖁᔭᑎᒍᑦ ᑐᖕᖓᕕᓕᐊᖑᓯᒪᔪᖅ ᐊᑐᕐᑐᖅ ᐃᒪᕐᐱᒧᑦ ᑕᕐᕋᒦᑦᑐᒧᑦ. ᐱᖁᔭᖅ ᐃᓕᖓᔪᖅ ᐃᒪᕐᐱᒧᑦ, ᐃᓚᐅᒻᒥᑎᓪᓗᒍ ᓄᐃᑕᐅᓯᒪᔪᖅ UN ᑲᑎᒪᓂᖃᕐᑎᓯᑎᓪᓗᒍ ᐱᑦᔪᑕᐅᑎᓪᓗᒍ ᐃᒪᕐᐱᐅᑉ ᐱᖁᔭᖓ(UNCLOS), ᑐᑭᑖᕆᒍᑕᐅᓯᒪᑦᓱᓂ ᐊᕕᑦᑐᑕᐅᓯᒪᓂᖓᑎᒍᑦ ᐃᒪᕐᐱᖁᑎᐅᔪᓂᒃ ᐱᒍᓐᓇᕕᖃᕐᕕᖏᓐᓂᓗ ᑲᒪᒋᒋᐊᓕᖏᓐᓂᓗ ᐃᒪᕐᐱᐅᑉ ᐊᕕᑦᑐᑕᐅᓯᒪᓂᖏᑎᒍᑦ. ᑕᒪᒃᑯᐊ ᒪᓕᒉᑦ ᐊᑐᕐᑕᐅᒋᐊᓖᑦ ᑐᑭᖃᕐᑎᑕᐅᒍᑎᖏᓐᓄᑦ ᒪᓕᒐᐅᑉ ᑎᑦᑕᑕᐅᓯᒪᓂᖏᑎᒍᑦ ᐃᓱᓕᑦᑕᕕᐅᔪᓄᑦ ᓄᓇᓕᕐᔪᐊᑦ ᑎᑭᐅᑎᓯᒪᕕᖏᑎᒍᑦ ᓄᓇᖁᑎᑖᕆᓯᒪᔭᒥᑎᒍᑦ, ᐊᐅᓚᑲᑦᑕᓂᖅ ᐅᒥᐊᕐᔪᐊᑯᑦ, ᐊᐅᓚᑕᐅᓂᖏᑦ ᐱᑦᓴᖑᕈᓐᓇᑐᑦ ᓱᕐᕋᒣᑦᑐᑦ, ᓴᐳᒻᒥᔭᐅᒍᑎᖏᑦ ᐃᒪᕐᐱᐅᑉ ᐊᔭᑎᖓᑕ ᐊᓯᖏᑎᒍᓪᓗ ᐊᑐᕐᑕᐅᒍᓐᓇᓂᖏᑎᒍᑦ ᐃᒪᕐᐱᐅᑉ.ᒪᓕᑦᓱᓂ 2008ᖑᑎᓪᓗᒍ ᐃᓗᓕᑦᓴᐅᑉ ᐅᖃᒻᒪᕆᐅᑕᐅᒍᑎᒋᓯᒪᔭᖓᓂᒃ, ^{Footnote 4} ᑲᓇᑕᐅᑉ ᑲᕙᒪᖓ ᑲᔪᓯᒍᑎᓕᒃ ᑐᓂᒪᕕᒋᑦᓱᒍ ᐊᖏᖃᑎᒌᒍᑕᐅᓯᒪᐅᑎᖓ ᐁᕙᒍᑕᐅᓯᒪᓂᖓᑕ ᒪᓕᑦᓱᓂ ᓄᓇᕐᔪᐊᓕᒫᒨᓕᖓᔪᒥᒃ ᒪᓕᒐᕐᒥᒃ ᑌᒫᑦᓭᓇᕐᓗ ᓂᕆᐅᕝᕕᖃᕐᖁᖅ ᐊᓯᒥᓂᒃ ᐊᑎᓕᐅᖃᑕᐅᓯᒪᔪᓂᒃ, ᐃᓚᐅᑎᓪᓗᒍ ᕉᓯᐊ.

ᑲᓇᑕ ᑐᑭᓯᓇᑦᓯᐊᑐᓂᒃ ᐊᑑᑎᒍᑎᖃᕈᒪᕗᖅ ᑲᔪᓯᒍᑎᒋᓗᒍ ᐃᓂᓪᓚᑕᐅᓯᒪᐅᑎᖓ ᑲᕙᒪᒍᓯᖅ ᑕᕐᕋᒨᓕᖓᔪᖅ ᓱᕐᖁᐃᑐᒥᒃ ᑲᓇᑕᐅᑉ ᑲᕙᒪᖓᑕ ᑲᒪᕐᖄᑎᐅᒋᐊᖃᕐᓂᖓ ᓯᕗᓕᕈᑎᒋᓗᒍ ᑕᕐᕋᐅᑉ ᓯᕗᓂᖓᓅᓕᖓᔪᓂᒃ.ᑲᓇᑕᐅᑉ ᑲᕙᒪᖓ ᐱᒻᒪᕆᖁᑎᖃᕐᖁᖅ ᑕᕐᕋᒨᓕᖓᔪᓂᒃ ᑲᑎᖕᖓᔨᐅᒍᑎᓕᓐᓂᒃ ᐱᑦᔪᑎᒋᑦᓱᒍ  ᐱᑕᖃᕐᑎᓯᒍᑕᐅᒻᒪᑦ ᑕᕐᕋᒥᐅᓂᒃ ᓄᐃᑕᑎᑦᓯᕕᐅᒍᓐᓇᓱᓂ ᓄᓇᓕᑐᖃᕐᓂᒃ ᐃᓄᓐᓂᒃ ᐃᑲᔪᕐᓯᒪᑎᑦᓯᒍᓐᓇᓱᓂ ᓄᐃᑦᓯᓂᕐᒧᑦ ᑕᕐᕋᐅᑉ ᐱᓂᐊᕐᓂᓕᕆᔭᐅᒍᑎᖏᑎᒍᑦ. ᑲᓇᑕ ᐊᑐᑎᑎᑦᓯᓚᖓᖕᖏᑐᖅ ᕈᓯᐊᒥᐅᓂᒃ ᓲᓱᑦᓴᖏᓐᓂᒥᒃ, ᐱᓂᐊᕐᓂᒥᑎᒍᑦ, ᐱᑐᑦᓯᒪᕕᐅᔪᓂᒃ ᓄᓇᕐᔪᐊᒥᐅᓕᒫᑦ ᐱᓇᓱᖃᑎᒌᒌᐊᖃᕐᓂᖏᓐᓄᑦ ᑕᕐᕋᖅ ᐱᓪᓗᒍ.

4.  ᓯᓚᐅᑉ ᐊᓯᑦᔨᓯᒪᓕᕐᓂᖓ:ᐱᔭᑦᔪᐊᓱᑎᒃ ᑯᑦᓴᓇᕈᑎᐅᔪᑦ

ᓯᓚᐅᑉ ᐊᓯᑦᔨᓯᒪᓕᕐᓂᖓ ᑕᒣᑎᒍᑦ ᓯᕗᓪᓕᐸᐅᑦᓱᓂ ᐊᑑᑎᑎᑦᓯᕗᖅ ᑯᑦᓴᓇᕐᑐᒥᒃ ᑲᓇᑕᐅᑉ ᐊᑦᑕᓀᑦᑐᒦᒋᐊᖃᕐᖓᓂᒃ ᑕᕐᕋᒥ ᐃᓄᖏᓐᓂᓗ ᐊᖏᕐᕋᓯᒪᔪᓂᒃ ᑕᕐᕋᒥ ᐊᑦᑕᓀᑦᑐᒦᑦᑎᓯᓂᕐᒧᑦ. ᐊᑑᑎᓚᕿᑎᑕᐅᒍᑎᖏᑦ ᐱᓚᕿᑎᑕᐅᓯᒪᖕᖏᑐᑦ ᓱᕐᕋᑕᐅᓯᒪᐅᑎᖏᑦ ᓄᓇᓕᕐᔪᐊᖁᑎᓖᑦ ᓄᓇᖁᑎᖏᑦᑕ ᐃᓱᓕᑦᑕᕕᖏᓐᓄᑦ.

ᓯᓚᐅᑉ ᐊᓯᑦᔨᐸᓪᓕᐊᓂᖓ ᐱᕙᓪᓕᐊᑐᐃᓐᓇᑐᖅ ᐃᓱᒫᓗᓐᓇᓱᓂ ᐊᑑᑎᓂᖓ, ᑕᕐᕋᖅ ᐅᕐᖂᓯᕙᓪᓕᐊᓱᓂ ᓯᑕᒪᕕᓪᓗᐊᑐᒥᒃ 4 ᓱᑲᓐᓂᓴᐅᑦᓱᓂ ᑕᑯᓗᒍ ᓄᓇᕐᔪᐊᓕᒫᖅ,ᐊᑑᑎᑎᑦᓯᓕᕐᓱᓂ ᐃᑉᐱᓇᓪᓚᕆᑦᑐᒥᒃ ᓱᕐᕋᑕᐅᓂᕐᒥᒃ ᐃᓄᖏᓐᓂᒃ ᐊᕙᑎᒥᓪᓗ ᓱᕐᕋᑕᐅᒻᒣᑐᒥᒃ.ᑕᒪᒃᑯᐊ ᓱᕐᕃᓯᒪᐅᑏᑦ ᐊᑑᑎᑎᑦᓯᔪᑦ ᑯᑦᓴᓇᕐᑐᒥᒃ ᐊᒥᓱᐃᑎᒍᑦ ᐱᑦᔪᑕᐅᑎᓪᓗᒍ ᓯᓚᐅᑉ ᐊᓯᑦᔨᓂᖓ ᐊᕙᑎᐅᓪᓗ ᓄᐃᑦᓯᒪᑦ ᐱᕕᑦᓴᒋᐊᓪᓚᐅᒍᓐᓇᑐᓂᒃ ᑲᓇᑕᒥᐅᖑᖕᖏᑐᓂᒃ ᐊᑭᕋᕐᓂᒃ ᐱᓕᐅᑎᔨᓂᓪᓗ ᒪᓂᒪᑐᐃᓐᓇᑎᑦᓯᓕᕐᓱᓂ ᐊᕐᖁᑎᐅᒍᓐᓇᑐᓂᒃ ᐊᐅᓚᓂᕐᒧᑦ ᑲᓇᑕᐅᑉ ᑕᕐᕋᖓᓂ.  

ᖄᖓ ᑕᕐᕋᐅᑉ ᑕᕆᐅᖓᑕ ᓯᑯᖓ ᓵᓕᓯᒪᓕᕐᑐᖅ, ᓄᐃᑦᓯᓱᓂ ᐊᑦᔨᒌᖕᖏᑐᓂᒃ ᐊᕐᖁᑎᐅᒍᓐᓇᑐᓂᒃ ᐅᒥᐊᕐᔪᐊᑯᑦ, ᑕᐅᕐᓰᑲᑦᑕᐅᑎᓂᕐᑎᒍᑦ ᐱᑦᓴᑖᖑᒍᓐᓇᑐᓪᓗ ᑎᒍᓚᔭᐅᓂᖏᑎᒍᑦ ᑕᕐᕋᓕᒫᒥ.ᐃᒪᕐᐱᑯᑦ ᐊᐅᓚᑲᑦᑕᓂᖅ ᐅᒥᐊᕐᔪᐊᑯᑦ ᐱᓕᐅᒥᑐᐃᓐᓇᓚᖓᔪᖅ, ᑕᒪᓐᓇᓗ ᑲᓇᑕᒥᐅᖑᖕᖏᑐᓄᑦ ᑐᓱᒋᔭᐅᓂᕐᓴᖑᕐᑎᓯᓗᓂ ᑕᕐᕋᒥᒃ. ᑕᒪᓐᓇ ᐃᓚᓕᒃ ᐃᒪᕐᐱᒥ ᐃᖏᕐᕋᕕᐅᑎᑦᓯᓂᕐᒥᒃ ᐅᒥᐊᕐᔪᐊᓄᑦ ᑲᓇᑕᒥᐅᑦ ᑕᕐᕋᖁᑎᖓᓂᒃ, ᑯᑦᓴᓇᕐᑑᒐᓗᐊᕐᐸᑦ ᓱᒃᑯᐊᕿᓐᓇᕋᓗᐊᕐᐸᓗ ᐱᓚᕿᑎᑕᐅᑦᓱᓂ ᖃᐅᔨᒪᓇᖕᖏᑐᓄᑦ ᓯᑰᑉ ᖃᓄᐃᓕᖓᓕᕐᓂᖓᓄᑦ.

ᑐᕙᕐᖃᔦᓕᕐᓂᑯᖓᓄᑦ ᑕᕆᐅᑉ ᐊᒻᒪᓗ ᖃᕆᑕᐅᔭᕐ ᐊᑐᕐᓱᒍ ᐅᒥᐊᕐᑐᓂᐅᑉ ᐱᕙᓪᓕᓯᒪᓕᕐᓂᑯᖏᓐᓄᑦ ᐊᒻᒪᓗ ᐊᕐᖁᑎᑦᓴᖃᓕᐅᒥᓕᕐᓱᓂ, ᑕᕆᐅᑉ ᐊᑭᐊᓂᒥᐅᑦ ᓱᒐᓱᐊᕐᓂᕆᓲᖏᑦ ᐱᕙᓪᓕᐊᑐᐃᓐᓇᓚᖓᓕᕐᑐᑦ ᑕᕐᕋᒥ, ᒪᓕᑦᑕᐅᓱᓂᓗ ᑕᒪᓐᓇ ᐊᑦᑕᓀᑦᑐᒦᒋᐊᖃᕐᓂᐅᑉ ᐃᓱᒫᓗᓐᓇᕈᑎᖏᓐᓄᑦ, ᐃᓱᒫᓗᓐᓇᖏᑦᑑᒋᐊᖃᕐᓂᖓᓄᑦ ᐊᕙᑎᐅᓪᓗ ᐊᑦᓱᕈᕈᑕᐅᓚᕿᐅᑎᖏᓐᓄᑦ. ᐃᓚᒋᑦᓱᒋᑦ ᑕᕐᕋᒥᒃ ᓄᓇᖁᑎᖃᖃᑕᐅᔪᑦ, ᑲᓇᑕ ᐊᑐᐃᓐᓇᐅᒪᒋᐊᓕᒃ ᑭᐅᑦᔪᑎᑦᓴᖃᑦᓯᐊᓗᓂ.

ᓯᓚᐅᑉ ᐊᓯᑦᔨᓂᖓ ᓱᓕ ᐊᑑᑎᑎᑦᓯᓕᕐᒥᔪᖅ ᓯᓚᒥᒃ ᐱᑦᔪᑎᖃᕐᓱᑎᒃ ᐅᐃᒪᓇᕐᑐᓂᒃ ᐊᒻᒪᓗ ᐊᕝᕕᖁᑦᑕᓕᕐᓱᓂ ᐃᒪᐅᑉ ᐱᐅᓯᖓᓂᒃ ᑕᕐᕋᒥᐅᑦ ᑕᑎᖓᓂᒃ ᐃᓅᓯᕐᒥᓂ ᐱᐅᓯᕐᒥᓄᑦ, ᐃᑉᐱᓇᓪᓚᕆᑦᓱᓂ ᐅᓚᐱᑦᓯᓕᕐᓱᓂ ᐊᑦᑕᓇᕐᑐᒦᑦᑌᓕᒋᐊᖃᕐᓂᖏᓐᓂᒃ ᑕᕐᕋᒥᐅᑦ, ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ, ᑐᑭᓯᒪᓇᖕᖏᑐᒃᑯᑦ ᓱᕐᕋᑕᐅᒪᒻᒪᕆᑦᓱᑎᒃ ᑕᒪᑦᓱᒧᖓ ᐊᓯᑦᔨᓂᕐᒧᑦ.

ᑕᕐᕋᒥᐅᑦ ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ, ᐊᑦᔨᒌᒥᒃ ᐃᓱᒫᓘᑎᖃᓕᕐᑐᑦ ᐱᓪᓗᒍ ᓯᓚᐅᑉ ᐊᓯᑦᔨᓂᖓ ᐊᒻᒪᓗ ᑲᔪᓯᒍᑎᒋᒐᓱᑦᑕᒥᓂᒃ ᐊᔪᐃᓐᓈᕆᑦᓱᒍ ᐱᕙᓪᓕᐅᒥᒍᑎᑦᓴᒥᓂᒃ ᐊᑑᑎᒍᓐᓇᓂᕐᒥᓂᒃ ᑕᑯᑦᓴᐅᔪᑎᒍᑦ ᐱᕙᓪᓕᐊᑐᐃᓐᓇᑐᓄᑦ ᐊᑑᑎᓕᕐᑕᒥᓂᒃ ᓄᓇᓕᓐᓂ ᐊᒻᒪᓗ ᐃᓅᑦᔪᓯᒥᑎᒍᑦ, ᓂᕿᑦᓴᖃᑦᓯᐊᕆᐊᖃᕐᓂᖅ ᓱᒃᑯᑕᐅᓂᖏᓐᓂᒃ ᐱᑕᖃᕆᐊᖃᓪᓚᕆᑦᑐᑦ ᐱᐅᒃᑯᑎᒻᒪᕇᑦ ᐃᓄᐃᓪᓗ. ᓯᑯᕐᖃᔦᕐᓂᖓ ᐊᕐᕌᒍᓕᒫᒥ ᐊᓯᑦᔨᓯᒪᓕᕐᓂᖓᑕᓗ ᓯᑯᕙᓪᓕᐊᓂᕆᓲᖓᑕ ᐊᑦᑕᓇᕈᓐᓀᓂᕆᓲᖓᓗ ᓯᓈᑉ; ᐱᕙᓪᓕᐊᑐᐃᓐᓇᓂᖓᑕᓗ ᖁᐊᑦᓯᐊᖃᔦᕐᓂᐅᑉ ᓄᓇᐅᑉ ᐃᑭᐊᖓᑕ ᐊᐅᓚᓂᕐᓴᐅᓕᕐᓂᖓ; ᐊᒻᒪᓗ ᐊᑑᑎᒐᔪᓐᓂᓴᐅᓕᕐᓂᖓ ᓄᓇᐅᑉ ᐃᑯᐊᓚᓂᖓᑕ ᐆᑦᑐᕋᐅᑎᑦᓯᐊᖑᕗᑦ ᓯᓚᐅᑉ ᐊᓯᑦᔨᓯᒪᓕᕐᓂᖓᓄᑦ ᑕᕐᕋᒦᑦᑐᓂ ᓄᓇᓕᓐᓂ, ᐃᓘᓐᓇᑎᓪᓗ ᐱᐅᒃᑯᑎᑎᒍᑦ ᐃᓱᒪᒃᑯᓗ ᓱᕐᕃᓱᑎᒃ.

ᐅᑦᑑᑎᒋᓗᒍ, ᓄᓇᓖᑦ ᑕᕐᕋᒦᑦᑐᑦ ᓱᕐᕋᑕᐅᕙᓐᓂᖏᑦ ᐃᑯᐊᓚᔪᒧᑦ ᓄᓇᒧᑦ. 2023ᖑᑎᓪᓗᒍ ᐃᓄᖁᑎᖏᑦᑕ ᕿᑎᕐᖃᖏᑦᑕ ᐅᖓᑖᓄᑦ ᓄᓇᑦᓯᐊᒥᐅᑉ ᕿᒫᑎᑕᐅᒋᖃᓚᐅᕐᑐᑦ ᐃᑯᐊᓚᒥᒃ.

ᑲᔪᓯᔪᕐᑕᓕᒃ ᐊᑑᑎᓪᓗᐊᖏᓕᐅᒥᑎᑦᓯᒐᓱᐊᕐᓂᒥᒃ ᓱᕐᕃᓯᒪᐅᑎᒋᓕᕐᑕᖏᓐᓂᒃ ᓯᓚᐅᑉ ᐊᓯᑦᔨᓯᒪᓕᕐᓂᖓᑕ ᑕᕐᕋᒥ ᑯᑦᓴᓇᕐᑐᒦᖕᖏᓂᕐᓴᐅᑎᑦᓯᒐᓱᐊᕐᓂᒧᑦ. ᑲᓇᑕᐅᑉ ᑲᕙᒪᖓ ᓴᐳᑦᔨᓯᒪᒋᐊᓕᒃ ᓄᓇᓕᑐᖃᕐᓂᒃ ᐃᓄᓐᓂᒃ ᐊᓯᖏᓐᓂᓗ ᑕᕐᕋᒥᐅᖑᖃᑕᐅᔪᓂᒃ ᐊᑑᑎᒍᓐᓇᓯᑎᒐᓱᐊᕐᓗᒋᑦ ᐊᕙᑎᒥᒃ ᐊᓯᑦᔨᓯᒪᓕᕐᑐᒥᒃ ᐱᐅᓯᕆᕙᓪᓕᐊᑐᐃᓐᓇᓕᕐᑕᖓᓂᓪᓗ-ᑌᒣᑦᓴᓚᐅᕐᓕᑑᕐᓯᒪᑐᐃᓐᓇᕈᓐᓀᓗᓂ.

ᐊᑕᐅᑦᓯᑰᖃᑕᐅᒻᒥᔪᖅ ,ᓯᓚᐅᑉ ᐊᓯᑦᔨᓂᑯᖓᓄᑦ ᑐᓱᒋᔭᐅᓕᕐᓱᓂ ᐱᑦᓴᑖᕐᕕᓴᐅᓂᖓ ᑕᕐᕋᐅᑉ ᐅᔭᕋᓐᓂᐊᕋᑦᓴᑕᖃᕐᓂᒥᓄᑦ, ᒪᑯᓂᖓ ᐃᑯᒪᐅᑎᑦᓴᔭ,graphite, ᑭᑭᐊᑦᓴᔭ, cobalt, ᑲᔪᖅ ᑭᑭᐊᑦᓴᔭ ᐊᒻᒪᓗ ᖃᕆᑕᐅᔭᕈᑎᓕᐊᑦᓴᔭ ᓄᓇ ᐱᒻᒪᕆᐅᔪᑦ ᑕᐅᕐᓯᔭᐅᑎᑦᓯᕙᓪᓕᐊᓂᕐᒧᑦ ᓱᒃᑯᑎᕆᖕᖏᓂᕐᓴᓄᑦ. ᑲᓇᑕᒧᑦ ᐃᑲᔪᕐᑎᖏᓐᓄᓗ, ᑕᕐᕋᒦᑦᑐᑦ ᐱᑦᓴᑖᕐᕕᐅᒍᓐᓇᑐᑦ ᐱᕕᑦᓴᓯᐊᖑᑐᐃᓐᓇᕆᐊᖃᕐᓂᖏᑦ ᐱᕕᑦᓴᖃᕈᑕᐅᕗᑦ ᓴᖑᑎᑦᓯᒍᑕᐅᓗᑎᒃ ᐱᑕᖃᕆᐊᖃᓪᓚᕆᑦᑐᓂᒃ ᐅᔭᕋᓐᓂᐊᓂᕐᓂᒃ ᐱᓇᓱᖃᑎᒋᑦᓱᒋᑦ ᓄᓇᑖᕐᓯᒪᔪᑦ ᐊᖏᖃᑎᒌᒍᑎᑎᒍᑦ ᐊᒻᒪᓗ ᑲᓇᑕᒥ ᓄᓀᑦ ᐊᕕᑦᑐᑕᐅᓯᒪᓂᖏᑎᒍᑦ ᑲᕙᒪᑎᒍᑦ, ᑕᕐᕋᒥ ᑕᕐᕋᒥᐅᖑᖃᑕᐅᔪᓪᓗ ᓄᓇᓕᑐᙯᓪᓗ ᐃᓄᐃᑦ. ᑕᒪᓐᓇ ᐱᓇᓱᑦᑕᐅᒋᐊᓕᒃ ᐃᑉᐱᒋᔭᐅᑦᓯᐊᓗᓂ, ᓲᓱᒋᓗᒋᑦ ᐃᓅᓯᖏᑦ ᓄᓇᓯᒪᔪᑦ.

ᓯᓚᐅᑉ ᐊᓯᑦᔨᓂᖓ ᐱᓀᓗᑕᖕᖑᓯᒪᕗᖅ ᓄᓇᕐᔪᐊᓕᒫᒥ; ᐱᑕᖃᕆᐊᓕᒃ ᓄᓇᕐᔪᐊᒥᐅᓕᒫᑦ ᐋᕐᕿᕈᑎᑦᓴᓯᐅᕐᓗᑎᒃ ᐊᒻᒪᓗ ᐊᒥᓱᐃᖑᓗᑎᒃ ᐱᓇᓱᖃᑎᒌᓐᓂᒥᒃ.

5. ᐱᕙᓪᓕᐊᑐᐃᓐᓇᑐᑦ ᐊᑦᓱᕈᕐᓇᑐᑦ ᑕᕐᕋᒥ ᓄᓇᖁᑎᓖᑦ ᐱᒻᒪᕆᖁᑎᖏᑎᒍᑦ

ᑲᓇᑕᐅᑉ ᑲᕙᒪᖓᑕ ᓵᑦᓯᒋᐊᕐᓯᒪᓂᖓ ᑕᕐᕋᒥᒃ ᑐᑭᒧᐊᑦᑎᑕᐅᑦᓱᓂ ᑐᖕᖓᕕᒻᒪᕆᖏᓐᓄᑦ ᑕᕐᕋᖅ ᑲᕙᒪᓕᕆᔭᐅᒍᑎᖃᕆᐊᖃᕐᒪᑦ ᓄᓇᖁᑎᑖᕐᓯᒪᔪᓄᑦ ᑕᕐᕋᒥ ᐱᓇᓱᖃᑎᖃᕐᓗᑎᒃ ᑕᕐᕋᒥ ᓄᓇᓕᑐᖃᕐᓂᒃ ᐃᓄᓐᓂᒃ. ᐊᓯᖏᓪᓕᑕᐅᖅ ᓄᓇᑖᕐᓯᒪᔪᑦ, ᐃᓂᓪᓚᓯᒪᐅᑎᐅᒐᔭᕐᑐᑦ ᑕᕐᕋᒥ ᐱᓕᐅᑎᒍᑕᐅᕙᓪᓕᐊᑐᐃᓐᓇᒪᑕ ᑕᕐᕋᒥᒃ ᓄᓇᖁᑎᖃᖕᖏᑐᓄᑦ ᖃᐅᔨᒪᔭᐅᑎᑦᓯᒐᓱᑉᐸᓕᐊᑐᐃᓐᓇᑐᑦ ᑕᕆᐅᑉ ᐊᑭᐊᑕ ᒪᓕᒐᖁᑎᖏᓐᓂᒃ  ᐊᑦᑕᓇᕐᑐᒦᑦᑌᓕᒍᓯᕐᒥᓘᓐᓃᑦ ᐱᒐᓱᐊᕐᑕᒥᓂᒃ, ᑌᒣᒻᒪᑦ ᑕᒪᓐᓇ ᐊᔭᐅᕆᔪᖅ ᑕᕐᕋᒥ ᓱᓇᔨᐅᓂᕆᒋᐊᓕᖓᓂᒃ ᑲᓇᑕᐅᑉ ᑲᕙᒪᖓᓂᒃ ᑕᕐᕋᒥ ᐱᓂᐊᕐᓂᓕᕆᔭᐅᒍᑎᑎᒍᑦ.

ᑌᒪᖕᖓᓂᑦ 2019ᒥᓂᑦ, ᐱᕙᓪᓕᐊᑐᐃᓐᓇᑐᑦ ᐅᓂᒃᑲᐅᓰᑦ ᐊᑯᕐᖓᓂ ᐃᓚᖏᑦᑕ ᑕᕐᕋᒥᒃ ᓄᓇᖁᑎᖃᖕᖏᑐᑦ ᖃᓄᐃᓘᖃᑕᐅᖃᑦᑕᓂᕐᓴᐅᒍᒪᑦᓱᑎᒃ ᑕᕐᕋᐅᑉ ᑲᕙᒪᓕᕆᔭᐅᒍᓯᖏᑎᒍᑦ. ᓭᓃᓰᑦ ᐱᓗᐊᕐᑐᒥᒃ ᐅᖃᕐᓯᒪᔪᑦ ᐊᑕᕐᖑᓯᕐᑐᑦ ᖁᑦᓯᑐᒥ ᐱᒍᓐᓇᓂᒻᒪᕆᖃᓛᕈᒪᑦᓱᓂ 2030ᐅᓕᕐᐸᑦ.

ᐃᓚᒋᔭᐅᔪᖅ ᓭᓃᓰᑦ ᓯᕗᓪᓕᐅᑎᒍᒪᔭᖏᓐᓄᑦ ᐱᕙᓪᓕᐊᑎᑦᓯᓗᓂ ᓂᐅᕕᐊᑦᓴᑕᕐᑐᓂᒃ ᐅᒥᐊᕐᔪᐊᓂᒃ ᐊᐅᓚᑎᑦᓯᓗᑎᒃ ᐱᕕᑦᓴᑖᕈᒪᓂᖓ, ᐃᓚᐅᑎᓪᓗᒍ ᑕᕐᕋᑯᑦ ᐊᕐᖁᓯᐅᕐᓗᑎᒃ ᐊᐅᓚᕕᑦᓴᒥᓂᒃ,’’ ᐅᔭᕋᓐᓂᐊᓂᖅ ᐃᓚᐅᒻᒥᔪᖅ ᐱᒐᓱᐊᕐᑕᖏᓐᓄᑦ, ᐱᑕᖃᕆᐊᖃᓪᓚᕆᑦᑐᓄᑦ ᐱᑦᓴᖑᕈᓐᓇᑐᓄᑦ ᐅᔭᕋᓐᓄᑦ, ᐅᕐᓱᕈᑎ, ᐅᕐᓱᐊᓗᒃ ᐃᖃᓗᐃᓪᓗ. ᓭᓃᓰᑦ ᐱᓇᓱᐊᒻᒪᕆᒻᒥᔪᑦ ᑕᕐᕋᒥᒃ ᖃᐅᔨᓴᕐᓱᑎᒃ, ᐊᖏᔪᒻᒪᕆᒻᒥᓗ ᐊᑐᕋᑦᓴᐅᒐᔭᕆᐊᖓ ᐃᓱᒪᒋᔭᖃᕐᓱᑎᒃ.

ᓭᓃᓰᑦ ᐱᒐᓱᐊᕐᒥᔪᑦ ᓄᐃᒐᓱᐊᕐᓱᒍ ᓄᓇᕐᔪᐊᓕᒫᒥ ᑎᓕᔭᐅᒪᐅᑎ ᐱᔭᕆᐊᑭᓐᓂᓴᕈᕐᑎᓗᒍ ᐊᕙᑎ ᐱᒍᒪᔭᒥᓅᓕᖓᑎᓪᓗᒍ ᐱᓪᓚᕆᖁᑎᒥᓄᓪᓗ ᓲᓱᑦᓴᕈᓐᓀᓗᑎᒃ ᑲᓇᑕᐅᑉ ᑐᓂᒪᒍᑎᖓᓂᒃ ᒪᓕᒐᕐᑎᒎᕐᑐᒥᒃ ᓄᓇᕐᔪᐊᓕᒫᒨᓕᖓᑦᓱᓂ ᐱᐅᓯᐅᔪᒥᒃ.ᓭᓃᓰᑦ ᓂᕆᐅᒋᔭᐅᒋᐊᓖᑦ ᐊᑑᑎᑐᐃᓐᓇᕆᐊᖃᕆᐊᖏᑦ ᐱᓇᓱᒍᓐᓇᐅᑎᓕᒫᓂᒃ ᓇᒻᒥᓂᖅ ᓯᕗᒧᒍᑎᒋᒍᓐᓇᑕᒥᓂᒃ ᓄᓇᕐᔪᐊᒥ ᐱᓂᐊᕐᓂᓕᕆᓂᕐᑎᒍᑦ ᐱᒍᒪᔭᒥᓂᒃ ᐱᒐᓱᐊᕈᑎᒋᓗᒋᑦ, ᐃᓚᐅᑎᓪᓗᒍ ᑕᕐᕋᒥ ᐱᒍᒪᔭᖏᓐᓄᑦ. ᑲᓇᑕᐅᑉ ᑲᕙᒪᖓ ᐊᑭᓴᕐᑐᕆᐊᕐᐸᓂᐊᕐᑐᖅ ᓭᓃᓯᓂᒃ ᕆᐊᖃᓕᕈᓂ ᐊᒻᒪᓗ ᐱᓇᓱᖃᑎᒋᓗᒋᑦ ᐱᒍᒪᔭᖏᑦ ᐊᑦᔨᐅᓕᕐᐸᑕ ᓭᓃᓯᓄᑦ.

ᓭᓃᓰᑦ ᑌᒫᑦᓭᓇᖅ ᐊᓯᖏᑦ ᓄᓇᓕᕐᔪᐊᑦ ᐱᒍᓐᓇᐅᑎᖃᕐᒥᒪᑕ, ᐱᒍᓐᓇᐅᑎᖃᕐᖁᖅ ᑲᒪᒋᔭᑦᓴᔭᖃᕐᓱᓂᓗ ᐱᑐᑦᓯᒪᔪᓂᒃ ᐊᑐᕐᓂᒧᑦ ᓄᓇᕐᔪᐊᒥ ᐃᒪᕐᐱᓂᒃ ᑌᒫᑦᓭᓇᕐᓗ ᐊᑐᕐᑕᐅᓂᖓ ᑕᕐᕋᐅᑉ ᐃᒪᕐᐱᖓᑕ ᐱᒍᓐᓇᕕᒋᑦᓱᒍ. ᐅᑦᑑᑎᒋᓗᒍ ᒪᓕᑦᓱᒋᑦ UNCLOS,ᓭᓃᓰᑦ ᐱᓇᓱᐊᕈᓐᓇᑕᑐᐊᓖᑦ ᖃᐅᔨᓴᕐᓂᒥᒃ ᐃᒪᕐᐱᒥᒃ ᓱᑯᐃᔦᓂᒃᑯᑦ ᐃᓚᐅᑎᓐᓇᒍ ᑮᓇᐅᔭᓕᐅᕐᕕᐅᒍᓐᓇᑐᑦ ᐊᕕᑦᑐᑕᐅᓯᒪᓂᖓᑎᒍᑦ ᐃᒪᕐᐱᐅᑉ ᐊᓯᒥᑕ ᐃᒪᕐᐱᖁᑎᖏᓐᓂ ᐊᖏᕐᑕᐅᓯᒪᓗᑎᒃ ᐃᒪᕐᐱᖁᑎᓕᒻᒧᑦ. ᑲᓇᑕᐅᑉ ᑲᕙᒪᖓ ᐃᑉᐱᒍᓱᑦᓯᐊᒪᕆᓪᓗᓂ ᕿᒥᕐᕈᖃᑦᑕᓂᐊᕐᑐᖅ ᓇᓪᓕᑐᐃᓐᓇᖓ ᑐᑦᓯᕋᐅᑎᐅᓯᒪᑉᐸᑦ ᐃᒪᕐᐱᖁᑎᖓ ᑮᓇᐅᔭᓕᐅᕐᕕᒋᒍᓐᓇᓱᒍ ᑭᖑᓂᖓᒍᓪᓗ ᐊᖏᕐᓗᓂ ᐊᐅᑳᕐᓗᓂᓘᓐᓃᑦ ᕈᓐᓇᓱᓂ ᒪᓕᓪᓗᓂ ᐱᒍᓐᓇᑎᑦᓯᒍᑎᓕᐊᖑᓯᒪᔪᓂᒃ ᑲᑎᖕᖓᓂᕐᒥ.

ᐊᑕᐅᑦᓯᑰᖃᑕᐅᑦᓱᓂ ᐸᓯᕕᒃ ᐃᓂᓪᓚᑕᐅᓯᒪᐅᑎᖏᓐᓂᒃ ᐱᓇᓱᖃᑎᒋᓗᒋᓪᓗ ᐱᓇᓱᖃᑎᐅᒋᐊᓖᑦ, ᑲᓇᑕᐅᑉ ᑲᕙᒪᖓ ᐊᐅᓚᑦᔭᕆᐊᕐᕕᖃᕐᐸᓂᐊᕐᑐᖅ ᐱᑦᔪᑎᐅᔪᓂᒃ ᑕᕐᕋᐅᑉ ᑲᕙᒪᑕᐅᒍᓯᖏᑎᒍᑦ ᓴᐳᒻᒥᒍᑎᒋᓗᒍ ᑲᓇᑕᒥᐅᓂᒃ ᑕᕐᕋᒥᐅᓂᓪᓗ, ᐃᓚᐅᑎᓪᓗᒍ ᓭᓃᓯᓂᒃ ᑲᒪᒋᐊᖃᓕᕐᐸᑕ. ᑲᓇᑕᐅᑉ ᑲᕙᒪᖓ ᐱᓇᓱᖃᑎᖃᕐᐸᓂᐊᕐᑐᖅ ᓭᓃᓯᓂᒃ ᑲᒪᒋᐊᖃᓕᕈᓂ ᓄᓇᕐᔪᐊᓕᒫᒥ ᐊᓯᐊᒍᕐᕕᐅᖃᔭᕋᑎᒃ ᐱᑦᔪᑎᐅᔪᓂᒃ-ᐅᑦᑑᑎᒋᓗᒍ ᓯᓚᐅᑉ ᐊᓯᑦᔨᓯᒪᓕᕐᓂᖓ-ᓱᕐᕃᓯᒪᓕᕐᑐᖅ ᑕᕐᕋᒥᒃ.

ᑲᓇᑕᐅᑉ ᑕᕐᕋᖓᓂ, ᑲᓇᑕᐅᑉ ᑲᕙᒪᖓ ᑌᒪᖕᖓᑦ ᐱᒐᓱᐊᕐᐸᓚᖓᔪᖅ ᓴᐳᒻᒥᓂᕐᒥᒃ ᑲᓇᑕᐅᑉ ᑮᓇᐅᔭᓕᐅᕐᕕᒋᒍᓐᓇᑕᖏᓐᓂᒃ ᐊᑦᑕᓇᕐᑐᒨᕐᑎᓯᑦᑌᓕᓗᓂ, ᓴᐳᒻᒥᓗᒋᑦ ᑲᓇᑕᐅᑉ ᐱᒻᒪᕆᖁᑎᖏᑦ ᐊᒻᒪᓗ ᓴᐳᑎᓯᒪᓗᒋᑦ ᑲᓇᑕᒥᐅᑦ ᓱᒃᑯᑕᐅᑐᐃᓐᓇᕆᐊᖃᕐᓇᑐᓂᑦ.

ᑲᓇᑕᐅᑉ ᑲᕙᒪᖓ ᐱᓇᓱᖃᑎᙯᓐᓇᓂᐊᕐᑐᖅ ᐊᒥᕆᑲᒥᐅᓂᒃ ᐊᑦᑕᓇᕐᑐᒨᕐᑎᓯᑦᑌᓕᒍᑎᒋᓗᒋᑦ ᓱᒃᑯᑕᐅᑐᐃᓐᓇᕆᐊᖃᕐᓇᑐᓄᑦ ᓱᒐᓱᐊᕐᓂᐅᔪᓄᑦ ᐊᒥᕆᑲᐅᑉ ᑕᕐᕋᖓᓂ.

ᐊᖏᓂᕐᓴᒥ ᓄᓇᖁᑎᐅᔪᒥ, ᑲᓇᑕᐅᑉ ᑲᕙᒪᖓ ᑌᒪᖕᖓᑦ ᓴᐳᑦᔨᓯᒪᕙᓐᓂᐊᑐᖅ ᑐᖕᖓᕕᒻᒪᕆᖁᑎᒥᓂᒃ ᓴᐳᑦᔭᐅᓯᒪᐅᑎᓕᓐᓂᒃ ᐅᖃᒻᒪᕆᐅᑎᐅᓯᒪᔪᒧᑦ ᐋᑐᕗᐊᒥ 1996ᖑᑎᓪᓗᒍ ᓄᐃᑕᐅᒍᑎᒋᓯᒪᔭᖏᓐᓂᒃ ᑕᕐᕋᒥ ᑲᑎᖕᖓᔨᐅᒍᑎᓖᑦ. ᑕᒪᒃᑯᐊ ᐃᓚᓖᑦ ᑲᓇᑕᐅᑉ ᑲᕙᒪᖓᑕ ᑐᓂᒪᒍᑎᖏᓐᓂᒃ ᖃᓄᐃᖕᖏᓯᐊᕆᐊᖃᕐᓂᖏᓐᓄᑦ ᓄᓇᓯᒪᔪᑦ ᑕᕐᕋᒥ; ᑐᓂᓯᒪᕕᒋᑦᓱᒍ ᐱᑕᙯᓐᓇᕈᓐᓇᑐᓂᒃ ᐱᕙᓪᓕᐊᒍᑎᖃᕐᓂᖅ ᑕᕐᕋᒥ, ᐃᓚᐅᑎᓪᓗᒋᒃ ᑮᓇᐅᔭᓕᐅᕈᑎᐅᒍᓐᓇᑐᑦ ᐃᓅᓯᕐᒨᓕᖓᔪᓪᓗ ᐱᕙᓪᓕᐊᑎᑕᐅᒍᑎᖏᑦ, ᐱᕙᓪᓕᐅᒥᑎᓗᒍ ᑎᒥᒥᒍᑦ ᖃᓄᐃᖕᖏᓯᐊᕆᐊᖃᕐᓂᖅ ᐱᕐᖁᓯᕐᒥᑎᒍᓪᓗ ᖃᓄᐃᖕᖏᓯᐊᕈᑎᖃᕆᐊᖃᕐᓂᖅ; ᑐᓂᓯᒪᒍᑎᖓ ᐊᕙᑎᐅᑉ ᑕᕐᕋᒥ ᓴᐳᑦᔭᐅᒪᒋᐊᖃᕐᓂᖓ; ᐊᒻᒪᓗ ᑐᓂᓯᒪᒍᑎᒋᒻᒥᔭᖓ ᑐᓴᐅᒪᑎᑦᓯᓯᐊᕆᐊᖃᕐᓂᖅ ᐃᓘᓐᓀᓂᒃ ᑐᓴᐅᒪᔭᐅᒋᐊᓕᓐᓂᒃ ᑐᓴᐅᒪᑎᑦᓯᓂᖅ, ᐃᓚᐅᓂᕆᒋᐊᓕᖏᓪᓗ ᓄᓇᓯᒪᔪᑐᙯᑦ ᓄᓇᓕᖏᑦᑕᓗ ᐊᓯᖏᓪᓗ ᓄᓇᓯᒪᖃᑕᐅᔪᑦ ᑕᕐᕋᒥ ᓱᒐᓱᐊᕈᑎᖃᓕᕐᐸᑕ ᑕᕐᕋᒥᒃ ᑲᑎᖕᖓᔨᐅᒍᑎᓖᑦ.

ᑌᒪᖕᖓᓕᒫᑦᓯᐊᖅ, ᑲᓇᑕᐅᑉ ᑲᕙᒪᖓᑕ ᐃᓚᐅᕕᖃᕐᓂᖓ ᑕᕐᕋᒨᓕᖓᔪᓂᒃ ᑭᓯᐊᒐᙯᓐᓇᓂᐊᕐᑐᖅ ᓯᕗᓪᓕᐸᐅᑎᓗᒍ ᖃᐅᔨᒪᔭᐅᑎᑦᓯᓯᐊᕐᓗᓂ ᓴᐳᒻᒥᓗᓂᓗ ᑲᓇᑕᒥᐅᑦ ᐱᒍᒪᓯᒪᔭᖏᓐᓂᒃ. ᑲᓇᑕᐅᑉ ᑲᕙᒪᖓ ᐊᑑᓕᕐᑎᓯᕙᓐᓂᐊᕐᑐᖅ ᑐᑭᖃᑦᓯᐊᑐᓂᒃ ᓵᑦᓯᒋᐊᕈᑎᓂᒃ ᐊᑐᕐᓗᓂ ᖃᓄᐃᓕᖓᓂᐅᔪᖅ ᑌᒣᒋᐊᖃᕐᑎᓯᓕᕐᐸᑦ.

ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᑦᓱᑎᒃ ᒪᓕᒉᑦ ᑐᖕᖓᕕᖏᑦ

ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᑦᓱᑎᒃ ᒪᓕᒉᑦ ᐱᒍᓐᓇᑎᑦᓯᕗᑦ ᓄᓇᕐᔪᐊᓕᒫᒥ ᐃᓚᐅᒍᓐᓇᑎᑦᓯᒍᑎᐅᑦᓱᓂ ᓱᒐᓱᐊᕈᑎᓄᑦ ᑲᓇᑕᒥ ᐃᓚᖃᕐᒥᓱᑎᒃ ᐃᓚᒋᐊᕈᑎᓂᒃ ᐱᓂᐊᕐᓂᓕᕆᓂᕐᒧᑦ ᐊᑐᕐᑕᐅᒋᐊᓕᓐᓂᒃ ᓴᐳᒻᒥᒍᑎᒋᑦᓱᒋᑦ ᐊᑦᑕᓀᑦᑐᒦᒍᑎᒋᑦᓱᒋᓪᓗ, ᐱᑕᖃᑦᓯᐊᑑᓗᓂᓗ ᐊᑦᑕᓀᑦᑑᓱᓂ ᑕᕐᕋᖅ ᐊᒻᒪᓗ ᐃᓘᓐᓇᒋᓐᓂᒃ ᐊᑐᓕᕐᑎᓯᒍᑎᐅᓯᒪᑦᓱᓂ ᐱᑦᔪᑎᓂᒃ ᓄᐃᑕᐅᓯᒪᔪᓂᒃ ᓄᓇᕐᔪᐊᒥᐅᓕᒫᑦ ᓇᓗᓀᕐᑕᐅᓯᒪᐅᑎᖏᑎᒍᑦ ᑕᒃᒐᓂ ANPF ᐃᓱᒪᖃᕈᑕᐅᓯᒪᑦᓱᑎᒃ ᐊᓯᑦᔨᓯᒪᓕᕐᑐᓂᒃ ᓄᓇᕐᔪᐊᒥ ᐱᓂᐊᕐᓂᓕᕆᓂᐅᑉ ᐊᒃᓚᑕᐅᓯᒪᐅᑎᖏᓐᓂᒃ.

ᑌᒣᒍᓐᓇᓚᖓᔪᒍᑦ ᑲᔪᓯᒍᑎᒋᓗᒍ ᐱᖃᕐᓂᕗᑦ ᑲᓇᑕᐅᑉ ᓄᑭᖃᕈᑎᖏᓐᓂᒃ; ᓯᕗᒧᑦᑎᓯᒍᑎᒋᓗᒍ ᑲᓇᑕᒥᐅᑦ ᐱᒍᒪᓯᒪᔭᖏᓐᓂᒃ ᐊᕐᖁᑎᒋᓗᒍ ᓱᓕᑦᓯᐊᑑᑦᓱᓂ ᑲᕙᒪᒍᓯᖅ; ᓯᕗᓕᕈᑕᐅᔪᖅ ᑕᕐᕋᖅ ᐱᓪᓗᒍ ᑲᕙᒪᒍᓯᕐᓄᑦ ᐊᒻᒪᓗ ᐊᒥᓱᐃᑎᒍᑦ ᐊᑦᓱᕈᕈᑕᐅᒋᐊᓕᓐᓄᑦ; ᐊᒻᒪᓗ ᐊᑐᓕᕐᑎᓯᓂᒃᑯᑦ ᐃᓚᐅᑎᑦᓯᓂᕐᓴᒥᒃ ᓵᓯᒋᐊᕈᓯᕐᒥᒃ ᑕᕐᕋᐅᑉ ᑲᕙᒪᓕᕆᔭᐅᒍᑎᖏᓐᓂᒃ.

ᐅᖃᒻᒪᕆᐅᑎᖃᕐᓂᖅ ᑲᓇᑕᐅᑉ ᐱᒍᓐᓇᓂᖃᕈᑎᖏᓐᓂᒃ ᐱᖁᔭᑎᒍᑦ

1. ᓇᓪᓕᖁᐊᖑᑎᑦᓯᓂᖅ ᑲᕙᒪᒍᓯᕐᓂᒃ ᓴᐳᒻᒥᒍᑎᐅᓂᐊᕐᑎᓗᒋᑦ ᑲᓇᑕᒥ ᓴᐳᑦᔭᐅᓯᒪᒋᐊᓕᓐᓂᒃ ᐊᑦᑕᓇᕐᑐᒦᑦᑌᓕᒍᑎᐅᒋᐊᓕᓐᓂᓗ

ᑲᓇᑕᐅᑉ ᑲᕙᒪᖓ ᑲᔪᓯᒍᑎᖃᕐᓂᐊᖁᖅ ᑐᑭᓯᓇᑦᓯᐊᓗᑎᒃ ᓵᑦᓯᒋᐊᕈᑎᓂᒃ ᑕᕐᕋᐅᑉ ᐊᑦᑕᓇᕐᑐᒦᑦᑌᓕᒋᐊᖃᕐᓂᖓ ᐱᓪᓗᒍ ᓯᕗᓪᓕᐸᐅᑦᔭᐅᔪᑦᓴᓕᐊᕆᓗᒋᑦ ᐊᑦᑕᓇᕐᑐᒦᑦᑌᓕᓂᕐᒨᓕᖓᔪᑦ, ᐱᒍᒪᓯᒪᔭᖏᑦ ᐊᑦᑕᓇᕐᑐᒦᒌᒃᑯᑎᑦᓴᖏᓪᓗ ᑕᕐᕋᒦᑦᑐᓂᒃ ᓄᓇᓖᑦ ᑕᕐᕋᒥᐅᓪᓗ, ᐃᓚᐅᒻᒥᑎᓪᓗᒋᑦ ᑲᓇᑕᒥᐅᓕᒫᑦ. ᑲᓇᑕᐅᑉ ᑲᕙᒪᖓᑕ ᑲᓇᑕᐅᑉ ᓯᓚᑖᓅᓕᖓᔪᓄᑦ ᒪᓕᒐᖓ ᐊᒻᒪᓗ ᓴᐳᒻᒥᒍᑎᖏᑦ  ᖃᓂᑕᕇᐸᐅᔮᓘᑦᓱᑎᒃ ᐱᐅᓯᐅᕗᒃ ᐊᒻᒪᓗ ᐃᓚᒋᐊᕆᒍᑕᐅᑦᓱᑎᒃ.ᐊᑑᑎᖃᑦᓯᐊᓗᓂ ᑲᕙᒪᒍᓯᐅᑉ ᐱᑕᖃᕆᐊᖃᓪᓚᕆᓐᓂᖓᓂᒃ ᓄᐃᑦᓯᒍᑎᐅᓗᓂ ᓄᓇᕐᔪᐊᓕᒫᒥ ᐊᑐᕐᑕᐅᔪᑦᓴᒥᒃ ᐊᕙᑎᓕᕆᒍᓯᕐᒥᒃ ᓴᐳᒻᒥᒍᑎᐅᓗᓂ ᓯᕗᒧᒋᐊᕐᑎᓯᒍᑎᐅᓗᓂᓗ ᑲᓇᑕᒥᐅᑦ ᐱᒍᒪᓯᒪᔭᖏᓐᓂᒃ; ᓯᕗᓪᓕᐸᐅᑦᓱᓂ ᐱᒋᐊᖕᖓᓂᖅ ᓴᐳᑦᔨᓯᒪᐅᑎᓄᑦ ᑲᓇᑕᐅᑉ ᑲᓇᑕᒥᐅᓂᒃ ᓴᐳᑦᔨᓯᒪᒍᑎᖏᓐᓄᑦ. ᑲᓇᑕᒥ ᐱᑕᖃᕆᐊᖃᓪᓚᕆᑦᓱᓂ ᓴᐳᑦᔨᓯᒪᐅᑎ ᐊᑦᑕᓇᕐᑐᒦᑦᑌᓕᓂᕐᒧᓪ ᐱᒐᓱᐊᕐᑕᖏᓐᓄᑦ ᐊᑑᑎᑎᑦᓯᑌᓕᓂᕐᒧᑦ ᓄᓪᓚᖓᑎᑦᓯᓂᕐᒧᓗ ᐱᓗᑲᓐᓂᐅᑐᐃᓐᓇᕆᐊᓕᓐᓂᒃ ᓯᕗᓂᖓᒍᑦ ᐱᕙᓪᓕᐊᖏᓐᓂᖏᓐᓂ ᐹᕐᓯᖓᐅᑎᓃᑦ.

 ᑲᓇᑕᐅᑉ ᑲᓇᑕᒥᐅᓂᒃ ᐊᑦᑕᓇᕐᑐᒦᑦᑎᓯᑦᑌᓕᒍᓯᖓ ᓴᐳᒻᒥᔭᐅᒋᕗᖅ ᐊᓂᕐᑎᕆᔪᓕᒫᑦ ᐃᓄᐃᑦ ᓴᐳᑦᔭᐅᓯᒪᐅᑎᖓᒍᑦ. ᓲᖑᔫᓗᑎᒃ  ᓴᐱᓕᔪᐃᑦᑑᓗᑎᓪᓗ ᐱᑕᖃᕆᐊᖃᓪᓚᕆᒃᑯᑦ ᑲᓇᑕᒥᒃ ᓴᐳᑦᔨᓯᒪᐅᑎᐅᓗᑎᒃ.

ᑲᓇᑕᐅᑉ ᑲᕙᒪᖓ ᐃᓚᐅᕗᖅ ᑕᕐᕋᒥ ᓲᖑᓂᖃᕐᓱᓂ ᓇᑯᕐᒪᑕ ᐅᓇᑕᕐᑏᑦ ᖃᖓᑦᑕᔫᒃᑯᑦ(CAF’s) ᐅᐸᐅᑎᓯᒪᓂᖏᑦ ᐱᒍᓐᓇᓂᖏᓪᓗ, ᐱᔭᕆᐅᕐᓴᓂᖏᑎᒍᑦ ᐊᐅᓚᓂᖏᑎᒍᓪᓗ, ᐃᓚᐅᑎᓪᓗᒋᑦ ᑲᓇᑕᒥᐅᑦ ᐅᓇᑕᕐᑎᓴᖏᑦ. ᑲᓇᑕᒥᐅᑦ ᐅᓇᑕᕐᑎᓭᑦ ᐊᐅᓚᔪᑦ, ᓲᓱᒋᔭᐅᓂᖃᑦᓯᐊᓱᑎᒃ ᓄᓇᕐᖃᑎᒥᓄᑦ, ᐊᒻᒪᓗ ᐃᓚᐅᓂᖏᑦ ᐱᑕᖃᕆᐊᖃᓪᓚᕆᑦᓱᑎᒃ ᓄᐃᑕᑎᑦᓯᒍᑕᐅᓗᑎᒃ ᑲᓇᑕᐅᑉ ᐱᒍᓐᓇᓂᖃᕈᑎᖏᓐᓂᒃ ᐱᖁᔭᑎᒍᑦ ᓄᓇᓂ, ᐃᒫᒍᑦ ᓯᑯᒃᑯᓗ ᑲᓇᑕᐅᑉ ᑕᕐᕋᖓᓂ.

ᓄᐃᑦᓯᕙᓪᓕᐊᓂᖅ ᐊᑐᕐᓱᒍ  NORAD ᐅᓪᓗᒥᒨᓕᖓᓕᕐᑎᓯᒍᑎᐅᑦᓱᓂ ᐱᑦᓴᑖᕈᑎ ᐅᖃᕐᑕᐅᓯᒪᔪᖅ 2022ᒥ, ᑲᓇᑕᐅᑉ ᑲᕙᒪᖓᑕ ᓴᐳᒻᒥᓯᒪᓂᕐᒧᑦ ᒪᓕᒐᖓ ᓄᑕᐅᓯᓕᑎᕆᒍᑎᐅᓯᒪᔪᖅ ᑕᕐᕋᖁᑎᑦᑕ, ᓲᖑᓂᖓᓂᒃ ᐃᓱᒪᕐᓱᓇᕐᓂᖓᓂᓪᓗ ᓇᓗᓀᕐᓯᓯᒪᔪᖅ ᑲᓇᑕᐅᑉ ᑲᕙᒪᖓᑕ ᐊᑑᑎᓕᕐᑕᖓᓂᒃ ᓯᕗᓪᓕᐸᐅᑦᔨᒋᐊᖃᓕᕐᑕᒥᑎᒍᑦ ᑲᔪᓯᒍᑎᐅᑦᓱᓂ ᓱᕐᖁᐃᑐᒥᒃ ᑲᓇᑕᐅᑉ ᐱᖁᔭᑎᒍᑦ ᐱᒍᓐᓇᓂᖃᕈᑎᖏᓐᓄᑦ ᑕᕐᕋᒥ ᑕᕐᕋᒦᑦᑐᓂᓪᓗ ᓄᓇᖁᑎᑖᕆᔭᐅᓯᒪᔪ. ᑲᓇᑕ ᐊᑐᕋᑦᓴᒫᒥᓂᒃ ᓄᐃᑦᓯᕙᓪᓕᐊᔪᖅ ᓱᕐᖁᐃᑐᒥᒃ ᑕᒪᒃᑯᐊ  CAF ᐱᒍᓐᓇᓂᖃᕐᓂᐊᑐᐊᕐᐸᑕ ᐱᑕᖃᕆᐊᓕᓐᓂᒃ ᐃᖏᕐᕋᕈᑎᒋᓂᐊᕐᓗᒋᑦ ᐊᖏᓕᕙᓪᓕᐊᑐᐃᓐᓇᑐᓄᑦ ᓄᓇᕐᔪᐊᒥ ᐱᓂᐊᕐᓂᓕᕆᒍᑕᐅᔪᑦ ᐊᒃᓚᑕᐅᓯᒪᐅᑎᖏᓐᓄᑦ. 2030ᐅᓕᕐᐸᑦ, ᑲᓇᑕ ᐊᑑᑎᓯᒪᓛᓕᕐᑐᖅ ᐱᖓᓱᕕᓪᓗᐊᑲᓴᕐᑐᓂᒃ ᓴᐳᒻᒥᒍᑎᒋᒋᐊᓕᒻᒥᓂᒃ ᐊᑑᑎᓯᒪᓕᕐᓗᓂ ᑌᒪᖕᖓᓂᑦ 2015ᒥᓂᑦ.

ᓲᖕᖑᓯᑎᑦᓯᒋᐊᕐᓂᖅ ᐅᓇᑕᕐᑏᑦ ᐱᒍᓐᓇᓂᒋᓐᓂᒃ ᓲᖕᖑᓯᐅᒥᑎᑦᓯᓂᐊᕐᑐᖅ ᑲᓇᑕᐅᑉ ᐅᓇᑕᕐᑎᖏᓐᓂᒃ ᖃᖓᑦᑕᔫᒃᑯᑦ ᐱᒍᓐᓇᓂᖏᑎᒍᑦ ᐱᓇᓱᐊᕐᓗᑎ ᐊᐅᓚᓂᒃᑯᓗ ᑕᕐᕋᒥ ᐊᒻᒪᓗ ᓄᐃᑦᓯᓗᑎᒃ ᐱᕕᑦᓴᓂᒃ ᓲᖕᖑᓯᐅᒥᑎᑦᓯᓂᕐᒧᑦ ᐱᓇᓱᖃᑎᒌᓐᓂᐅᒋᐊᓕᒻᒥᒃ ᐃᑲᔪᕐᑎᒥᓂᒃ ᐱᓇᓱᖃᑎᒥᓂᓪᓗ.ᑲᓇᑕ ᙯᕐᖁᔨᕋᓕᓲᖅ ᓂᕈᐊᕐᑕᐅᓯᒪᔪᓂᒃ ᐃᑲᔪᕐᑎᐅᓂᐊᕐᓗᑎᒃ ᐱᓇᓱᖃᑎᐅᓂᐊᕐᓱᑎᓪᓗ ᓂᕈᐊᕐᑕᐅᓯᒪᔪᓂᒃ ᐃᓚᐅᓚᖓᑎᓪᓗᒋᑦ ᐃᖏᕐᕋᑎᑕᖏᓐᓄᑦ ᓇᓄᖅ, ᑲᓇᑕᐅᑉ ᐅᓇᑕᕐᑎᖏᑦ ᖃᖓᑦᑕᔫᒃᑯᑦ ᑎᑦᑕᓯᒪᔭᖓᓂ ᑕᕐᕋᒥ ᐊᐅᓚᓂᕐᒧᑦ ᐱᓇᓱᑦᑕᖏᑎᒍᑦ. ᑲᓇᑕᐅᑉ ᑲᕙᒪᖓ ᐱᓇᓱᖃᑎᖃᕐᒥᔪᖅ ᐃᑲᔪᕐᑎᒋᓂᐊᕐᓱᒋᑦ ᓂᕈᐊᕐᓯᒪᔭᒥᓂᒃ ᐱᓇᓱᖃᑎᒋᓂᐊᕐᓱᒋᓪᓗ ᓂᕈᐊᕐᓯᒪᔭᒥᓂᒃ ᐊᒥᓱᐃᑎᒍᑦ ᑲᓇᑕᒥ ᖃᐅᔨᓴᕐᓂᑎᒍᑦ ᐊᒻᒪᓗ ᐱᕙᓪᓕᐊᑎᑦᓯᓂᕐᒧᑦ ᓱᒐᓱᐊᕈᑎᐅᔪᓂᒃ ᐊᑑᑎᒋᐊᓕᓐᓄᑦ ᐱᓇᓱᒍᑕᐅᓕᕐᐸᑦ ᓴᐳᒻᒥᓂᖅ ᐊᒻᒪᓗ ᐊᑦᑕᓇᕐᑐᒦᑦᑌᓕᓂᕐᒧᑦ ᐃᖏᕐᕋᑎᑕᒥᑎᒍᑦ ᐅᑭᐅᕐᑕᑐᒥ ᓄᓇᖁᑎᐅᔪᓂ.

ᐃᓚᒋᐊᕈᑎᒋᓗᒍNORAD ᐅᓪᓗᒥᓯᐅᑎᓕᐊᖑᓯᒪᔪᑦ ᐊᒻᒪᓗ ᓴᐳᒻᒥᓂᕐᒧᑦ ᒪᓕᒐᐅᑉ ᓄᑕᐅᓯᓕᑎᕐᑕᐅᓯᒪᓂᖓ, ᑲᓇᑕ ᐊᑑᑎᓚᐅᕐᓯᒪᖕᖏᑕᒥᓂᒃ ᐱᒐᓱᐊᕐᑐᖅ ᐊᖏᓕᐅᒥᑎᑦᓯᒐᓱᐊᕐᓱᓂ ᐅᓇᑕᕐᑎᒥᑦᑕ ᐱᒍᓐᓇᓂᖓᓐᓂᒃ ᐃᒪᕐᐱᒥ ᑕᕐᕋᒥ.ᓱᕐᖁᐃᑐᒥᒃ ᑲᓇᑕᐅᑉ ᐃᒪᖁᑎᖏᑦ ᑕᕐᕋᒦᑦᑐᑦ ᓴᐳᒻᒥᔭᐅᒍᑎᖃᑦᓯᐊᖁᓪᓗᒋᑦ ᐱᑕᖃᕆᐊᖃᓪᓚᕆᒻᒪᑦ ᐃᓚᒋᔭᐅᓗᓂ ᐱᑕᙯᓐᓇᖁᓪᓗᒍ ᐊᑦᑕᓇᖕᖏᓂᖓ ᑕᕐᕋᒥ ᐊᖏᕐᕋᐅᓂᖓᑕ. ᑲᓇᑕᐅᑉ ᑲᕙᒪᖓ ᑲᔪᓯᒍᑎᖃᕐᓂᐊᑐᖅ ᓲᖑᔪᒥᒃ ᓴᐳᒻᒥᓂᕐᒧᑦ ᐱᒍᓐᓇᓂᕐᒥᓂᒃ ᐃᒪᖁᑎᒥᓂ ᑕᕐᕋᒦᑦᑐᓂ ᐃᒪᕐᓂ, ᐃᓚᐅᑎᓪᓗᒍ ᑕᕐᕋᐅᑉ ᐅᐊᓕᓂᖓᑕ ᐊᕐᖁᑎᐅᓂᖓ ᐅᒥᐊᕐᔪᐊᓄᑦ.

ᐅᑯᐊᑕᒐ ᓀᓪᓕᑎᕐᓯᒪᒍᑎᖏᑦ ᐱᒍᓐᓇᕈᑎᐅᒍᓐᓇᑐᑦ ᓴᐳᒻᒥᓂᕐᒥᒃ ᐊᑦᑕᓇᕐᑐᒦᑦᑌᓕᓂᕐᒥᓗ ᓄᐃᑕᐅᓯᒪᔪᑦ:

• ᐊᒥᓱᒐᓓᑦᐅᓇᑕᕐᑏᑦᐱᒍᓐᓇᓂᖏᑦᐊᑐᕐᑕᐅᖃᑦᑕᕆᐊᖃᕐᓂᐊᑐᑦᐱᓇᓱᑦᑕᐅᓕᕐᐸᑦᑲᓇᑕᐅᑉᐱᒍᓐᓇᓂᖃᕈᑎᖓᐱᖁᔭᑎᒍᑦᑕᕐᕋᒥᐃᒪᕐᓂᓗᑕᕐᕋᒦᑦᑐᓂ,ᐃᓚᐅᑎᓪᓗᒋᑦᓄᑖᖑᑦᓱᑎᒃ 6 ᑲᓇᑕᐅᑉᓯᑦᔭᖁᑎᖏᓐᓂᐃᖏᕐᕋᔭᑦᑏᑦᐅᒥᐊᕐᔪᐊᑦ; ᑎᑭᑦᓱᒋᑦ 15 ᓯᑯᓯᐅᑏᑦᐅᒥᐊᕐᔪᐊᑦ; 11 ᓄᑖᑦ MQ-9Bᕿᓚᒻᒥᓴᐳᒻᒥᒍᑏᑦᖃᖓᑕᓲᑦᐊᑦᔨᓕᐅᕆᒍᑎᐅᑦᓱᑎᒃ; ᑎᑭᑦᓱᒋᑦ 16 ᓄᑖᑦ  P-8A ᐊᒥᓱᐃᓂᒃᐱᒍᓐᓇᓂᖃᕐᓱᑎᒃᖃᖓᑦᑕᔫᑦᐅᓇᑕᐅᑏᑦᓴᓇᔭᐅᓯᒪᔪᑦᐊᕐᖃᐅᒪᔫᖃᕐᑎᓯᑦᑌᓕᒍᓐᓇᓱᑎᒃᐃᒫᓂᓗᐅᓇᑕᐅᑎᓂᒃᐅᓇᑕᕐᑎᓯᑦᑌᓕᒍᓐᓇᓱᑎᒃ ; ᐊᒻᒪᓗ  88 ᓄᑖᑦ F-35A ᐅᓇᑕᐅᑏᑦ ᖃᖓᑦᑕᔫᑦ.
• ᑲᓇᑕᐅᑉᑲᕙᒪᖓᑕ38.6ᐱᓕᐊᓐᐸᕐᓇᓯᒪᔭᖏᑦᐅᓪᓗᒥᓯᐅᑎᓕᐅᕈᑎᒋᓗᒋᑦNORAD ᒥᒃᐃᑉᐱᓇᓕᓪᓚᕆᑦᑎᓯᓂᐊᕐᑐᑦᐃᓂᐅᔪᓂᒃᑕᕐᕋᒥᐊᒻᒪᓗᑕᕐᕋᒥᒃᐊᕐᖁᑎᒋᓗᒍᐊᑐᓕᕐᑎᑕᐅᒍᑎᖏᑎᒍᑦᓄᑖᑦᑕᕐᕋᒥᒃᓵᑦᓯᒋᐊᕈᑏᑦᐃᓄᑕᖃᕐᑎᓯᓂᒃᑯᑦᐱᐅᓰᑦᖃᐅᔨᕙᓪᓚᒍᑎᒋᓗᒋᑦᑕᕐᕋᐅᑉᐃᓱᒫᓗᓐᓇᓯᓯᒪᓂᖓᓂᒃᐊᒻᒪᓗᐱᑕᖃᕐᑎᓯᓕᐅᒥᓗᑎᒃᕿᓚᒻᒥᓴᐳᑦᔨᓯᒪᐅᑎᐅᓗᑎᒃᐃᓄᑦᑕᖃᕐᑎᓯᓂᒃᑯᑦ.ᐃᓚᖃᕐᒥᔪᖅᐊᕗᖓᒋᐊᓪᓚᒃᐱᑕᖃᕐᑎᓯᓂᕐᒥᒃᕿᓚᒻᒥᑐᓴᐅᒪᖃᑦᑕᐅᑎᒍᑎᓂᒃ; ᐃᓚᒋᐊᕐᒥᓗᒍᖃᖓᑕᑦᓱᑎᒃᐅᕐᓯᑐᐃᒍᑏᑦᖃᖓᑦᑕᔫᑦᓴᐳᒻᒥᒍᑎᒋᓗᒋᑦᐊᕗᖓᐅᓕᑎᑦᓯᒍᑎᒋᓗᒋᓪᓗᖃᖓᑦᑕᔫᒃᑯᑦᐅᓇᑕᕐᑏᑦᐊᐅᓚᓂᖏᓐᓂᒃ-ᐊᒻᒪᓗ NORAD ᐊᐅᓚᓂᖏᓐᓂᒃ- ᑲᓇᑕᒥ; ᐃᓚᒋᐊᕐᑕᐅᒥᓗᑎᒃᖃᓂᖕᖏᓂᕐᓴᓕᐊᕈᓐᓇᓱᑎᒃᖃᖓᑦᑕᔫᑦᐅᓇᑕᐅᑏᑦᑲᓇᑕᐅᑉᐅᓇᑕᕐᑎᖁᑎᖏᑦᑕᖃᖓᑦᑕᔫᖏᑦ; ᐃᑉᐱᓇᓪᓚᕆᑦᑐᒥᒃᐱᐅᒃᑯᑎᒻᒪᕇᑦᓄᑕᐅᓯᓕᑎᕐᑕᐅᓯᒪᐅᑎᖏᑦᐊᐅᓚᓂᕐᒧᑦ- NORAD ᓯᕗᒧᒍᑎᒋᑦᓱᒋᑦᐊᐅᓚᓂᖏᑦ; ᐊᒻᒪᓗᐅᒐᑖᓄᑦ $4ᐱᓕᐊᓐᑮᓇᐅᔭᖃᕐᑎᑕᐅᒍᑏᑦᐱᑕᖃᓚᐅᕐᓯᒪᖕᖏᑐᑦᓯᕗᓂᖓᒍᑦᐃᓕᖓᔪᑦᓱᑯᐃᔦᓂᕐᒧᑦᖃᕆᑕᐅᔭᕈᑎᓄᓪᓗ.
• ᓴᐳᒻᒥᓂᕐᒧᑦᒪᓕᒐᐅᑉᓄᑕᐅᓯᓕᑎᕐᑕᐅᓯᒪᓂᖓᐅᖃᕐᓯᒪᔪᕐᑕᓕᒃᐃᓚᒋᐊᕈᑎᓂᒃ $8.1ᐱᓕᐊᓐᓂᒃᐊᑐᕐᑕᐅᓂᐊᕆᐊᖏᑦ 5 ᐊᕐᕌᒍᐃᑦᐊᓂᒍᕋᓱᓐᓂᖏᓐᓂᐊᒻᒪᓗ 73ᐱᓕᐊᓐᐊᕐᕌᒍᐃᑦᐊᕙᑎᑦᐊᓂᒍᕋᓱᓐᓂᖏᓐᓂᓴᐳᒻᒥᒍᑎᐅᓗᑎᒃᑲᓇᑕᓕᒫᒥᒃᓴᐳᑦᔨᓯᒪᓂᕐᒧᑦᐊᑦᑕᓇᕐᑐᒦᑦᑌᓕᒋᐊᖃᕐᓂᒧᓪᓗᑕᕐᕋᒥ. ᑕᒪᓐᓇᐃᓚᖃᕐᓱᓂᓄᑖᒥᒃ ᖃᖓᑕᓂᒃᑯᑦ ᓄᐃᔪᓂᒃ ᑯᑦᓴᓱᐊᑲᐱᒍᑎᐅᒍᓐᓇᓗᑎᒃ ᐊᐅᓚᑦᓯᒍᑎᐅᓗᑎᓪᓗ ᖃᖓᑦᑕᔫᓂᒃ; ᐊᑦᔨᐅᖏᑦᑑᓱᑎᒃ ᐃᒪᕐᐱᒦᑦᑐᓂᒃ ᖃᐅᔨᒍᓐᓇᐅᑏᑦ, ᐃᓚᐅᑎᓪᓗᒋᑦ ᐃᓚᖏᑦ ᖃᖓᑦᑕᑎᑕᐅᒍᓐᓇᑐᑦ ᐆᒧᖓHarry DeWolf-ᑕᕐᕋᐅᑉ ᓯᑦᔭᖓᓂ ᖃᐅᔨᒪᒐᓱᐊᕈᑏᑦ ᐅᒥᐊᕐᔪᐊᑦ; ᓄᑖᑦ ᖃᖓᑕᑎᑕᐅᖃᑦᑕᓗᑎᒃ ᖁᓕᒥᒎᓖᑦ ᓴᐳᒻᒥᒍᑎᐅᑦᓱᑎᒃ; ᐊᒻᒪᓗ ᓄᑖᖅ ᖃᖓᑦᑕᑎᑕᐅᓯᒪᔪᖅ ᐊᑐᕐᓗᒍ ᓄᓇᒦᑦᓱᓂ ᐃᓂ ᑕᕐᕋᒥ ᐱᓕᐅᒥᑎᑦᓯᒍᑕᐅᓗᑎᒃ ᑲᓇᑕᒥᐅᑦ ᐊᒥᕆᑲᒥᐅᓪᓗ ᐊᓯᖏᑦᑕᓗ ᐃᑲᔪᕐᑎᖏᑦᑕ ᕿᓚᒻᒥ ᐱᒍᓐᓇᕈᑎᖏᑎᒍᑦ.
• ᓴᐳᒻᒥᓂᕐᒧᑦᒪᓕᒐᐅᑉᓄᑕᐅᓯᓕᑎᕐᑕᐅᓯᒪᓂᖓᓄᐃᑦᓯᒍᑕᐅᓂᐊᕐᒥᔪᖅᓄᑖᒥᒃᐱᑐᑦᓯᒪᐅᑎᓂᕐᒥᒃᑕᒪᑦᓱᒥᖓᑕᕐᕋᒥ ᐊᐅᓚᓂᕐᒧᑦ ᓴᐳᒻᒥᕕᐅᑉ ᐃᓂᖓᓂᒃ ᐊᕗᖓᐅᓕᒋᐊᕈᑎᐅᓗᓂ ᑲᓇᑕᒥᐅᑦ ᐅᓇᑕᕐᑏᑦ ᖃᖓᑦᑕᔫᒃᑯᑦ ᐅᐸᐅᑎᓯᒪᓂᖓᓂᒃ, ᑭᐅᒍᓐᓇᓂᖏᑎᒍᑦ ᐱᓇᓱᖃᑎᖃᕐᓂᖏᑎᒍᓪᓗ ᑕᕐᕋᓕᒫᒥ ᐊᒻᒪᓗ ᓄᐃᑦᓯᒍᑕᐅᓗᑎᒃ ᐊᒥᓱᐃᓕᖓᔪᓂᒃ ᐊᑐᕐᑕᐅᒍᓐᓇᑐᓂᒃ ᐱᖁᑎᒻᒪᕆᓐᓂᒃ ᑭᐅᑦᔪᑕᐅᔪᓂᒃ ᑭᖕᖒᒪᒋᔭᐅᔪᓄᑦ ᑕᒪᒃᑯᓇᓂ ᓄᓇᓯᒪᔪᓂ, ᓄᓇᓕᑐᙯᑦ ᐃᓄᐃᑦ ᐊᒻᒪᓗ ᑕᕐᕋᒦᑦᑐᑦ ᓄᓇᓖᑦ.
• ᔪᓓ 2024ᖑᑎᓪᓗᒍᑲᓇᑕᐅᑉᑲᕙᒪᖓᐅᖃᓚᐅᔪᒻᒪᑦᐊᑐᓕᕐᑎᓯᒐᔭᕐᓂᕋᕐᓱᓂᓄᑖᓂᒃᑮᓇᐅᔭᕐᑐᑎᐅᒐᔭᕐᑐᓂᒃᑲᓇᑕᒥᒃᐊᑕᐅᑦᓯᑰᖃᑕᐅᑎᑦᓯᒍᑎᑦᓴᓂᒃᑎᑭᐅᑎᒍᑎᒋᓗᒋᑦNATO’ ᑐᕌᒐᖏᓐᓄᑦ 2% ᖏᓐᓂᒃ GDP ᑮᓇᐅᔭᓂᒃ ᐊᑐᕐᓗᑎᒃ ᑎᑭᓪᓗᒍ 2032 ᑕᒪᒃᑯᐊ ᐃᓚᖃᕐᓂᐊᑐᑦ ᓂᐅᕕᕈᑕᐅᔪᓂᒃ ᓂᐅᕕᕈᑎᒋᓗᒋᑦ ᓲᖑᔪᒻᒪᕆᓐᓂᒃ ᐊᐅᓚᐅᑎᓂᒃ, ᓯᑰᑉ ᐊᑖᓂ ᐊᕐᖃᐅᒪᔫᕈᑎᐅᒍᓐᓇᑐᓂᒃ ᑖᒃᑯᓄᖓ ᑲᓇᑕᒥ ᐅᒥᐊᕐᔪᐊᑯᑦ ᐅᓇᑕᕐᑎᓄᑦ.
• 2024ᖑᑎᓪᓗᒍ ᑲᓇᑕᐅᑉ ᑲᕙᒪᖓ ᓂᐅᕕᓚᐅᔪᔪᖅ ᐱᑖᕆᑦᓱᒋᑦ 8 ᐅᒥᐊᕐᔪᐊᑦ ᓯᖁᓯᐅᑏᑦ ᓴᓇᔭᐅᓯᒪᑦᓱᑎᒃ ᑲᓇᑕᒥ ᓴᐳᒻᒥᒍᑎᑖᕆᑦᓱᒋᑦ ᑲᓇᑕᒥᐅᑦ ᓯᑦᔭᖁᑎᒥᓂᒃ ᐃᑖᒐᐅᑎᑦᓯᑌᓕᔨᖏᓐᓄᑦ ᑕᕐᕋᒦᑦᑐᓄᑦ, ᐃᓚᖃᕐᒥᑎᓪᓗᒋᑦ 2ᓂᒃ ᓯᑯᓯᐅᑏᓐᓂᒃ ᑕᕐᕋᒥ ᓯᑯᓂᒃ ᓯᖁᑦᑎᕆᒍᑎᒋᒍᓐᓇᓂᐊᕐᑕᒥᓂᒃ ᐊᕐᕌᒍᓕᒫᒥ ᐊᑐᕈᓐᓇᑑᓐᓂᒃ ᑕᕐᕋᒦᑦᓯᐅᑎᐅᑦᓱᑎᒃ.ᓯᑯᓯᐅᑏᑦ ᐅᒥᐊᕐᔪᐊᑦ ᐃᑲᔪᕐᓯᓚᖓᔪᑦ ᓴᐳᒻᒥᔭᐅᓂᕆᒋᐊᓕᖓᓂᒃ ᐃᒪᕐᐱᐅᑉ ᐊᕙᑎᖓᓂᒃ, ᐅᒥᐊᕐᔪᐊᑯᑦ ᑎᑭᑕᐅᑦᑕᓂᖏᓐᓂᒃ ᐱᐅᒃᑯᑎᓄᑦ ᓄᓇᓖᑦ ᐊᒻᒪᓗ ᓄᐊᑦᓯᓂᕐᒧᑦ ᖃᕆᑕᐅᔭᒦᑦᑐᓴᓂᒃ ᖃᐅᔨᒪᒍᑎᑦᓴᐅᓗᑎᒃ ᓄᐃᑕᑎᑦᓯᓯᐊᓕᐅᒥᒍᑎᐅᓗᑎᓪᓗ ᑲᓇᑕᐅᑉ ᐃᒪᕐᐱᒥ ᐃᓂᖏᑦᑕ ᖃᐅᔨᒪᔭᐅᒍᑎᑦᓴᖏᓐᓂᒃ ᓴᐳᒻᒥᒍᑎᒋᑦᓱᒋᑦ ᐃᒪᕐᐱᒥ ᐊᑦᑕᓇᕐᑐᒦᑦᑌᓕᓂᕐᒧᑦ ᐃᓱᒫᓗᓐᓇᒋᑦᑐᒦᑦᑎᓯᓂᕐᒧᓗ, ᐊᕙᑎᒥᒃ ᐱᐅᓯᖓᓂᒃ ᐊᑑᑎᒍᓐᓇᓂᕐᒧᑦ ᓱᑯᐃᔦᓂᒃᑯᓗ ᖃᐅᔨᓴᕐᓂᒧᑦ.
• ᔪᓓ 2024ᖑᑎᓪᓗᒍ, ᑲᓇᑕ, ᐊᒥᕆᖃ, ᕕᓐᓚᓐᓗᐅᖃᐅᓯᖃᓚᐅᔪᔪᑦᐱᓕᐅᒥᑎᑦᓯᓂᐊᕆᐊᒥᒃᐱᖓᓱᐃᖑᓗᑎᒃᐱᓇᓱᖃᑎᒌᓐᓂᐊᓂᕐᒥᓂᒃᑌᔭᐅᔪᒥᒃᓯᑯᒧᑦ ᐊᖏᖃᑎᒌᒍᑎ. ᑕᒪᓐᓇ ᐱᓇᓱᖃᑎᒌᓐᓂᑯᑦ ᐱᒐᓱᐊᕈᑎ ᐱᐅᓂᕐᐸᐅᓗᑎᒃ ᓯᑯᓯᐅᑎᓂᒃ ᐅᒥᐊᕐᔪᐊᓂᒃ ᑕᕐᕋᒥᓗ ᓯᑯᓂᒃ ᓯᖁᑦᑎᕆᐅᑎᐅᒍᓐᓇᑐᓂᒃ ᐊᑐᓂ ᑖᒃᑯᐊ ᓄᓇᓕᕐᔪᐊᖁᑎᓖᑦ ᐊᒥᕐᖄᕈᑎᖃᕐᓱᑎᒃ ᖃᐅᔨᒪᐅᓯᕐᒥᓂᒃ, ᑐᓴᐅᒪᔭᐅᒋᐊᓕᓐᓂᓗ ᐱᒍᓐᓇᓂᕐᒥᓂᓪᓗ ᐱᓇᓱᖃᑎᒌᒍᑎᒋᒻᒥᓱᒍ. ᑕᒪᓐᓇ ᐱᓇᓱᖃᑎᒌᓐᓂᖅ ᓲᖕᖑᓯᒋᐊᕆᓂᐅᒻᒥᔪᖅ ᐱᒍᓐᓇᓂᖏᓐᓂᒃ ᐃᓱᒪᖃᑎᒌᒍᑎᖃᕐᓂᒧᑦ ᑲᔪᓯᑎᑦᓯᒍᑎᒋᓗᒍ ᓄᓇᕐᔪᐊᓕᒫᒥ ᒪᓕᒐᕐᓂᒃ, ᐱᐅᓯᖏᓐᓂᒃ ᐊᒻᒪᓗ ᐊᑦᔨᒌᓂᒃ ᒪᓕᑦᑕᐅᒋᐊᓕᓐᓂᒃ ᐊᑦᑕᓇᕐᓯᖁᓇᒍ ᐊᒻᒪᓗ ᓭᓕᖓᓇᑦᓯᐊᖏᓐᓇᖁᓪᓗᒍ ᓄᓪᓚᖓᓗᓂ ᑕᕐᕋᒥ.

ᑭᒃᒐᑐᕐᑎᖃᕆᐊᖃᕐᓂᒧᑦ ᐊᑐᓕᕐᑎᑕᐅᓯᒪᔪᑦ ᑕᕐᕋᒥ ᓄᓇᓕᕐᔪᐊᑦ ᐊᓯᐊᓅᓕᖓᔪᑦ ᒪᓕᒐᕐᑎᒍᑦ ᑭᐅᑦᔪᑎᐅᓂᐊᕐᑐᖅ ᑖᒃᑯᓄᖓᓕᒫᖅ ᐱᑕᖃᕆᐊᓕᓐᓄᑦ ᑐᑭᓕᐊᑦᓯᐊᓂᕐᓴᓕᐊᕆᓗᒋᑦ ᑲᓇᑕᐅᑉ ᐃᓂᓪᓚᓯᒪᐅᑎᒋᓂᐊᕐᓗᒋᑦ ᐱᒐᓱᐊᕐᑕᖏᓐᓄᑦ ᐊᒻᒪᓗ ᐱᓇᓱᖃᑎᖃᓕᐅᒥᓗᑎᒃ ᑕᕐᕋᒥ ᐃᑲᔪᕐᑎᒥᓂᒃ, ᐱᓇᓱᖃᑎᒋᓗᒋᑦ ᓄᓇᑖᕐᓯᒪᔪᑦ ᑲᓇᑕᐅᓪᓗ ᐊᕕᑦᑐᓯᒪᓂᖏᓐᓂ ᓄᓇᖁᑎᓖᑦ ᑲᕙᒪᖏᑦ ᐃᓚᖃᕐᒥᓗᑎᒃ ᑕᕐᕋᒥᐅᓂᒃ ᓄᓇᖃᕐᖄᓯᒪᔪᓂᒃ ᐱᓇᓱᖃᑎᖃᕐᓂᓴᐅᓗᑎᒃ.

i. ᐱᑐᑦᑎᓯᓂᖅ ᖃᐅᔨᒪᐅᓯᓪᓚᕆᓖᑦ ᐱᑐᑦᓯᒪᖕᖏᓂᖏᓐᓂᒃ

ᑲᒪᒍᑎᒋᓗᒍ ᐱᔭᕐᓃᑑᑦᓱᑎᒃ ᑯᑦᓴᓇᕐᓯᑐᐃᓐᓇᕆᐊᓕᓐᓂᒃ ᐊᑑᑎᔪᓂᒃ ᑕᕐᕋᒥ, ᑲᓇᑕ ᖃᐅᔨᒪᔭᖃᑦᓯᐊᓕᐅᒥᒋᐊᓕᒃ ᐊᑦᑕᓇᕐᑐᒦᖕᖏᓂᕐᒥᒃ ᐅᓇᑕᕐᑎᑎᒍᑐᐃᓐᓇᐅᖏᑦᑐᖅ. ᐊᑦᑕᓇᕐᑐᒦᖕᖏᓂᖅ ᑕᕐᕋᒥ ᐃᓚᖃᕐᖁᖅ ᓄᓇᓖᑦ ᐊᑦᑕᓇᕐᑐᒦᖕᖏᓂᖏᓐᓂᒃ, ᖃᐅᔨᓴᕐᓂᐅᑉ ᐊᑦᑕᓇᕐᑐᒦᖕᖏᓂᖓᓂᒃ, ᑮᓇᐅᔭᓕᐅᕈᓐᓇᓂᐅᑉ ᐊᑦᑕᓇᕐᑐᒦᖕᖏᓂᖓᓂᒃ, ᐊᑦᑕᓇᕐᑐᒦᖕᖏᓂᖅ ᐱᓪᓗᒍ ᓱᓕᖕᖏᑐᓂᒃ ᐊᒻᒪᓗ ᐊᓯᓕᒫᖏᑎᒍᑦ ᐅᓚᐱᑦᓯᓂᕐᑎᒍᑦ ᐊᒻᒪᓗ ᓄᐃᑕᓪᓚᕆᑦᑐᑎᒍᑦ,ᖃᕆᑕᐅᔭᕈᑎᑎᒍᓪᓗ ᐱᐅᒃᑯᑏᑦ ᐊᑦᑕᓇᕐᑐᒦᒋᐊᖃᖕᖏᓂᖏᑎᒍᑦ.

ᐱᓇᓱᖃᑎᖃᕐᓂᐊᑐᒍᑦ ᓇᐅᓕᒫᑦ ᐃᓄᐃᑦ ᐊᑦᑕᓇᕐᑐᒦᒋᐊᖃᖕᖏᓂᖏᓐᓄᑦ ᑲᓇᑕᒥ ᐊᐅᓚᑦᓯᔨᓂᒃ ᓴᐳᒻᒥᒍᑎᒋᓗᒋᑦ ᐊᔪᐃᓐᓇᕈᑕᐅᔪᑦ ᓲᖕᖑᓯᐅᒥᑎᑦᓯᒋᐊᕈᑎᒋᓗᒋᑦ ᑲᓇᑕᒥᐅᑦ ᑲᓇᑕᓕᒫᒥ ᓴᐱᓕᔪᐃᑦᑑᓱᑎᒃ ᓵᓚᐅᑦᑌᓕᒍᓯᖏᓐᓂᒃ ᓱᒃᑯᑕᐅᓐᓇᑐᓄᑦ ᐊᒻᒪᓗ ᓱᒐᓱᐊᕐᓂᖏᓐᓂᒃ ᑲᓇᑕᒥᐅᖑᖕᖏᑐᑦ ᐱᒍᓐᓇᓂᕐᒥᓂᒃ ᐊᑐᕐᓱᑎᒃ ᐱᖁᔭᑎᒍᑦ.ᑲᓇᑕ ᓲᖕᖑᓯᒋᐊᕆᓚᖓᔪᖅ ᓴᐳᒻᒥᓂᕆᓲᒥᓂᒃ ᐱᑕᖃᕆᐊᖃᓪᓚᕆᑦᓱᑎᒃ ᐱᖁᑎᒻᒪᕆᓐᓂᒃ ᑲᓇᑕᓕᒫᒥ, ᐃᓚᐅᑎᓪᓗᒋᑦ ᑕᕐᕋᒦᑦᑐᑦ, ᓴᐳᒻᒥᒍᑎᒋᓗᒍ ᑕᕐᕋᒦᑦᑐᓂᒃ ᓄᓇᓕᓐᓂᒃ ᓵᖕᖓᓯᒍᑎᒋᒍᓐᓇᓂᐊᕐᓗᒋᑦ ᑲᓇᑕᒥᐅᖑᖕᖏᑐᑦ ᐅᓚᐱᓐᓂᖏᓐᓂᒃ. ᑕᒪᓐᓇ ᐱᔭᕆᔭᐅᒍᓐᓇᑐᖅ ᐊᑐᕐᓗᒍ ᐱᑦᓴᑖᕐᓯᒪᓂᕐᒧᑦ ᑲᓇᑕᐅᑉ ᐱᖁᔭᖓᑎᒍᑦ; ᓲᖕᖑᓯᐅᒥᑎᑦᓯᓂᒃᑯᑦ ᑲᓇᑕᒥᐅᑦ ᖃᕆᑕᐅᔭᕈᑎᑎᒍᑦ ᐊᑦᑕᓇᕐᑐᒦᒋᐊᖃᖕᖏᓂᕐᒧᑦ ᐱᐅᓯᖓᑎᒍᑦ; ᐊᒻᒪᓗ ᓱᓕ ᐊᑐᕐᓗᒍ ᓄᑖᖅ ᐱᖁᔭᖕᖑᑎᑕᐅᓯᒪᔪᖅ ᓵᑦᓯᒋᐊᕈᑎᐅᑦᓱᓂ ᑲᓇᑕᒥᐅᖑᖕᖏᑐᑦ ᐅᓚᐱᑦᓯᐸᓐᓂᖏᓐᓂᒃ.

ᐱᑕᖃᕐᑎᓯᓚᖓᔪᒍᑦ ᓈᒻᒪᓈᕐᓗᑎᒃ ᓄᓇᑖᕐᓯᒪᒍᑎᑎᒍᑦ, ᑲᓇᑕᐅᑉ ᐊᕕᑦᑐᑕᐅᓯᒪᓂᖏᓐᓂ ᓄᓇᖁᑎᓕᓐᓄᑦ ᓄᓇᖃᕐᖄᓯᒪᔪᓪᓗ ᑲᕙᒪᖏᓐᓂᒃ ᑐᓴᐅᒪᑎᑦᓯᐊᖏᓐᓇᓗᒋᑦ ᖃᐅᔨᒪᔭᐅᒋᐊᓕᓐᓂᓗ ᖃᐅᔨᒪᑎᖏᓐᓇᓗᒋᑦ ᓄᐃᕙᓪᓕᐊᑐᐃᓐᓇᑐᓂᒃ ᐱᕙᓪᓕᐊᑐᐃᓐᓇᓱᑎᓪᓗ ᓄᓇᕐᔪᐊᓕᒫᒥ ᐊᑦᑕᓇᕐᑐᒦᒋᐊᖃᖕᖏᓂᕐᒧᑦ ᐱᐅᓯᐅᔪᓂᒃ, ᐃᓚᐅᑎᓪᓗᒋᑦ ᑯᑦᓴᓇᕐᑐᑦ ᓱᕐᕃᓯᒪᔪᑦ ᑕᕐᕋᒥᒃ, ᓱᕐᖁᐃᑐᒥᒃ ᐱᐅᒃᑯᑎᖃᑦᓯᐊᖁᓪᓗᒋᑦ ᓴᐳᒻᒥᒍᑎᒋᓂᐊᕐᑕᒥᓂᒃ ᓄᓇᓕᓐᓂᒃ ᑲᓇᑕᐅᑉ ᑕᕐᕋᖓᓃᑦᑐᓂᒃ ᖃᐅᔨᒪᑎᓗᒋᓪᓗ ᑐᑭᑖᕈᑕᐅᓯᒪᔪᓂᒃ ᐊᑦᑕᓇᕐᑐᒦᒋᐊᖃᖕᖏᓂᖏᓐᓄᑦ ᓄᓇᓕᒻᒥᓂ.

ᑕᒪᓐᓇ ᐱᔭᕆᔭᐅᒍᓐᓇᓚᖓᔪᖅ ᐱᓇᓱᖃᑎᒋᓗᒋᑦ ᑲᓇᑕᒥᐅᑦ ᐊᑦᑕᓇᕐᑐᒦᒋᐊᖃᖕᖏᓂᖏᓐᓄᑦ ᖃᐅᔨᒪᐅᓯᓪᓚᕆᓖᑦ ᐱᑦᔪᔨᒍᑎᖏᑎᒍᑦ, ᑐᓴᐅᒪᖃᑦᑕᐅᑎᓂᕐᒧᑦ ᐊᑐᕐᑕᐅᔪᑦᓭᑦ ᓄᐃᓗᒋᑦ, ᐱᑦᔪᔨᕕᓪᓗ ᑲᓇᑕᒥᐅᑦ ᓴᐳᒻᔭᐅᒪᒋᐊᖃᕐᓂᖏᓐᓄᑦ ᐊᒻᒪᓗ ᓇᐅᓕᒫᑦ ᐃᓄᐃᑦ ᐊᑦᑕᓇᕐᑐᒦᒋᐊᖃᖕᖏᓂᖏᓐᓄᑦ ᑲᓇᑕᒥ ᐃᓚᐅᒻᒥᑎᓪᓗᒍ.

ii. ᓲᖕᖑᓯᒋᐊᕆᓂᖅ ᖃᐅᔨᓴᕐᓂᒧᑦ ᐊᑦᑕᓇᕐᑐᒦᑦᑌᓕᒍᑎᓂᒃ

ᓄᓇᕐᔪᐊᓕᒫᒥ ᓱᑯᐃᔦᔩᑦ ᐱᓇᓱᖃᑎᒌᒋᐊᖃᕐᓂᖓ ᐱᒻᒪᕆᐅᕗᖅ ᐱᔭᑦᓴᕆᔭᐅᑦᓱᓂ ᑲᒪᒍᑎᐅᓂᐊᕐᓗᓂ ᖃᐅᔨᒪᔭᐅᖕᖏᑐᓂᒃ ᑲᒪᒍᑎᐅᒋᐊᓕᓐᓂᑦ ᑕᕐᕋᒥᒃ, ᐃᓚᐅᑎᓪᓗᒍ ᐱᓇᓱᖃᑎᒌᓐᓂᖅ ᐱᓪᓗᒍ ᓯᓚᐅᑉ ᐊᓯᑦᔨᓯᒪᓕᕐᓂᖓ. ᐊᕐᕌᒍᐃᑦ 20 ᐊᓂᒍᕐᑐᑦ ᐱᓕᐅᒥᓯᒪᓕᕐᑎᓗᒋᑦ ᓄᓇᕐᔪᐊᓕᒫᒥ ᖃᐅᔨᓴᕐᓂᒧᑦ ᓱᒐᓱᐊᕈᑎᓂᒃ ᑲᓇᑕᓕᒫᒥ ᐅᑭᐅᕐᑕᑐᓕᒫᒥᓗ.

ᑲᓇᑕ ᑲᔪᓯᒍᑎᖃᕐᑎᓗᒍ ᑐᖕᖓᓱᑦᑎᓯᓂᕐᒥᒃ ᓱᑯᐃᔦᔩᑦ ᐱᓇᓱᖃᑎᒌᓐᓂᖏᓐᓂᒃ ᑕᕐᕋᒥ,ᑲᓇᑕ ᐊᐅᓚᑕᓕᒃ, ᐱᖁᔭᓕᐊᖑᓯᒪᔪᓂᒃ, ᐊᑦᑕᓇᕐᑐᒦᒋᐊᖃᖕᖏᓂᕐᒥᒃ ᐃᓱᒫᓗᓐᓇᖏᑦᑐᒦᒋᐊᖃᕐᓂᒥᓪᓗ ᐱᓇᓱᕝᕕᐅᔪᓂᒃ ᑕᒪᒃᑯᐊᓗ ᐱᐅᒃᑯᑎᖃᑦᓯᐊᕆᐊᖃᕐᓱᑎᒃ ᓵᑦᓯᒍᑎᒋᒍᓐᓇᕋᔭᕐᑕᒥᓂᒃ ᑯᑦᓴᓇᕐᓯᑐᐃᓐᓇᕆᐊᓕᓐᓂᒃ ᓱᒃᑯᑕᐅᒍᑎᐅᑐᐃᓐᓇᕆᐊᓕᓐᓂᓗ ᐃᓘᓐᓀᑎᒍᑦ. ᐱᓗᐊᕐᑐᒥᒃ, ᑲᓇᑕ ᓴᐳᒻᒥᓯᐊᕆᐊᓕᒃ ᓴᐳᒻᒥᕕᒋᓗᒋᑦ ᑲᓇᑕᒥᐅᖑᖕᖏᑐᑦ ᖃᐅᔨᓴᕈᒪᓂᖏᑦ ᑲᓇᑕᐅᑉ ᑕᕐᕋᖓᓂᒃ ᑕᕐᕋᒥᓗ ᐊᑐᕐᑕᐅᒍᑎᖏᓐᓂᒃ ᒪᕐᕈᐃᑎᒍᑦ- ᑌᒣᑎᒍᑦ ᖃᐅᔨᓴᕐᓂᑯᑦ ᐅᓇᑕᕐᑎᑕᖃᕐᓂᑯᓪᓗ ᐊᑐᕐᑕᐅᑎᑕᒥᒍᑦ.

ᑕᒪᓐᓇ ᐱᑕᖃᕆᐊᓕᒃ ᓇᓪᓕᖁᐊᕇᑦᓯᐊᓂᕐᒥᒃ ᐱᒻᒪᕆᐅᑦᓱᑎᒃ ᓯᕗᓪᓕᐸᐅᑦᔭᐅᒋᐊᓕᑦᑎᒍᑦ ᓯᕗᒧᒋᐊᕐᑎᓗᒋᑦ ᖃᐅᔨᒪᔭᐅᓕᕐᑐᑦ ᐃᓃᑦ ᐊᑑᑎᒍᑎᐅᒋᐊᓖᑦ ᓄᓇᕐᔪᐊᒥᐅᓕᒫᓄᑦ ᓱᑯᐃᔦᔩᓄᑦ ᐱᓇᓱᖃᑎᒌᒍᑎᐅᓗᑎᒃ, ᒪᑯᑎᒎᓇ ᓯᓚᐅᑉ ᐊᓯᑦᔨᓯᒪᓕᕐᓂᖓᓂᒃ ᖃᐅᔨᓴᕈᑎᖃᕐᓂᖅ, ᐊᑑᑎᒍᑎᐅᒋᐊᓕᓐᓂᒃ ᐃᑉᐱᒋᑦᓯᐊᓚᕆᓪᓗᒍ ᓴᐳᒻᒥᒍᑎᒋᓗᒍᓗ ᑲᓇᑕᐅᑉ ᐱᓪᓗᑯᒍᑎᒋᒋᐊᖃᕐᓱᒍ ᖃᐅᔨᓴᕐᓂᖅ.

iii. ᐱᓇᓱᖃᑎᑖᕐᓂᖅ ᑲᓇᑕᒥᐅᑦ ᓯᑦᔭᖁᑎᒥᓂᑦ ᓴᐳᒻᒥᔨᖏᓐᓂᒃ ᓴᐳᒻᒥᒍᑎᒋᓗᒍ ᐃᑖᒐᐅᑦᑌᓕᓂᕐᒥᒃ ᐊᑦᑕᓇᕐᑐᒦᑦᑌᓕᒋᐊᖃᕐᓂᒥᓪᓗ

ᑲᓇᑕᐅᑉ ᓯᑦᔭᖁᑎᖏᓐᓂᒃ ᐃᑖᒐᐅᑎᑦᓯᑌᓕᔩᑦ, ᐊᑕᐅᑦᓯᑰᖃᑕᐅᓗᑎᒃ ᐱᓇᓱᖃᑎᒋᒻᒥᔭᒥᑕ ᐱᑦᔪᔨᕕᖏᑎᒍᑦ ᑭᒃᒐᑐᕐᑎᖏᑎᒍᓪᓗ, ᑲᒪᔨᐅᕗᖅ ᐃᒪᕐᐱᒥ ᐃᓂᒋᔭᐅᔪᑦ ᖃᐅᔨᒪᔭᐅᒋᐊᖃᕐᖏᓐᓂᒃ ᐃᓚᐅᕕᖃᓪᓚᕆᑦᓱᓂᓗ ᓴᐳᒻᒥᓂᕐᒧᑦ ᐃᑖᒐᐅᑎᑦᓯᑌᓕᓂᕐᒥᒃ ᐊᑦᑕᓇᕐᑐᒦᒋᐊᖃᖕᖏᓂᕐᒥᓗ ᑕᕐᕋᒥ.

ᐱᖕᖑᑎᑦᓯᕙᓪᓕᐊᓂᖅ ᑲᓇᑕᒥᐅᑦ ᓯᑦᔭᖁᑎᖏᑦᑕ ᑕᕐᕋᒥ ᐃᓂᓪᓚᓯᒪᐅᑎᑦᓴᖏᓐᓂᒃ, ᓄᐃᑕᐅᓚᐅᔪᓂᒃ 2024ᒥ, ᑲᓇᑕᒥᐅᑦ ᓯᑦᔭᖁᑎᖏᓐᓂᒃ ᐃᑖᒐᐅᑎᑦᓯᑌᓕᔩᑦ ᑲᔪᓯᒍᑎᖃᓚᖓᕗᑦ ᐃᑲᔪᕐᓯᒪᓂᕐᒥᓂᒃ ᑲᓇᑕᒥᐅᑦ ᑲᓇᑕᓕᒫᒥ ᐊᑦᑕᓇᕐᑐᒦᒋᐊᖃᖕᖏᓂᖏᓐᓂᒃ, ᐃᓚᐅᑎᓪᓗᒍ ᐊᕐᖁᑎᒋᓗᒋᑦ ᐃᑲᔪᕐᑏᑦ ᑕᕐᕋᒥ ᓱᑯᐃᔦᓂᕐᒧᑦ ᖃᐅᔨᓴᕐᓂᓂᒃ  ᐊᐅᓚᖃᑎᒌᓐᓂᒥᒍᑦ.

ᑲᓇᑕᐅᑉ ᓯᑦᔭᖁᑎᖏᓐᓂᒃ ᐃᑖᒐᐅᑎᑦᓯᑌᓕᔩᑦ ᒫᓐᓇᐅᑎᓪᓗᒍ ᐃᖏᕐᕋᑎᑦᓯᔪᑎᑦ 6ᓂᒃ ᓯᑯᓯᐅᑎᓂᒃ ᐅᒥᐊᕐᔪᐊᓂᒃ ᑕᕐᕋᒥ ᐱᒋᐊᓲᖑᑦᓱᑎᒃ ᔫᓂᒥ ᑎᑭᑦᓱᒍ ᓅᕕᒻᐱᕆ ᐊᕐᕌᒍᑕᒫᑦ,ᑕᒪᓐᓇᓗ ᐃᑲᔪᕐᓯᒪᑦᓱᓂ ᓯᕗᒧᒍᑎᐅᓯᒪᑦᓱᓂᓗ ᐃᒪᕐᐱᒥ ᐊᑦᑕᓇᕐᑐᒦᑦᑌᓕᒋᐊᖃᕐᓂᒥᒃ ᐃᓱᒫᓗᓐᓇᖏᑦᑑᒋᐊᖃᕐᓂᖓᓂᓪᓗ. ᐊᕐᕌᒍᓂ ᙯᔪᓂ, ᑲᓇᑕᐅᑉ ᓯᑦᔭᖏᓐᓂ ᐊᑦᑕᓇᕐᑐᒦᑦᑎᓯᑦᑌᓕᔩᑦ ᐱᖃᓛᓕᕐᑐᑦ 8ᓂᒃ ᓄᑖᓂᒃ ᓯᑯᓯᐅᑎᓂᒃ ᐅᒥᐊᕐᔪᐊᓂᒃ, ᐃᓚᐅᑎᓪᓗᒋᒃ ᒪᕐᕉᒃ ᑕᕐᕋᒥ ᓯᑯᓂᒃ ᓯᖁᑦᑎᕆᒍᓐᓇᑑᒃ ᐱᒍᓐᓇᕈᑎᐅᓛᕐᓱᑎᒃ ᐊᕐᕌᒍᓕᒫᒥ ᐅᐸᐅᑎᓯᒪᒍᓐᓇᓂᕐᒥᒃ ᑕᕐᕋᒥ.

ᑲᓇᑕᐅᑉ ᓯᑦᔭᖏᓐᓂᒃ ᐃᑖᒐᐅᑎᑦᑌᓕᔩᑦ ᐃᑲᔪᕐᓯᒪᒻᒥᔪᑦ ᐊᖏᓂᕐᓴᒥᒃ ᑲᓇᑕᒥᐅᑦ ᐃᑖᒐᐅᑦᑌᓕᓂᕐᒧᑦ ᐱᓇᓱᖃᑎᒌᒍᑎᖏᓐᓂᒃ ᑕᕐᕋᒥ ᐃᑲᔪᕐᑎᒥᒍᑦ ᐃᖏᕐᕋᑎᑕᐅᔪᒃᑯᑦ ᑌᔭᐅᑦᓱᓂ  Pacer Goose. ᐊᕐᕌᒍᑕᒫᑦ ᐃᖏᕐᕋᓂᕆᓲᖓ ᐱᑕᖃᕐᑎᓯᒋᐊᓪᓚᑐᖅ ᐊᒥᕆᑲᒥᐅᑦ’’ ᐱᑐᕝᕕᒥᒃ ᕿᓚᒻᒥ ᐃᓂᖃᕐᓱᓂ ᐃᓂᖓᓂᒃ(ᑌᔭᐅᒍᓯᖃᕐᓯᒪᔪᖅ ᑑᓖᑦ ᕿᓚᒻᒥ ᐃᓂᖁᑎᖓ) ᑲᓛᓖᑦ ᓄᓈᓐᓂ, ᓱᕐᖁᐃᑐᒥᒃ ᐱᑕᖃᕆᐊᓕᓪᓚᕇᑦ ᐱᐅᒃᑯᑏᑦ ᐊᑦᑕᓇᖕᖏᑐᑎᒍᑦ ᐅᓯᔭᐅᖃᑦᑕᕆᐊᖃᕐᓂᖏᓐᓂᒃ ᐊᑦᓱᕈᕐᓇᑐᒥ ᑕᕐᕋᐅᑉ ᐱᐅᓯᖓᓂ.

iv. ᓲᖕᖑᓯᒋᐊᕆᓂᖅ ᓄᓇᑖᕆᔭᐅᓯᒪᔪᓂᒃ ᐃᑖᒐᐅᑎᑦᓯᑌᓕᓂᕐᒥᒃ ᐊᒻᒪᓗ ᐊᑦᑕᓇᕐᑐᒦᒋᐊᖃᖕᖏᓂᐅᑉ ᓴᓇᔭᐅᓯᒪᐅᑎᖏᓐᓂᒃ

ᑭᐅᑦᔪᑎᒋᓗᒋᑦ ᐱᕙᓪᓕᐊᑐᐃᓐᓇᑐᓂᒃ ᑯᑦᓴᓇᕐᑐᓂᒃ ᓄᓇᖁᑎᓂ ᑕᕐᕋᒥ, ᑲᓇᑕᐅᑉ ᑲᕙᒪᖓ ᓲᖕᖑᓯᒋᐊᕆᓚᖓᕗᖅ ᐱᓇᓱᖃᑎᒌᓐᓂᒥᒃ ᐊᐅᓚᑦᓯᓂᕐᒥᓗ ᐃᑲᔪᕐᑎᒋᓗᒋᑦ ᑕᕐᕋᒥ ᐃᑲᔪᕐᑏᑦ ᐊᑦᑕᓇᕐᑐᒦᒋᐊᖃᖕᖏᓂᐅᑉ ᐱᑦᔪᑕᐅᒍᑎᖏᑎᒍᑦ.

ᐃᓚᐅᑎᓪᓗᒍ ᐱᑦᔪᔨᕕᒃ ᑲᓇᑕᒥ ᐃᑖᒐᐅᑦᑌᓕᓂᕐᒧᑦ,ᐱᓕᐅᒥᑎᑦᓯᒋᐊᓚᖓᔪᒍᑦ ᑐᓴᐅᒪᔭᐅᒋᐊᓕᓐᓂᒃ ᑐᓴᐅᒪᔭᐅᑎᑦᓯᓂᕐᒥᒃ ᑖᒃᑯᓄᖓ NATO ᖁᑦᓯᑐᒥ ᑕᕐᕋᒥ ᑯᑦᓴᓇᑐᐃᓐᓇᕆᐊᓖᑦ ᐱᓪᓗᒋᑦ.ᐱᕙᓪᓕᐅᒥᑎᒋᐊᓚᖓᒻᒥᔭᕗᑦ ᐊᐅᓚᓂᕗᑦ ᐱᑦᔪᔨᕕᑦᑎᓂ ᐊᒻᒪᓗ ᑐᑭᓯᒪᔭᐅᓂᕐᓴᐅᑎᓗᒋᑦ ᐊᑦᔨᒌᒥᒃ ᐱᕙᓪᓕᐊᑐᐃᓐᓇᑐᖅ ᐊᑦᑕᓇᕐᑐᒦᒋᐊᖃᖕᖏᓂᐅᑉ ᖃᓄᐃᓕᖓᐅᑕᐅᓂᖏᑦ ᑕᕐᕋᒥ ᐊᒻᒪᓗ ᐃᑲᔪᕈᑎᒋᓕᐅᒥᓗᒍ ᐱᓇᓱᑦᑐᑦ ᕿᐅᔭᓇᕐᑐᒥ ᐊᑑᑎᒍᓐᓇᓯᐊᖁᓪᓗᒋᑦ. ᑲᓇᑕ ᑲᔪᓯᓚᖓᔪᖅ ᐃᓚᐅᓂᕐᒥᒍᑦ ᐊᑑᑎᖃᑦᓯᐊᓂᒃᑯᑦ  NATO ᐊᑑᑎᔭᖏᑎᒍᑦ ᐃᖏᕐᕋᓂᖏᑎᒍᓪᓗ. ᐃᓚᐅᑎᓪᓗᒍ ᑕᕆᐅᑉ ᐊᑭᐊᓂᒥᐅᑦ ᑕᕐᕋᖁᑎᖓ.

ᓱᕐᖁᐃᑐᒥᒃ ᑕᒣᑎᒍᑦ ᖃᓄᐃᓕᖓᓂᐅᔪᒥᒃ ᖃᐅᔨᒪᔭᖃᕆᐊᖃᕐᓂᖅ ᐊᒻᒪᓗ ᑐᓴᐅᒪᔭᐅᒋᐊᓕᓐᓂᒃ ᑐᓴᐅᒪᔭᐅᑎᑦᓯᓂᖅ ᑕᒪᓐᓇ ᑕᕐᕋᐅᑉ ᑯᑦᓴᓇᕐᑐᒦᑐᐃᓐᓇᕆᐊᖃᕐᓂᖓ ᐱᓪᓗᒍ ᐃᓕᑕᕆᔭᖃᖕᖏᑐᓄᑦ ᓄᓇᐅᑉ ᐊᕕᑦᑐᑕᐅᓯᒪᐅᑎᖏᑎᒍᑦ ᐃᓱᓕᕝᕕᓂᒃ ᐅᕝᕙᓗᓘᓐᓃᑦ ᐅᓇᑕᕐᑏᑦ ᐃᓂᖏᓐᓂᒃ ᑎᓕᔭᐅᒪᕕᒋᑦᓱᒋᑦ, ᑲᓇᑕ ᓴᐳᒻᒥᕗᖅ ᑐᑭᒧᐊᑦᑎᑕᐅᒍᑎᖏᓐᓂᒃ ᐱᓇᓱᖃᑎᒌᓐᓂᖏᓐᓂᓗ ᑖᒃᑯᐊ ᐅᓇᑕᕐᑏᑦ ᐊᓯᖏᑕᓗ ᐃᓱᒪᖃᑕᐅᔪᑦ ᖃᓄᐃᓕᖓᓕᕐᓂᖓᓂᒃ ᑕᕐᕋᐅᑉ, ᐃᓚᐅᑎᓪᓗᒍᒋᑦ ᐊᒃᓚᓯᒪᔭᖏᑎᒍᑦ NATO ᐊᒻᒪᓗ NORAD ᓱᒐᓱᐊᕈᑎᖏᑎᒍᑦ.

ᑲᓇᑕᐅᑉ ᑲᕙᒪᖓ ᕿᒥᕐᕈᓚᖓᕗᖅ ᐊᑑᑎᓗᓂᓗ ᐱᓇᓱᖃᑎᑖᕐᓗᓂ ᐱᓇᓱᖃᑎᒋᓚᐅᕐᓯᒪᖕᖏᑕᒥᓂᒃ ᓲᖕᖑᓯᐅᒥᑎᑦᓯᒋᐊᕈᑎᒋᓗᒍ ᐃᓂᓪᓚᓯᒪᐅᑎᒥᒃ ᓴᖑᑎᕆᓗᓂ ᕆᐊᖃᕈᓂ ᐱᑦᔪᑎᓕᒻᒥᒃ ᐊᒥᕆᑲᐅᑉ ᑕᕐᕋᖓᓂᒃ, ᐱᓗᐊᕐᑐᒥᒃ ᐊᓛᔾᑲᒥ, ᔫᑳᓐ,ᓄᓇᑦᓯᐊᕗᑦ,ᓄᓇᕗᑦ, ᑲᓛᓪᓖᓗ ᓄᓈᑦ. ᐱᓇᓱᖃᑎᑖᕆᓗᒋᑦ.

ᖃᐅᔨᕙᓪᓚᒍᑎᒋᓗᒋᑦ ᐱᑕᖃᕇᕐᑐᓂᒃ ᓴᐳᒻᒥᓂᕐᒧᑦ ᐱᓇᓱᑦᑐᓂᒃ, ᑲᓇᑕᐅᑉ ᑲᕙᒪᖓ ᕿᒥᕐᕈᔪᖅ ᐱᕕᑦᓴᐅᒐᔭᕐᑐᓂᒃ ᓲᖕᖑᓯᐅᒥᖁᓪᓗᒍ ᐊᑦᑕᓇᕐᑐᒦᑦᑌᓕᒋᐊᖃᕐᓂᐅᑉ ᐃᓂᓪᓚᑕᐅᓯᒪᐅᑎᖓ ᑌᒫᑦᓭᓇᖅ ᐃᓱᒪᖃᑕᐅᔪᑦ ᓄᓇᑖᕐᓯᒪᔪᑦ ᑕᕐᕋᒥ, ᐃᓚᐅᑎᓪᓗᒍ ᐅᖃᓕᒪᒍᑎᙯᓐᓇᖃᑦᑕᓂᖅ ᐊᑦᑕᓇᕐᑐᒦᒋᐊᖃᖕᖏᓂᕐᒥᒃ.

2. ᓴᐳᑦᔨᓯᒪᓂᖅ ᑐᖕᖓᕕᓕᓐᓂᒃ ᒪᓕᒐᕐᓂᒃ ᓄᓇᕐᔪᐊᓕᒫᒨᓕᖓᑦᓱᓂ ᑎᓕᔭᐅᒪᐅᑎᒥᒃ

ᐃᒣᑦ  ᑲᓇᑕᐅᑉ ᑕᕐᕋᖓᑕ ᐃᒪᖁᑎᖏᑦ, ᐃᓚᐅᑎᓪᓗᒋᑦ ᓯᕗᓂᖓᒍᑦ ᐊᕐᖁᑎᐅᖃᑦᑕᓯᒪᔪᑦ ᐅᒥᐊᕐᔪᐊᓄᑦ ᑕᕐᕋᒥ, ᑲᓇᑕᐅᑉ ᐃᒪᖁᑎᖏᓐᓄᑦ ᐃᓚᒋᔭᐅᕗᑦ ᐃᒣᑦ ᐊᕕᑦᑐᑕᐅᓯᒪᓂᖏᑎᒍᑦ ᑲᓇᑕᒥ ᐱᖃᕐᓂᕋᕐᑕᐅᒍᓯᑐᖃᕐᒥᑎᒍᑦ ᐊᒻᒪᓗ ᒪᓕᑦᓱᒍ ᓄᓇᕐᔪᐊᓕᒫᒨᓕᖓᔪᖅ ᒪᓕᒐᖅ. ᑲᓇᑕᐅᑉ ᐱᖁᔭᑎᒍᑦ ᐱᒍᓐᓇᓂᖃᕈᑎᖓ ᐃᓚᖃᕐᒥᔪᖅ ᓄᓇᓂᒃ, ᐃᒪᕐᐱᒥᒃ ᓯᑯᒥᓪᓗ. ᐊᖏᓂᖓ ᐊᕗᖓᑐᐃᓐᓈᓱᓂ ᐊᕝᕕᐊᓗᑕᖃᕋᓂ ᓵᖕᖓᓱᓂ ᑕᕐᕋᒦᑦᑐᓄᑦ ᕿᑭᕐᑕᓄᑦ ᐅᖓᑖᓄᓪᓗ. ᑖᒃᑯᐊ ᕿᑭᕐᑌᑦ ᐱᑐᑦᑐᓯᒪᐅᑎᔪᑦ ᐊᕕᑦᓯᒪᖕᖏᑐᑦ, ᐃᒪᖅ ᐊᑯᓐᓂᖏᑎᒎᕐᓱᓂ ᐊᒻᒪᓗ ᐊᕐᖁᑎᐅᑦᓱᑎᒃ ᐊᖏᓂᕐᓴᒥᒃ  ᓯᑯᒃᑯᑦ ᐅᑭᐅᒥ.

ᓄᓇᖃᕐᖄᓯᒪᔪᑦ ᑲᓇᑕᒥ ᐊᑐᓲᑦ ᐃᓂᒋᑦᓱᒍᓗ ᓯᑯᒥᒃ ᐃᒪᕐᒥᓗ ᑌᒫᓪᓗᐊᖅ ᓄᓇᒥᒃ ᐊᑐᓲᒍᒐᒥᒃ ᐊᕐᕌᒍᒐᓴᑦᔪᐊᓂ.ᖃᐅᑕᒫᑦ, ᖃᓄᑐᐃᓐᓇᖅ ᓱᒐᓱᐊᕐᓂᒥᒍᑦ ᑕᕐᕋᒥ, ᑕᕐᕋᒥᐅᓪᓗ ᓄᓇᓕᑐᙯᑦ ᑲᕙᒣᓪᓗ, ᐃᓚᐅᒻᒥᑎᓪᓗᒋᑦ ᓄᓇᑖᕐᓯᒪᔪᑦ ᐊᖏᖃᑎᒌᒍᑎᒃᑯᑦ ᑲᓇᑕᐅᓪᓗ ᐊᕕᑦᑐᓯᒪᓂᖏᓐᓃᑐᑦ ᑲᕙᒣᑦ ᐊᓯᖏᓪᓗ ᑕᕐᕋᒥᐅᖑᒻᒥᔪᑦ, ᑲᑐᑦᔨᓱᑎᒃ ᐃᑉᐱᒍᓱᑦᑎᒋᔭᐅᕗᑦ ᑕᕐᕋᒦᑦᑐᓂᒃ ᓄᓇᓂᒃ ᐃᒪᕐᓂᓗ ᑲᓇᑕᐅᑉ ᐱᖏᓐᓂᒃ. ᐊᕐᖁᑎᒋᑦᓱᒍ ᐱᑐᑦᓯᒪᐅᑎᑦᓱᑎᒃ ᐃᓕᑕᕆᖃᑦᑕᐅᑎᑦᓱᑎᓪᓗ ᐊᑐᓂ ᐱᒍᒪᔭᒥᑎᒍᑦ ᑖᒃᑯᓇᓂ ᓄᓇᓂ ᐃᒪᕐᓂᓗ ᑖᒃᑯᐊ ᑲᓇᑕᐅᑉ ᑕᕐᕋᒥᐅᓪᓗ ᓄᓇᓕᑐᙯᑦ ᐃᓄᐃᑦ  ᑲᑐᑦᔨᓱᑎᒃ ᐃᑉᐱᒍᓱᑦᑎᐅᒪᑕ ᑕᒪᒃᑯᓂᖓ-ᐃᓂᓪᓚᓯᒪᐅᑎᒋᐊᓪᓚᐅᑎᑦᓱᒋᑦ ᐅᓪᓗᒥᐅᓕᕐᑐᖅ ᐱᖁᔭᑎᒍᑦ ᓄᓇᑖᕈᑕᐅᓯᒪᔪᓄᑦ ᐊᒻᒪᓗ ᐃᓱᒪᕐᓱᓗᓂ ᑲᕙᒪᒍᓐᓇᓂᕐᒧᑦ ᐊᖏᖃᑎᒌᒍᑎᑎᒍᑦ. ᐱᖁᔭᑎᒍᑦ ᐊᖏᖃᑎᒌᒍᑎᐅᓯᒪᑦᓱᓂ ᓄᑭᖃᕈᑎ ᐊᒻᒪᓗ ᐱᒍᓐᓇᐅᑎᑖᖑᓯᒪᔪᑦ ᑕᒃᒎᓇ ᑕᕐᕋᒥ  ᐊᕕᑎᑕᐅᕐᖃᔭᕋᑎᒃ ᐱᑐᑦᓯᒪᕗᑦ ᐱᑦᔪᑎᖏᓐᓄᑦ ᓄᓇᓕᑐᙯᑦ ᐃᓱᒪᕐᓱᓗᑎᒃ ᑲᕙᒪᓐᓂᒧᑦ. ᑲᓇᑕ ᓇᒻᒥᓂᖃᕐᑎᐅᕗᖅ ᐊᕙᑎᓕᕆᓂᕐᒥᒃ,ᑮᓇᐅᔭᓕᐅᕋᓱᐊᕈᓐᓇᐅᑎᓂᒃ, ᐱᕐᖁᓯᕐᑎᒍᑦ ᐊᒻᒪᓗ ᐊᑑᑎᖃᑦᑕᓯᒪᔪᕐᑎᒍᑦ ᐱᒍᒪᔭᐅᓯᒪᔪᓂᒃ ᐊᑦᔨᐅᖏᑦᑑᓱᑎᒃ ᑕᒪᑦᓱᒧᖓᓕᖓᔪᑦ ᓄᓇᑖᖑᓯᒪᔪᒧᑦ, ᑌᒣᓪᓗᑐᕐᓂᖓ ᐱᒻᒪᕆᐅᓂᖏᓪᓗ ᑐᑭᓯᓇᑦᓯᐊᓚᕆᑦᓱᓂ ᓄᐃᑕᓂᖓ ᑌᒣᑎᑕᐅᑦᓱᓂ ᐊᑯᓂᕐᔪᐊᕌᓗᒃ ᐊᑐᕐᑕᐅᓂᕐᒥᒍᑦ.

ᑲᓇᑕ ᓱᓕ ᑲᔪᓯᒍᑎᖃᖕᖑᓱᑦᑐᖅ ᐱᓂᐊᕐᓂᖃᕈᑎᒋᓗᒍ ᑲᒪᔨᐅᓂᕐᒥᒃ ᐱᖁᔭᑎᒍᑦ ᓄᑭᒥᓂᒃ ᐊᑐᕐᓗᓂ ᑕᒪᒃᑯᓇᓂ ᑕᕐᕋᒦᑦᑐᓂᒃ ᓄᓇᖁᑎᒥᓂᒃ ᐃᒪᖁᑎᒥᓂᓪᓗ, ᑐᖕᖓᕕᒋᓗᒋᑦ ᒪᓕᒐᕐᓂᒃ ᑐᖕᖓᕕᓖᑦ ᓄᓇᕐᔪᐊᓕᒫᒥ ᑎᓕᔭᐅᒪᐅᑎᑎᒍᑦ ᓴᐳᒻᒥᔭᐅᑦᓱᑎᓪᓗ ᐊᑑᑎᖃᑦᑕᓯᒪᔪᓄᑦ ᓱᑯᐃᔦᓂᒃᑯᓗ ᓱᕐᖁᐃᑕᐅᒍᑎᑎᒍᑦ.ᖃᓇᑕ ᑐᓂᓯᒪᕗᖅ ᓱᕐᖁᐃᑐᒥᒃ ᐃᒪᕐᐱᐅᑉ ᐱᑖᕆᔭᐅᓯᒪᓂᖏᑦ ᑲᒪᒋᔭᐅᑦᓯᐊᖁᓪᓗᒋᑦ ᐱᐅᓯᖃᕈᑕᐅᓗᑎᒃ ᒪᓕᑦᓯᐊᕈᑕᐅᓗᑎᒃ ᓄᓇᕐᔪᐊᓕᒫᒥ ᒪᓕᒐᓕᐊᖑᓯᒪᔪᒥᒃ ᐃᓚᒋᔭᐅᕗᖅ ᐱᒍᓐᓇᕈᑎᓄᑦ ᐊᑑᑎᓂᕐᒥᒃ ᓯᕗᓪᓕᐸᐅᑦᔭᐅᒋᐊᓕᓐᓂᒃ ᑕᕐᕋᒥ.

i. ᐊᐅᓚᑦᓯᓂᖅ ᑕᕐᕋᒥ ᐃᓱᓕᑦᑕᕕᓐᓂᒃ ᓄᓇᖁᑎᖃᕐᓂᒧᑦ ᐊᑐᕐᓱᒍ ᐱᕈᔭᓂᒃ ᑐᖕᖓᕕᖃᕐᓱᓂ ᓵᑦᓯᒋᐊᕈᑎ

ᐊᑑᑎᔭᐅᓕᕐᑎᓗᒍ ᒪᓕᒐᕐᓂᒃ ᑐᖕᖓᕕᖃᕐᓱᓂ ᓄᓇᕐᔪᐊᒥᐅᓕᒫᑦ ᑎᓕᔭᐅᒪᐅᑎᖓ ᓂᕆᐅᓐᓇᖏᑦᑐᓄᑦ ᑯᑦᓴᓇᕐᑐᒨᕐᑕᐅᓱᓂ,ᐊᑑᑎᒋᐊᖃᓪᓚᕆᑦᑐᖅ ᓄᓇᖁᑎᑖᕐᓯᒪᔪᑦ ᐋᕐᕿᕈᑎᑦᓴᑖᕐᓗᑎᒃ ᐹᕐᓯᖓᐅᑎᒍᑎᒥᓄᑦ ᐱᑦᓯᐊᓗᒍ, ᐊᕐᖁᑎᒋᓗᒍ  ᐅᖄᖃᑎᒌᓐᓂᖅ ᐊᖏᖃᑎᒌᒐᓱᐊᕐᓂᓗ.ᑲᓇᑕ ᓄᐃᑦᓯᓯᒪᔪᖅ ᐋᕐᕿᕈᑎᑦᓴᐅᒐᔭᕐᓗᑎᒃ ᑎᑭᐅᑎᑦᑕᕖᑦ ᐹᕐᓯᖓᐅᑕᐅᓂᖏᓐᓂᒃ ᒪᓕᑦᓱᒍ ᓄᓇᕐᔪᐊᓕᒫᒨᓕᖓᔪᖅ ᒪᓕᒐᖅ ᐃᓚᒋᔭᐅᔪᖅ ᓯᕗᓪᓕᐸᐅᑦᔭᐅᔪᓄᑦ ᑐᖕᖓᕕᓐᓄᑦ ᑕᒃᒐᓂ ᑲᓇᑕᐅᑉ ᓯᓚᑖᓄᓕᖓᑦᓱᓂ  ᒪᓕᒐᕐᓂ ᑕᕐᕋᒥ.

ᐱᓕᐅᒥᑎᓗᒍ ᓄᓇᕐᔪᐊᒥᐅᓕᒫᑦ ᐱᓇᓱᖃᑎᒌᒍᑎᖃᕆᐊᖃᕐᓂᖓ ᐃᒪᕐᐱᖁᑎᑖᖑᓯᒪᔪᑦ ᑎᑭᐅᑎᑦᑕᕕᖏᑎᒍᑦ ᐃᓚᒋᔭᐅᒋᕗᖅ ᐊᑦᑕᓀᑦᑐᒦᑦᑎᓯᓂᕐᒧᑦ ᓄᓇᑖᕐᓯᒪᔪᓂᒃ ᓲᓱᑦᓴᕈᑕᐅᑦᓱᓂ ᓄᓇᕐᔪᐊᓕᒫᒥ ᐱᒍᒪᔭᐅᔪᓂᒃ ᐱᑖᕐᕕᒋᒍᓐᓇᑕᒥᓂᑦ ᓇᒻᒥᓂᕆᑦᓱᒋᑦ, ᐃᓚᐅᑎᓪᓗᒍ ᐆᒻᒪᖁᑎᑦᓴᔭ, ᐅᔭᕋᓐᓂᐊᕋᑦᓭᑦ, ᐃᖃᓗᐃᑦ ᐊᓯᖏᓪᓗ ᓂᕐᔪᑏᑦ.

ᓯᕗᒧᑦᑎᓯᓂᖅ ᐱᒍᒪᔭᐅᓯᒪᔪᓂᒃ ᐊᕐᖁᑎᒋᓗᒍ ᓱᓕᓪᓚᕆᒍᑕᐅᓗᓂ ᐊᖏᖃᑎᒌᒐᓱᐊᕐᓂᖅ

ᐱᑕᖃᕆᐊᓕᓪᓚᕇᑦ ᑐᖕᖓᕖᑦ ᑲᓇᑕᐅᑉ ᒪᓕᒐᖁᑎᖏᓐᓂ ᑲᓇᑕᐅᑉ ᓯᓚᑖᓅᓕᖓᑦᓱᑎᒃ ᑕᒪᓐᓇ ᑕᕐᕋᖅ ᐊᐅᓚᑕᐅᔪᑦᓴᐅᒪᑦ ᑕᕐᕋᒥ ᓄᓇᑖᕐᓯᒪᔪᓄᑦ. ᑕᒪᓐᓇ ᐊᑯᓂᐋᓗᑦ ᑐᖕᖓᕕᒋᔭᐅᓯᒪᓕᕐᒪᑦ ᑲᑐᑦᔨᒍᑕᐅᑦᓱᓂ ᑕᕐᕋᒥ ᓄᓇᑖᕐᓯᒪᔪᓄᑦ ᐊᒻᒪᓗ ᓄᐃᑦᓯᖃᑦᑕᓯᒪᑦᓱᓂ ᐊᑯᓂᐋᓗᒃ ᓭᒪᐅᑎᓂᒃᑯᑦ ᐱᓇᓱᖃᑎᒌᓐᓂᒥᒃ ᐱᕙᓪᓕᐊᑎᑦᓯᓂᕐᒧᓗ ᑕᒪᑦᓱᒥᖓ ᐃᓂᒥᒃ.

1. ᓲᖕᖑᓯᐅᒥᑎᑦᓯᓂᖅ ᑲᓇᑕᐅᑉ ᐱᓇᓱᖃᑎᖏᓐᓂᒃ ᐃᑲᔪᕐᑎᒋᑦᓱᒋᑦ ᑕᕐᕋᒥ

i. ᐊᒥᕆᑲ

ᐊᒥᕆᑲ ᖃᓂᓐᓂᐸᐅᑎᓪᓗᒍ ᑲᓇᑕᐅᑉ ᐱᓇᓱᖃᑎᒌᕙᐅᒃ ᐃᑲᔪᕐᑎᒋᑦᓱᒍᓗ ᑕᕐᕋᒥ, ᐊᒻᒪᓗ ᑕᒪᓐᓇ ᐱᓇᓱᖃᑎᒌᓐᓂᖅ ᓯᐊᒻᒪᓯᒪᕗᖅ ᑕᒪᒃᑯᓇᓂᓕᒫᖅ ᐊᑦᔨᒌᒥᒃ ᐱᒍᒪᔭᐅᔪᑎᒍᑦ.ᐱᓇᓱᖃᑎᒌᓐᓂᖅ ᓯᕗᒧᑦᑎᑕᐅᓯᒪᕗᖅ ᑲᓇᑕᐅᑉ ᐊᖏᔪᒻᒪᕆᒻᒥᒃ ᑭᒃᒐᑐᕐᕕᖃᕐᓂᖏᑎᒍᑦ ᐱᑐᑦᓯᒪᐅᑎᔪᓂᒃ 13ᓂᒃ ᑎᓕᔭᐅᒪᐅᑎᓂᒃ ᐊᒥᕆᑲᒥ ᐊᒻᒪᓗ ᐊᕐᖁᑎᒋᑦᓱᒍ ᒪᕐᕈᐃᖑᑦᓱᑎᒃ ᐊᐅᓚᑦᓯᒍᓯᖏᑎᒍᑦ.  

ᑲᓇᑕᐅᑉ-ᐊᒥᕆᑲᐅᓪᓗ ᐃᑖᒐᐅᑦᑌᓕᓂᕐᒧᑦ ᐱᓇᓱᖃᑎᒌᓐᓂᖓ ᐱᑕᖃᕆᐊᖃᓪᓚᕆᑦᑐᖅ ᑲᔪᓯᔪᒥᒃ ᐊᑦᑕᓇᕐᑑᒦᑦᑌᓕᒋᐊᖃᕐᓂᖓᓄᑦ ᑕᕐᕋᐅᑉ ᐊᖏᕐᕋᕆᔭᐅᔫᑉ ᑲᓇᑕᒥᐅᓄᑦ.ᑲᓇᑕ ᑐᖕᖓᓱᑦᑎᓯᔪᖅ ᑲᔪᓯᔪᒥᒃ ᐃᓚᐅᓂᕆᓲᖓᓐᓂᒃ ᐊᒥᕆᑲᒥᐅᑦ ᐅᓇᑕᕐᑎᖏᑦᑕ ᐊᒻᒪᓗ ᓯᑦᔭᓂᒃ ᓴᐳᒻᒥᓂᕐᒧᑦ ᐅᒥᐊᕐᔪᐊᑯᑦ ᐃᖏᕐᕋᔭᓲᓂᒃ ᑲᓇᑕᒥ-ᐱᒋᐅᕐᓴᓂᐅᓲᒥᓪᓗ ᐃᖏᕐᕋᓂᐅᓲᒥᓪᓗ ᑲᓇᑕᐅᑉ ᑕᕐᕋᖓᓂ.

ᐊᒥᕆᑲᒥᐅᑦ ᐃᓚᒋᑦᓱᒋᑦ, ᑲᓇᑕ ᐊᑦᔨᐅᖏᑦᑐᒥᒃ ᐱᓇᓱᖃᑎᖃᕈᓯᖃᕐᖁᑦ ᓄᐃᑕᐅᒪᔪᒥᒃ ᓄᓇᐅᑉ ᖃᓄᐃᓕᖓᓂᖏᑎᒍᑦ, ᐊᑑᑎᖃᑦᑕᓯᒪᔪᑎᒍᑦ, ᑌᒣᑕ ᐱᒻᒪᕆᖁᑎᖏᑎᒍᑦ, ᐊᑦᔨᒌᓂᒃ ᐱᒍᒪᔭᖃᕐᓂᒥᒍᑦ ᐊᒻᒪᓗ ᓲᖑᔪᒥᒃ ᐃᓄᖁᑎᖏᑦ ᐱᑐᑦᓯᒪᐅᑎᓂᖏᑎᒍᑦ. ᑕᒪᓐᓇ ᑌᒣᓕᖓᓗᐊᖕᖑᐊᓱᓂ ᑕᕐᕋᒥ, ᐱᓗᐊᕐᑐᒥᒃ ᐊᑯᕐᖓᓂ ᓄᓇᓕᑐᙯᑦ ᐃᓄᐃᑦ,ᑖᒃᑯᐊ ᐊᑑᑎᖃᑦᑕᓯᒪᔭᖏᑦ, ᐱᕐᖁᓯᖏᓪᓗ ᐊᒻᒪᓗ ᐱᑐᑦᓯᒪᓂᖏᑎᒍ ᑲᓇᑕᐅᑉ ᓄᓇᖁᑎᖏᒍᑦ.

ii. ᑕᕐᕋᒦᑦᑐᑦ ᓄᓇᖁᑎᒋᔭᐅᔪᑦ

ᑲᓇᑕ ᑎᒍᒥᐊᖏᓐᓇᓂᐊᕐᖁᖅ ᐱᓇᓱᖃᑎᒋᓲᒥᓂᒃ ᑕᕐᕋᒥ ᖃᓂᑕᒥᓂᒃ; ᐱᓗᐊᕐᑐᒥᒃ, ᐊᑕᓂᐅᕕᖓ ᑎᓐ ᒫᒃ(ᐅᑯᐊᖑᑦᓱᑎᒃ ᑎᓐ ᒫᒃ, ᑲᓛᓪᓖᑦ ᓄᓈᑦ ᐊᒻᒪᓗ Faroe ᕿᑭᕐᑕᖏᑦ) ᕕᓐ ᓚᓐ,ᐁᔅ ᓚᓐ, ᓄᐊ ᕗᐃ ᓱᕗᐃᑕᓐᓗ.ᑖᒃᑯᐊ ᐱᓇᓱᖃᑎᒌᖏᓐᓇᓂᕆᓲᖏᑦ ᐊᑑᑎᑎᑕᐅᕗᑦ ᐊᑦᔨᒌᒥᒃ ᐱᒻᒪᕆᖁᑎᖏᑎᒍᑦ, ᐊᑦᔨᒌᒥᓪᓗ ᑕᐅᑐᒍᓯᖏᑎᒍᑦ ᓄᓇᕐᔪᐊᒥᒃ ᐊᒻᒪᓗ ᑌᒫᑦᓭᓇᖅ ᑐᓂᒪᒍᑎᒥᑎᒍᑦ ᓱᕐᖁᐃᑐᒥᒃ ᐅᓚᐱᑕᐅᓐᓇᕋᓂ ᑌᒣᓕᖓᑦᓭᓚᕐᓗᓂᓗ ᑕᕐᕋᖅ ᐱᖁᓪᓗᒍ ᐊᕐᖁᑎᒋᓗᒍ ᐱᔭᕆᓯᒪᔭᖓ NATO.ᐱᕈᕐᐸᓕᐊᓂᖏᑦ ᓲᖕᖑᓯᕙᓪᓕᐊᓱᑎᒃ ᑕᒪᓐᓇ ᑲᔪᓯᔪᖅ, ᐊᑐᕐᓱᒍ ᐊᑦᔨᐅᖏᑦᑑᓱᓂ ᓇᓗᓀᕐᑕᐅᓯᒪᓂᖅ ᐱᓕᐅᒥᑎᑦᓯᓯᒪᒍᑎᒋᑦᓱᒍ ᐊᑕᐅᑦᓯᑰᕐᓂᒥᒃ ᐱᓇᓱᖃᑎᒌᓐᓂᒥᓪᓗ ᑌᒪᖕᖓᓂᑦ ᕉᓯᐊ ᐃᑖᓚᐅᔪᑎᓪᓗᒍᓂᑦ ᔪᑯᕇᓂᐊᓐᒥᒃ. ᑌᒣᓚᐅᕐᓯᒪᖕᖏᓯᐊᕐᓱᓂ ᓯᕗᓂᖓᒍᑦ, ᐊᑑᑎᒋᐊᖃᓪᓚᕆᓕᕐᑐᖅ ᑲᓇᑕ ᐱᓇᓱᖃᑎᖃᕐᓂᒥᒃ ᓲᖑᔪᓂᒃ ᓄᓇᖃᖃᑕᐅᒻᒥᔪᓂᒃ ᑕᕐᕋᒥᒃ, ᑌᒫᑦᓭᓇᖅ ᑲᓇᑕᑎᑐᑦ ᐃᓚᐅᓯᕐᖃᒥᐅᒻᒥᔪᑦ NATOᒧᑦ ᐊᒻᒪᓗ ᕉᓯᐊᒥᐅᑦ ᐱᓂᐊᕐᓂᖓ ᓇᓗᓇᕐᓯᑎᑦᓯᓯᒪᑦᓱᓂ ᐱᓇᓱᖃᑎᒌᓐᓂᐅᒋᐊᓕᒻᒥᒃ ᐊᒥᓱᐃᖑᓗᑎᒃ ᐃᓂᖏᓐᓂᒃ ᑕᕐᕋᐅᑉ ᑲᕙᒪᓕᕆᔭᐅᒍᑎᖏᑎᒍᑦ. ᐅᑦᑑᑎᒋᓗᒋᑦ ᑲᓇᑕᐅᑉ ᐱᓇᓱᖃᑎᖃᓪᓚᕆᓐᓂᕆᓲᖏᑦ ᑕᕐᕋᒥ ᓄᓇᖃᖃᑕᐅᒻᒥᔪᓂᒃ ᖃᓂᑕᒥᓂᒃ ᒪᑯᓂᖓ ᐃᓚᖃᕐᖁᑦ:

• 2022ᖑᑎᓪᓗᒍ, ᑲᓇᑕ ᓯᕗᓪᓕᐸᐅᑦᓱᓂ ᓄᓇᓕᕐᔪᐊᓂᑦ ᐋᕐᕿᒋᐊᕆᓂᕐᒥᒃ ᐊᖏᕈᑎᖃᓚᐅᔪᕗᖅ ᐋᕐᕿᒋᐊᕐᑕᐅᒍᑎᖏᓐᓂᒃ ᕕᓐ ᓚᓐ ᓱᕗᐃᑕᓐᓗ NATOᒧᑦ.
• ᔫᓂ 2023ᖑᑎᓪᓗᒍ,ᑲᓇᑕᐅᑉᐊᖓᔪᕐᖄᖓᙯᕐᖁᔭᐅᓯᒪᓚᐅᔪᕗᖅᑕᕐᕋᒦᑦᑐᑦᐊᖓᔪᕐᖄᑦᓄᓇᓕᕐᔪᐊᒥᓂᑲᑎᖕᖓᓂᖃᕐᑎᓗᒋᑦᐊᕐᕌᒍᑕᒫᕐᓯᐅᑎᒥᓂᒃ, ᐁᔅᓚᓐᒥ.
• ᔫᓂ 2024ᖑᑎᓪᓗᒍ, ᑲᓇᑕᐅᑉᑲᕙᒪᖓᑐᓂᔨᓚᐅᔪᔪᖅᑎᑭᑦᓱᒋᑦ$20 ᒥᓕᐊᓐ ᑮᓇᐅᔭᖃᕐᑎᓯᓂᕐᒧᑦ ᒪᑯᓂᖓ ᓄᓇᕐᔪᐊᓕᒫᒥ ᖃᐅᔨᓴᕐᓂᒨᓕᖓᔪᑦ ᐱᑦᔪᑕᐅᓂᖏᑦ ᑲᔪᓯᓗᓂ ᐱᕙᓪᓕᐊᒍᓐᓇᕆᐊᖃᕐᓂᖓᓄᑦ ᑕᕐᕋᐅᑉ ᐱᓇᓱᖃᑎᒋᓗᒍ NordForsk, ᑎᒥᐅᔪᖅ ᓄᐃᑕᐅᒪᑦᓱᓂ ᑕᕐᕋᒨᓕᖓᔪᓂᒃ ᑲᑎᖕᖓᔨᐅᒍᑎᓖᑦ ᑐᕐᖃᑖᕐᕖᑦ. ᑕᒪᓐᓇ ᓴᐳᒻᒥᒍᑕᐅᓂᐊᕐᑐᖅ ᐱᓇᓱᖃᑎᒌᓐᓂᒥᒃ ᐊᒻᒪᓗ ᐊᒥᓱᐃᑎᒍᑦ ᐃᓂᓪᓚᓯᒪᐅᑎᐅᒋᐊᓕᓐᓂᒃ ᓱᑯᐃᔦᓂᒃᑯᑦ ᐊᔪᐃᓇᕈᑕᐅᔪᓂᒃ ᐊᒻᒪᓗ ᐃᑲᔪᕐᓯᒪᔭᐅᓗᓂ ᑕᕐᕋᒦᑦᑐᓕᒫᓄᑦ ᐃᓚᐅᑎᑦᓯᒥᓗᓂᓗ ᓄᓇᓕᑐᙯᑦ ᐱᑦᔪᑎᖏᓐᓂᒃ.
• ᓯᑉᑎᒻᐱᕆ 2024ᖑᑎᓪᓗᒍ, ᑲᓇᑕᐅᑉᑐᕐᖃᑕᕐᕕᖓᑲᓇᑕᐅᑉᓯᓚᑖᓄᓕᖓᔪᑦᐱᓂᐊᕐᓂᓕᕆᔭᐅᒍᑎᖏᓐᓄᑦᑲᕙᖓᑕᓗᓄᓇᕗᑦᐊᖓᔪᕐᖄᖓᑲᑎᖕᖓᑎᑦᓯᖃᑎᒌᓚᐅᔪᕘᒃᑭᒃᒐᑐᕐᑎᓂᒃᐱᓯᒪᔪᓂᒃᐊᑕᓂᐅᕕᖓᓂᑦᑎᓐᒫᒃ, ᕕᓐᓚᓐ, ᐁᔅᓚᓐ, ᓄᐊᕗᐃ, ᓱᕗᐃᑕᓐᓗᓯᕗᓪᓕᐸᐅᑦᓱᓂᑲᓇᑕᐅᑉᑕᕐᕋᖓᓂᒃᐱᑦᔪᑎᖃᕐᓱᓂᐃᓂᓪᓚᓯᒪᐅᑎᐅᒐᔭᕐᑐᓂᒃᐅᖃᖃᑎᒌᒍᑎᖃᕐᓂᖅ, ᐃᖃᓗᐃᑦ, ᓄᓇᕗᒻᒦᓱᑎᒃ.

ᑲᓇᑕ ᑐᓂᒪᒍᑎᖃᕐᖁᖅ ᐱᓕᐅᒥᑎᑦᓯᓂᐊᕐᓱᓂ ᐱᓇᓱᖃᑎᖃᕐᓂᕆᓲᒥᓂᒃ ᑕᕐᕋᒥ ᓄᓇᓕᕐᔪᐊᖁᑎᓕᓐᓂᒃ ᐱᖃᑎᖃᕐᓂᒥᒍᑦ ᐃᑲᔪᕐᑎᖃᕐᓂᒥᒍᓪᓗ ᐊᑦᔨᒌᓂᒃ ᐱᒻᒪᕆᖁᑎᖃᕐᓱᑎᒃ ᐊᒻᒪᓗ ᑲᑐᑎᑦᓱᒍ ᐃᑉᐱᒍᓱᑦᑎᐅᓂᕐᒥᒃ ᑕᕐᕋᓕᒫᒥᒃ. ᓲᖕᖑᓯᒋᐊᕆᓂᖅ ᑲᓇᑕᐅᑉ ᐱᓇᓱᖃᑎᖃᕐᓂᕆᓲᖓᓂᒃ ᐃᑲᔪᕐᓯᓂᐊᕆᕗᖅ ᑭᐅᑦᔪᑎᐅᓗᓂ ᓄᑖᓄᑦ ᑯᑦᓴᓇᕐᑐᒦᒍᑕᐅᑐᐃᓐᓇᕆᐊᖃᓕᕐᑐᓄᑦ ᐊᒻᒪᓗ ᐱᒋᐊᕈᑕᐅᓯᒪᓕᕐᑐᓄᑦ ᓱᒐᓱᐊᕐᓂᓄᑦ ᐊᑭᕋᕐᒥᓄᑦ ᑕᒣᓐᓂ ᐊᒥᕆᑲᐅᑉ ᑕᕐᕋᖓᓂ ᐊᒻᒪᓗ ᑕᕆᐅᑉ ᐊᑭᐊᑕ ᑕᕐᕋᖓᓂ.

iii. ᐊᒥᕆᑲᐅᑉ ᑕᕐᕋᖓᓃᑦᑐᖅ ᑕᕐᕋᖅ: ᐊᓛᔅᑲ ᑲᓛᓪᓖᓗ ᓄᓈᑦ

ᐊᒥᕆᑲᐅᑉ ᑕᕐᕋᖓ ᐃᓘᓐᓈᓃᒃᑯᖅ ᐊᖏᔪᐊᓘᑦᓱᓂ ᐃᓂ ᓄᓇᖁᑎᑖᕆᔭᐅᓯᒪᔪᓂ ᐱᖓᓱᐃᓄᑦ ᓄᓇᓕᕐᔪᐊᓄᑦ:ᐊᓛᔅᑲ, (ᐊᒥᕆᑲ) ᐅᐊᓕᓂᖓᓂ; ᑕᕐᕋᖓ ᑲᓇᑕᐅᑉ ᕿᑎᖓᓃᑦᓱᓂ; ᑲᓛᓪᓖᓗ ᓄᓈᑦ ᐊᑕᓂᐅᕕᖓ ᑎᓐ ᒫᒃ) ᖃᕙᖕᖓᓂᕐᒦᑐᖅ. ᐃᓅᖃᑎᒌᓐᓂᖏᑦ ᑖᒃᑯᐊ ᑕᒫᓂ ᐃᓂᒥ ᐊᑦᔨᐅᖏᑦᑑᕗᑦ ᐱᑦᔪᑕᐅᑎᓪᓗᒍ ᓄᓇᐅᑉ ᐊᕕᑦᑐᑕᐅᓯᒪᓂᖏᑦ ᐊᒻᒪᓗ ᓯᕗᓕᖏᑕ ᐃᓅᖃᑎᒌᖃᑦᑕᓯᒪᓂᖏᑎᒍᑦ ᐱᐅᓯᖏᑎᒍᑦ ᓄᓇᓕᑐᙯᑦ ᐃᓄᐃᑦ, ᑕᒪᓐᓇᓗ ᐱᑕᖃᕐᑎᓯᕗᖅ ᐊᒥᓱᐃᓂᒃ ᐊᑦᔨᒌᓂᒃ ᐱᒍᒪᔭᖃᕐᓱᑎᒃ, ᐃᓚᐅᑎᓪᓗᒍ ᐊᑦᑕᓇᕐᑐᒦᒋᐊᖃᖕᖏᓂᖅ, ᐃᑖᒐᐅᑦᑌᓕᓂᖅ, ᓯᓚᐅᑉ ᐊᓯᑦᔨᓯᒪᓕᕐᓂᖓ, ᑲᔪᓯᔪᒥᒃ ᐱᕙᓪᓕᐊᓂᖅ, ᐱᑕᖃᕆᐊᓕᓪᓚᕇᑦ ᐅᔭᕃᑦ ᐱᑦᓴᖑᕈᓐᓇᑐᑦ, ᑕᐅᕐᓰᑲᑦᑕᓂᖅ, ᐱᕐᖁᓯᖅ ᐊᒻᒪᓗ ᓄᓇᖃᕐᖄᓯᒪᔪᑦ ᐊᐅᓚᓂᖓ.

ᑖᑦᓱᒪ ANPF ᑌᒣᒋᐊᖃᕐᓂᕃᑎᓪᓗᒍ ᐊᖏᓕᐅᒥᒋᐊᖃᕐᓂᕃᕐᓱᓂ ᐱᓇᓱᖃᑎᒌᓐᓂᒥᒃ ᑖᒃᑯᓂᖓ ᑲᕙᒪᓂᒃ, ᐊᖏᖃᑎᒌᒍᑎᒃᑯᑦ ᓄᓇᑖᖑᓯᒪᔪᓂᒃ, ᑲᓇᑕᐅᑉ ᐊᕕᑦᑐᑕᐅᓯᒪᓂᖏᑎᒍᑦ ᓄᓇᖁᑎᓖᑦ ᐊᒻᒪᓗ ᓄᓇᓕᑐᙯᑦ ᑲᕙᒪᖏᑦ ᐊᓯᖏᑦᑕᓗ ᑎᒥᐅᔪᑦ ᑲᓇᑕᓕᒫᒥ ᑕᕐᕋᒥ ᐊᒻᒪᓗ ᐊᒥᕆᑲᐅᑉ ᑕᕐᕋᖓᓂ ᐱᓇᓱᖃᑎᖏᑦ.

ᑕᕐᕋᒥ ᑲᓇᑕᐅᑉ ᓯᓚᑖᓄᓕᖓᔪᖅ ᒪᓕᒐᖅ ᐊᑦᔨᐅᕗᖅ ᑖᑦᓱᒧᖓ ᐊᑐᕐᓱᒍ ᐱᖁᔨᒍᑎ ᐱᒻᒪᕆᐅᓂᖏᓐᓂᒃ ᐱᓕᐅᒥᑎᑦᓯᓂᕐᒥᒃ ᑲᓇᑕᐅᑉ ᑲᕙᒪᓕᕆᓂᕐᒧᑦ ᐃᓚᐅᓂᖏᓐᓂᒃ ᐃᓚᒋᑦᓱᒋᑦ ᖃᓂᑕᓂ, ᐊᒥᕆᑲᒥᒃ,ᐃᓚᐅᑎᓪᓗᒍ ᐊᓛᔅᑲ, ᐊᑕᓂᐅᕕᖓᓗ ᑎᓐ ᒫᒃ, ᐃᓚᐅᑎᓪᓗᒍ ᑲᓛᓪᓖᑦ ᓄᓈᑦ.ᑕᒪᓐᓇ ᑲᓇᑕᒥᐅᓂᒃ ᐊᒥᕆᑲᐅᓪᓗ ᑕᕐᕋᖓᓃᑦᑐᓂᒃ ᐊᑦᑕᓇᖕᖏᓂᕐᓴᒦᑦᑎᓯᒍᑎᐅᓚᖓᕗᑦ ᓄᐃᑦᓯᒍᑕᐅᓗᑎᓪᓗ ᓄᑖᓂᒃ ᐱᕕᑦᓴᐅᒍᓐᓇᑐᓂᒃ ᑮᓇᐅᔭᓕᐅᕋᓱᐊᕐᓂᖅ ᐱᓪᓗᒍ ᐱᓇᓱᖃᑎᒌᓐᓂᒥᒃ, ᓱᑯᐃᔦᔩᑦ ᐱᓇᓱᖃᑎᒌᓐᓂᖓᓂᒃ ᐊᒻᒪᓗ ᐱᕐᖁᓯᒥᑎᒍᑦ ᑕᐅᕐᓰᑲᑦᑕᐅᑎᓂᕐᒥᒃ.  

ᑌᒣᓘᕈᓐᓇᕈᑎᒋᓂᐊᕐᑕᑎᓐᓂᒃ, ᐅᒃᑯᐃᓯᓚᖓᕗᒍᑦ ᓄᑖᓂᒃ ᑭᒃᒐᑐᕐᕕᐅᓂᐊᕐᑐᓂᒃ ᐋᖕᑯᕆᔅᒥ, ᐊᓛᔅᑲ, ᓅᒃ,ᑲᓛᓪᓖᑦᓄᓈᑦ.

ᐊᓛᔅᑲ ᐱᓇᓱᖃᑎᐅᒋᐊᖃᓪᓚᕆᒃᑯᖅ ᐊᒥᓱᐃᑎᒍᑦ ᐱᑦᔪᑎᑎᒍᑦ, ᐃᓚᐅᑎᓪᓗᒍ ᓄᓇᓕᕐᔪᐊᑦ ᐊᕕᑦᑐᑕᐅᓯᒪᕕᖏᑦᑕ ᑎᑦᑕᖏᓐᓂ ᐊᑦᑕᓇᕐᑐᒦᑦᑌᓕᒋᐊᖃᕐᓂᒧᑦ ᐃᑲᑲᑦᑕᓂᕐᓄᓗ, ᐊᑦᑕᓇᕐᑐᒦᒋᐊᖃᖕᖏᓂᖅ ᐃᑖᒐᐅᑦᑌᓕᒋᐊᖃᕐᓂᓗ ᑕᕐᕋᒥ, ᓯᓚᐅᑉ ᐱᐅᓯᖓᓂᒃ ᐊᑑᑎᒍᓐᓇᕆᐊᖃᕐᓂᖅ ᓄᖑᐃᓐᓇᑎᑦᓯᑌᓕᓂᕐᓗ, ᐆᒻᒪᖁᑎᑦᓴᐅᑉ ᐊᑦᑕᓇᕐᓯᒋᐊᖃᖕᖏᓂᖓ, ᐱᑕᖃᕆᐊᖃᓪᓚᕆᑦᑐᑦ ᐱᑦᓴᖑᕈᓐᓇᓱᑎᒃ ᐅᔭᕃᑦ, ᓄᓇᓕᑐᙯᓪᓗ ᓱᒐᓱᐊᕈᑎᖏᑦ.

ᐃᓚᐅᔪᑦ ᑖᑦᓱᒧᖓ ᖃᖓᑦᑕᔫᒃᑯᑦ ᐅᓇᑕᕐᑎᓄᑦ ᐃᓂᖃᕐᖁᑦ ᐊᓛᔅᑲᒥ ᓴᐳᒻᒥᓱᑎᒃ NORAD ᑐᕌᒐᖏᓐᓂᒃ ᐱᓇᓱᑦᑕᖏᓐᓂᓗ ᐊᑕᐅᑦᓯᑰᖃᑕᐅᑦᓱᑎᒃ ᐊᒥᕆᑲᐅᑉ ᐅᓇᑕᕐᑎᖏᓐᓄᑦ ᐃᑖᒐᐅᑎᑦᓯᑌᓕᑦᓱᑎᒃ ᐊᒥᕆᑲᐅᑉ ᑕᕐᕋᖓᓂᒃ.

ᐃᓚᒋᐊᕈᑎᒋᓗᒍ, ᔫᑳᓐ ᓄᐃᑦᓯᓯᒪᒻᒥᔪᖅ ᖃᓂᑕᕇᓪᓚᕆᑦᓱᑎᒃ ᒪᕐᕈᐃᖑᑦᓱᑎᒃ ᐱᓇᓱᖃᑎᒌᑦᓱᑎᒃ ᐊᓛᔅᑲᒥᒃ ᑕᒣᑎᒍᑦ ᐱᓂᐊᕐᓂᓕᕆᓂᕐᑎᒍᑦ ᑕᐅᕐᓰᑲᑦᑕᐅᑎᓂᒃᑯᓗ ᐊᑑᑎᔭᐅᒍᒪᔪᑎᒍᑦ.

ᐊᒥᓱᑦ ᐱᑐᑦᓯᒪᐅᑎᓃᑦ, ᑕᒣᑎᒍᑦ ᖃᐅᔨᒪᔭᐅᔪᑎᒍᑦ ,ᖃᐅᔨᒪᔭᐅᖕᖏᑐᕐᑎᒍᓪᓗ, ᓱᓕᖕᖏᑑᓯᒪᓕᕐᖁᑦ ᐊᕐᕌᒍᓂ ᐊᓂᒍᕐᑐᓂ ᓱᑯᑦᓯᓕᒫᖏᑎᒍᑦ ᑲᕙᒪᐅᑉ ᐊᒻᒪᓗ ᐃᓄᑐᐃᓐᓀᑦ ᑎᒥᖁᑎᖏᑎᒍᑦ ᑲᓇᑕᒥ ᑲᓛᓪᓖᓗ ᓄᓈᓐᓂ.ᐊᒥᓱᒐᓓᑦ ᒪᕐᕈᐃᖑᑦᓱᑎᒃ ᐱᑦᔪᑎᖏᑦ ᓯᕗᒧᒋᐊᕐᑎᑕᐅᓯᒪᓕᕐᑐᑦ ᖃᒻᒥᖁᑦ, ᐃᓚᐅᑎᓪᓗᒍ ᐊᒃᓚᑕᐅᓯᒪᔪᑦ ᐱᒐᓱᐊᕈᑎᐅᑦᓱᓂ ᐱᓇᓱᖃᑎᒌᓐᓂᒥᒃ ᑖᑦᓱᒥᖓ ᐱᑭᐊᓚᓲᕐᔪᐊᒥᒃ  ᐱᑦᔪᑎᓕᒃ (2023) ᐊᒻᒪᓗ ᐊᖏᖃᑎᒌᒍᑎᐅᓯᒪᔪᖅ ᑐᑭᓯᒪᖃᑎᒌᓐᓂᒧᑦ ᐊᑯᕐᖓᓂ ᑲᕙᒪᖓᑕ ᑲᓛᓪᓖᑦ ᓄᓈᑕ ᓄᓇᕗᓪᓗ ᑲᕙᒪᖓᑕ (2022). ᕋᓗᐊᕐᑎᓗᒍ, ᐱᓇᓱᖃᑎᒌᓐᓂᖅ ᐅᓪᓗᒥᒧᑦ ᑎᑭᑦᓱᒍ ᐊᑑᑎᖃᑦᑕᓯᒪᓕᕐᑐᖅ ᓱᒃᑫᑑᑦᓱᓂ, ᐃᓚᐅᑎᓐᓇᒍ  ᓯᕗᓪᓕᐸᐅᑦᔭᐅᒋᐊᖃᕈᑎᖓ ᑲᓇᑕᐅᑉ ᓯᓚᑖᓃᑦᑐᓄᑦ ᒪᓕᒐᐅᑉ ᑐᖕᖓᕕᖓ.

ᐃᓕᑕᕐᓯᒪᒍᑎᒋᓗᒍ ᐱᕙᓪᓕᐊᑐᐃᓐᓇᑐᓄᑦ ᐱᒻᒪᕆᐅᑎᑕᐅᒋᐊᓕᓐᓄᑦ ᑕᒃᒐᓂ ᑲᓛᓪᓖᑦ ᓄᓈᓐᓂ ᐃᓚᐅᓗᑎᒃ ᑭᓯᐊᓂᐅᑦᓱᑎᒃ ᐱᓇᓱᖃᑕᐅᓗᑎᒃ ᑕᕐᕋᒥ, ᑐᑭᒧᐊᑦᑎᑕᐅᓂᕐᓴᐅᓗᓂ ᓵᑦᓯᒋᐊᕈᑎ ᐃᓚᒋᓗᒋᑦ ᑲᓛᓪᓖᑦ ᓄᓈᑦ, ᐃᓚᐅᑎᓪᓗᒍ ᓄᓇᕗᑦ ᑲᕙᒪᖓᑦ, ᓯᕗᓪᓕᐸᐅᑦᔭᐅᒋᐊᓖᒃ ᓱᕐᖁᐃᑐᒥᒃ ᑲᓇᑕᒥᐅᑦ ᐱᒍᒪᓯᒪᔭᖏᑦ ᓯᕗᒧᑦᑎᑕᐅᖁᓪᓗᒋᑦ ᓈᒻᒪᓈᑦᓯᐊᑐᒃᑯᑦ.

2. ᐸᓯᔭᑦᓴᖑᕐᑎᓯᒍᓐᓇᓂᖅ ᕉᓯᐊᒥᒃ

ᕉᓯᐊ ᑭᒃᒐᑐᕐᖁᖅ ᑭᖑᕚᕇᑎᒍᑦ ᓄᓇᐅᑉ ᐱᓂᐊᕐᓂᓕᕆᒍᑕᐅᓂᖏᑎᒍᑦ ᐊᑦᓱᕈᕈᑕᐅᒋᐊᓕᓐᓂᒃ. ᕉᓯᐊ ᐸᓯᔭᑦᓴᖑᕈᑎᖃᕈᓐᓇᕋᓗᐊᕐᑎᓗᒍ 50% ᖓᓂᒃ ᑕᕐᕋᐅᑉ ᓄᓇᑎᒍᑦ, ᒪᕐᕈᐃᖑᓗᑎᒃ ᐱᓇᓱᖃᑎᒌᓐᓂᖅ ᑲᓇᑕᓗ ᕉᓯᐊᓗ, ᐃᓚᐅᑎᓪᓗᒍ ᑕᕐᕋᒥᐅᑦ, ᐱᔭᕐᓃᑐᒻᒪᕆᐊᓘᖏᓐᓇᓚᖓᔪᖅ ᑮᑕᐅᖕᖏᑐᖅ ᐱᓪᓗᒋᑦ ᐃᒣᓛᕐᖂᓯᒪᒍᓐᓇᓃᑦ ᓯᕗᓂᕐᒥ.

ᑲᓇᑕ ᖃᐅᔨᒪᑦᓱᓂ ᓱᒐᓱᐊᕐᓂᖏᑦ ᐴᑎᓐ ᑎᓕᐅᕆᒍᑎᖏᑦ ᑌᒪᖕᖓᐅᖏᑦᑐᖅ ᐊᑑᑎᓲᖑᒋᐊᖏᑦ ᒪᓕᒐᑎᒃ ᐱᒻᒪᕆᖁᑎᖏᓐᓂᒃ ᕉᓯᐊᒥᐅᑦ ᐃᓄᖏᑦᑕ. ᑖᓐᓇ ᒪᓕᒐᖅ ᑐᑭᓯᓇᑦᓯᐊᓚᕆᑦᓱᓂ ᐊᑦᔨᒌᖕᖏᓂᖏᓐᓂᒃ ᓄᐃᑕᑎᑦᓯᒪᑦ ᑲᕙᒣᑦ ᐊᐅᓚᑦᔭᕈᑎᖏᑎᒍᑦ ᐊᒻᒪᓗ ᑖᒃᑯᐊ ᓄᓀᑦ ᐊᕕᑦᑐᑕᐅᓯᒪᓂᖏᑎᒍᑦ ᑎᑕᖓᓂᓪᓗᐊᖅ ᐃᓂᓖᑦ ᕉᓯᐊᒥᐅᑦ ᐃᓄᖁᑎᖏᑦ, ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᖁᑎᖏᑦ, ᑖᒃᑯᐊ ᓱᖁᑎᒋᔭᐅᖕᖏᑑᑦᓱᑎᒃ  ᕉᓯᐊᑉ ᐱᖁᔭᖏᑎᒍᑦ.

ᐃᓘᓐᓀᑎᒍᑦ ᐊᒥᓱᐃᖑᑦᓱᑎᒃ ᑎᒥᐅᔪᑎᒍᑦ, ᑲᓇᑕ,ᑲᔪᓯᒍᑎᖃᓚᖓᔪᖅ ᒪᓕᒐᖁᑎᒥᓂᒃ ᐃᓱᓕᑦᑕᕕᖃᕐᑎᓯᓗᓂ ᐃᓚᐅᓂᕐᒥᓂᒃ ᕉᓯᐊᒥᐅᑦ ᑭᒃᒐᑐᕐᑎᖏᓐᓄᑦ. ᕉᓯᐊᒥᐅᑦ ᓄᐃᑦᓯᒋᐊᖃᕐᒪᑕ ᒪᓕᑦᑕᐅᔪᑦᓴᓂᒃ ᐱᒍᓐᓇᓯᒍᑎᒋᓂᐊᕐᑕᒥᓂᒃ ᐅᑎᕐᓂᒧᑦ ᑲᕙᒪᓕᕆᔪᓄᑦ ᐃᓚᐅᓂᕐᒧᑦ ᐊᒻᒪᓗ ᐱᓇᓱᖃᑕᐅᓂᕐᒧᑦ ᓄᕐᖃᑎᑦᓯᓂᒃᑯᑦ ᐅᓇᑕᕐᓂᒥᓂᒃ ᔪᑯᕇᓂᐊᓐᒥᒃ ᐊᒻᒪᓗ ᓱᒐᓱᐊᕐᓂᒥᓂᒃ ᒪᓕᓪᓗᓂ ᓄᓇᕐᔪᐊᓕᒫᒨᓕᖓᔪᒥᒃ ᒪᓕᒐᕐᒥᒃ.

3. ᓱᓕᑦᓯᐊᓗᓂ ᑲᕙᒪᓕᕆᓂᖅ ᐃᓚᒋᓗᒋᑦ ᓄᓇᖁᑎᖃᖕᖏᑐᑦ ᑕᕐᕋᒥᒃ ᐊᒻᒪᓗ ᓱᒐᓱᐊᕐᑎᖁᑎᒋᔭᐅᔪᑦ

ᑲᓇᑕ ᑲᔪᓯᓚᖓᑎᓪᓗᒍ ᓯᕗᓪᓕᐅᔭᐅᑎᑦᓯᓂᕐᒥᒃ ᐱᓇᓱᖃᑎᖃᕐᓂᒥᒍᑦ ᑕᕐᕋᒥ ᓄᓇᖁᑎᓕᓐᓂᒃ, ᐱᓗᐊᕐᑐᒥᒃ ᓄᐃᑦᓯᒋᐊᖃᓕᕈᓂ ᒪᓕᒐᕐᓂᒃ ᑲᕙᒪᒍᑎᐅᓂᐊᕐᑐᓂᒃ ᑕᒪᑦᓱᒥᖓ ᓄᓇᒥᒃ, ᐱᓇᓱᖃᑎᖃᕐᓂ ᐊᖏᓂᕐᓴᒥᒃ ᓱᒐᓱᐊᕐᑎᓕᐊᖑᓯᒪᔪᓂᒃ ᐱᕙᓪᓕᓇᕐᑐᑕᖃᕐᖁᖅ ᐱᑕᖃᕆᐊᖃᕐᓱᓂᓗ ᓵᑦᓯᒋᐊᕈᑎᐅᓗᓂ ᐊᑦᓱᕈᕐᓇᑐᓂᒃ ᑕᕐᕋᒨᓕᖓᑦᓱᑎᒃ ᓄᐃᓚᕿᑎᑕᐅᓯᒪᔪᓂᒃ ᓄᓇᕐᔪᐊᒥᐅᓄᑦ ᐱᑦᔪᑕᐅᔪᓄᑦ, ᐅᑦᑑᑎᒋᓗᒍ ᓯᓚᐅᑉ ᐊᓯᑦᔨᓯᒪᓕᕐᓂᖓ.

ᐃᓱᒪᒋᓗᒍ ᑕᑯᑦᓴᐅᓕᕐᓂᖓ ᐱᕙᓪᓕᐊᑐᐃᓐᓇᑐᑦ ᐱᓕᐅᑎᓃᑦ ᑕᕐᕋᒥ, ᑲᓇᑕ ᐃᓂᓪᓚᓯᒪᐅᑎᒥᑎᒍᑦ ᓯᕗᓪᓕᐅᔭᑦᓴᖁᑎᒥᓂᒃ ᓱᓕᑦᓯᐊᑑᓗᓂ ᐱᓇᓱᖃᑎᒌᓐᓂᒥᒃ ᐱᓇᓱᖃᑎᒋᓗᒋᑦ ᑕᕐᕋᒥᒃ ᓄᓇᖁᑎᖃᖕᖏᑐᑦ ᐱᒐᓱᐊᕐᑎᑕᐅᔪᓪᓗ ᓇᓪᓕᐅᑎᓪᓗᐊᓯᒪᔪᑦ ᑲᓇᑕᐅᑉ ᐱᒻᒪᕆᖁᑎᖏᓐᓄᑦ, ᐱᒍᒪᓯᒪᔭᖏᓐᓄᑦ ᐱᑦᔪᑎᖏᓐᓄᓗ.

ᑲᓇᑕ ᓯᕗᓕᕐᑕᐅᓚᖓᕗᖅ ᐅᑯᓄᖓ ᑐᖕᖓᕕᓐᓄᑦ:

• ᓲᓱᑦᓴᕈᑎᑕᕐᕋᒥᓄᓇᖁᑎᓕᓐᓂᒃᐱᖁᔭᑎᒍᑦᐱᒍᓐᓇᓂᖃᕈᑕᐅᑦᓱᓂ, ᐱᖁᔭᑎᒍᑦᐱᒍᓐᓇᐅᑏᑦ, ᓄᓇᖁᑎᖃᕐᓂᓗᑕᕐᕋᒥᒃ.
• ᓴᐳᒻᒥᓗᒍᐱᖁᔭᓂᒃᑐᖕᖓᕕᓕᒃᓄᓇᕐᔪᐊᒥᐅᓕᒫᓅᓕᖓᑦᓱᓂᑎᓕᔭᐅᒪᐅᑎᒥᒃᑕᕐᕋᒥᐊᒻᒪᓗᑕᑯᑦᓴᐅᑎᑕᐅᓯᒪᔪᖅᑐᓂᒪᓂᖅᑕᒃᒍᖓᓄᓇᖁᑎᒧᑦᐃᓱᒫᓗᓐᓇᖏᑦᑑᓱᓂᑌᒫᑦᓭᓇᓕᐅᒐᕐᓱᓂᓗ.
• ᓲᓱᑦᓴᓂᖅᓄᓇᖃᕐᖄᓯᒪᔪᑦᐃᓱᒪᕐᓱᓗᑎᒃᐊᐅᓚᒍᓐᓇᕈᒪᓂᖕᓐᓂᒃ, ᓄᓇᓕᑐᙯᑦᐱᒍᓐᓇᐅᑎᖏᑦᐱᒻᒪᕆᖁᑎᖏᓪᓗ, ᐱᖑᒪᔭᖏᑦ, ᐱᕐᖁᓯᖏᑦᐱᐅᓯᖃᕈᓯᖏᓪᓗᓄᓇᓕᑐᙯᑦᑕᕐᕋᒥᐅᑦᐃᓄᐃᑦ, ᐃᓚᐅᑎᓪᓗᒍᐃᓚᐅᓂᖏᑦᓄᓇᓕᑐᙯᑦᐃᓄᐃᑦᑕᕐᕋᒥᒃᑐᑭᑖᕈᑎᖃᕋᓱᐊᕐᑐᖃᓕᕐᐸᑦ, ᐊᓯᖏᑕᓗᑕᕐᕋᒥᒃᓄᓇᖃᖃᑕᐅᒻᒥᔪᑦ.
• ᓱᓱᒋᓗᒍᐱᑦᔪᑎᓕᒃᓯᐊᒻᒪᑎᑦᓯᓯᒪᓂᕐᒥᒃᐱᖁᔭᑎᒍᑦᑐᖕᖓᕕᐅᔪᓂᒃᐊᑑᑎᔪᓂᒃᑕᕐᕋᒦᑦᑐᒧᑦᐃᒪᕐᐱᒧᑦ, ᐃᓚᐅᒻᒥᑎᓪᓗᒍ UNCLOS.
• ᐃᓕᑕᕐᓯᒪᔭᖃᕐᓂᖅᑕᒪᒃᑯᓂᖓᐱᒍᒪᔭᐅᓯᒪᔪᓂᒃᐱᒍᓐᓇᑐᓪᓚᕆᐅᓂᕐᒥᓗᓈᒻᒪᓈᕐᓱᑎᒃ, ᓇᓪᓕᖁᐊᕆᔭᐅᑦᓱᑎᓪᓗ, ᑲᓇᑕᐅᑉᑕᕐᕋᒨᓕᖓᔪᓄᑦᓯᕗᓪᓕᐸᐅᑦᔨᒍᒪᓯᒪᔭᖏᓐᓄᑦ, ᐃᓚᐅᒻᒥᑎᓪᓗᒍᑲᓇᑕᒥᐃᑖᒐᐅᑎᑦᓯᑌᓕᓂᕐᒧᑦᐊᑦᑕᓇᕐᑐᒦᑦᑌᓕᓂᕐᒧᓗᐱᒍᒪᔭᖏᑦ.
• ᑐᓂᓯᒣᓐᓇᕕᒋᓗᒍᓴᐳᒻᒥᓗᒍᓗᓯᕗᒧᑦᑎᓗᒍᓗᓇᒻᒥᓂᖅᐊᐅᓚᒍᓐᓇᕈᒪᓂᐅᑉᐱᒻᒪᕆᖁᑕᐅᓂᖓ, ᐃᓄᐃᑦᐱᒍᓐᓇᐅᑎᖏᑦᐊᒻᒪᓗᐊᖑᑎᐅᑉᐸᑦᐊᕐᓇᐅᐸᓪᓘᓃᑦᓇᓪᓕᖁᐊᕇᑦᑎᑕᐅᒍᑎᖏᑦᒪᓕᓪᓗᒋᑦᓄᓇᕐᔪᐊᓕᒫᒨᓕᖓᑦᓱᑎᒃᐃᓂᓪᓚᓯᒪᐅᑏᑦ, ᒪᓕᒐᖏᑎᒍᑦ, ᑐᖕᖓᕕᖏᑎᒍᓪᓗ.
• ᒪᓂᒪᓂᖅᐱᓪᓗᒍᓱᑯᐃᔦᒍᑎᐅᓯᒪᔪᑦᖃᐅᔨᒪᔭᐅᑎᑕᐅᒍᑎᖏᓐᓄᑦᐱᓇᓱᖃᑎᒌᒍᑕᐅᓯᒪᐅᑎᖏᓐᓄᓗᑲᓇᑕᒥᐅᓄᑦᖃᐅᔨᓴᕐᑎᓄᑦᐊᖏᕐᕋᓯᒪᔪᓄᓪᓗ, ᐃᓚᐅᑎᓪᓗᒋᑦᑭᒃᒐᑐᕐᑎᖏᑦᑲᕙᒣᑦ.
• ᑐᓂᒪᓂᖅᑲᔪᓯᒍᓐᓇᓱᑎᒃᐱᕙᓪᓕᐊᑎᑕᐅᔪᓄᑦ, ᓄᖑᐃᓐᓇᑎᑦᓯᑌᓕᓂᖅ, ᐊᕙᑎᒥᒃᓴᐳᒻᒥᓂᖅᐊᒻᒪᓗᐊᖑᒪᒐᓱᐊᕐᓗᒍᓯᓚᐅᑉᐊᓯᑦᔨᓯᒪᓕᕐᓂᖓ.

ᐃᓚᐅᕕᖃᕐᓂᖅ ᑕᕐᕋᒥᒃ ᓄᓇᖁᑎᖓᖕᖏᑐᓂᒃ ᐱᒐᓱᐊᕐᑎᒋᔭᐅᔪᓂᓪᓗ ᐊᕐᖁᑎᖃᓚᖓᕗᖅ ᐊᒥᓱᐃᑎᒍᑦ ᐊᒥᓱᐃᖑᓗᑎᒃ ᑲᑎᖕᖓᓂᖃᖃᑦᑕᓗᑎᒃ, ᐅᑦᑑᑎᒋᓗᒋᑦ ᑕᕐᕋᒨᓕᖓᔪᓂᒃ ᑲᑎᖕᖓᔨᐅᒍᑎᓖᑦ, ᓄᓇᓕᕐᔪᐊᖑᖃᑎᒌᑦ ᐱᑐᑦᓯᒪᐅᑎᕕᖓᓂᑦ ᐱᓯᒪᔪᑦ ᑎᒥᐅᔪᑦ,NATO ᐊᒻᒪᓗ ᑕᕐᕋᒥ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᑦ ᑲᑎᖕᖓᔩᑦ, ᐃᓚᐅᒻᒥᑎᓪᓗᒋᑦ ᐱᖁᔭᑎᒍᑦ ᐊᖏᖃᑎᒌᒍᑕᐅᓯᒪᑦᓱᑎᒃ ᓄᓇᑖᕆᔭᐅᓯᒪᔪᓂᒃ ᐃᓂᓖᑦ ᑕᕐᕋᒥ, ᒪᑯᐊ ᕿᑎᖓᓂ ᑕᕐᕋᐅᑉ ᐃᒪᕐᐱᖓᑕ ᐃᖃᓗᓕᕆᓂᕐᒧᑦ ᐊᖏᖃᑎᒌᒍᑕᐅᓯᒪᓂᖓ, ᐊᒻᒪᓗ ᒪᕐᕈᐃᖑᑦᓱᑎᒃ ᐊᒥᓱᐃᖑᑦᓱᑎᓪᓘᓃᑦ ᓄᐃᑎᓯᒪᔭᖏᑦ ᐱᓇᓱᑦᑕᐅᔪᓪᓗ ᐃᓚᒋᓗᒋᑦ ᑲᕙᒣᑦ ᐊᓯᕗᑦ ᑭᒃᒐᑐᕐᑎᖏᓪᓗ.

ᓯᕗᒧᓐᓂᖅ, ᑐᖕᖓᕕᖃᕐᓱᓂ ᐅᖃᕐᑕᐅᓯᒪᔪᓂᒃ ᑐᖕᖓᕕᐅᒋᐊᖏᑦ ᐊᑐᕐᓗᓂ, ᑲᓇᑕ ᓄᐃᑦᓯᓚᖓᕗᖅ ᐊᑦᔨᐅᖏᑦᑐᑎᒍᑦ ᐱᒻᒪᕆᐅᔪᓂᒃ ᐱᓇᓱᖃᑎᒌᓐᓂᖅ ᐱᓪᓗᒍ ᐊᓯᒥᓂᒃ ᐱᓇᓱᖃᑎᖃᕐᓗᓂ ᑕᕐᕋᒥ ᓄᓇᖁᑎᖃᖕᖏᑐᓂᒃ ᐱᓇᓱᑦᑎᑕᐅᔪᓂᓪᓗ ᒪᕐᕉᓂ ᓄᓇᖁᑎᐅᔫᓐᓂ:ᑕᕐᕋᖓ ᐊᑦᓛᓐᑎᒃ ᐊᒻᒪᓗ ᑕᕐᕋᖓ ᐸᓯᕕᒃ.

ᑕᕐᕋᖓ ᐊᑦᓛᓐᑎᒃ

ᐊᓯᖏᑦ ᓯᕗᓪᓕᐅᔭᐅᔪᑦ ᐱᑦᔪᑎᖃᕐᓱᑎᒃ ᑕᕐᕋᒥ ᐱᓇᓱᖃᑎᒌᒍᑎᖃᕆᐊᖃᕐᓂᒥᒃ ᐃᓚᐅᑎᓪᓗᒍ ᐱᔭᕆᐊᑭᓕᑎᕆᒍᑦᔨᓂᖅ ᐃᓄᑐᐃᓐᓀᑦ ᐊᐅᓚᓂᖏᑎᒍᑦ ᐊᑯᕐᖓᓂ ᑲᓇᑕᐅᑉ-ᑲᓛᓪᓖᓗ ᓄᓈᑕ; ᐱᔭᕆᐊᑭᓕᑎᕐᓗᒍ ᑕᐅᕐᓰᑲᑦᑕᐅᑎᓂᖅ ᒪᑯᓂᖓ, ᐊᒻᒪᓗ ᐅᐸᐅᑎᒍᓐᓇᓂᖅ, ᓇᑦᓯᕕᓃᑦ ᓴᓇᓯᒪᔭᖏᑦ ᐃᓄᑐᐃᓐᓀᑦ ᐊᓯᖏᑕᓗ ᓄᓇᓕᑐᙯᑦ ᐃᓄᐃᑦ, ᓂᐅᕕᕐᑕᐅᑎᑦᓯᒐᓱᐊᕐᕕᖓᓂ ᑕᕆᐅᑉ ᐊᑭᐊᓂ ᐊᑕᐅᓯᐅᓕᖓᔪᑦ; ᓄᖑᐃᓐᓇᑎᑦᓯᑌᓕᓂᖅ ᐃᖃᓗᓐᓂᒃ ᐊᑐᕐᓗᒍ ᑲᓇᑕ-ᑕᕆᐅᓪᓗ ᐊᑭᐊᓂ ᐊᑕᐅᓯᐅᓕᖓᔪᖅ ᓲᖑᔪᒥᒃ ᐊᑕᐅᓯᐅᓕᖓᒍᑕᐅᑦᓱᓂ ᐃᖃᓗᓕᕆᓂᖅ;ᐊᕙᑎᐅᑉ ᓴᐳᑦᔭᐅᒪᒋᐊᖃᕐᓂᖓ; ᓯᓚᒥᒃ ᐊᓯᑦᔨᓗᐊᕐᑎᓯᑦᑌᓕᓂᖅ ᐊᑑᑎᒍᓐᓇᓂᕐᓗ;ᑕᐅᕐᓰᑲᑦᑕᓂᕐᒥᒃ ᑲᔪᓯᒍᓐᓇᑐᒥᓪᓗ ᑮᓇᐅᔭᓕᐅᕋᓱᐊᕐᓂᐅᑉ ᐱᕙᓪᓕᐊᑎᑕᐅᓂᖓᓂᒃ; ᐊᑦᑕᓇᕐᑐᒦᑦᑌᓕᓂᖅ ᐊᕐᖁᑎᒋᓗᒍ ᐱᓇᓱᖃᑎᒌᓪᓚᕆᒍᑎᒋᓗᒍ; ᐊᒻᒪᓗ ᑲᓇᑕ-ᑕᕆᐅᓪᓗ ᐊᑭᐊ ᐊᑕᐅᓯᐅᓕᖓᔪᑦ ᓄᓇᒥᒃ ᓱᒃᑯᑎᕆᑦᑌᓕᒍᓯᖓ.

ᐊᑕᐅᓯᐅᓕᖓᔪᓄᑦ ᐊᑕᓂᐅᕕᒃ ᐃᓚᒋᔭᐅᒻᒥᔪᖅ ᖃᓂᑕᕆᔭᐅᑦᓱᓂ ᐱᓇᓱᖃᑎᐅᓂᕐᒥᒍᑦ ᐊᑦᓛᓐᑎᒃ ᑕᕐᕋᖓᓂ ᐃᓂᒋᔭᐅᔪᒥ ᑲᓇᑕᐅᑉ ᐱᓇᓱᖃᑎᖃᕐᕕᒋᒻᒪᕆᑦᑕᖓᓂᒃ  ᐊᓯᒥᓂᒃ ᓄᓇᓕᕐᔪᐊᒥᒃ ᐊᒻᒪᓗ ᐊᑑᑎᖃᑦᑕᓯᒪᔪᑎᒍᑦ ᐱᑐᑦᓯᒪᐅᑎᓂᕐᒥᒍᑦ ᐊᒻᒪᓗ ᐊᑦᔨᒌᓂᒃ ᐱᒻᒪᕆᐅᑎᑦᓯᓂᕐᒥᒍᑦ.ᑖᒃᑯᐊ  ᒪᕐᕉᒃ ᓄᓇᓕᕐᔪᐊᒃ ᐱᑐᑦᓯᒪᐅᑎᒍᑎᖃᓪᓚᕆᑦᑑᒃ ᐃᑖᒐᐅᑦᑌᓕᓂᕐᒧᑦ ᐱᓇᓱᖃᑎᒌᒍᑎᒥᑎᒍᑦ, ᐊᒻᒪᓗ ᐱᓇᓱᖃᑎᒌᒍᑎᖃᕐᓱᑎᒃ ᐊᑦᔨᒌᓂᒃ ᓯᕗᓪᓕᐅᑎᒍᒪᔭᒥᑎᒍᑦ ᑕᕐᕋᒥ, ᐃᓚᐅᑎᓪᓗᒍ ᓯᓚᐅᑉ ᐊᓯᑦᔨᓯᒪᓕᕐᓂᖓ ᖃᐅᔨᓴᕐᓂᓗ ᐊᕐᖁᑎᒋᑦᓱᒍ ᑲᓇᑕᒥ ᐃᓄᑐᐃᓐᓀᑦ ᓄᓇᖓᑦ-ᐊᑕᐅᓯᐅᓕᖓᔪᑦ ᐊᑕᓂᐅᕕᒻᒥᐅᑦ ᖃᐅᔨᓴᕐᓂᒧᑦ ᐃᖏᕐᕋᑎᑕᖏᑎᒍᑦ.

ᑕᕐᕋᖓ ᐸᓯᕕᒃ

ᑲᓇᑕᐅᑉ ᐸᓯᕕᒃᒨᓕᖓᑦᓱᓂ ᐃᓂᓪᓚᓯᒪᐅᑎᖓ ᐃᓕᑕᕆᔭᖃᕐᖁᖅ ᑖᒃᑯᐊ ᐊᒥᓱᒐᓓᑦ ᐸᓯᕕᒃᒥ ᓄᓇᖁᑎᓖᑦ ᑕᑯᓐᓇᕋᓱᐊᕐᑕᖃᕐᒪᑕ ᑕᕐᕋᒥᒃ ᓄᓇᐅᑦᓱᓂ ᐱᕕᑦᓴᑖᕐᕕᓴᐅᒋᐊᖓ ᐊᒻᒪᓗ ᐊᕐᖁᑎᒋᓗᒍ ᐃᓚᐅᓗᑎᒃ ᑲᓇᑕᒧᑦ.

ᐃᓂᓪᓚᓯᒪᐅᑎ ᐃᓕᑕᕆᔭᓕᒃ ᑕᕐᕋᖓ ᐸᓯᕕᒃ ᐃᓚᒋᔭᐅᒋᐊᖓ ᑲᓇᑕᐅᑉ ᖃᓂᑕᖏᓐᓄᑦ. ᑕᕐᕋᖓ ᐸᓯᕕᒃ, ᐊᕐᖁᑎᒋᑦᓱᒍ ᑕᕆᐅᕐᔪᐊᖅ, ᐃᓚᒋᔭᐅᔪᖅ ᐱᒍᓐᓇᕈᑎᐅᑦᓱᓂ ᓵᑦᓯᒋᐊᕈᓐᓇᓂᕐᒧᑦ ᐊᒥᕆᑲᐅᑉ ᑕᕐᕋᖓᑕ ᑕᕐᕋᖓᓂ. ᑲᓇᑕ ᐱᒻᒪᕆᐅᓪᓗᐊᖏᑦᑑᑎᑦᓯᒋᐊᖃᖕᖏᑐᖅ ᐃᓂᓪᓚᓯᒪᐅᑏᑦ ᐱᒻᒪᕆᐅᓂᖏᓐᓂᒃ ᑕᒪᒃᑯᐊ  ᓵᑦᓯᒋᐊᕈᑏᑦ- ᑲᓇᑕᐅᑉ ᐊᑭᕋᖏᑦ ᑲᓇᑕᒥᒃ ᓱᓇᐅᖕᖏᑑᑎᑦᓯᖏᒻᒪᑕ.. ᒪᓕᓪᓗᓂ ᐃᓂᓪᓚᓯᒪᐅᑎᒥᒃ, ᑲᓇᑕ ᕿᒥᕐᕈᓂᕐᓴᐅᓂᐊᕐᑐᖅ ᐱᓇᓱᖃᑎᖃᕐᓂᐅᒋᐊᓕᒻᒥᒃ ᑕᕐᕋᖅ ᐱᓪᓗᒍ ᐱᓇᓱᖃᑎᒌᓐᓂᑎᒥᒃ ᐱᒍᓐᓇᑎᑦᓯᒍᑎᓕᑦᑎᒍᑦ ᐸᓯᕕᒃᒥ ᓄᓇᖁᑎᓖᑦ ᐱᑦᔪᑕᐅᔪᓂᒃ ᐊᑕᐅᓯᐅᓕᖓᒍᑕᐅᑦᓱᑎᒃ ᐱᒍᒪᔭᖏᑎᒍᑦ ᑭᐅᑦᔪᑎᒋᓗᒍᓗ ᓄᐃᕙᓪᓕᐊᑐᐃᓐᓇᑐᓄᑦ ᐊᑦᓱᕈᕈᑎᐅᒋᐊᓕᓐᓄᑦ ᐃᓚᖏᑦᑕ ᑭᒃᒐᑐᕈᑎᒋᑐᐃᓐᓇᕆᐊᓕᖏᑎᒍᑦ.

ᑲᓇᑕ ᐅᐱᒍᓱᓐᓂᒥᒍᑦ ᐃᓚᐅᓂᕐᒥᒃ ᐸᓯᕕᒃᒥ ᓄᓇᑖᕐᓯᒪᔪᓄᑦ ᐱᐅᔪᓂᒃ ᐃᑲᔪᕐᓯᒍᑎᖃᕐᓱᓂ ᑕᕐᕋᒥ ᒪᓕᑦᓱᒋᑦ ᑐᖕᖓᕕᓕᐊᖑᓯᒪᔪᑦ ᐃᓚᐅᓂᕐᒧᑦ ᐃᓚᐅᕕᒋᓗᒋᑦ ᑕᕐᕋᒥ ᓄᓇᖁᑎᖃᖕᖏᑐᑦ, ᑲᓇᑕ ᖃᐅᔨᓴᑦᓯᐊᖏᓐᓇᖃᑦᑕᓚᖓᕗᖅ ᓱᒐᓱᐊᕐᓂᖏᓐᓂᒃ ᓄᓇᓕᕐᔪᐊᖁᑎᓖᑦ ᐱᒐᓱᐊᕐᑕᖏᑦ ᓱᒐᓱᐊᕐᓂᖏᓪᓗ ᐸᕐᓯᖓᑐᐃᓐᓇᕆᐊᖃᕐᒪᖔᑕ ᑲᓇᑕᐅᑉ ᐱᒻᒪᕆᐅᑎᑕᖏᓐᓂᒃ, ᐱᒍᒪᔭᖏᑎᒍᑦ ᐱᑦᔪᑎᖏᑎᒍᓪᓘᓃᑦ ᓄᓇᖁᑎᒥᓂ.

ᓯᕗᓕᕈᑎᖃᕐᓂᖅ ᑲᕙᒪᒍᓯᕐᓂᒃ ᑕᕐᕋᒥ ᐊᒻᒪᓗ ᐊᒥᓱᐃᓕᖓᔪᑦ ᐊᑦᓱᕈᕈᑎᐅᒋᐊᓖᑦ

ᐱᔭᕐᓃᑐᒻᒪᕆᐅᒐᓗᐊᕐᑎᓗᒍ ᐱᓇᓱᖃᑎᖃᕋᓱᒋᐊᓕᒃ ᕉᓯᐊᒥᒃ, ᑕᕐᕋᒥᒃ ᓄᓇᖁᑎᓖᑦ ᑲᔪᓯᒍᑎᖃᕐᖁᑦ ᐊᐅᓚᑦᓯᓂᕐᒥᒃ ᑕᒪᑦᓱᒥᖓ ᑲᕙᒪᒍᓯᕐᑎᒍᑦ ᑲᒪᒋᔭᐅᑦᓯᐊᓂᕐᒥᒃ ᓄᓇᖁᑎᒥ ᐃᖏᕐᕋᓱᓂ ᑲᓇᑕᐅᑉ ᓄᓇᓕᕐᔪᐊᒥᐅᓪᓗ ᐊᓯᒥᑦᑕ ᐱᖁᔭᑎᒍᑦ ᑐᖕᖓᕕᖁᑎᖏᑎᒍᑦ.

ᑕᕐᕋᒨᓕᖓᔪᓂᒃ ᑲᑎᖕᖓᔨᐅᒍᑎᓖᑦ ᓱᓕ ᓯᕗᓕᕐᑎᐅᕗᑦ ᑲᑎᖕᖓᓂᕐᓂᒃ ᐱᑦᔪᑎᓕᓐᓂᒃ ᑕᕐᕋᒥᒃ ᐱᓇᓱᖃᑎᒌᒍᑎᖃᕆᐊᖃᕐᓂᒥᒃ ᐊᒻᒪᓗ ᖃᐅᔨᒪᔭᐅᑦᓱᓂ ᐊᓯᒥᓄᑦ ᓄᓇᑖᕐᓯᒪᒻᒥᔪᓄᑦ ᓄᓇᕐᔪᐊᒥᓗ ᐃᓂᓪᓚᑕᐅᓯᒪᐅᑎᑎᒍᑦ, ᑲᑎᖕᖓᓂᕐᑎᒍᑦ, ᐅᖃᒻᒪᕆᐅᑕᐅᓯᒪᔪᑎᒍᑦ ᐱᖁᔭᑎᒍᓪᓗ ᓄᐃᑕᐅᓯᒪᔪᑎᒍᑦ ᐊᖏᖃᑎᒌᒍᑕᐅᓯᒪᑦᓱᑎᒃ. ᑕᒪᒃᑯᐊ ᐃᓚᖃᕐᒥᔪᑦ ᐊᒥᓱᒐᓚᓐᓂᒃ ᐱᑐᑦᓯᒪᐅᑎᔪᑦ ᓄᓇᓕᕐᔪᐊᖁᑎᓖᑦ ᐃᓂᓪᓚᓯᒪᔭᖏᓐᓂᒃ ᑐᑭᑖᕈᑎᐅᓲᓂᒃ ᓱᕐᕃᓚᖓᑎᓪᓗᒋᑦ ᑕᕐᕋᒥᒃ ᐱᓪᓗᒋᑦ ᓄᓇᕐᔪᐊᒥᐅᓕᒫᑦ ᐱᑦᔪᑎᖏᑦ, ᐃᓚᐅᑎᓪᓗᒍ ᓯᓚᐅᑉ ᐊᓯᑦᔨᓯᒪᓕᕐᓂᖓ.

1. ᑲᔪᓯᑎᑦᓯᒋᐊᓪᓚᓂᖅ ᑲᑎᖕᖓᔨᐅᒍᑎᓕᓐᓂᒃ ᑕᕐᕋᒥᒃ

ᑲᓇᑕ ᑐᓂᒻᒪᒻᒪᕆᒍᑎᖃᕐᖁᖅ ᐱᒻᒪᕆᐅᑎᑕᖏᓐᓂᒃ ᑕᕐᕋᒥ ᑲᑎᖕᖓᔨᐅᒍᑎᓖᑦ ᐊᒻᒪᓗ ᓈᓚᑦᓱᓂ ᐊᑐᓕᕐᑎᓯᒪᔭᖏᓐᓂᒃ ᒪᓕᒐᐅᓂᐊᕐᑎᓗᒋᑦ ᑕᒪᒃᑯᐊ ᐊᐅᓚᑦᓯᒍᓰᑦ.ᑲᓇᑕ ᑭᓯᐊᒐᙯᓐᓇᖁᖅ ᑲᔪᓯᑎᑦᓯᓂᕐᒥᒃ ᑲᑎᖕᖓᔩᑦ ᐱᒻᒪᕆᐅᑦᓱᑎᒃ ᐱᓇᓱᐊᕐᑕᖏᓐᓂᒃ ᐱᕙᓪᓕᖁᑎᑦᓴᐅᑎᓪᓗᒋᑦ ᑕᕐᕋᒥ ᓄᓇᖁᑎᓕᓐᓄᑦ ᐃᓄᓐᓄᓗ ᓄᓇᓯᒪᔪᓄᑦ ᑕᕐᕋᒥ, ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ.

ᑌᒪᖕᖓᓂᑦ 2021ᒥᓂᑦ, ᓄᓇᕐᔪᐊᓕᒫᒨᓕᖓᑦᓱᓂ ᑕᕐᕋᒥᒃ ᐱᑦᔪᑎᓕᒃ ᓯᕗᓕᕐᑎᐅᓂᕐᒧᑦ ᑮᓇᐅᔭᖃᕐᑎᓯᓯᒪᕗᖅ ᓄᐃᑕᐅᓂᖓᓂᒃ ᐊᒃᓚᕕᐅᑉ ᑲᔪᓯᓚᖓᑦᓱᓂ ᑕᒃᒐᓂ ᑕᕐᕋᒥ ᑲᑎᖕᖓᔨᐅᒍᑎᓕᓐᓂ ᐱᑕᙯᓐᓇᕈᓐᓇᑐᑦ ᐱᕙᓪᓕᐊᔭᐅᒍᑎᖏᑦᒍᑦ ᐱᓇᓱᖃᑎᒌᑦᑐᑦ ᑲᓇᑕᒥ ᐊᒻᒪᓗ ᐅᖓᑖᓄᑦ 2ᒥᓕᐊᓐᓂᒃ ᑮᓇᐅᔭᖃᕐᑎᓯᒍᑕᐅᑦᓱᓂ ᐅᖓᑖᓄᑦ 25 ᑕᕐᕋᒥ ᑲᑎᖕᖓᔨᐅᒍᑎᓖᑦ ᐱᑦᔪᑎᖏᓐᓅᓕᖓᑦᓱᑎᒃ ᐃᓚᐅᑎᓪᓗᒍ ᓄᓇᕐᔪᐊᓕᒫᒧᑦ, ᐃᓅᖃᑎᒌᑦ ᑲᑐᑦᔨᖃᑎᒌᓐᓂᖏᑎᒍᑦ ᐊᒻᒪᓗ ᓄᓇᓕᑐᙯᑦ ᐱᓇᓱᖃᑕᐅᔪᑦ.

ᑕᕐᕋᒨᓕᖓᔪᓂᕐ ᑲᑎᖕᖓᔨᐅᒍᑎᓖᑦ ᓄᐃᑕᔪᑦ ᓇᑯᕐᒪᑦ ᐃᓚᒋᔭᐅᒻᒪᑕ ᑲᓇᑕᒥᐅᓄᑦ ᓄᓇᓕᑐᖃᕐᓄᓗ ᓯᕗᓕᕐᑎᐅᔪᓄᑦ. ᑲᓇᑕ ᐱᕕᖃᕐᑎᓯᓚᖓᖕᖏᑐᖅ ᕉᓯᐊᒥᐅᑦ ᓱᒐᓱᐊᕐᓂᖏᓐᓂᒃ ᓱᓇᐅᑦᓴᖏᓐᓂᒧᑦ ᓱᓕᑦᓯᐊᕋᓱᐊᕈᑎᖏᓐᓂᒃ ᐊᐅᓚᒍᓯᖏᑎᒍᓪᓗ ᑕᒪᑦᓱᒪ ᐱᒻᒪᕆᐅᑦᓱᓂ ᑎᒥᐅᔫᑉ.ᐃᓄᐃᑦ ᑕᕐᕋᒥᐅᑦ, ᐱᕙᓪᓕᖁᑎᖃᓪᓚᕆᓲᑦ ᐱᒻᒪᕆᐅᑦᓱᑎᒃ ᐱᓇᓱᑦᑕᖏᑎᒍᑦ ᑲᑎᖕᖓᔩᑦ, ᓲᖑᕐᓚᑎᑕᐅᔪᑦᓴᐅᖏᓪᓚᖅ ᐱᑦᔪᑕᐅᑎᓪᓗᒍ ᕉᓯᐊᒥᐅᑦ ᓂᕈᐊᕐᓯᒪᔭᖓ.

2. ᓵᑦᓯᒋᐊᕈᑎᖃᕐᓂᒧᑦ ᓄᓇᑖᕆᓯᒪᔭᒥᓂ ᐱᖁᔭᑎᒍᑦ ᓄᓇᕐᔪᐊᒥᐅᓪᓗ ᐊᑦᓱᕈᕈᑎᒋᒋᐊᓕᖏᑎᒍᑦ.

i. ᓯᓚᐅᑉ ᐊᓯᑦᔨᓯᒪᓕᕐᓂᖓ ᐊᕙᑎᐅᓪᓗ ᓴᐳᒻᒥᔭᐅᒋᐊᖃᕐᓂᖓ

ᐱᖓᓱᕕᓪᓗᐊᑐᒥᒃ ᐱᐅᖕᖏᓕᐅᒥᓯᒪᓕᕐᑎᓗᒍ ᓯᓚᐅᑉ ᐊᓯᑦᔨᓂᑯᖓᓄᑦ, ᐱᑦᓴᖑᓕᕐᕿᕈᓐᓇᑐᑦ ᐱᑕᖃᕈᓐᓀᓂᖏᓐᓄᑦ ᐊᒻᒪᓗ ᐳᔪᕐᓗᓄᑦ ᑕᒪᓐᓇ ᓄᓇᕐᔪᐊᓕᒫᒥ ᐱᓀᓗᑕᐅᓕᕐᑐᖅ ᐊᑑᑎᒍᑕᐅᒋᐊᖃᓕᕐᓱᓂ ᐅᐃᒪᓇᕐᑐᒥᒃ ᐊᑕᐅᑦᓯᑰᕈᑕᐅᓗᓂ ᐊᐅᓚᑦᔭᕆᐊᕈᑎᐅᓂᖓ, ᓱᕐᕃᓯᒪᓕᕐᓂᖏᑦ ᑕᒪᒃᑯᐊ ᐱᖓᓱᕕᓪᓗᐊᑐᒥᒃ ᓱᒃᑯᐃᓱᑎᒃ ᐃᓱᒣᓐᓇᒪᕆᒃ ᐃᑉᐱᒋᔭᐅᕗᑦ ᑕᕐᕋᒥᐅᓄᑦ. ᑲᓇᑕ ᐱᒋᐊᕈᑎᖃᕐᓯᒪᕗᖅ ᒪᕐᕈᐃᑎᒍᑦ ᓱᒨᒻᒪᖔᑦ ᖃᐅᔨᒪᒐᓱᐊᕐᓱᓂ ᑲᒪᒍᑎᒋᓂᐊᕐᓗᒋᑦ ᑕᒪᒃᑯᓂᖓ ᐱᑦᔪᑕᐅᔪᓂᒃ, ᐃᓚᐅᓂᖏᑎᒍᑦ ᐊᒥᓱᐃᖑᑦᓱᑎᒃ ᐊᕐᖁᑎᒋᑦᓱᒋᑦ ᓄᓇᕐᔪᐊᓕᒫᒥ ᐱᑐᑦᓯᒪᐅᑎᔪᑦ ᐱᐅᓯᖏᑎᒍᑦ ᐊᒻᒪᓗ ᐱᖁᔭᑎᒍᑦ ᓄᓇᑖᕐᓯᒪᔪᑦ ᐊᕐᖁᑎᒋᑦᓱᒋᑦ ᑕᕐᕋᒥ ᑲᑎᖕᖓᔨᐅᒍᑎᓖᑦ

ᐃᓚᒋᐊᕈᑎᒋᓗᒍ ᓲᖑᔫᑦᓱᑎᒃ  ᐊᖏᕐᕋᓯᒪᔪᑦ ᐊᐅᓚᑦᓯᒍᓯᖏᑦ ᑲᒪᒋᔭᖃᕐᓂᒧᑦ ᓯᓚᐅᑉ ᐊᓯᑦᔨᓂᖓᓂᒃ, ᑲᓇᑕ ᐱᓇᓱᖃᑎᖃᕐᒥᔪᖅ ᓄᓇᕐᔪᐊᓕᒫᒥ ᐱᓇᓱᖃᑎᒥᓂᒃ ᓱᑲᓐᓂᓴᕈᕐᑎᓯᒐᓱᐊᕐᓱᓂ ᓄᓇᕐᔪᐊᒥᐅᑦ ᐊᔪᐃᓐᓇᕈᑎᖏᓐᓂᒃ ᐱᔭᖃᕋᓱᐊᕐᓱᑎᒃ ᐸᕇ ᐊᖏᖃᑎᒌᒍᑕᐅᒋᐊᖃᕐᓂᖓᓂᒃ ᑐᕌᒐᖓᓂᒃ ᐃᓱᓕᑦᑕᕕᑦᑖᑎᒐᓱᑦᓱᒍ ᓂᕈᒥᑦᓯᐸᓪᓕᐊᓂᖓ 1.5°C ᐊᑑᑎᑦᑌᓕᒐᓱᐊᕐᓂᒧᑦ ᐱᐅᖕᖏᓂᕐᐸᐅᓱᓂ ᓱᕐᕋᑕᐅᒍᑎᐅᒍᓐᓇᑐᒥᒃ ᓄᓇᕐᔪᐊᓕᒫᒧᑦ ᐃᓚᐅᑎᓪᓗᒍ ᑕᕐᕋᖅ.

ᓄᕐᖃᑎᑦᓯᒐᓱᐊᕐᓂᒧᑦ ᓯᑦᓯᑐᐊᓂᖓᓂᒃ ᐅᕐᓱᕈᑎᑦᓴᔭᐅᑉ ᓲᖑᓂᕐᐸᐅᓱᓂ ᓱᒐᓱᐊᕈᑎᐅᕗᖅ ᓱᒃᑫᓕᑎᑦᓯᒐᓱᐊᕐᓱᓂ ᐃᖏᕐᕋᓂᖓᓂᒃ ᐅᕐᖁᓯᕙᓪᓕᐊᑐᐃᓐᓇᓕᕐᑐᒥᒃ ᑕᕐᕋᒥᒃ.ᑕᒪᓐᓇ ᐱᑦᔪᑎᒋᑦᓱᒍ, ᑕᕐᕋᒥᒃ ᓄᓇᖁᑎᓖᑦ ᐱᖁᔭᑎᒍᑦ ᐊᖏᖃᑎᒌᑦᓯᒪᓕᕐᑐᑦ ᒥᑭᓕᐅᒥᑎᑦᓯᒐᓱᐊᓚᖓᓂᕐᒧᑦ ᐅᕐᓱᕈᑎᑦᓴᔭᐅᑉ ᐃᕐᖓᓂᖓᓂᒃ ᐱᒋᐊᕐᓱᑎᒃ 25% ᒥᑦ ᑎᑭᓪᓗᒋᑦ 33% ᓄᐃᑕᐅᓯᒪᑦᓱᓂ 2013ᒥ ᑎᑭᑉᐸᑦ 2025 ᑌᒣᒍᓐᓇᓯᔪᑦᓴᐅᓱᓂ. ᑲᓇᑕ ᐊᑑᑎᓚᖓᓯᒪᔭᒥᑎᒎᑦᓯᐊᑐᖅ ᐱᔭᖃᕐᓯᒪᑦᓱᓂ ᑕᒪᑦᓱᒥᖓ ᐱᔭᕆᔭᐅᒐᓱᐊᓚᖓᓯᒪᔪᒥᒃ. ^{Footnote 6}

ᑲᓇᑕ ᐱᓇᓱᓚᖓᓯᒪᔭᒥᓂᒃ ᑲᔪᓯᒍᑎᖃᕐᒥᔪᖅ ᐱᑦᓴᖑᓕᕐᕿᕈᓐᓇᑐᑦ ᐊᓯᐅᓂᖏᓐᓂᒃ ᐊᒻᒪᓗ ᓯᕗᒧᒍᑎᖃᕐᓯᒪᑦᓱᓂ ᐱᑕᙯᓐᓇᑎᑦᓯᒐᓱᐊᕐᓂᒥᒃ ᑲᓇᑕᒥ ᓄᓇᕐᔪᐊᓕᒫᒥᓗ. ᑲᓇᑕ ᓱᓕ ᑲᔪᓯᔪᖅ ᐱᓇᓱᑦᓱᓂ ᐱᓪᓗᒍ ᐱᑕᙯᓐᓇᑎᑦᓯᒐᓱᐊᕐᓂᖅ 30% ᒥᒃ ᓄᓇᖁᑎᒥᓂᒃ ᐃᒪᕐᐱᖁᑎᒥᓂᓪᓗ ᑎᑭᓪᓗᒍ 2030.ᐊᖏᓂᕐᐸᐅᖃᑕᐅᔪᖅ ᑲᓇᑕᐅᑉ ᓴᐳᒻᒥᔭᖏᓐᓄᑦ ᐱᑕᙯᓐᓇᑎᒐᓱᐊᕐᑕᖏᓐᓄᓗ ᐃᓂᐅᑦᓱᓂ ᑲᐅᑎᑦᓱᓂ ᑲᓇᑕᐅᑉ ᑕᕐᕋᖓᓄᑦ, ᐊᒥᓱᓪᓗ ᑐᑭᒧᐊᑎᑦᓯᖃᑎᖃᕈᑕᐅᕗᑦ ᓄᓇᓕᑐᖃᕐᓂᒃ ᐃᓄᓐᓂᒃ.

ᐱᓕᐅᒥᑎᑦᓯᒍᑎᒋᓗᒍ ᐱᑐᑦᓯᒪᐅᑎᓂᕐᒥᒃ, ᑲᔪᓯᒍᑎᖃᓚᖓᔪᒍᑦ ᓇᓪᓕᖁᐊᕇᑦᑎᓯᒋᐊᖃᕐᓂᒥᒃ ᐱᓂᐊᕐᓂᓕᕆᓂᕐᑎᒍᑦ ᐱᑦᓴᑖᕐᕕᒋᒍᓐᓇᑕᑦᑎᓂᒃ ᓴᐳᒻᒥᒍᑎᒋᓗᒍ ᐃᓘᓐᓇᖏᓐᓂᒃ ᑲᕙᒪᐅᑉ ᐊᔪᐃᓐᓇᕈᑎᖏᓐᓂᒃ ᓯᕗᓕᕐᑕᐅᓱᓂ ᐊᕙᑎᓕᕆᓂᕐᒧᑦ ᓯᓚᐅᓪᓗ ᐊᓯᑦᔨᓯᒪᓕᕐᓂᖓᓂᒃ ᐱᒐᓱᐊᕐᑐᓄᑦ ᑲᓇᑕᒥ ᑕᒃᒐᓂ ᓄᓇᕐᔪᐊᒥᐅᖑᖃᑎᒌᑦ ᐊᑕᐅᓯᐅᓕᖓᕕᖓᓂ ᐱᐅᓯᖓᑎᒍᑦ ᓱᕐᖁᐃᑐᒥᒃ ᐊᑐᓕᕐᑎᑕᐅᓂᕆᒋᐊᓕᖓᓄᑦ ᐊᑑᑎᓚᐅᕐᓯᒪᒐᓂ ᓯᕗᓂᖓᒍᑦ ᐸᕇ ᐊᖏᖃᑎᒋᒍᑕᐅᓂᖓ, ᓄᓇᕐᔪᐊᒥᐅᓕᒫᓪᓗ ᐊᑕᐅᓯᐅᓕᖓᕕᖓᒍᑦ ᑐᖕᖓᕕᖏᑎᒍᑦ ᑲᑎᖕᖓᓂᐅᓯᒪᔪᖅ ᐱᓪᓗᒍ ᓯᓚᐅᑉ ᐊᓯᑦᔨᓯᒪᓕᕐᓂᖓ, ᐊᒻᒪᓗ ᑕᒪᑦᓱᒪ ᑰᓐᒥᖕ ᒪᓐᑐᕆᐋᓪ ᓄᓇᕐᔪᐊᓕᒫᒥ ᐱᑦᓴᖑᓕᕐᕿᕈᓐᓇᑐᑦ ᑐᖕᖓᕕᖃᕐᑎᑕᐅᒍᑎᖏᑎᒍᑦ ᐊᑐᕐᓱᒍ ᑲᑎᖕᖓᓂᐅᓯᒪᔪᖅ ᓄᓇᐅᑉ ᐱᑦᓴᖑᓕᕐᕿᑕᕈᓐᓇᓂᖓᓂᒃ ᑲᑎᖕᖓᒍᑎᖃᕐᑎᓗᒋᑦ.

ii. ᑕᕐᕋᐅᑉ ᐃᒪᕐᐱᖓ

ᐊᑦᑕᓇᕐᑐᒦᑦᑌᓕᓂᕐᒥᒃ ᑲᓇᑕᐅᑉ ᐃᓚᖃᕐᓂᖓ >ᑮᓇᐅᔭᓕᐅᕐᕕᐅᒍᓐᓇᑎᓪᓗᒍ ᓇᓗᓀᕐᑕᐅᓯᒪᔪᒥ ᐃᒪᕐᐱᒥ ᑕᕐᕋᐅᑉ ᐃᒪᕐᐱᖓᓂ ᐊᖏᓂᖃᕐᖁᖅ ᐅᖓᑖᓄᑦ 3ᒥᓕᐊᓐ ᓯᒃᑭᑌᑦ ᑭᓚᒦᑌᑦ.ᑕᒪᓐᓇ ᑲᒪᒋᔭᑦᓴᔭᖓ ᑲᓇᑕᐅᑉ ᓱᕐᖁᐃᑐᒥᒃ ᐃᒪᕐᐱᖁᑎᒥᓂᒃ ᐊᐅᓚᑦᓯᓯᐊᕈᓐᓇᖁᓪᓗᒍ. ᑲᓇᑕ ᐱᓇᓱᖃᑎᙯᓐᓇᓕᒫᕐᒥᔪᖅ ᖃᓂᑕᒥᓂᒃ ᑕᕐᕋᒥ ᐃᒪᕐᐱᖅ ᐱᓪᓗᒍ ᓄᓇᖁᑎᖃᕐᒥᔪᓂᒃ ᐊᓯᖏᓐᓂᓗ ᐃᒻᒥᒎᕐᒥᓱᑎᒃ ᑲᒪᖃᑕᐅᒻᒥᔪᓂᒃ ᐊᑐᕐᑕᐅᑎᑦᓯᓂᕐᒧᑦ ᕿᑎᖓᓂ ᐃᒪᕐᐱᐅᑉ ᐃᖃᓗᓕᕆᓂᕐᒧᑦ ᐊᖏᖃᑎᒌᒍᑕᐅᓯᒪᔪᒥᒃ, ᑕᒪᓐᓇ ᓄᐃᑦᓯᒍᑕᐅᓯᒪᑦᓱᓂ ᐃᑉᐱᒍᓱᑦᓯᐊᒪᕆᒍᑎᐅᒋᐊᓕᒻᒥᒃ 16ᓂ ᐊᕐᕌᒍᓂ ᐃᖃᓗᓐᓂᐊᕕᐅᒋᐊᖃᕋᓂ ᑮᓇᐅᔭᓕᐅᕋᓱᐊᕈᑎᑦᓴᓂᒃ ᖁᑦᓯᑐᒥ ᐃᒪᕐᐱᒥ ᑕᕐᕋᐅᑉ ᐃᒪᕐᐱᖓᓂ, ᐃᓚᒋᔭᐅᒻᒥᑎᓪᓗᒍ ᐃᖏᕐᕋᑎᑕᐅᔪᖅ ᑲᑐᑎᓗᒍ ᓱᑯᐃᔦᓂᕐᒧᑦ ᖃᐅᔨᓴᕐᓂᖅ ᐃᑉᐱᒍᓱᒐᓱᐊᕐᓂᓗ ᐃᓚᖃᕐᑎᓗᒍ ᓄᓇᓕᑐᙯᑦ ᖃᐅᔨᒪᐅᓯᖏᓐᓂᒃ ᐱᑕᖃᕆᐊᖃᓪᓚᕆᑦᑐ ᑕᒪᒃᑯᐊ ᐃᓚᐅᑎᑕᐅᓗᑎᒃ ᓱᕐᖁᐃᑐᒦᒃ ᐱᐅᓂᕐᐹᒥᒃ ᖃᐅᔨᒪᐅᓯᕆᔭᐅᔪᖅ ᐊᑐᕐᑕᐅᖃᑦᑕᖁᓪᓗᒍ ᑐᑭᑖᕋᓱᐊᕐᑐᖃᓕᕐᐸᑦ. ᑲᓇᑕᐅᑉ ᑲᕙᒪᖓ ᑌᒪᖕᖓᓕᒫᖅ ᐃᓄᑐᐃᓐᓇᓂᒃ ᑲᓇᑕᒥ ᐃᓚᐅᑎᑦᓯᖏᓐᓇᓚᖓᕗᖅ ᑕᒪᑦᓱᒪ ᐱᕙᓪᓕᐊᔭᐅᒍᑎᖏᑎᒍᑦ.

ᑲᓇᑕ ᓯᕗᓪᓕᐅᔭᐅᑎᑦᓯᕙᓪᓕᐊᒥᔪᖅ ᓴᐳᒻᒥᔭᐅᒋᐊᖃᕐᓂᖓᓂᒃ ᐃᒪᕐᐱᐅᑦ ᐊᕙᑎᖓᓂᒃ ᑕᕐᕋᐅᑉ ᐃᒪᕐᐱᖓᓂ ᐱᓇᓱᖃᑎᖃᕐᓱᓂ ᐃᓱᒪᖃᑎᒥᓂᒃ ᓄᓇᕐᔪᐊᒥᐅᓂᒃ ᓄᓇᓕᑐᖃᕐᓂᓗ ᐱᓇᓱᖃᑎᒥᓂᒃ. ᑲᓇᑕ ᑎᒍᒥᐊᖏᓐᓇᒥᔪᖅ ᖃᐅᔨᕐᖃᔭᕐᓇᖏᑦᑐᒥᒃ ᐱᑦᔪᑎᖃᕐᓂᖓ ᐊᐅᓚᒍᓐᓀᖃᑦᑕᓱᓂ ᓯᑦᔭᖓ, ᐅᕐᓱᐊᓗᓐᓂᐊᓂᕐᒧᑦ ᐅᕐᓱᕈᑎᓐᓂᐊᓂᕐᒧᓗ ᐱᕙᓪᓕᐊᑎᑕᐅᔪᑦ ᑕᕐᕋᒥ. ᑲᓇᑕ ᓴᐳᒻᒥᒥᔪᖅ, ᑕᒣᑎᒍᑦ ᑐᑭᓯᓇᑦᓯᐊᕋᑎᒃ ᐃᕐᖃᒥ ᐅᔭᕋᓐᓂᐊᓂᑯᖏᓐᓄᑦ ᐊᕙᑎᖓᑕ ᓱᕐᕋᑕᐅᒍᑎᖏᓐᓂᒃ ᐊᒻᒪᓗ  ᓲᖑᔫᑦᓱᑎᒃ ᒪᓕᒐᖃᕐᑎᓯᓂᕐᒧᑦ ᐃᓂᓪᓚᓯᒪᐅᑏᑦ, ᖁᐊᑐᐃᓐᓇᓯᒪᓂᖓᓂᒃ ᑮᓇᐅᔭᓕᐅᕋᓱᐊᕐᕕᐅᒍᓐᓇᓱᓂ ᐃᕐᖃᖅ ᐃᓂᓂ ᐅᖓᑖᓄᐊᓗᒃ ᑲᓇᑕᐅᑉ ᐃᒪᕐᐱᖁᑎᖓᑕ ᑎᑦᑕᑕᐅᓯᒪᕕᖏᓐᓂ, ᐃᓚᐅᑎᓪᓗᒍ ᕿᑎᖓ ᐃᒪᕐᐱᐅᑉ ᑕᕐᕋᒥ.

ᑲᓇᑕ ᑐᓂᒪᒍᑎᖃᕐᖁᖅ ᐊᑐᕐᑕᐅᑎᑦᓯᓂᕐᒧᑦ ᐱᖁᔭᓂᒃ ᑐᖕᖓᕕᓕᓐᓂᒃ ᐱᑦᔪᑕᐅᔪᓂᒃ ᑕᕐᕋᐅᑉ ᐃᒪᕐᐱᖓᓂ.

ᑕᒪᒃᑯᑎᒎᓇᓕᒫᖅ ᑲᒪᒋᔭᐅᒋᐊᓕᑦᑎᒍᑦ ᑲᓇᑕᒧᑦ ᐊᒥᓱᐃᑎᒍᑦ ᐱᓇᓱᖃᑎᖃᕐᓂᑯᑦ ᓄᓇᕐᔪᐊᒥᐅᓕᒫᑦ ᐱᐅᓯᕆᒋᐊᓕᖏᑦᑎᒍᑦ, ᑕᒃᒐᓂ ᑕᕐᕋᒥ ᑲᑎᖕᖓᔨᐅᒍᑎᓕᓐᓂ ᐊᒻᒪᓗ ᐃᒪᕐᐱᐅᑉ ᕿᑎᖓᑕ ᑕᕐᕋᒥ ᐊᖏᖃᑎᒌᒍᑕᐅᓯᒪᐅᑎᖏᑎᒍᑦ, ᐊᓯᐊᒎᕐᕕᖃᖕᖏᓚᕆᒃᑯᖅ ᑕᕐᕋᒥᐅᑦ ᐃᓄᐃᑦ ᓄᓇᓕᑐᙯᑦ ᐃᓚᐅᑎᑕᐅᑦᓯᐊᕆᐊᖃᕐᓂᖏᑦ ᐅᖃᖃᑎᒌᑦᑐᓄᑦ ᐱᒍᓐᓇᐅᑎᖏᑦ ᐱᒍᒪᓯᒪᔭᖏᓪᓗ ᓱᕐᕋᑕᐅᑐᐃᓐᓇᕆᐊᖃᕐᐸᑕ ᐃᓚᐅᒋᐊᖃᕐᓂᖏᑦ.  

ᐊᑐᓕᕐᑎᓯᓂᖅ ᐃᓚᐅᑎᑦᓯᓂᕐᓴᐅᓱᓂ ᑕᕐᕋᒥ ᑲᕙᒪᒍᑕᐅᔪᓂᒃ

1. ᓱᕐᖁᐃᑐᒥᒃᑕᕐᕋᒥᑲᕙᒪᑦᑐᑦᖃᐅᔨᒪᑎᑕᐅᑦᓯᐊᓗᑎᒃᐊᒻᒪᓗᐱᕙᓪᓕᖁᑎᑖᕐᓗᑎᒃᑕᕐᕋᒦᑦᑐᑦᐊᒻᒪᓗᓄᓇᓕᑐᙯᑦᐃᓄᐃᑦᐊᓯᖏᓪᓗᑕᕐᕋᒥᐅᖑᒻᒥᔪᑦ

ᑕᕐᕋᖅ ᐊᖏᕐᕋᕆᔭᐅᕗᖅ ᐅᖓᑖᓄᑦ 4ᒥᓕᐊᓐ ᐃᓄᖃᕐᓱᓂ, ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ ᓄᓇᖃᕐᓯᒪᓕᕐᑐᑦ ᐊᕐᕌᒍᒐᓴᑦᔪᐊᓂ ᑕᒪᑦᓱᒥᖓ. ᑲᓇᑕ ᑐᓂᒪᕕᖃᕐᖁᖅ ᐃᓚᐅᑎᑦᓯᓂᕐᓴᐅᓚᖓᓕᕐᓂᒥᒃ ᐱᓪᓗᒍ ᑖᓐᓇ ᑲᓇᑕᐅᑉ ᓯᓚᑖᓅᓕᖓᑦᓱᓂ ᐱᖁᔭᐅᑉ ᐃᓱᒫᓗᓐᓇᕇᒃᑯᑎᖓᓂᒃ ᐃᓄᓂᒃ ᐊᖏᕐᕋᓕᓐᓂᒃ ᑕᕐᕋᒥ, ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ, ᐃᓚᐅᒍᓐᓇᓯᓗᑎᒃ ᓄᓇᕐᔪᐊᓕᒫᒥᒃ ᐱᑦᔪᑎᖃᕐᓗᑎᒃ ᑐᑭᑖᕋᓱᐊᕐᑐᖃᓕᕐᐸᑦ ᐱᑦᔪᑎᖏᑦ ᑐᑭᑖᕋᓱᐊᕈᑕᐅᓗᑎᒃ ᓱᕐᕃᓂᖃᓚᖓᑉᐸᑦ ᐱᒍᓐᓇᐅᑎᖏᓐᓂᒃ ᐱᒍᒪᓯᒪᔭᖏᑎᒍᓪᓘᓃᑦ.

ᑕᕐᕋᒥᒃ ᐊᖏᖃᑎᒌᒍᑎᖃᕋᓱᐊᓲᑦ ᖃᐅᔨᒪᑎᑕᐅᔪᑦᓴᐅᕗᑦ ᐱᕙᓪᓕᑎᑦᓯᒍᑎᒋᓗᒋᓪᓗ ᑕᕐᕋᒥᐅᓂᒃ ᓄᓇᓕᑐᖃᕐᓂᒃ ᐃᓄᓐᓂᒃ ᐊᓯᖏᓐᓂᓗ ᑕᕐᕋᒥ ᓄᓇᖃᖃᑕᐅᒻᒥᔪᓂᒃ. ᑕᒪᑦᓱᒥᖓ ᑐᓂᒪᕕᖃᕐᓂᕗᑦ ᑲᔪᓯᒍᑎᒋᔭᕗᑦ ᐱᔭᕆᔭᐅᒐᓱᐊᕐᓂᖓᒍᑦ ᐊᒻᒪᓗ ᐱᓕᐅᒥᒍᑎᖃᓚᖓᑦᓱᑕ ᐊᔪᐃᓐᓇᕋᓱᐊᕐᓂᑎᓐᓂᒃ ᑕᒃᒐᓂ ᐃᓂᒥ, ᐱᕙᓪᓕᐊᑎᑦᓯᓂᖅ ᓵᑦᓯᒋᐊᕈᑎᓂᒃ ᐊᑐᓕᕐᑎᑕᐅᓚᐅᔪᓂᒃ  ANPF ᒪᓂᒪᕕᒋᖏᓐᓇᓚᖓᑦᓱᒍ ᐅᖄᖃᑎᒌᒍᑎᖃᕐᓂᒧᑦ ᓈᒻᒪᓈᕐᓂᓴᐅᑦᓱᓂ  ᐊᕕᑦᑐᑕᐅᓯᒪᓂᖓᑕ  ᑐᖕᖓᕕᖏᑎᒍᑦ, ᐅᑦᑑᑎᒋᓗᒍ ᐃᓄᑐᐃᓐᓀᑦ ᐊᑕᓂᐊᓘᓪᓗ ᐱᓇᓱᖃᑎᒌᓐᓂᒧᑦ ᑲᑎᖕᖓᔨᖏᑎᒍᑦ.

ᓯᕗᒧᒍᑎᒋᑦᓱᒍ ᑲᓇᑕᐅᑉ ᑲᕙᒪᖓ ᖃᐅᔨᕙᓪᓚᒍᑎᖃᕐᓯᒪᕗᖅ ᓱᒃᑯᑎᕆᓯᒪᓂᖓᓂᒃ ᓱᕐᕃᓱᓂ ᖃᓪᓗᓈᖕᖑᑎᑦᓯᒐᓱᐊᕐᓂᐅᓯᒪᔫᑉ ᓄᓇᓕᑐᖃᕐᓂᒃ ᐃᓄᓐᓂᒃ ᑲᓇᑕᐅᑉ ᑕᕐᕋᖓᓂᒥᐅᓂᒃ. ᑐᖕᖓᕕᖃᓪᓚᕆᑦᓱᓂ ᑐᓂᒪᓂᕐᒥᓂᒃ ᐱᑑᑎᒋᐊᓪᓚᕋᓱᐊᕐᓂᒧᑦ, ᑖᓐᓇ ᒪᓕᒐᖅ ᕿᓂᕈᑎᐅᕗᖅ ᓄᐃᑦᓯᒐᓱᐊᕐᓂᒧᑦ ᑲᓇᑕᐅᑉ ᓯᓚᑖᓅᓕᖓᓗᓂ ᒪᓕᒐᕐᒥ ᐃᓂᑖᖁᓪᓗᒍ ᓄᑕᐅᓯᓕᑎᕐᓯᒪᓗᓂ ᐊᑕᓂᐊᓗᒃ ᓄᓇᓕᑐᙯᓪᓗ ᐃᓅᖃᑎᒌᑦᔪᐊᓗ ᐱᓇᓱᖃᑎᒌᒍᓐᓇᕆᐊᖃᕐᓂᖏᓐᓂᒃ ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ ᑐᖕᖓᕕᖃᕐᓗᓂ ᐃᓕᑕᕐᓯᓯᒪᐅᑎᓂᒃ ᐱᒍᓐᓇᐅᑎᖏᑎᒍᑦ, ᓱᓱᑦᓴᕈᑎᐅᓗᓂ, ᐱᓇᓱᖃᑎᖃᕐᓂᑯᑦ ᐁᑉᐯᕇᓐᓂᑯᓪᓗ.  

ᐱᓇᓱᓐᓂᕗᑦ ᑖᑦᓱᒥᖓ ᑲᓇᑕᐅᑉ ᓯᓚᑖᓅᓕᖓᑦᓱᓂ ᒪᓕᒐᕐᒥᒃ ᓯᕗᓕᕐᑕᐅᓂᐊᕐᖁᖅ ᓄᓇᕐᔪᐊᒥᐅᓕᒫᑦ ᐱᑐᑦᑐᓯᒪᐅᑎᕕᖓᑕ ᐅᖃᒻᒪᕆᐅᑎᖓᓄᑦ ᐱᓪᓗᒋᑦ ᐱᒍᓐᓇᐅᑎᖏᑦ ᓄᓇᓕᑐᙯᑦ ᐃᓄᐃᑦ;ᐱᖁᔭᑎᒍᑦ ᐊᖏᖃᑎᒌᒍᑕᐅᓯᒪᑦᓱᑎᒃ ᓄᓇᑖᕆᔭᐅᓯᒪᔪᑦ, ᐃᓚᐅᑎᓪᓗᒋᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᐅᓯᒪᔪᑦ; ᓇᒻᒥᓂᖅ ᐊᐅᓚᒍᓐᓇᕈᒪᓂᕐᒧᑦ ᐊᖏᖃᑎᒌᒍᑎᐅᓯᒪᔪᑦ ᐊᖏᖃᑎᒋᑦᓱᒋᑦ ᑕᕐᕋᒥᐅᑦ ᓄᓇᓕᑐᙯᓪᓗ ᐃᓄᐃᑦ; ᐊᒻᒪᓗ ᐃᓄᑐᐃᓐᓀᑦ ᓄᓇᖓᓐᓅᓕᖓᑦᓱᓂ ᒪᓕᒐᖅ. ^{Footnote 7} ᑲᓇᑕᐅᑉ ᑲᕙᒪᖓᑕ ᐱᖁᔭᖓ ᑲᓇᑕᐅᑉ ᓯᓚᑖᓅᓕᖓᔪᓄᑦ ᓯᕗᓕᕐᑕᐅᒍᑎᖃᓚᖓᒋᕗᖅ ᓱᓱᑦᓴᓂᒃᑯᑦ ᓄᓇᖁᑎᑖᖑᓯᒪᔪᓂᒃ ᑲᓇᑕᐅᓪᓗ ᐊᕕᑦᑐᑕᐅᓯᒪᓂᖏᑎᒍᑦ ᓄᓇᖁᑎᒋᔭᐅᔪᓂᒃ ᐱᖁᔭᑎᒍᑦ ᓄᓇᒋᔭᐅᑦᓱᑎᒃ, ᐃᓚᐅᑎᓪᓗᒍ ᑭᒃᒐᑐᕐᑎᐅᓂᕐᒧᑦ ᐊᖏᖃᑎᒌᒍᑕᐅᓯᒪᔪᑦ ᐊᖏᖃᑎᒋᓯᒪᑦᓱᒋᑦ ᓄᓇᑦᓯᐊᒥᒃ ᓄᓇᖁᑎᓖᑦ, ᓄᓇᕗᒻᒥ, ᔫᑳᓐᒥᓗ.

i. ᑕᕐᕋᐅᑉ ᑭᒃᒐᑐᕐᑕᐅᓂᖓ

ᓄᓀᑦ ᑲᕙᒪᑕᐅᒍᑎᖏᑦᑕ ᓄᓇᖁᑎᖏᑦ ᑕᕐᕋᒦᑦᑐᑦ ᐃᒣᑎᑕᐅᓕᕐᐸᓕᐊᑐᐃᓐᓇᑐᑦ ᑐᕐᖁᓯᒪᔫᔮᕐᓱᓂ ᐱᓕᐅᑎᒍᑎᐅᓕᐅᒥᓯᒪᑦᓱᓂᓗ. ᓱᕐᖁᐃᑐᒥᒃ ᑕᕐᕋᖓ ᑲᓇᑕᐅᑉ ᑌᒫᑦᓭᓇᓕᑦᓯᐊᖁᓪᓗᒍ, ᐱᑕᖃᑦᓯᐊᓗᓂ ᐊᑦᑕᓇᕐᑐᒦᓐᓇᖏᑦᑑᓗᓂᓗ, ᐱᓕᐅᒥᒍᑎᖃᕆᐊᖃᕐᑐᒍᑦ ᐃᓚᐅᓂᑦᑎᒍᑦ ᑖᒃᑯᓄᖓ ᐃᓱᒪᖃᖃᑕᐅᔪᓄᑦ ᓄᓇᖁᑎᖃᕐᒥᓱᑎᒃ, ᓱᓕᓗ ᐃᓚᒋᓗᒋᑦ ᐱᖁᔭᑎᒍᑦ ᓄᓇᑖᕐᓯᒪᔪᑦ ᑲᓇᑕᐅᓪᓗᐊᕕᑦᑐᑕᐅᓯᒪᓂᖏᑎᒍᑦ ᓄᓇᖁᑎᓖᒃ ᑲᕙᒪᖏᓐᓂᒃ, ᓄᓇᓕᑐᙯᑦ ᓄᓇᓯᒪᑦᓱᑎᒃ ᐱᓇᓱᖃᑎᒋᔭᐅᒋᕗᑦ.

ii. ᑕᕐᕋᖅ ᓄᓇᓕᑐᙯᓪᓗ ᐊᖏᖃᑎᒌᒍᑕᐅᒐᓱᐊᕐᓂᖓ ᓄᓇᕐᔪᐊᒥᐅᓕᒫᓄᑦ

ᑲᓇᑕ ᑐᓂᒪᕕᖃᖏᓐᓇᑐᖅ ᓱᓕ ᐱᑕᖃᕐᑎᓯᓂᕐᒧᑦ ᓄᓇᕐᔪᐊᒥᐅᓕᒫᑦ ᓂᑯᕐᕋᕕᖓᓐᓂ ᑕᕐᕋᒥᐅᓂᒃ, ᐃᓚᐅᑎᓪᓗᒋᑦ ᐱᖁᔭᑎᒍᑦ ᓄᓇᑖᕆᔭᐅᓯᒪᔪᒦᑦᑐᑦ ᑲᓇᑕᐅᓪᓗ ᐊᕕᑦᑐᑕᐅᓯᒪᓂᖓᑎᒍᑦ ᓄᓇᖁᑎᓕᓐᓂᒃ ᐃᓚᐅᑎᓪᓗᒋᑦ ᓄᓇᓕᑐᙯᑦ ᐱᓇᓱᖃᑕᐅᔪᑦ, ᐅᕕᒃᑫᓗ, ᐃᓚᐅᒍᓐᓇᓱᑎᒃ ᑭᒃᒐᑐᕈᑎᖃᕐᓗᑎᓪᓗ ᓄᓇᕐᔪᐊᓕᒫᒨᓕᖓᔪᑎᒍᑦ ᑕᐅᑐᑦᑕᒥᒍᑦ ᑕᕐᕋᖅ ᐱᓪᓗᒍ, ᐱᓗᐊᕐᑐᒥᒃ ᐱᑦᔪᑕᐅᔪᑎᒍᑦ ᓱᕐᕋᑕᐅᒍᑎᒋᑐᐃᓐᓇᕆᐊᓕᒻᒥᑎᒍᑦ ᐱᒍᓐᓇᐅᑎᒥᓄᑦ ᐱᖁᔭᑎᒍᓪᓗ ᓄᓇᑖᕐᓯᒪᓂᕐᒥᒍᑦ. ᑲᓇᑕ ᑐᖕᖓᓱᑦᑎᓯᒻᒥᔪᖅ ᓴᓇᔭᐅᓯᒪᔪᓂᒃ ᑕᕐᕋᒥ ᐱᑦᔪᑎᓕᐊᖑᓯᒪᔪᓂᒃ ᓴᐳᒻᒥᒍᑎᐅᓂᐊᕐᓗᑎᒃ ᐊᖏᕐᕋᓯᒪᓗᑎᒃ ᐱᖁᔭᓂᒃ ᓄᐃᑎᕆᒍᓐᓇᓂᕐᒧᑦ ᓄᐃᑕᓕᐅᒥᑎᑦᓯᒍᑕᐅᓚᖓᓗᑎᒃ ᑕᕐᕋᒥᐅᑦ ᓄᓇᓕᑐᙯᓪᓗ ᑲᕙᒪᒍᓯᖏᑎᒍᑦ ᓄᓇᕐᔪᐊᒥᐅᓄᑦ ᐃᓚᐅᓗᑎᒃ.

a. ᐊᓯᒋᐊᓪᓚᕆᒻᒥᔭᖏᑦ ᐃᓅᖃᑕᐅᒻᒥᔪᑦ ᑲᕙᒪᖏᑦ

ᑕᕐᕋᒥ ᐃᓄᓕᒫᓅᓕᖓᑦᓱᑎᒃ ᑲᕙᒣᑦ ᐃᓚᐅᕕᖃᓪᓚᕆᒃᑯᑦ ᐃᓂᓪᓚᓯᒪᐅᑎᓕᓂᐅᕐᓂᒧᑦ ᑲᓇᑕᐅᑉ ᑕᕐᕋᖓᓂ ᑲᕙᒪᒍᓯᐅᓂᐊᕐᑐᑦ ᐊᔪᐃᓐᓇᕈᑕᐅᓂᖏᑎᒍᑦ. ᑲᓇᑕ ᑐᓂᒪᒍᑎᙯᓐᓇᓚᖓᕗᖅ ᐃᓚᐅᑎᑦᓯᓂᕐᒧᑦ ᓄᓇᑖᕐᓯᒪᔪᑦ ᐱᖁᔭᑎᒍᑦ ᑲᕙᒪᖏᑦᑕ ᑭᒃᒐᑐᕐᑎᖏᓂᒃ ᑲᓇᑕᒥᐅᑦ ᑭᒃᒐᑐᕐᑕᐅᓂᖏᑎᒍᑦ ᑕᕐᕋᒥ ᑲᑎᖕᖓᔨᐅᒍᑎᓖᑦ ᑲᑎᖕᖓᓂᖃᓕᕐᐸᑕ.

b.   ᑕᕐᕋᒥ ᐊᒻᒪᓗ ᑕᕐᕋᒥᐅᑦ ᓄᓇᓕᑐᙯᑦ ᐊᖏᖃᑎᒌᒐᓱᐊᕈᓐᓇᓂᖓ

ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᔪᓄᑦ ᒪᓕᒐᖅ ᑐᓂᒪᒋᐊᑦᓯᐊᕈᑎᐅᒻᒪᑦ ᑭᒃᒐᑐᕐᑕᐅᓂᕐᓴᐅᓕᐅᒥᑎᑦᓯᒍᑕᐅᑦᓱᓂ ᐃᓚᐅᓂᕐᓴᐅᑎᑦᓯᓱᓂᓗ ᑕᕐᕋᒥ ᓄᓇᓕᑐᖃᕐᓂᒃ ᐃᓄᓐᓂᒃ ᑖᒃᑯᓄᖕᖓᓕᖓᔪᑦ ᐊᖏᖃᑎᒌᒐᓱᐊᕈᑕᐅᓕᕐᐸᑕ ᓄᓇᕐᔪᐊᒥᐅᓕᒫᓪᓗ ᑲᑎᖕᖓᓂᖃᓕᕐᐸᑕ, ᒪᑯᐊ ᑕᕐᕋᒥᒃ ᑲᑎᖕᖓᔨᐅᒍᑎᓖᑦ ᑲᑎᖕᖓᓂᖏᑦ ᐊᒻᒪᓗ ᐊᑕᐅᓯᐅᓕᖓᕕᖓᓂ ᐃᓅᖃᑎᒌᑦᔪᐊᑦ,ᐃᓚᐅᑎᓪᓗᒍ ᐊᑕᐅᓯᐅᓕᖓᕕᖓᓂ ᐃᓅᖃᑎᒌᑦᔪᐊᑦ ᑲᔪᓯᔪᒥᒃ ᑲᑎᖕᖓᓂᖃᕐᕕᖓᓂ ᐱᓪᓗᒋᑦ ᓄᓇᓕᑐᙯᑦ ᐱᑦᔪᑎᖏᑦ, ᐊᓯᓕᒫᑦᓯᐊᖏᓪᓗ ᑎᒥᐅᔪᑦ ᑕᕐᕋᒥ ᓄᓇᖃᕐᖄᓯᒪᔪᑦ ᐃᓱᒫᓘᑎᖏᑦ ᓱᕐᕃᓚᖓᒋᐊᖏᑦ ᑖᒃᑯᓂᖓ ᓄᓇᓕᑐᖃᕐᓂᒃ.  

ᑐᓴᕐᓯᒪᔪᒍᑦ ᑐᓴᑦᓯᐊᓗᑐᕐᓱᑕ ᑕᕐᕋᒥᐅᓂᑦ ᓄᓇᓕᑐᖃᕐᓂᑦ ᐱᓇᓱᖃᑎᑦᑎᓂᑦ ᑖᒃᑯᐊ ᕿᓂᕆᐊᖏᑦ ᐅᖓᑖᓄᑦ ᐱᖁᔨᒍᑎᓕᐅᑐᐃᓐᓇᓂᐅᑉ ᐊᑕᐅᓯᐅᓕᖓᒍᑎᒋᑦᓱᒍ ᓂᐱᖃᕈᑎᖃᕐᒪᑕ ᖃᐅᔨᑎᑦᓯᓂᕐᒧᑦ ᐊᓯᖏᑦ ᐱᒐᓗᐊᕐᒥᑎᓪᓗᒋᑦ.ᐃᒣᖔᕈᒪᔪᓪᓕ, ᓄᓇᓕᑐᙯᑦ ᐱᓇᓱᖃᑎᐅᔪᑦ ᐱᑕᖃᕆᐊᓖᑦ ᐊᑕᕐᖑᓯᕈᑎᖃᕐᓱᑎᓪᓗ ᑐᑭᖃᑦᓯᐊᓗᑎᒃ ᑲᔪᓯᓗᓂᓗ ᐃᓚᐅᓂᐅᒋᐊᓕᒻᒥᒃ ᑲᔪᓯᓗᑎᒃ ᐃᓚᐅᒍᒪᓂᕐᒧᑦ ᑖᒃᑯᓇᓂ ᓄᐃᑦᓯᓂᕐᒧᑦ ᑐᑭᑖᕈᑎᐅᒍᓐᓇᑐᓂᒃ ᓄᓇᕐᔪᐊᒥᐅᓕᒫᑦ ᑐᑭᑖᕋᓱᐊᓕᕐᐸᑕ ᓄᐃᑕᑎᑦᓯᔪᓂᒃ ᓱᓇᔨᐅᓂᖏᓐᓂᒃ ᐱᒍᓐᓇᐅᑎᓂᒃ ᐱᖃᕐᓂᒥᒍᑦ. ᑎᒍᒥᐊᖏᓐᓇᓂᐊᕐᑐᒍᑦ ᓱᓇᔨᐅᓂᖏᓐᓂᒃ ᑕᕐᕋᒥ ᓄᓇᓕᑐᙯᑦ ᐃᓄᐃᑦ ᑲᔪᓯᔪᒥᒃ ᐱᓇᓱᖃᑕᐅᓂᖏᑎᒍᑦ ᐱᓇᓱᐊᕐᑕᐅᓂᖓᓂ ᑕᒪᑦᓱᒪ ᓄᓇᓕᕐᔪᐊᒥᐅᑦ ᐱᓇᓱᖃᑎᒌᒎᓐᓇᓯᒍᑕᐅᒐᓱᐊᕐᓂᖓᓂᒃ ᑕᕐᕋᒥ ᓴᐳᒻᒥᓗᒋᓪᓗ ᐊᔪᐃᓐᓇᕈᑎᖏᑦ ᓯᕗᒧᒍᑎᒋᒐᓱᐊᕐᓱᒍ ᑕᒪᑦᓱᒥᖓ ᐱᔭᕆᔭᐅᒍᒪᔪᒥᒃ.  

ᑕᕐᕋᒥ ᐋᓴᐹᔅᑲᓐ ᑲᑎᖕᖓᔨᖏᑦ, ᑯᕗᐃᑦᓯᓐ ᐊᓪᓓᑦ ᑲᑎᖕᖓᔨᖏᑦ ᓄᓇᕐᔪᐊᓕᒫᒥ ᐊᒻᒪᓗ ᐃᓄᑐᐃᓐᓀᑦ ᐅᑭᐅᕐᑕᑐᕐᒥᐅᑦ ᑲᑎᖕᖓᔨᖏᑦ  ᒫᓐᓇᐅᑎᓪᓗᒍ  ᑲᑎᖕᖓᖃᑕᐅᓲᑦ ᑖᒃᑯᓄᖓ ᑕᕐᕋᒥ ᑲᑎᖕᖓᔨᓄᑦ ᑲᔪᓯᔪᒥᒃ ᐃᓚᐅᕕᖃᕐᓱᑎᒃ ᐃᓚᐅᒍᑎᖃᕐᓱᑎᒃ ᐃᓚᐅᒍᑎᖃᖃᑎᒋᑦᓱᒍ ᑲᓇᑕ.

2020ᒥᓂᑦ, ᑲᓇᑕᐅᑉ ᑲᕙᒪᖓ ᐅᓄᕐᓯᒋᐊᕆᓯᒪᔪᖅ ᑮᓇᐅᔭᖃᕐᑎᓯᒍᑎᒥᓂᒃ ᑖᒃᑯᓄᖓ ᐱᖓᓱᓄᑦ ᐱᓇᓱᖃᑕᐅᔪᓅᓕᖓᔪᓂᒃ ᑲᓇᑕᒥ, ᐱᒍᓐᓇᑎᑦᓱᒋᑦ ᐊᑐᓂ ᑎᑭᑦᑐᓂᒃ $650,000 ᓄᑦ ᐊᕐᕌᒍᑕᒫᑦ. ᑕᒪᓐᓇ ᓴᐳᒻᒥᒍᑎ ᓲᖕᖑᓯᒋᐊᕆᓯᒪᔪᖅ ᓄᓇᓕᑐᙯᑦ ᓂᐱᓕᔭᕈᑎᖏᓐᓂᒃ ᑕᒃᖔᓂ ᓄᓇᕐᔪᐊᒥᐅᓗᒫᑦ ᑕᕐᕋᒥᒃ ᐱᑦᔪᑎᓕᕆᓂᖓᓂ, ᐱᓗᐊᕐᑐᒥᒃ ᑕᕐᕋᒥᒃ ᑲᑎᖕᖓᔨᐅᒍᑎᓖᑦ ᑲᑎᖕᖓᓂᖓᓂ.

ᑲᓇᑕ  ᓴᐳᒻᒥᓚᖓᒻᒥᔪᖅ ᐊᑦᔨᐸᓱᖏᑎᒍᑦ ᐊᔪᐃᓐᓇᕈᑕᐅᔪᕐᑎᒍᑦ ᐊᓯᖏᑦᑕ ᑕᕐᕋᒥᐅᖑᒻᒥᔪᑦ ᓄᓇᓕᑐᙯᑦ ᐃᓄᐃᑦ ᐱᓕᐅᒥᑎᑦᓯᒍᑎᒋᓗᒍ ᑭᒃᒐᑐᕐᑕᐅᒍᑎᖏᓐᓂᒃ ᓈᒻᒪᓈᓕᕐᐸᑦ ᓄᓇᕐᔪᐊᒥᐅᖑᖃᑎᒌᑦ ᑲᑎᖕᖓᓂᖃᕐᑎᓗᒋᑦ ᓱᕐᖁᐃᑐᒥᒃ ᐱᒍᓐᓇᐅᑎᖏᑦ ᑖᒃᑯᐊ ᐱᑦᔪᑎᖏᓪ ᖃᐅᔨᒪᑎᑦᓯᒍᑕᐅᖁᓪᓗᒋᑦ ᑐᑭᑖᕋᓱᐊᕐᑐᖃᓕᕐᐸᑦ ᓄᓇᕐᔪᐊᒥᐅᓕᒫᑎᒍᑦ.  ᑲᓇᑕ ᐱᓇᓱᖃᑎᖃᕐᓂᐊᑐᖅ ᓄᓇᓕᑐᖃᕐᓂᒃ ᐱᓇᓱᖃᑎᒥᓂᒃ ᓇᓗᓀᕐᓯᖃᑎᒋᓗᒋᑦ ᐊᕐᖁᑎᐅᒍᓐᓇᑐᓂᒃ ᐱᕙᓪᓕᑎᑦᓯᓂᕐᒧᑦ ᐱᒍᓐᓇᓂᖏᓐᓂᒃ ᓱᓇᔨᐅᓂᖏᑎᒍᓪᓗ ᓄᓇᓕᑐᙯᑦ ᐃᓄᐃᑦ ᓄᓇᕐᔪᐊᒥᐅᓕᒫᑦ ᑕᕐᕋᒥᒃ ᐅᖄᒍᑎᖃᓕᕐᐸᑕ ᑲᕙᒪᓐᓂᒧᑦ.

ᑲᓇᑕ ᑲᔪᓯᔪᖅ ᓲᖑᔪᒥᒃ ᑐᓂᒪᓂᕐᒥᓂᒃ ᑕᒃᒍᖓ  ANPF’ᐱᑦᔪᑎᖏᓐᓄᑦ ᐱᑕᖃᕐᑎᓯᓂᕐᒧᑦ ᑕᕐᕋᒦᑦᑐᓂᒃ ᐅᕕᒃᑲᓂᒃ ᐃᓚᒋᐊᕐᑕᐅᓯᒪᐅᑎᖏᓐᓂᒃ ᐱᕕᑦᓴᐅᒍᓐᓇᑐᑦ ᐃᓚᐅᓂᕐᒧᑦ ᐅᑯᓇᓂ, ᐱᕙᓪᓕᖁᑎᑖᕐᕕᒋᓗᒋᓪᓗ, ᑲᓇᑕᐅᑉ ᓄᓇᕐᔪᐊᓕᒫᒨᓕᖓᑦᓱᑎᒃ ᑕᕐᕋᒨᓕᖓᔪᑦ ᑐᑭᒧᐊᒍᑎᖏᑦ. ᓇᓪᓕᖁᐊᕈᕐᑎᓯᓯᒪᓕᕐᑐᒍᑦ ᓴᐳᒻᒥᓂᑦᑎᓂᒃ ᐱᓪᓗᒍ ᑕᕐᕋᒥ (ᓄᓇᕐᔪᐊᒥᐅᑦ ᐃᓕᓐᓂᐊᕕᕐᔪᐊᖏᑦ ᐱᑐᑦᑐᓯᒪᑎᑦᓱᒋᑦ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕖᑦ, ᖃᐅᔨᓴᕐᕖᑦ ᐊᓯᖏᓪᓗ ᑎᒥᐅᒻᒥᔪᑦ ᐃᓱᒫᓘᑎᓖᑦ ᐃᓕᓐᓂᐊᓯᒪᒋᐊᖃᕐᓂᒥᒃ ᖃᐅᔨᓴᕐᓂᒥᒃ ᑕᕐᕋᒥ ᐊᕙᑎᖓᓂᓗ) ᐱᑕᖃᕐᑎᓯᓂᕐᒧᑦ ᐱᕕᑦᓴᐅᒍᓐᓇᑐᓂᒃ ᑲᓇᑕᒥᐅᑦ ᖃᐅᔨᓴᖁᓪᓗᒋᑦ ᐊᑦᔨᒌᖕᖏᑐᓂ ᐃᓂᓂ ᐅᑭᐅᕐᑕᑐᒥ ᑕᕐᕋᒥ, ᐃᖏᕐᕋᑎᑦᓯᓂᕐᒧᑦ ᓄᓇᑖᕐᓯᒪᔪᑦ ᐋᕐᕿᕈᑎᑦᓴᕆᓂᐊᕐᑕᖏᓐᓂᒃ ᐊᒻᒪᓗ ᓴᐳᒻᒥᒍᑎᒋᑦᓱᒍ ᓄᓇᓕᑐᙯᑦ ᐱᓇᓱᖃᑎᒌᓐᓂᕆᒋᐊᓕᖏᓐᓂᒃ ᐱᓪᓗᒋᒃ ᖃᐅᔨᓴᕐᓂᖅ ᐃᓕᓐᓂᐊᓯᒪᒋᐊᖃᕐᓂᓗ.

iii. ᑕᕐᕋᒥ ᐊᒻᒪᓗ ᓄᓇᓕᑐᙯᑦ ᑭᒃᒐᑐᕐᑕᐅᓂᕆᒋᐊᓕᖓ ᑕᒃᒐᓂ ᓄᓇᕐᔪᐊᒥᐅᑦ ᐱᓂᐊᕐᓂᓕᕆᔭᐅᒍᑎᖏᓐᓂᒃ ᑲᓇᑕᒥ

ᓄᓇᓕᑐᙯᑦ ᑕᕐᕋᒥᐅᒍᕗᑦ ᑭᒃᒐᑐᕐᑕᐅᓯᐊᕋᑎᒃ ᓄᓇᕐᔪᐊᒥᐅᑦ ᐱᓂᐊᕐᓂᓕᕆᔭᐅᒍᑎᖏᑎᒍᑦ ᑲᓇᑕᒥ, ᐊᒻᒪᓗ ᑲᔪᓯᓂᐊᕐᓗᑎᒃ ᐊᔪᐃᓐᓇᕈᑏᑦ ᐱᑕᖃᕆᐊᖃᕐᓱᑎᒃ ᐱᓕᐅᒥᖁᓪᓗᒍ ᐱᒐᓱᐊᕐᑐᓴᕐᓯᐅᓂᖅ ᐊᑌᓐᓇᑎᑦᓯᒐᓱᐊᕐᓂᓗ ᓄᕐᖃᑲᑦᑕᑐᐃᓐᓇᕈᓐᓀᓗᑎᒃ.

ᐊᑕᐅᑦᓯᑰᖃᑕᐅᓗᓂ ᓯᕗᓂᕐᒥ ᐊᖏᖃᑎᒌᒐᓱᐊᕐᓂᐅᖃᑦᑕᕆᐊᓕᓐᓄᑦ, ᐱᑦᔪᔨᕕᒃ ᓄᐃᑦᓯᕙᓪᓕᐊᕗᖅ ᓯᓚᑎᒥᓂᑦ ᐱᓯᒪᔪᓂᒃ ᐃᓂᓪᓚᓯᒪᐅᑎᐅᒐᔭᕐᑐᓂᒃ ᓄᐃᑕᐅᓛᕐᑐᓂᒃ 2025ᖑᓕᕐᐸᑦ.Iᐃᓂᓪᓚᓯᒪᐅᑎᓕᐊᖅ ᓴᐳᒻᒥᕈᑎᐅᓛᕐᓱᓂ ᖃᐅᔨᒋᐊᕐᕕᖃᕐᓂᒥᒃ ᑲᓇᑕᓕᒫᒥ ᓇᓗᓀᕐᓯᓂᐅᓗᓂ ᑲᓇᑕᒥᐅᓂᒃ ᐱᒍᓐᓇᓂᐅᒋᐊᓖᑦ ᑭᖕᖒᒪᓇᕐᓂᖏᑎᒍᑦ ᐊᑑᑎᒍᓐᓇᕈᑎᐅᓂᐊᕐᓗᑎᒃ ᐊᑦᔨᒌᖕᖏᑐᑎᒍᑦ ᑎᓕᔭᐅᒪᐅᑎᓂᒃ ᐃᓚᖃᕐᓂᐊᒥᑦᓱᓂ ᓱᓇᐅᓂᓪᓗᑯᖏᑎᒍᑦ ᖃᐅᔨᒋᐊᕐᕕᖃᕐᓂᒥᒃ ᑭᒃᒐᑐᕐᑕᐅᓯᐊᖕᖏᑐᓄᑦ ᓄᓇᓕᓐᓄᑦ, ᐃᓚᐅᑎᓪᓗᒋᑦ ᓄᓇᓕᑐᙯᑦ ᐃᓄᐃᑦ ᑕᕐᕋᒥᐅᖑᖃᑕᐅᒻᒥᔪᓪᓗ ᓄᓇᓕᑐᖃᐅᒐᑎᒃ.

2. ᓯᕗᒧᑦᑎᓯᒍᑎᒋᓗᒍ ᓄᓇᓕᑐᙯᑦ ᐊᒻᒪᓗ ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᑦᓱᓂ ᒪᓕᒐᕐᑎᒍᑦ ᓯᕗᓪᓕᐅᔭᐅᒍᒪᔪᓂᒃ

ᐊᖏᓕᒋᐊᕆᒍᑎᒋᓗᒍ ᑲᓇᑕᐅᑉ ᐃᓚᐅᓂᖓᓂᒃ ᓄᓇᕐᔪᐊᒥᐅᓄᑦ ᐃᑲᔪᕐᓯᒪᓂᕐᓴᐅᑎᑦᓯᓂᕐᒧᑦ ᓄᓇᑦᑎᓂ ᐱᑦᔪᑕᐅᔪᓂᒃ, ᒪᑯᑎᒎᓇ ᐃᓄᐃᑦ ᐱᓇᓱᒐᖃᕆᐊᖃᕐᓂᖏᑎᒍᑦ ᑲᓱᖕᖏᒍᑕᐅᓯᒪᔪᕐᑎᒍᑦ, ᓴᐳᒻᒥᓂᕐᒧᑦ ᐱᐅᒃᑯᑎᒻᒪᕇᑦ ᐱᕙᓪᓕᐊᔭᐅᒋᐊᖃᕐᓂᖏᓐᓂᒃ, ᐱᓕᐅᒥᑎᓗᒍ ᖃᐅᔨᒪᔭᐅᒍᓯᖓ ᑕᕐᕋᐅᑉ, ᓴᐳᒻᒥᓂᕐᒧᑦ ᑕᕐᕋᐅᑉ ᐊᕙᑎᖓᓂᒃ ᐊᒻᒪᓗ ᓯᕗᒧᑦᑎᓯᒋᐊᕈᑎᒋᓗᒍ ᐱᑐᖃᑎᖃᕐᓯᒪᒋᐊᖃᕐᓂᒥᒃ ᐱᑐᖃᑎᒋᓯᒪᓗᒋᑦ ᓄᓇᓕᑐᙯᑦ ᐃᓄᐃᑦ, ᓱᓕ ᓯᕗᓪᓕᐅᔭᑦᓴᐅᖃᑕᐅᖏᓐᓇᑐᖅ. ᐱᒍᓐᓇᓯᒍᑎᐅᒍᓐᓇᑐᑦ ᑕᒪᒃᑯᓂᖓ ᐱᑦᔪᑎᐅᔪᓂᒃ ᑕᐅᓇᓂᒋᐊᖅ ᐅᖃᕐᑕᐅᒪᔪᓄᑦ ᐃᓚᒋᔭᐅᔪᑦ.

i. ᓄᓇᓕᕐᔪᐊᖁᑎᓖᑦ ᓄᓇᖁᑎᖓᑕ ᑎᑦᑕᖓᒍᑦ ᐊᐅᓚᓂᖅ

ᐊᓪᓓᑦ, ᐃᓄᑐᐃᓐᓀᑦ, ᐊᓪᓚᖓᔪᐃᓪᓗ ᓄᓇᓕᖏᑦ ᑲᓇᑕᐅᑉ ᑕᕐᕋᖓᓂ ᐊᑯᓂᐊᓗᒃ ᐊᒥᕐᖄᕈᑎᖃᕐᓯᒪᓕᕐᖁᑦ ᐊᓂᕐᓂᑰᕐᓂᒥᒃ, ᐱᕐᖁᓯᕐᑎᒍᑦ, ᐱᓂᐊᕐᓂᓕᕆᓂᕐᑎᒍᑦ, ᑮᓇᐅᔭᓕᐅᕋᓱᐊᕈᓐᓇᐅᑎᑎᒍᑦ, ᐃᓄᐃᑦ ᐃᓚᒌᓪᓗ ᐱᑐᑦᓯᒪᐅᑎᓂᖏᑦ ᐱᑐᑦᓯᒪᖃᑎᒋᑦᓱᒋᑦ ᓄᓇᓕᑐᙯᑦ ᓄᓇᓕᖏᑦ ᐊᒥᕆᑲᒥ, ᑲᓛᓪᓖᓗ ᓄᓈᓐᓂ. ᖃᐅᔨᑎᑦᓯᒍᑕᐅᓯᒪᓂᖓ ᖃᐅᔨᔭᐅᑎᑕᐅᓂᖓ ᐅᓪᓗᒥᐅᓕᕐᑐᖅ ᓄᓇᕐᔪᐊᒥᐅᑦ ᓄᓇᖁᑎᒥᑦᑕ ᑎᑦᑕᖏᑎᒍᑦ ᐊᐅᓚᓂᖅ ᐊᒻᒪᓗ ᑕᒪᑦᓱᒧᖓ ᐱᑐᑦᓯᒪᑦᓱᑎᒃ ᐊᐅᓚᑦᓯᒍᓰᑦ ᑖᒃᑯᓇᓂ ᓄᓇᓕᕐᔪᐊᑦ ᓄᓇᖁᑎᖏᑦᑕ ᑎᑦᑕᖏᑎᒍᑦ ᐊᐅᓚᓂᕐᓄᑦ ᐱᐅᑦᓯᐊᖏᑦᑐᑯᑦ ᓱᕐᕃᓯᒪᓂᖃᕐᒪᑕ ᓄᓇᓕᑐᙯᑦ ᐃᓄᐃᑦ ᐱᒍᓐᓇᓂᖏᓐᓂᒃ ᐱᑕᙯᓂᓇᑎᑦᓯᓂᕐᒧᑦ ᖃᐅᔨᒪᓇᕐᑐᓂᒃ, ᑮᓇᐅᔭᓕᐅᕋᓱᐊᕐᓂᑎᒍᑦ ᐱᕐᖁᓯᒥᑎᒍᓪᓗ ᐱᑐᑦᓯᒪᐅᑎᓂᕐᒥᒍᑦ ᐊᒻᒪᓗ ᐱᐅᓯᕐᒥᑎᒍᑦ ᓱᒐᓱᐊᕐᓂᖏᑎᒍᑦ.

ii. ᑮᓇᐅᔭᓕᐅᕋᓱᐊᕐᕕᒧᑦ ᐃᓚᐅᒍᓐᓇᓂᖅ

ᓄᓇᓕᑐᙯᑦ ᐃᓄᐃᑦ ᐊᑑᑎᒻᒥᔪᑦ ᓇᓗᓀᕐᑕᐅᖃᔭᖕᖏᑑᑦᓱᓂ ᐱᑦᔪᑎᖓ ᐱᒍᓐᓇᖏᑦᑑᒍᑎᒥᒃ ᑕᐅᕐᓰᓂᕐᒧᑦ-ᐱᕐᖃᔭᖕᖏᑎᑦᓯᒍᑏᑦ ᐱᕐᖃᔭᖕᖏᑑᑎᑦᓯᒥᑦᓱᑎᒃ ᓄᓇᕐᔪᐊᒥᐅᓄᑦ ᑮᓇᐅᔭᓕᐅᕋᓱᐊᕐᕕᒥ ᐃᓚᐅᓂᕐᒧᑦ ᓄᓇᓕᑐᙯᑦ ᓂᕿᑦᓴᐅᑎᓪᓗᒋᑦ ᐊᒻᒪᓗ ᓴᓇᓯᒪᔭᖏᑎᒍᑦ ᓂᐅᕕᐊᑦᓴᐅᒍᓐᓇᑐᓂᒃ, ᐅᑦᑑᑎᒋᓗᒍ ᕿᓯᒃ ᐊᒻᒪᓗ ᑑᒑᔦᑦ.

ᐱᐅᓯᕐᒥᓂᒃ ᐊᑐᕐᓱᑎᒃ ᓂᕿᑦᓴᓯᐅᓂᖅ ᓇᑦᓯᒥᒃ ᐊᓯᖏᓐᓂᓗ ᐆᒪᔪᓂᒃ ᐊᑑᑎᔭᖏᑦ ᐃᓄᑐᐃᓐᓀᑦ ᐊᓯᖏᑦᑕᓗ ᓄᓇᓕᑐᖃᐅᒻᒥᔪᑦ ᑕᑲᓇᑕᒥᐅᑦ ᑌᒣᑎᒍᑦ ᐱᑕᙯᓐᓇᕈᓐᓇᓱᓂ ᐃᒃᓕᓇᕐᑑᓱᓂᓗ ᐃᑲᔪᕐᓯᒪᑦᓱᓂ ᑕᕐᕋᒥᐅᓂᒃ ᑕᕐᕋᒦᑦᑐᓂᓪᓗ ᓄᓇᓕᓐᓂᒃ.ᑕᐅᕐᓰᓂᕐᒧᑦ ᐱᕐᖃᔭᖕᖏᑎᑦᓯᒍᑏᑦ ᐱᒍᓐᓇᓯᑎᑦᓯᔨᐅᒋᐊᓕᐅᒐᓗᐊᑦ ᑌᒣᑦᑎᓯᑎᓪᓗᒋᑦ, ᐅᑦᑑᑎᒋᓗᒍ ᐊᒥᕆᑲ, ᑕᕆᐅᑉ ᐊᑭᐊᓂᒥᐅᑦ ᐊᑕᐅᓯᐅᓕᖓᕕᖓ ᐊᓯᖏᓪᓗ ᓄᓇᓕᕐᔪᐊᑦ, ᐊᖏᔪᒥᒃ ᓱᒃᑯᐃᓯᒪᒻᒪᑕ ᓱᕐᕃᓯᒪᒍᑎᐅᑦᓱᑎᒃ ᐃᓅᓯᖏᓐᓂᒃ ᑲᓇᑕᒥ ᑕᕐᕋᒥᐅᑦ ᑕᕐᕋᒦᑦᑐᓂᓪᓗ ᐊᖏᕐᕋᓕᓐᓂᒃ.  

ᐊᐅᒃᒍᓯ 2024ᖑᑎᓪᓗᒍ, ᑲᓇᑕ ᒪᓂᔨᓚᐅᔪᒻᒪᑦ ᑭᐅᑦᔪᑎᒥᓂᒃ ᑕᕆᐅᑉ ᐊᑭᐊᓂ ᑲᑎᖕᖓᔩᑦ ᕿᒥᕐᕈᖁᑦᓱᒋᑦ ᐱᖁᔭᖁᑎᒥᓂᒃ ᐱᓪᓗᒍ ᑕᐅᕐᓰᑲᑦᑕᓂᖅ ᓇᑦᓯᔭᕕᓂᕐᓂᒃ.ᑲᓇᑕ ᑐᑦᓯᕋᕐᓱᓂ ᑖᒃᑯᐊ ᑕᕆᐅᑉ ᐊᑭᐊᓂᒥᐅᑦ ᑲᑎᖕᖓᔩᑦ ᐃᓱᒪᒋᐊᑦᓯᐊᕈᑎᖃᖁᑦᓱᒋᑦ ᒪᓕᒐᖁᑎᒥᓂᒃ ᑕᐅᕐᓯᓗᒋᓪᓗ ᒪᓕᑦᑕᐅᔪᑦᓴᓄᑦ ᐱᒍᓐᓇᑎᑦᓯᓂᐊᕐᓗᑎᒃ  ᓈᒻᒪᓈᑦᓯᐊᓗᑎᒃ ᐱᑕᙯᓐᓇᑎᑦᓯᒍᓐᓇᓗᑎᓪᓗ ᐆᒪᔪᕐᑕᐅᓯᒪᔪᑦ ᐱᑦᓴᖑᕐᑕᐅᓯᒪᓂᖏᑎᒍᑦ.

iii. ᓄᓇᓕᑐᙯᑦ ᖃᐅᔨᒪᐅᓯᖏᑦ ᐃᓚᐅᓂᖏᓪᓗ

ᑲᓇᑕ ᓴᐳᒻᒥᕗᖅ ᓄᓇᓕᑐᙯᑦ ᑭᒃᒐᑐᕐᑕᐅᓂᖓᓂᒃ ᐹᕐᓯᖓᓂᐅᔪᒥᒃ ᑲᔪᓯᑐᐃᓐᓇᕈᑕᐅᑦᓱᓂ ᖃᓪᓗᓈᖕᖑᑎᑦᓯᒐᓱᐊᕐᓂᒧᑦ ᐱᓂᐊᕐᓂᐅᔪᖅ ᑖᒃᑯᓄᖓ ᑕᕐᕋᒥ ᓱᑯᐃᔦᓂᕐᑎᒍᑦ ᖃᐅᔨᓴᕐᓂᑯᓪᓗ, ᑕᒪᓐᓇ ᓄᓇᓕᑐᙯᑦ ᖃᐅᔨᒪᐅᓯᖏᓐᓂᒃ ᒥᑭᓪᓕᑎᕆᑦᓱᓂ ᓱᓇᐅᖕᖏᑑᑎᑦᓯᓂᐅᑦᓱᓂᓗ ᓄᓇᓕᑐᙯᑦ ᖃᐅᔨᒪᐅᓯᖏᓐᓂᒃ ᐃᓚᐅᓂᖏᓐᓂᓗ.

iv. ᓄᓇᓕᑐᙯᑦ ᐅᖃᐅᓯᖏᑦ

ᓄᓇᓕᑐᙯᑦ ᐅᖃᐅᓯᖏᑦ ᒪᑯᐊ ᐃᓄᑦᑎᑐᑦ ^{Footnote 8} ᐱᑕᖃᕆᐊᖃᓪᓚᕆᑦᑐᑦ ᐱᑕᙯᓐᓇᑎᓯᒍᑎᐅᓗᑎᒃ ᓄᓇᓕᑐᙯᑦ ᐱᕐᖁᓯᖏᓐᓂᒃ ᖃᓄᐃᖕᖏᓯᐊᕆᐊᖃᕐᓂᖏᓐᓂᓗ ᓄᓇᓕᑐᙯᑦ ᓄᓇᕷᖏᓐᓂ ᐊᖏᕐᕋᕆᑦᓱᒋᑦ. ᑲᓇᑕᐅᑉ ᑲᕙᒪᖓ ᑌᒣᒻᒪᑦ ᐱᓕᐅᒥᑎᑦᓯᓚᖓᔪᖅ ᐊᔪᐃᓐᓇᓂᕐᒥᓂᒃ ᐱᓇᓱᖃᑎᖃᕐᓂᐅᒋᐊᓕᒻᒥᒃ ᐱᓇᓱᖃᑎᒋᓗᒋᑦ ᓄᓇᓕᑐᙯᑦ ᐃᓄᖁᑎᓂ ᐱᔭᕆᐊᑭᓐᓂᓴᒥᒃ ᖃᐅᔨᑎᑦᓯᖃᑦᑕᐅᑎᒍᓐᓇᓯᖁᓪᓗᒋᑦ ᖃᐅᔨᒪᐅᓯᕐᒥᓂᒃ ᐊᒻᒪᓗ ᐱᐅᓂᕐᐸᐅᓗᓂ ᐊᑐᕐᑕᐅᒍᓐᓇᑐᒥᒃ ᕿᒥᕐᕈᔭᐅᒍᑎᖓᒍᑦ ᓄᓇᓕᑐᙯᑦ ᐅᖃᐅᓯᖓᑦᑕ, ᐃᑉᐱᒋᒐᓱᐊᕐᓗᒍᓗ ᓄᐃᑎᒋᐊᓪᓚᓗᒍᓗ.

v. ᓴᐳᒻᒥᓂᖅ ᑕᕐᕋᒥᐅᓂᒃ ᓄᓇᓕᑐᖃᕐᓂᓗ ᑕᐅᕐᓰᑲᑦᑕᓂᒃᑯᑦ ᓂᐅᕕᐊᑦᓴᓕᐅᕈᓐᓇᓂᒃᑯᓗ.

ᐊᑕᐅᑦᓯᑰᖃᑕᐅᑦᓱᓂ ᑲᓇᑕᐅᑉ ᑲᕙᒪᖓᑕ ᐃᓚᐅᑎᑦᓯᓂᕐᒧᑦ ᐱᒐᓱᐊᕐᑕᖏᓐᓄᑦ ᑕᐅᕐᓰᑲᑦᑕᓂᖅ ᓂᐅᕕᐊᑦᓴᖃᕈᓐᓇᓂᕐᓗ ᐱᓪᓗᒋᒃ ᐃᓂᓪᓚᓯᒪᐅᑎᓕᐊᕆᓯᒪᔭᖓᓂᒃ, ᑐᓂᒪᕕᖃᕐᑐᒍᑦ ᓴᐳᒻᒥᓂᐊᕐᓱᑕ ᑕᕐᕋᒥᐅᑦ ᓄᓇᓕᑐᙯᑦ ᓂᐅᕕᐊᑦᓴᕆᒍᓐᓇᑕᖏᓐᓂᒃ ᓄᓇᕐᔪᐊᒥᐅᓕᒫᑦ ᑮᓇᐅᔭᓕᐅᕋᓱᐊᕐᕕᖓᒍᑦ.

ᑕᐅᕐᓯᑲᑦᑕᓂᕐᒧᑦ ᑭᒃᒐᑐᕐᑎᐅᑉ ᐱᑦᔪᔨᒍᑎᖓ(TCS) ᐃᓕᑕᕆᔭᖃᕐᖁᖅ ᐱᕙᓪᓕᐊᑎᑦᓯᓂᕐᒥᒃ ᓲᖑᔫᑦᓱᓂ ᐱᓇᓱᖃᑎᒌᓐᓂᒥᒃ ᐱᓇᓱᖃᑎᒋᑦᓱᒋᑦ ᑕᕐᕋᒥᐅᑦ ᓄᓇᓕᑐᙯᓪᓗ ᐱᓇᓱᖃᑎᒋᓲᕗᑦ ᐱᒍᓐᓇᕈᑎᐅᓚᖓᕗᖅ ᑕᒪᑦᓱᒥᖓ ᐱᔭᕆᔭᐅᒐᓱᐊᕐᑐᒥᒃ.ᑕᐅᑦᓰᑲᑦᑕᓂᕐᒧᑦ ᑭᒃᒐᑐᕐᑏᑦ ᑐᓂᒪᓂᖏᑎᒍᑦ, ᐃᓂᖃᕐᓱᑎᒃ ᑲᓇᑕᐅᑉ ᓄᓇᖁᑎᖏᑦᑕ ᐃᓚᖏᓐᓂ ᐱᑦᔪᑎᓖᑦ ᑕᒪᑦᓱᒥᖓ ᒪᑯᐊ,  ᐳᕆᑎᔅ ᑲᓚᒻᐱᐊᒥᒃ, ᔫᑳᓐᒥᓪᓗ; ᐋᓪᐴᑕ, ᓄᓇᑦᓯᐊᓗ; ᑯᐯᒃ, ᓄᓇᕗᓪᓗ, ᒫᓂᑑᐸ, ᓴᔅᑳᑦᓱᕗᐊᓐ, ᐃᓚᐅᑎᓪᓗᒍ ᐊᑦᓛᓐᑎᒃ ᑲᓇᑕ,  ᐱᓇᓱᖃᑎᙯᓐᓇᓲᖑᕗᑦ ᑲᓇᑕᒥ ᑮᓇᐅᔭᓕᐅᕋᓱᐊᕐᕈᑎᓕᓐᓂᒃ ᑕᕐᕋᒥ ᑕᕐᕋᒦᑦᑐᓂᓪᓗ ᓄᓇᓕᓐᓂᒃ ᓴᐳᒻᒥᓱᒋᑦ ᓄᓇᕐᔪᐊᓕᒫᒥ ᖃᐅᔨᔭᐅᕙᓪᓕᐊᓂᖏᑎᒍᑦ. ᑕᐅᕐᓰᑲᑦᑕᓂᕐᒧᑦ ᑭᒃᒐᑐᕐᑎᐅᑉ ᐱᑦᔪᔨᒍᑎᖏᒍᑦ ᐱᑐᑦᓯᒪᐅᑎᔪᑦ ᓱᓕ ᑲᔪᓯᑦᓱᑎᒃ ᓴᐳᒻᒥᒋᕗᑦ ᐱᕙᓪᓕᐊᑎᑦᓯᓂᕐᒧᑦ ᓄᐃᑕᐅᖃᑦᑕᑐᓂᒃ ᐱᖕᖑᑎᑕᐅᑦᓱᑎᒃ  ᐃᖏᕐᕋᑎᑕᐅᒍᑎᖏᓐᓂᒃ ᐱᑦᔪᑎᓕᓐᓂᒃ ᑕᕐᕋᒥᐅᓂᒃ ᓄᓇᓕᑐᙯᓪᓗ ᓂᐅᕕᐊᑦᓴᓕᐊᕆᖃᑦᑕᑕᖏᓐᓂᒃ, ᐃᓚᐅᑎᓪᓗᒍ ᐊᕐᖁᑎᒋᑦᓱᒍ ᑮᓇᐅᔭᓕᐅᕋᓱᐊᕈᓐᓇᓂᐅᑉ ᑭᒃᒐᑐᕐᑕᐅᒍᑎᖏᑎᒍᑦ ᓂᐅᕕᐊᑦᓴᖃᕈᓐᓇᓂᐅᓪᓗ ᐱᔭᕆᐅᕐᓴᔭᐅᑎᑕᐅᒍᑎᖏᑎᒍᑦ ᑫᒥᑕᐅᒍᑎᖏᑎᒍᑦ ᐃᖏᕐᕋᑎᑕᐅᔪᑦ, ᐊᓯᖏᑦ ᐱᒐᓗᐊᕐᒥᑎᓪᓗᒋᑦ ᐱᐅᓯᐅᒻᒥᔪᑦ.

ᐱᒍᒥᓇᕐᓯᑎᑦᓯᓂᖅ ᑲᓇᑕᒥᐅᖑᖕᖏᑐᑦ ᑐᕃᓐᓇᑐᒥᒃ ᐱᑦᓴᓕᐅᕐᓂᖓᑎᑐᑦ(FDI) ᑕᕐᕋᒦᑦᑐᓄᑦ ᓄᓇᓕᑐᙯᓪᓗ ᓄᓇᓕᖏᓐᓄᑦ ᐊᑑᑎᖃᓪᓚᕆᓚᖓᒋᕗᖅ ᑮᓇᐅᔭᓕᐅᕋᓱᐊᕐᓂᒧᑦ ᐱᐅᒃᑯᑎᒻᒪᕆᖃᕐᓂᒧᓪᓗ ᐱᕙᓪᓕᐊᑎᑕᐅᔪᓄᑦ ᑕᒫᓂ ᓄᓇᒋᔭᐅᔪᒥ.ᐊᕐᖁᑎᒋᓗᒍ ᐱᕙᓪᓕᐊᑐᐃᓐᓇᓱᑕ ᐃᓚᐅᕙᓪᓕᐊᓂᕗᑦ ᑕᕐᕋᒥᐅᓄᑦ ᓄᓇᓕᑐᖃᕐᓄᓗ ᑕᒃᒎᓇ ᑲᓇᑕᒥ ᓂᐅᕕᐊᑦᓴᓕᐅᕈᓐᓇᓂᕐᒧᑦ ᓄᓇᓕᓐᓂ ᐱᕙᓪᓕᐊᑎᑦᓯᓂᕐᒧᑦ ᐃᖏᕐᕋᑎᑕᐅᔪᑎᒍᑦ, ᑲᔪᓯᓚᖓᔪᒍᑦ ᓴᐳᒻᒥᓂᕆᓲᑦᑎᓂᒃ ᓄᓇᓕᓐᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᕈᓐᓇᓂᐅᑉ ᐱᕙᓪᓕᐊᔭᐅᒍᑎᖏᑎᒍᑦ ᑎᒥᐅᔪᓂᒃ ᐱᒐᓱᐊᕈᑎᒋᓗᒍ ᐱᔭᕆᐅᕐᓴᑎᑦᓯᒍᑎᒋᓗᒍᓗ  FDI ᑕᕐᕋᒥ ᓱᕐᖁᐃᑐᒥᓪᓗ ᑲᓇᑕᐅᑉ ᐊᕙᑎᒨᓕᖓᔪᓂᒃ ᑲᓇᑕᓕᒫᒥᓪᓗ ᐊᑦᑕᓇᕐᑐᒦᑦᑌᓕᒋᐊᖃᕐᓂᒧᑦ ᐱᖑᒪᓯᒪᔭᖏᑦ ᓴᐳᑦᔭᐅᓯᒪᓗᑎᒃ.

3. ᓴᖑᑎᑦᓯᓂᖅᓄᓇᕐᔪᐊᒥᐅᓄᑦᐱᓂᐊᕐᓂᖃᖃᑕᐅᓂᖓᓂᒃᑲᓇᑕᐅᑉᐊᖏᕐᕋᓯᒪᑦᓱᑎᒃᐃᓚᐅᓂᕐᒧᑦᐱᕙᓪᓕᐊᑎᑕᐅᔪᓄᑦ

ᑐᓂᒪᒍᑎᖃᕐᖁᒍᑦ ᐱᒐᓱᐊᕐᐸᓕᐊᔭᐅᓂᖓᓂᒃ ᑲᔪᓯᔪᒥᒃ ᐱᓇᓱᖃᑎᒌᒌᐊᖃᕐᓂᖅ ᐱᓪᓗᒍ ᑲᔪᓯᒋᐊᕈᑕᐅᓯᒪᔪᒥᒃ ᐊᖏᕐᕋᓯᒪᓗᓂ ᐃᓚᐅᓂᕐᒥᒃ ᖃᐅᔨᒪᑦᓴᐅᑎᒋᓗᓂ ᖃᐅᔨᒪᑎᑕᐅᓗᓂ, ᐱᒋᐊᑲᐱᓪᓗᓂ, ᐱᑕᙯᓐᓇᕈᓐᓇᓗᓂ ᑐᑭᖃᑦᓯᐊᓗᓂᓗ ᐃᓚᐅᓂᖅ ᐃᓚᐅᕕᒋᓗᒋᑦ ᐱᖁᔭᑎᒍᑦ ᓄᓇᑖᕐᓯᒪᔪᑦ ᑲᓇᑕᐅᓪᓗ ᐊᕕᑦᑐᑕᐅᓯᒪᓂᖓᓂ ᓄᓇᖁᑎᓖᑦ ᑲᕙᒪᖏᑦ, ᑕᕐᕋᒥ ᓄᓇᓕᑐᙯᓪᓗ ᑲᕙᒪᖏᑦ ᑎᒥᐅᔪᓪᓗ ᑕᕐᕋᒥᐅᓪᓗ ᐃᓘᓐᓀᑎᒎᕐᓂᓴᐅᓗᓂ.

ᐱᔭᕇᕈᑎᒋᓗᒍ

ᑕᕐᕋᖅ ᓄᓇᐅᕗᖅ ᐱᐅᔪᐊᓗᓐᓂᒃ ᐱᕕᑦᓴᑖᕐᕕᐅᒍᓐᓇᓱᓂ ᓇᑯᕐᒪᑕ ᐱᑕᖃᑦᓯᐊᓂᖏᑦ ᐱᑦᓴᑖᖑᒍᓐᓇᑐᑦ ᐊᒻᒪᓗ ᓴᐱᓕᔪᐃᑦᑐᓂᒃ ᐃᓄᑦᑕᖃᕐᓱᓂ.

ᑌᒣᒐᓗᐊᕐᑎᓗᒍ, ᕉᓯᐊᒥᐅᑦ ᐅᓇᑕᕐᓂᖓ ᔪᑯᕇᓂᐊᓐᒥᐅᓂᒃ ᐱᖁᔭᒥᒃ ᒪᓕᖕᖏᑑᑦᓱᑎᒃ, ᓱᑲᓯᑎᑦᓯᓯᒪᔪᐸᐅᔮᓘᓕᕐᖁᑦ ᓯᓚᐅᑉ ᐊᓯᑦᔨᓂᖓᓂᒃ ᐊᒻᒪᓗ ᑐᓱᒋᔭᐅᓕᕐᐸᓕᐊᑎᑦᓯᑐᐃᓐᓇᓕᕐᓱᓂ ᑕᕐᕋᒥᒃ ᑖᒃᑯᓄᖓ ᑕᕐᕋᒥ ᓄᓇᖁᑎᖃᖕᖏᑐᓄᑦ ᑐᕌᕐᑎᓯᓕᕐᓱᓂᓗ ᐱᓕᐅᑎᓂᕐᓄᑦ ᓄᓇᕐᔪᐊᒥᓗ ᑲᕙᒪᒍᓯᕐᑎᒍᑦ ᐊᑦᓱᕈᕐᓇᓯᑎᑦᓯᓯᒪᓕᕐᓱᓂ ᑕᒃᒐᓂ ᓄᓇᒥ.

ᓱᕐᖁᐃᑐᒥᒃ ᑕᕐᕋᖅ ᑌᒣᓕᖓᑦᓭᓇᑦᓯᐊᓂᐊᑐᐊᕐᐸᑦ, ᐱᑕᖃᑦᓯᐊᑑᓗᓂ ᐊᑦᑕᓇᕐᑐᒦᖕᖏᑑᓗᓂᓗ ᐊᒻᒪᓗ ᐃᓘᓐᓈᒍ ᐊᑐᓯᑎᑦᓯᓗᓂ ᐱᑦᔪᑎᓂᒃ ᓄᐃᑕᐅᓯᒪᔪᓂᒃ ᓄᓇᕐᔪᐊᒥᐅᑦ ᐊᒃᓚᑕᐅᒪᒍᑎᒋᓐᓂ ᑕᒃᒐᓂ ANPF,ᑲᓇᑕ ᑭᖕᖒᒪᑦᓯᔪᖅ ᑲᕙᒪᓐᓂᑯᑦ ᐃᓂᓪᓚᓯᒪᐅᑎᐅᒐᔭᕐᑐᒥᒃ ᐊᑑᑎᒍᓐᓇᕈᑎᐅᓂᐊᕐᓗᓂ ᐱᕙᓪᓕᐊᑐᐃᓐᓇᑐᓂᒃ ᓄᓇᕐᔪᐊᒥᐅᑦ ᑲᕙᒪᓐᓂᖏᑎᒍᑦ ᓄᐃᑎᓯᒪᓕᕐᑕᖏᓐᓂᒃ.

ᑲᓇᑕᐅᑉ ᓯᓚᑖᓄᓕᖓᔪᖅ ᒪᓕᒐᖅ ᑲᓇᑕᒥ ᑲᐅᑎᑎᑦᓯᒋᐊᑦᓯᐊᕈᑎᐅᕗᖅ ᑲᓇᑕᐅᑉ ᓵᑦᓯᒋᐊᕈᑎᒋᓯᒪᔭᖓᓂᒃ ᑐᖕᖓᕕᖃᕐᓱᓂ ᑕᕐᕋᒥᒃ ᑕᑯᓐᓇᓯᐊᕐᓗᒋᑦ ᕿᒥᕐᕈᓂᐅᔪᑦ ᑯᑦᓴᓇᕐᑐᓂᒃ ᐊᑑᑎᓕᕐᑕᖏᓐᓂᒃ ᑲᓇᑕᐅᑉ ᐅᓪᓗᒥ,ᐊᒻᒪᓗ ᑕᒪᒃᑯᐊ ᐱᒐᓱᐊᕈᒪᔭᖏᑦ ᓯᕗᓂᕐᒥ. ᐊᑕᐅᑦᓯᑰᖃᑕᐅᔪᖅ ᑲᓇᑕᐅᑉ ᓯᓚᑖᓄᑦ ᐃᑖᒐᐅᑦᑌᓕᓂᕐᒧᓗ ᒪᓕᒐᖏᓐᓄᑦ ᓱᕐᖁᐃᑐᒥᒃ ᐊᑦᑕᓇᕐᑐᒦᑦᑌᓕᖁᓪᓗᒋᑦ ᑲᓇᑕᒥᐅᑦ ᐊᒻᒪᓗ ᐊᑕᐅᑦᓯᑰᖃᑎᒋᓗᒋᑦ ᐃᑲᔪᕐᑎᖏᑦ, ᑲᓇᑕ ᓴᐳᑦᔨᓯᒪᒍᓐᓇᑐᖅ ᓴᐳᒻᒥᕕᒋᓗᒋᑦ ᐊᒻᒪᓗ ᓴᐳᑎᓯᒪᕕᖃᕐᓗᓂ ᑯᑦᓴᓇᑐᐃᓐᓇᕆᐊᓕᓐᓂᒃ ᐊᑭᕋᕐᒥᓄᑦ ᑌᒣᓚᕿᑎᑕᐅᒍᑎᒥᓂᒃ ᑕᕐᕋᒥ.

ᐊᑐᕐᑕᐅᑎᑦᓯᓂᒃᑯᑦ ᑕᕐᕋᒥ ᖃᕙᒪᒍᓯᕐᓂᒃ ᐊᒻᒪᓗ ᑐᖕᖓᕕᖏᓐᓂᒃ ᐱᖁᔦᑦ ᑐᖕᖓᕕᖃᕐᓱᑎᒃ ᓄᓇᕐᔪᐊᒥᐅᑦ ᑎᓕᔭᐅᒪᐅᑎᖓᓂᒃ, ᑖᓐᓇ ᒪᓕᒐᖅ ᓴᐳᒻᒥᒍᓐᓇᕈᑎᐅᓚᖓᕗᖅ ᐊᑕᐅᓯᐅᓕᖓᒍᑎᐅᑦᓱᑎᒃ ᐱᒍᒪᔭᐅᓯᒪᔪᓂᒃ ᐃᓄᓐᓄᑦ ᑕᕐᕋᒥᐅᓄᑦ ᑕᒪᒃᑯᓇᖕᖓᑦ ᓄᐃᑦᓯᑐᐃᓐᓇᕆᐊᓕᓐᓂᑦ ᐱᒍᒪᔭᒥᓂᒃ.

ᑖᓐᓇ ᒪᓕᒐᖅ ᓲᖕᖑᓯᒋᐊᕆᓚᖓᔪᖅ ᐃᓅᖃᑎᖃᕐᓂᑎᓐᓂᒃ ᐱᖁᔭᑎᒍᑦ ᓄᓇᑖᕐᓯᒪᔪᓂᒃ ᑲᓇᑕᐅᓪᓗ ᐊᕕᑦᑐᑕᐅᓯᒪᓂᖏᓐᓂ ᓄᓇᖁᑎᓕᓐᓖᑦ ᑲᕙᒪᖏᓐᓂᒃ, ᑕᕐᕋᒥ ᑕᕐᕋᒥᐅᓪᓗ ᓄᓇᓕᑐᙯᑦ ᑲᕙᒪᖏᑦ ᑎᒥᐅᔪᓪᓗ ᑕᕐᕋᒥᐅᖑᖃᑕᐅᔪᓪᓗ ᓄᓇᓕᑐᖃᐅᒐᑎᒃ.ᓄᐃᑦᓯᒍᓐᓇᓯᒍᑎᐅᓚᖓᔪᖅ ᓄᑖᓂᒃ ᐊᑑᑎᖃᑦᓯᐊᓂᕐᓴᐅᓱᑎᒃ ᐱᐅᓯᕐᓂᒃ ᐱᓇᓱᖃᑎᒌᓐᓂᒧᑦ ᐱᓇᓱᖃᑎᒌᒍᑎᒋᓗᒍ ᑕᕐᕋᒥ ᑲᕙᒪᓕᕆᓂᖅ ᓴᖑᑎᕆᒍᑎᐅᓂᐊᕐᓗᓂ ᑲᓇᑕᐅᑉ ᓵᑦᓯᒋᐊᕈᑎᒋᓯᒪᔭᖏᓐᓂᒃ ᓄᓇᕐᔪᐊᒥᐅᓄᑦ ᐃᓚᐅᓂᐅᒋᐊᓕᒻᒥᒃ.

ᑲᓇᑕᐅᑉ ᑲᕙᒪᓕᕆᒍᓯᖓ ᐱᔭᑦᓴᖃᕐᖁᖅ ᐱᕙᓪᓕᐊᑎᑦᓯᓂᕐᒥᒃ ᓄᑕᐅᓯᓕᕐᓯᒪᓗᓂ ᐃᓅᖃᑎᒌᒍᓯᐅᒋᐊᓕᒻᒥᒃ ᐃᓅᖃᑎᒋᓗᒋᑦ ᐊᓪᓓᑦ, ᐃᓄᑐᐃᓐᓀᑦ, ᐊᓪᓚᖓᔪᐃᓪᓗ, ᐅᓪᓗᒥᐅᔪᖅ ᓄᓇᑖᕈᑎᐅᓯᒪᔪᑦ ᐊᒻᒪᓗ ᓇᒻᒥᓂᖅ ᑲᕙᒪᒍᓐᓇᓂᕐᒧᑦ ᐱᓇᓱᖃᑎᐅᔪᑦ; ᐃᓅᖃᑎᒌᓐᓃᑦ ᑐᖕᖓᕕᖃᕐᓱᑎᒃ ᐃᓕᑕᕆᔭᖃᕐᓱᑎᒃ ᐱᒍᓐᓇᐅᑎᒋᔭᐅᔪᓂᒃ, ᓲᓱᒋᔭᐅᒍᑎᓂᒃ ᐱᓇᓱᖃᑎᖃᕐᓂᐅᒋᐊᓕᑦᑎᒍᓪᓗ.

ᑕᕐᕋᒥ ᑲᓇᑕᐅᑉ ᓯᓚᑖᓅᓕᖓᑦᓱᓂ ᒪᓕᒐᖅ ᓄᐃᑕᐅᓯᒪᕗᖅ ᑕᐅᑐᕐᖂᕈᑕᐅᑦᓱᓂ ᑲᑐᑎᓗᒍ ᐱᓇᓱᖃᑎᒌᓐᓂᒥᒃ ᐊᒻᒪᓗ ᐱᑦᓴᖃᑦᓯᐊᓗᑎᒃ ᐃᓘᓐᓇᖏᑦ ᐃᓄᐃᑦ ᑕᕐᕋᒦᑦᑐᑦ ᑖᒃᑯᐊ ᑐᓂᒪᔪᑦ ᓄᓪᓚᖓᑦᓯᐊᓂᕐᒧᑦ ᑌᒫᑦᓭᓇᓕᑦᓯᐊᓂᕐᒧᓗ. ᑲᑐᑎᓗᒍ,ᑕᒪᓐᓇ ᐊᑑᑎᑎᒍᓐᓇᑕᕗᑦ ᓯᕗᓂᕐᒥ ᐊᒻᒪᓗ ᓱᕐᖁᐃᑐᒥᒃ ᑲᓇᑕ ᓯᕗᓕᕐᑎᐅᖏᓐᓇᖁᓪᓗᒍ ᑕᕐᕋᒥ ᐃᓱᒪᒋᓗᒋᑦ ᑭᖑᕚᖑᓂᐊᕐᑐᑦ.

ᐃᓚᒋᐊᕈᑏᑦ: ᑲᓇᑕᐅᑉ ᒪᓕᒐᖓ ᑲᓇᑕᐅᑉ ᓯᓚᑖᓅᓕᖓᑦᓱᓂ ᐱᕙᓪᓕᐊᑎᑕᐅᓂᖓᑕ ᐃᖏᕐᕋᑎᑕᐅᓂᖓ ᐊᒻᒪᓗ ᑲᓇᑕᐅᑉ ᑕᕐᕋᒧᑦ ᑕᕐᕋᒥᐅᓄᓪᓗ ᒪᓕᒐᖓᑕ ᑐᖕᖓᕕᖓ(ANPF), ᐊᒃᓚᑕᐅᓯᒪᔪᖅ 2019ᒥ

ᑲᓇᑕᐅᑉᒪᓕᒐᖓᑲᓇᑕᐅᑉᓯᓚᑖᓅᓕᖓᑦᓱᓂᐱᕙᓪᓕᐊᑎᑕᐅᓂᖓᑕᐃᖏᕐᕋᑎᑕᐅᓂᖓ

ᐃᓱᒪᒍᑎᒋᓗᒍ ᑐᖕᖓᕕᐅᒋᐊᖕᖓᑐᓂᒃ ᑕᒪᑦᓱᒪ’’ᐱᑕᖃᖕᖏᓚᖅ ᐱᓪᓗᑕ ᐃᓚᐅᖕᖏᑯᑦᑕ,’’ ᑲᓇᑕᐅᑉ ᒪᓕᒐᖓ ᑲᓇᑕᐅᑉ ᓯᓚᑖᓅᓕᖓᑦᓱᓂ ᐱᕙᓪᓕᐊᑎᑕᐅᓂᖓ ᓄᐃᑕᐅᓯᒪᕗᖅ ᑐᖕᖓᕕᖃᕐᓱᓂ ᒪᑯᓂᖓ ᐊᖏᔫᓗᓂ ᐃᑉᐱᓇᓪᓚᕆᓪᓗᓂᓗ ᑐᖕᖓᕕᖓ ᐃᓚᐅᑎᑦᓯᓂᕐᒥᒃ ᐊᒻᒪᓗ ᐱᓇᓱᖃᑎᖃᕐᓂᑯᑦ ᒪᓕᓪᓗᓂ ᐊᖏᕐᕋᓯᒪᔪᑦ ᐱᒍᓐᓇᐅᑎᖏᓐᓂᒃ ᐱᓯᒪᔪᑦ ᑲᓇᑕᐅᑉ ᑕᕐᕋᖓᓂᑦ, ᐃᓚᐅᑦᓱᑎᒃ ᐊᓪᓓᑦ, ᐃᓄᑐᐃᓀᑦ, ᐊᓪᓚᖓᔪᐃᓪᓗ, ᐅᓪᓗᒥᓗ ᓄᓇᑖᕈᑕᐅᓯᒪᔪᑦ ᓇᒻᒥᓂᕐᓗ ᑲᕙᒪᓐᓂᖅᐊᒻᒪᓗ ᐱᓇᓱᖃᑎᖃᕐᓂᖅ ᒪᓕᑦᓯᐊᓂᕐᓗ ᐊᖏᕐᕋᓯᒪᔪᑦ ᐱᒍᓐᓇᐅᑎᖏᓐᓂᒃ ᐱᓯᒪᔪᑦ ᑲᓇᑕᐅᑉ ᑕᕐᕋᖓᓂᑦ,ᐃᓚᐅᑦᓱᑎᒃ ᐊᓪᓓᑦ, ᐃᓄᑐᐃᓀᑦ, ᐊᓪᓚᖓᔪᐃᓪᓗ, ᐅᓪᓗᒥᓗ ᓄᓇᑖᕈᑕᐅᓯᒪᔪᑦ ᓇᒻᒥᓂᕐᓗ ᑲᕙᒪᓐᓂᒧᑦ ᐱᓇᓱᖃᑕᐅᔪᑦ ᑎᒥᐅᔪᓪᓗ;ᐱᖁᔭᑎᒍᑦ ᓄᓇᑖᕐᓯᒪᔪᑦ ᑲᕙᒪᖏᑦ, ᓄᓇᑦᓯᐊᕗᑦ, ᓄᓇᕗᑦ, ᔫᑳᓐᓗ) ᐊᒻᒪᓗ ᑲᓇᑕᐅᑉ ᐊᕕᑦᑐᑕᐅᓯᒪᓂᖏᓐᓂ ᓄᓇᓖᑦ ᑲᕙᒣᑦ (ᒫᓂᑑᐸ, ᓂᐅᕙᐅᓐᓛᓐ ᓛᐸᑐᐊ ᑯᐯᒃᓗ). ᐃᓚᐅᑎᑦᓯᔪᒍᑦ ᐱᓇᓱᖃᑎᑦᑎᓂᒃ ᐊᑦᔨᒌᖕᖏᑐᑎᒍᑦ ᐋᕐᕿᓱᕐᑕᐅᓯᒪᔪᑎᒍᑦ, ᐃᓚᐅᑎᓪᓗᒍ ᒪᕐᕈᐃᓕᖓᔪᒥᒃ ᑲᑎᖕᖓᓂᖃᕐᓂᖅ, ᓄᓇᑖᕐᕕᐅᓯᒪᔪᓂ ᑲᑎᖕᖓᓃᑦ ᐅᖄᖃᑎᒌᒍᑎᖃᕐᓱᑎᒃ ᐊᒻᒪᓗ  ANPF ᑲᕙᒪᓕᕆᒍᓯᖓᑕ ᐱᐅᓯᖏᑎᒍᑦ.

ᑕᕐᕋᒥ ᑲᓇᑕᐅᑉ ᓯᓚᑖᓄᓕᖓᔪᖅ ᒪᓕᒐᖅ ᓯᕗᓕᕐᑕᐅᕗᖅ ᐃᓘᓐᓇᖏᓐᓄᑦ ᓄᓇᑖᕈᑎᐅᖃᑦᑕᓯᒪᔪᓄᑦ ᐱᖁᔭᑎᒍᑦ ᐊᒻᒪᓗ ᓇᒻᒥᓂᖅ ᑲᕙᒪᓐᓂᒧᑦ ᐊᖏᖃᑎᒌᒍᑎᑎᒍᑦ ᐊᖏᖃᑎᒋᓯᒪᑦᓱᒋᑦ ᑕᕐᕋᒥᐅᑦ ᑕᕐᕋᒥᓗ ᓄᓇᓕᑐᙯᑦ ᐱᓇᓱᖃᑕᐅᓂᖏᑎᒍᑦ,ᐃᓚᐅᑎᓪᓗᒍ ᐊᓯᐊᒎᕐᕕᖃᕋᑎᒃ ᑲᓇᑕᐅᑉ ᐊᑑᑎᒋᐊᓕᖏᑦ ᓄᓇᓕᑐᖃᕐᓄᑦ ᐃᓄᓐᓄᑦ ᐊᑐᕐᓗᒋᑦ ᑕᒪᒃᑯᐊ ᓄᓇᑖᕈᑎᐅᓯᒪᔪᑦ ᐱᖁᔭᑎᒍᑦ ᐊᖏᖃᑎᒌᒎᑎᐅᓯᒪᔪᓪᓗ, ᐱᒍᓐᓇᐅᑏᓪᓗ ᐃᓕᑕᕆᔭᐅᔪᑦ ᑌᒣᓪᓚᕆᓐᓂᕋᕐᑕᐅᓱᑎᒃ ᐱᖁᔭᕐᔪᐊᒧᑦ 35ᒧᑦ ᑕᒃᒐᓂ ᐱᖁᔭᓕᐊᖑᓯᒪᔪᒥ 1982ᖑᑎᓪᓗᒍ. ᓯᕗᓕᕐᑕᐅᒋᐊᓪᓚᒥᑦᓱᓂᓗ ᒪᑯᓄᖓ ᔫᑳᓐᒥ ᑕᕐᕋᒥᓗ ᑲᕙᒪᓕᕆᐅᑏᑦ ᐃᖏᕐᕋᑎᑕᐅᒍᑎᖏᓐᓄᑦ ᑭᒃᒐᑐᕐᑕᐅᓂᐅᑉ ᓄᑦᑎᑕᐅᓯᒪᐅᑎᖓᓄᑦ ᐊᖏᖃᑎᒌᒍᑎ (2003ᒥᓂᑕᖅ), ᓄᓇᑦᓯᐊᒥ  ᓄᑦᑎᑕᐅᓯᒪᐅᑎᖓᓄᑦ ᐊᖏᖃᑎᒌᒍᑎ (2014ᒥᓂᑕᖅ) ᐃᓄᑐᐃᓐᓀᑦ ᓄᓇᖓᓐᓅᓕᖓᔪᖅ ᒪᓕᒐᖅ (2022ᒥᓂᑕᖅ) ᐊᒻᒪᓗ ᓄᓇᕗᒻᒥ ᓄᓀᑦ ᐱᑦᓴᑖᕐᕕᐅᒍᓐᓇᑐᑦ ᓄᑦᑎᑕᐅᓯᒪᐅᑎᖓᓄᑦ ᐊᖏᖃᑎᒌᒍᑎ 2024ᒥᓂᑕᖅ).

ᒪᓕᒐᕐᒥᒃ ᐱᖕᖑᐃᕙᓪᓕᐊᓂᐅᑉ ᐃᖏᕐᕋᑎᑕᐅᓂᖓ ᖃᐅᔨᒪᑎᑕᐅᒍᑎᐅᓯᒪᒋᕗᖅ ᒪᑦᓱᒧᖓ ᐃᓚᐅᑎᑦᓯᓱᑎᒃ ᐃᓱᒪᖃᑕᐅᔪᓂᒃ ᓄᓇᖁᑎᖃᕐᒥᓱᑎᒃ ᑕᕐᕋᒥ; ᐱᓗᐊᕐᑐᒥᒃ, ᐊᑕᓂᐅᕕᖓ ᑎᓐ ᒫᒃ, ᕕᓐᓚᓐ, ᐁᔅ ᓚᓐ,ᓄᐊᕗᐃ, ᓱᕗᐃᑕᓐ, ᐊᒥᕆᑲᓗ.

ᑲᓇᑕᐅᑉ ANPFᖓ

ᑲᓇᑕᐅᑉ ᐱᖁᔭᖁᑎᖓ ᖃᑕᑲᐅᑉ ᓯᓚᑖᓅᓕᖓᔪᓄᑦ ᖃᐅᔨᕙᓪᓚᒍᑎᖃᕐᖁᖅ ᓴᐳᒻᒥᓱᓂᓗ ᐊᑐᓕᕐᑎᑕᐅᒍᑎᖓᓂᒃ ANPF, ᓄᐃᑕᐅᓯᒪᔪᖅ 2019ᒥ.ᑖᓐᓇ ANPF ᐊᒥᓱᐃᓄᑦ ᓄᐃᑕᐅᓯᒪᕗᖅ ᐅᖓᑖᓄᑦ 25 ᐊᓪᓓᑦ ᓇᓗᓀᒃᑯᑕᖏᑎᒍᑦ, ᐃᓄᑐᐃᓐᓇᓄᑦ ᐊᒃᓚᖓᔪᐃᓪᓗ ᑲᕙᒪᖏᓐᓄᑦ ᑎᒥᖁᑎᖏᓐᓄᓗ, ᐃᓚᐅᒻᒥᑎᓪᓗᒋᑦ ᐱᖁᔭᑎᒍᑦ ᓄᓇᑖᕐᓯᒪᔪᑦ ᑲᓇᑕᐅᓪᓗ ᐊᕕᑦᑐᑕᐅᓯᒪᓂᖏᓐᓂ ᓄᓇᖁᑎᓖᑦ ᑲᕙᒪᖏᑦ.

ᑖᓐᓇ ANPF ᓄᐃᑦᓯᓯᒪᕗᖅ ᐊᑦᔨᒌᐸᓱᓐᓂᒃ ᑕᐅᑐᕐᖂᑕᖃᕐᓱᑎᒃ ᓯᕗᓂᕐᒨᓕᖓᔪᓂᒃ ᑖᒃᑯᐊ ᑕᕐᕋᒥᐅᑦ ᐃᓄᐃᑦ ᑲᔪᓯᖁᓪᓗᒋᑦ ᓲᖑᔫᓗᑎᒃ ᐊᑦᑕᓇᕐᑐᒦᖕᖏᑑᓗᑎᓪᓗ. ᑐᖕᖓᕕᓕᐊᖑᓯᒪᔪᖅ ᐃᓚᖃᕐᖁᖅ ᑲᑐᑎᔭᐅᑦᓱᑎᒃ ᐱᖕᖑᑕᐅᔪᕕᓂᕐᓂᒃ ᐅᖃᒻᒪᕆᐅᑕᐅᓯᒪᓂᖏᑎᒍᑦ ᐊᒻᒪᓗ ᐃᓘᓐᓈᒍᑦ ᐊᒃᓚᑕᐅᓯᒪᐅᑎᖏᑦ ᑲᕙᒪᒧᑦ ᓄᓇᕐᔪᐊᓕᒫᒥ, ᐅᖃᕐᓯᒪᔪᕐᑕᖃᕐᓱᓂ ᑲᓇᑕᐅᑉ ᐱᒐᓱᐊᕐᑕᖏᓐᓂᒃ ᐱᑦᔪᑎᖏᓐᓂᓗ ᐅᑭᐅᕐᑕᑐᒧᑦ ᑕᕐᕋᒨᓕᖓᑦᓱᑎᒃ ᐱᖓᓱᐃᑎᒍᑦ ᓱᓕ ᑲᔪᓯᔪᒥᒃ ᐊᑐᕐᓂᖃᕐᓱᑎᒃ:

1. ᓲᖕᖑᓯᒋᐊᕆᓂᖅ ᒪᓕᒐᕐᓂᒃ ᑐᖕᖓᕕᖃᕐᓱᑎᒃ ᓄᓇᕐᔪᐊᒥᐅᑦ ᑎᓕᔭᐅᒪᐅᑎᖏᓐᓂᒃ ᑕᕐᕋᒨᓕᖓᔪᓂᒃ
2. ᑐᑭᓯᓇᑦᓯᐊᓂᕐᓴᐅᑎᓗᒍ ᓇᓗᓀᕐᓗᒋᑦ ᑕᕐᕋᒥ ᓄᓇᑖᖑᓯᒪᔪᑦ ᐃᓱᓕᑦᑕᕕᖏᑦ
3. ᓯᐊᒻᒪᑎᑦᓯᒋᐊᕐᓂᖅ ᑲᓇᑕᐅᑉ ᓄᓇᕐᔪᐊᒥᐅᓄᑦ ᐃᓚᐅᓂᖓᓂᒃ ᐃᑲᔪᕐᓯᒍᑎᒋᓗᒍ ᓯᕗᓪᓕᐸᐅᑎᒍᒪᔭᖏᓐᓂᒃ ᑲᓇᑕᒥᐅᑦ ᑕᕐᕋᒥᐅᖑᑦᓱᑎᒃ

ᐊᑐᓕᕐᑎᑕᐅᓯᒪᓂᖓ ᓄᓇᕐᔪᐊᒥᐅᑦ ᐊᕕᑦᑐᓯᒪᓂᕐᑎᒍᑦ ᐊᐅᓚᑦᔭᕈᑎᒋᓯᒪᔭᖓ ᓴᐳᒻᒥᔭᐅᕗᖅ ᐅᑯᓄᖓ ᓄᓇᕐᔪᐊᒥ ᐱᓂᐊᕐᓂᓕᕆᔭᐅᒍᑎᑎᒍᑦ ᑲᓇᑕᐅᑉ ᓄᓇᕐᔪᐊᒨᓕᖓᔪᖅ ᑕᕐᕋᒥ ᓯᕗᓕᕐᕕᖓᑕ ᐱᑦᔪᑎᖏᑎᒍᑦ ᐊᕐᕌᒍᑕᒫᑦ ᑮᓇᐅᔦᑦ ᑐᕌᒐᖏᑦ $7ᒥᓕᐊᓐ ᐊᕐᕌᒍᑕᒫᑦ ᐊᑐᓂ ᓲᖕᖑᓯᒋᐊᕆᒍᑕᐅᑦᓱᑎᒃ ᑲᓇᑕᐅᑉ ᓯᕗᓕᕐᓂᖓᓂ ᓄᓇᕐᔪᐊᒥᐅᓂᒃ ᑕᕐᕋᖅ ᐱᓪᓗᒍ.

ᑕᒪᑦᓱᒪ  ANPF ᐊᑦᑕᓇᕐᑐᒦᑦᑌᓕᓂᕐᒧᑦ, ᐃᓱᒫᓗᓐᓇᑐᒦᑦᑌᓕᓂᕐᒧᓗ ᐊᒻᒪᓗ ᐃᑖᒐᐅᑦᑌᓕᓂᕐᒧᑦ ᐊᓪᓗᕆᐊᕈᑎᖓ ᓄᐃᑕᑎᑦᓯᕗᖅ ᐱᒻᒪᕆᐅᓂᖏᓐᓂᒃ ᓲᖕᖑᓯᒋᐊᕆᓂᕐᒧᑦ ᐱᓇᓱᖃᑎᒌᓐᓂᐅᒋᐊᓕᒻᒥᒃ ᐃᓚᒋᓗᒋᑦ ᓄᓇᕐᔪᐊᒥᐅᑦ ᐱᓇᓱᖃᑕᐅᔪᑦ ᐱᓪᓗᒍ ᐊᑦᑕᓇᕐᑐᒦᑦᑌᓕᓂᖅ, ᐃᓱᒫᓗᓐᓇᑐᒦᑦᑌᓕᓂᕐᓗ ᐊᒻᒪᓗ ᐃᑖᒐᐅᑦᑌᓕᓂᕐᒧᑦ ᐱᑦᔪᑎᐅᔪᑦ.

ᑲᓇᑕ ᑲᔪᓯᔪᖅ ᑐᓂᒪᒍᑎᖃᕐᓱᓂ ᓲᖕᖑᓯᐅᒥᑎᑦᓯᓂᕐᒧᑦ ᑕᕐᕋᒥᒃ ᑕᕐᕋᒥᓗ ᐱᐅᒃᑯᑎᒻᒪᕆᓐᓂᒃ ᐊᒻᒪᓗ ᐱᐅᒃᑯᑎᒻᒪᕆᖃᕆᐊᖃᕐᓂᐅᑉ ᑎᑭᐅᑎᓯᒪᖕᖏᒍᑎᖏᓐᓂᒃ ᐊᓯᖏᑦ ᓄᓇᖃᖃᑕᐅᒻᒥᔪᑦ ᑲᓇᑕᒥ ᐃᓚᒋᑦᓱᒋᑦ ᐊᔭᐅᕆᒍᑎᒋᑦᓱᒋᑦ ᐱᕕᑦᓴᐅᒍᓐᓇᑐᓂᒃ ᑮᓇᐅᔭᓕᐅᕋᓱᐊᕐᓂᐅᑉ ᐱᕙᓪᓕᐊᔭᐅᒍᑎᒋᒋᐊᓕᖏᓐᓂᒃ, ᑲᒪᒍᑎᒋᑦᓱᒍ ᐱᑑᑎᑦᓯᐊᕆᐊᕆᐊᖃᕐᓂᒥᒃ, ᐊᑐᓕᕐᑎᓯᓂᕐᒧᑦ ᓴᐱᓕᔪᐃᑦᑑᓂᕐᒥᒃ ᐃᑲᔪᕐᓯᒍᑎᒋᑦᓱᒍᓗ ᑕᕐᕋᒥ ᐃᑖᒐᐅᑦᑌᓕᓂᕐᒥᒃ ᐊᑦᑕᓇᕐᑐᒦᑦᑌᓕᓂᕐᒥᓗ.